Tag: US-Cuba

သြဂုတ် ၁၅၊ ၂၀၁၅
M-Media

– ကျူးဘားနိုင်ငံ မြို့တော် ဟာဗားနားရှိ အမေရိကန်သံရုံးတွင် အလံတင်အခမ်းအနား ပြုလုပ်ခဲ့ပြီးနောက် နှစ်နိုင်ငံ နိုင်ငံခြားရေးဝန်ကြီးများမှာ အပြန်အလှန် ထေ့ငေါ့ပြောဆိုခဲ့ကြသည်ဟု သိရသည်။

အဆိုပါ အလံတင်ပွဲအခမ်းနားကို အမေရိကန်နိုင်ငံခြားရေးဝန်ကြီး ဂျွန်ကယ်ရီက ဦးဆောင်ခဲ့ပြီး နှစ်ပေါင်း ၇၀ အတွင်း ကျူးဘားသို့ ရောက်ရှိလာသည့် ပထမဆုံး အမေရိကန် ထိပ်တန်း သံတမန်တစ်ဦးလည်း ဖြစ်ခဲ့သည်။

ကျူးဘားတွင် ကွန်မြူနီပါတီသာ တရားဝင်နိုင်ငံရေးပါတီဖြစ်ပြီး၊ မီဒီယာများကိုလည်း ထိန်းချုပ်ထားကာ၊ နိုင်ငံရေး သဘောထားကွဲလွဲသူများကိုလည်း ဖိနှိပ်ချုပ်ချယ်ထားသည်။ ဂျွန်ကယ်ရီကမူ ကျူးဘားမှာ မိမိတို့၏ ခေါင်းဆောင်ကို လွတ်လပ်စွာ ရွေးချယ်နိုင်သော စစ်မှန်သည့် ဒီမိုကရေစီဖြင့် ပြည်သူများအား အကောင်းဆုံး အလုပ်အကျွေးပြုသည့် နိုင်ငံဖြစ်လာမည်ဟု မိမိတို့အမေရိကန်အနေဖြင့် ဆက်လက်ယုံကြည်သည်ဟု ဆိုသည်။

“ကုလနဲ့ နိုင်ငံတကာ-အမေရိကန် လူ့အခွင့်အရေး သဘောတူညီချက်တွေအောက်က တာဝန်ဝတ္တရားတွေကို ကျူးဘားအစိုးရက ဖြည့်ဆည်းပေးဖို့ ကျွန်တော်တို့ ဆက်လက် တိုက်တွန်းသွားမှာပါ။ ပြီးတော့ အမေရိကန်ပြည်ထောင်စုနဲ့ အမေရိကတိုက်အတွင်းမှာရှိတဲ့ အခြားနိုင်ငံတိုင်းက မျှဝေတဲ့ တာဝန်ဝတ္တရားတွေလဲ ပါတာပေါ့” ဟု ဂျွန်ကယ်ရီက ပြောကြားခဲ့သည်။

ဂျွန်ကယ်ရီနှင့် ကျူးဘားနိုင်ငံခြားရေးဝန်ကြီး ဘရူနို ရော်ဒရီဂက်စ်တို့ ပူးပေါင်းပြုလုပ်သော သတင်းစာရှင်းလင်းပွဲတွင် ရော်ဒရီဂက်စ်က ၎င်းတို့အစိုးရကို ကာကွယ်ခဲ့ပြီး လူမျိုးရေး ပြဿနာများနှင့် ရဲတပ်ဖွဲ့၏ ရက်စက်မှုများကို ရည်ညွန်းကာ အမရိကန်၏ လူ့အခွင့်အရေး မှတ်တမ်းများကို ဝေဖန်ခဲ့သည်။

“ကျူးဘားဟာ လူမျိုးရေးခွဲခြားဆက်ဆံမှု လုပ်ရပ်မျိုး ဒါမှမဟုတ် လူတွေသေရတဲ့အထိ ရဲတပ်ဖွဲ့က ရက်စက်မှုမျိုးရှိတဲ့ နေရာ မဟုတ်ပါဘူး။ ပြီးတော့ လူတွေကို နှိပ်စက်ပြီး ဥပဒေအရ သေချာမှုမရှိဘဲနဲ့ ထိန်းသိမ်းထားတဲ့ ပိုင်နက်မျိုးလည်း ကျူးဘားရဲ့ တရားစီရင်ရေးအောက်မှာ မရှိပါဘူး” ဟု ရော်ဒရီဂက်စ်က ပြောကြားခဲ့သည်။

ထို့ပြင် ဂွာတာနာမို ပင်လယ်အော်ရှိ အမေရိကန်ရေတပ်စခန်းကို ပြန်ဆုတ်ပေးရန် ကျူးဘား၏သဘောထားကို ရော်ဒရီဂက်စ်က ထပ်မံပြောကြားခဲ့ပြီး ဂျွန်ကယ်ရီကမူ ထိုပြဿနာမှာ မဆွေးနွေးရသေးဟု ဖြေကြားခဲ့သည်။

နှစ်နိုင်ငံ သံတမန်ဆက်ဆံရေး ပုံမှန်ပြန်ဖြစ်ရန်အတွက် ဆွေးနွေးမှုများ ပြုလုပ်ရန် သံအဖွဲ့များကို လာမည့်စက်တင်ဘာတွင် တွေ့ဆုံစေမည်ဟု ၎င်းတို့နှစ်ဦစလုံးက ပြောကြားခဲ့သည်။ ၁၉၅၉ ခုနှစ် ကျူးဘားတော်လှန်ရေးပြီးနောက်ပိုင်း ကျူးဘားနှင့် အမေရိကန်တို့၏ သံတမန်ဆက်ဆံရေးမှာ ဆိုးရွားလာခဲ့ခြင်းဖြစ်သည်။

Ref: Aljazeera

ဇူလိုင် ၂၁၊ ၂၀၁၅
M-Media

– ရာစုနှစ်တစ်ဝက်ကြာ သံတမန်အဆက်အသွယ် ဖြတ်တောက်ထားခဲ့သည့် ကျူးဘားနှင့် အမေရိကန်နိုင်ငံတို့မှာ ယမန်နေ့က တရားဝင်သံတမန်ဆက်ဆံရေးကို ပြန်လည်စတင်ခဲ့သည်ဟု သိရသည်။

အမေရိကန်ပြည်ထောင်စု ၀ါရှင်တန်တွင် ကျူးဘားသံရုံးဖွင့်ပွဲကို ယမန်နေ့က ကျင်းပခဲ့ပြီး အခမ်းအနားသို့ တက်ရောက်လာကြသူများကလည်း ချီးကျူးသြဘာ ပေးခဲ့ကြသည်။ နာရီအနည်းငယ် ကြာပြီးနောက် အမေရိကန်အစိုးရရုံးတွင် ကျူးဘားအလံကို လွှင့်တင်ခဲ့သည်။

ကျူးဘားနိုင်ငံခြားရေးဝန်ကြီး ဘရူနို ရော်ဒရီ ဂက်ဇ်ကမူ သံရုံး အလံတင်ပွဲအခမ်းအနားကို ကြီးကြပ်ခဲ့ပြီး ယမန်နေ့ည သန်းခေါင်ယံအချိန်တွင် အမေရိကန်နှင့် ကျူးဘားတို့၏ သံတမန်ဆက်သွယ်ရေးကို သဘောတူညီချက်အတိုင်း ပြန်လည် စတင်ခဲ့သည်။

အမေရိကန်နှင့် ကျူးဘားတို့ သံတမန်ဆက်သွယ်ရေး ပြန်လည်စတင်သည့် အခမ်းအနားသို့ ကာရစ်ဘီယံနိုင်ငံများက သံတမန်ကိုယ်စားလှယ်များ၊ ယဉ်ကျေးမှုဆိုင်ရာနှင့် အခြားသောခေါင်းဆောင် ၃၀ ခန့်အပါဝင် စုစုပေါင်း ဧည့်သည် ၅၀၀ ခန့် တက်ရောက်ခဲ့ကြသည်။

အမေရိကန်နိုင်ငံခြားရေးဝန်ကြီး ဂျွန်ကယ်ရီကမူ အမေရိကန်အနေဖြင့် ကျူးဘားနှင့် အိမ်နီးချင်းကောင်းအဖြစ် နေထိုင်သွားရန် ရည်ရွယ်ထားသည်ဟု ပြောကြားခဲ့သည်။ သို့သော်လည်း ပြည့်ဝသည့် သံတမန်ဆက်ဆံရေးအတွက် လမ်းကြောင်းမှာ ရှည်ကြာပြီး ရှုပ်ထွေးမည်ဟု သတိပေးခဲ့သည်။

ကယ်ရီမှာ ကျူးဘားနိုင်ငံ ဟာဗားနားမြို့ရှိ အမေရိကန်သံရုံး အလံတင်အခမ်းအနားသို့ တက်ရောက်ရန် သြဂုတ်လ ၁၄ ရက်နေ့တွင် ကျူးဘားသို့ သွားရောက်မည်ဖြစ်သည်။

Ref: Aljazeera

ဧပြီ ၁၂၊ ၂၀၁၅
M-Media

– ရာစုနှစ် တစ်ဝက်ကျော်အတွင်း ကျူးဘားခေါင်းဆောင်နှင့် ပထမဆုံး တွေ့ဆုံခဲ့ပြီးနောက် အမေရိကန်သမ္မတ ဘာရက်အိုဘားမားက အမေရိကန်-ကျူးဘားဆက်ဆံရေးတွင် အလှည့်အပြောင်းတစ်ခု ဖြစ်လာပြီဟု ကြေညာလိုက်သည်။

ယမန်နေ့က ကျူးဘားသမ္မတ ရာအူးလ်ကက်စထရိုနှင့် တွေ့ဆုံခဲ့ပြီးနောက် ပြုလုပ်သည့် သတင်းစာရှင်းလင်းပွဲတွင် အိုဘားမားက ထိုကဲ့သို့ ပြောကြားခဲ့ခြင်းဖြစ်ပြီး မိမိတို့၏ ဆွေးနွေးမှုမှာ ပွင့်လင်းကာ အကျိုးရှိခဲ့ကြောင်း ကျူးဘားနှင့် အမေရိကန် ၂ နိုင်ငံစလုံးမှ ပြည်သူအများစုကလည်း နှစ်နိုင်ငံ နွေးထွေးသောဆက်ဆံရေးအတွက် ခိုင်ခိုင်မာမာ ထောက်ခံသွားမည်ဖြစ်ကြောင်း အိုဘားမားက ထည့်သွင်း ပြောကြားခဲ့သည်။

“စေ့စပ်ညှိနှိုင်းဖို့၊ ကုန်သွယ်မှုတွေ၊ ခရီးသွားလာမှုတွေ ပြန်ဖွင့်ဖို့၊ ပြည်သူတွေအချင်းချင်း ကူးလူးဆက်ဆံဖို့ ကျွန်တော်တို့ရဲ့ စွမ်းဆောင်မှုဟာ ကျူးဘားပြည်သူတွေအတွက် လုံးဝ ကောင်းသွားလိမ့်မယ်လို့ ကျွန်တော်ထင်ပါတယ်။ ပြည်သူတွေအတွက် ကျွန်တော်ပေးချင်တဲ့ စကားလက်ဆောင်ကတော့ စစ်အေးခေတ် ပြီးဆုံးသွားပြီ ဆိုတာပါပဲ”

မိမိတို့နှစ်နိုင်ငံ၏ ဆက်ဆံရေး တိုးတက်လာမှုမှာ လူ့အခွင့်အရေးကဲ့သို့ အထိမခံသည့် ပြဿနာများနှင့်ပတ်သက်၍ နှစ်နိုင်ငံအကြား အမြင်ကွဲလွဲမှု မရှိတော့ဟု မဆိုလိုကြောင်း အိုဘားမားက ထပ်လောင်းပြောကြားခဲ့သည်။

စောစောပိုင်းတွင် ကက်စထရိုက မိမိမှာ ထိုပြဿနာများကို ဆွေးနွေးရန် အဆင်သင့်ရှိနေသည်ဟု အိုဘားမားအား ပြောကြားခဲ့သည်။

“အရာရာတိုင်းဟာ စားပွဲပေါ်မှာပဲ ဖြစ်နိုင်မှာပါ” ဟု ကက်စထရိုကဆိုပြီး မိမိတို့နှစ်နိုင်ငံမှာ အချို့သော ကိစ္စရပ်များနှင့်ပတ်သက် သဘောထားကွဲလွဲမှုများ ရှိနေသည်ကို သဘောတူထားသည်ဟု ပြောကြားခဲ့သည်။

“အားလုံးကို ဆွေးနွေးဖို့ ကျွန်တော်တို့ ဆန္ဒရှိပါတယ်။ ဒါပေမယ့် ကျွန်တော်တို့ စိတ်ရှည်သည်းခံဖို့တော့ လိုပါတယ်”

Ref: Aljazeera

ဒီဇင်ဘာ ၁၉၊ ၂၀၁၄
M-Media

– နှစ်ပေါင်း ၅၀ ကျော်ကြာ သံတမန် အဆက်အသွယ် မရှိခဲ့သည့် လက်တင်အမေရိကမှ ကွန်မြူနစ်နိုင်ငံ ဖြစ်သည့် ကျူးဘားနှင့် အမေရိကန်တို့ ပြန်လည် ဆက်သွယ်တော့မည်ဟု သိရသည်။

၎င်းတို့ နှစ်နိုင်ငံမှာ ပြီးခဲ့သည့် ရက်ပိုင်းအတွင်းကပင် နှစ်ဖက်အကျဉ်းသားများ  ယမန်နေ့ကလည်း အမေရိကန်သမ္မတ ဘာရက်အိုဘားမားနှင့် ကျူးဘားသမ္မတ ရာအူလ်း ကက်စထရိုတို့မှာ ၎င်းတို့၏ ပြည်သူများအား တစ်ချိန်တည်း မိန့်ခွန်းပြောကြားခဲ့သည်။

အိုဘားမားကမူ မိမိတို့မှာ ကျူးဘားပြည်သူများနှင့် ဆက်ဆံရေးကို ယနေ့မှစ၍ ပြောင်းလဲသွားမည်ဖြစ်ကြောင်း၊ မိမိတို့နှစ်နိုင်ငံအကြား ပုံမှန်ဆက်ဆံရေးကို ထူထောင် သွားမည်ဖြစ်ပြီး၊ ယခုကဲ့သို့ ပြောင်းလဲမှုမှတစ်ဆင့် အမေရိကန်နှင့် ကျူးဘားပြည်သူများအတွက် အခွင့်အလမ်းအသစ်များ ဖန်တီးပေးရန်နှင့်  ကဏ္ဍအသစ် ဖွင့်လှစ်ပေးရန် မိမိတို့ရည်ရွယ်ပါကြောင်း ထည့်သွင်းပြောကြားခဲ့သည်။

ကက်စထရိုနှင့် အိုဘားမားတို့မှာ အင်္ဂါနေ့ကလည်း နှစ်ဦးသား ၄၅ မိနစ်ကျော်ကြာ တယ်လီဖုန်းဖြင့် ဆွေးနွေးခဲ့ကြပြီး ရာစုနှစ်ဝက်ကျော်အတွင်း သမ္မတအဆင့် ပထမဆုံး စကားပြောဆိုမှုလည်းဖြစ်ခဲ့သည်။

အကျဉ်းသားလဲလှယ်မှုတွင် ကျူးဘားမှာ ၅ နှစ်ကျော်ကြာ အကျဉ်းချထားခံရသည့် USAID ကန်ထရိုက်တာ တစ်ဦးနှင့် အရေးပါသည့် အမေရိကန်ထောက်လှမ်း တစ်ဦးတို့ကို ပြန်လွှတ်ပေးခဲ့ပြီး အမေရိကန်ကမူ ၁၀နှစ်ကျော် အကျဉ်းချထားခဲ့သည့် ကျူးဘား ထောက်လှမ်းရေး ၃ ဦးကို ပြန်လွှတ်ပေးခဲ့သည်။

ကျူးဘားနှင့် အမေရိကန်တို့ ထိုကဲ့သို့ သံတမန်ဆက်ဆံမှု ခြေလှမ်းအတွက် လက်တင်အမေရိကနှင့် ဥရောပနိုင်ငံများကလည်း ချီးကျူးခဲ့သည်။