News @ M-Media

Tag: US drone

  • အမေရိကန်၏ ဒရုန်းစစ်ဆင်ရေးတွင် ပစ်မှတ်ထားသူများထက် အရပ်သားများသာ ပိုမိုသေဆုံးခဲ့

    အမေရိကန်၏ ဒရုန်းစစ်ဆင်ရေးတွင် ပစ်မှတ်ထားသူများထက် အရပ်သားများသာ ပိုမိုသေဆုံးခဲ့

    အောက်တိုဘာ ၁၆၊ ၂၀၁၅
    M-Media

    drone

    – အမေရိကန် စစ်ဘက်ဆိုင်ရာ လုပ်ကြံမှုအစီအစဉ်၏ လျှို့ဝှက်မှတ်တမ်းများအရ အာဖဂန်၊ ဆိုမာလီယာနှင့် ယီမင်နိုင်ငံတို့တွင် ပြုလုပ်ခဲ့သည့် ဒရုန်းဖြင့်တိုက်ခိုက်မှုများတွင် သေဆုံးသူအများစုမှာ ပစ်မှတ်ထားသည့် အကြမ်းဖက်သမားများ မဟုတ်ဘဲ အရပ်သားများဖြစ်နေသည်ကို တွေ့ရှိခဲ့ရသည်ဟု သိရသည်။

    ထိုလျှို့ဝှက်မှတ်တမ်းများကို အွန်လိုင်း ၀ဘ်ဆိုက်တစ်ခုဖြစ်သော The Intercept တွင် ယမန်နေ့က The Drone Papers ဟုခေါ်သည့် စာတမ်းဖြင့် စုံစမ်းစစ်ဆေးမှု အပိုင်း ၈ ပိုင်းခွဲ၍ ဖော်ပြခဲ့ခြင်းဖြစ်သည်။ သို့သော်လည်း ထိုလျှို့ဝှက်ချက်များအား မည်သူက ပေးအပ်သည်ဆိုသည်ကို ဖော်ပြထားခြင်းမရှိချေ။

    အထောက်အထားများအရ ၅ လကြာမြင့်သည့် အချိန်အတိုင်းအတာ တစ်ခုအတွင်း အဆိုပါ နိုင်ငံ ၃ နိုင်ငံတွင် အမေရိကန်၏ ဒရုန်းလေယာဉ်ဖြင့် တိုက်ခိုက်မှုမှ သေဆုံးသူ ၉၀ ရာခိုင်နှုန်းမှာ ရည်ရွယ်ထားသည့် ပစ်မှတ်များ မဟုတ်သည်ကို တွေ့ခဲ့ရသည်။

    နောက်ဆုံးတွင် အမေရိကန်သမ္မတက လက်မှတ်ရေးထိုးပေးရသည့် ဒရုန်းဖြင့်တိုက်ခိုက်မှု လုပ်ငန်းစဉ် အသေးစိတ်ကိုလည်း ထို လျှို့ဝှက်မှတ်တမ်းများတွင် ဖော်ပြထားသည်။

    “ကာကွယ်ရေးဦးစီးချုပ်စဖြစ်လာတဲ့ နေ့ကစပြီး ဒရုန်းလေယာဉ်တွေဟာ အိုဘားမား အဓိကရွေးချယ်တဲ့လက်နက် ဖြစ်လာခဲ့ပြီး တရားစွဲဆိုတာမျိုး ဒါမှမဟုတ် ကြားနာစစ်ဆေးတာမျိုးမလုပ်ဘဲ သတ်ဖြတ်သုတ်သင်ဖို့ ထိုက်တန်တယ်လို့ သူ့အစိုးရက ယူဆတဲ့သူတွေကို စစ်တပ်နဲ့ စီအိုင်အေတို့က ရှာဖွေ သုတ်သင်ခဲ့ပါတယ်” ဟု The Intercept မှ ဂျယ်ရီမီ စကာဟီလ်က ရေးသားထားသည်။

    ပင်တဂွန် ထောက်လှမ်းရေး၊ စောင့်ကြည့်နေရးနှင့် ကင်းထောက်ဌာနမှ ၂၀၁၃ ခုနှစ်တွင် ဖြန့်ဝေခဲ့သည့် စာရွက်စာတမ်းတစ်ခုတွင် အမေရိကန်မှာ ခိုင်မာသည့် အထောက်အထားများမရှိဘဲ ဒရုန်းဖြင့်တိုက်ခိုက်မှုကို မကြာခဏ ပြုလုပ်လေ့ရှိသည်ဟု မှတ်ချက်ပြုခဲ့သည်။

    ပေါက်ကြားလာသည့် ထိုလျှို့ဝှက်မှတ်တမ်းများကို အမျိုးသားလုံခြုံရေးအေဂျင်စီ၏ လျှို့ဝှက်ထောက်လှမ်းရေး လုပ်ငန်းများအား ဖော်ထုတ်ခဲ့သည့် ၀န်ထမ်းဟောင်း အက်ဒ၀ပ်စနိုးဒင်က ပေးခဲ့ခြင်းမဟုတ်ပေ။

    The Intercept က ဖော်ပြမှုများနှင့်ပတ်သက်၍ အိမ်ဖြူတော်အား မေးမြန်းရာတွင် ပြောရေးဆိုခွင့်ရှိသူ ဂျို့ရ်ှအားန်နက်စ်က အကြမ်းဖက်တိုက်ဖျက်မှု စစ်ဆင်ရေးများနှင့်ပတ်သက်၍ သမ္မတအိုဘားမားမှာ တတ်နိုင်သမျှ ထင်သာမြင်သာရှိအောင် ချပြထားပြီးပြီဟု ပြန်လည် ဖြေကြားခဲ့သည်။

    “အဖြစ်မှန်ကိုပြောရရင် အဲဒီ အကြမ်းဖက်တိုက်ဖျက်မှု စစ်ဆင်ရေးတွေဟာ အရပ်သားတွေ ထိခိုက်ဒဏ်ရာရမှု မဖြစ်ဖို့ တော်တော်လး ဆောင်ရွက်ထားပါတယ်။ အဲဒီလို စစ်ဆင်ရေးတွေမှာ အရပ်သားတွေ ထိခိုက်မှုကို တားဆီးဖို့ တွက်ချက်ဆောင်ရွက်ရာမှာ တစ်ခြားသောအစိုးရတွေထက် အမေရိကန်က ပိုပါတယ်” အားန်နက်စ်က ထည့်သွင်းပြောကြားခဲ့သည်။

    Ref: Aljazeera

  • အပြစ်မဲ့သူများကို သတ်ဖြတ်မှုဖြင့် သမ္မတ အိုဘားမားကို ယီမင် မိသားစု တရားစွဲ

    အပြစ်မဲ့သူများကို သတ်ဖြတ်မှုဖြင့် သမ္မတ အိုဘားမားကို ယီမင် မိသားစု တရားစွဲ

    ဇွန် ၉၊ ၂၀၁၅
    M-Media

    obama

    – ၂၀၁၂ ခုနှစ်က အမေရိကန်၏ ဒရုန်းလေယာဉ်ဖြင့် တိုက်ခိုက်မှုအတွင်း သေဆုံးသွားခဲ့သော အပြစ်မဲ့ ယီမင်နိုင်ငံသား ၂ ဦး၏ မိသားစုဝင်များက သမ္မတအိုဘားမားအား တရားစွဲဆိုလိုက်သည်ဟု သိရသည်

    သေဆုံးသွားသူများမှာ ဆလီမ်း ဘင် အလီ ဂျဘာရ်နှင့် ၀ါလီဒ် ဘင် အလီ ဂျဘာရ်တို့ဖြစ်ကြပြီး စစ်ပွဲစည်းကမ်းများနှင့် နိုင်ငံတကာဥပဒေ စံသတ်မှတ်ချက်များကို ချိုးဖောက်သော ၂၀၁၂ ခုနှစ် သြဂုတ်လက ထိုအဖြစ်အပျက်အတွက် အိုဘားမားအစိုးရအား မှားယွင်းသတ်ဖြတ်မှုဖြင့် တရားစွဲဆိုခဲ့ခြင်း ဖြစ်သည်။

    ကိုလံဘီယာခရိုင် တရားရုံးကို အင်္ဂါနေ့က တင်သွင်းခဲ့သော ၄၁ မျက်နှာရှိသည့် တိုင်ကြားမှုအတွင်း အဆိုပါ တိုက်ခိုက်မှုမှာ ဒရုန်းစစ်ပွဲ၏ ကျရှုံးမှုကို လေ့လာ၍ရသော ကိစ္စတစ်ခုဖြစ်သည်ဟု ဖော်ပြထားကာ သေဆုံးသွားသူ ၂ ဦးမှာ အမေရိကန်ပြည်ထောင်စုတွင် ဥပဒေများကို ကိုင်တွယ်ကျင့်သုံးနေသော အမေရိကန်တာဝန်ရှိသူ၏ မှားယွင်းသတ်ဖြတ်ခြင်းကို ခံခဲ့ရသည်ဟုလည်း ရေးသားထားသည်။

    အသက် ၄၃ နှစ်အရွယ် ဆလီးမ်မှာ ဗလီဝတ်ကျောင်းတော်မှ ရှေ့ဆောင်အီမာမ်ဖြစ်ပြီး အလ်ကိုင်းဒါးနှင့် အခြားသော အကြမ်းဖက်အဖွဲ့အစည်းများအား ထောက်ခံခြင်းမပြုရန် ပြည်သူများကို တရားဒေသနာများ ဟောကြားနေသူဖြစ်သည်။ ၀မ်းကွဲညီဖြစ်သည့် အသက် ၂၆ နှစ်အရွယ် ၀ါလီဒ်ကမူ ဒေသတွင်း ယဉ်ထိန်းရဲအဖြစ် တာဝန်ထမ်းဆောင်နေသူဖြစ်သည်။

    ၎င်းတို့ နှစ်ဦးမှာ မည်သူမည်ဝါမှန်းမသိသော လူ ၃ ဦးကို ပစ်မှတ်ထားသည့် ဒရုန်းဖြင့်တိုက်ခိုက်မှုတွင် သေဆုံးခဲ့ခြင်းဖြစ်သည်။ တိုက်ခိုက်မှုဖြစ်ပွားချိန်တွင် အဆိုပါ လူ ၃ ဦးနှင့်အတူ ဆလီးမ်နှင့် ၀ါလီဒ်တို့မှာ စကားပြောနေပြီး တိုက်ခိုက်မှုအတွင်း စုစုပေါင်း လူ ၅ ဦး သေဆုံးခဲ့သည်။

    တိုက်ခိုက်မှု ပြုလုပ်ခဲ့ပြီးနောက် နာရီအနည်းငယ်အကြာတွင် အစိုးရတာဝန်ရှိသူများက ၎င်းတို့မှာ အမှားလုပ်ခဲ့မိသည်ဟု သိရှိခဲ့ရကြောင်း သေဆုံးသွားသူများ၏ မိသားစုများကို အသိပေးခဲ့သည်။ ယီမင်နှင့် အမေရိကန်တာဝန်ရှိသူများမှာ မိသားစုများအား သိုသိုသိပ်သိပ် တောင်းပန်ခဲ့သော်လည်း လူသိရှင်ကြား တောင်းပန်မှု ပြုလုပ်မည်မဟုတ်ဟု ပြောကြားခဲ့သည်။

    သေဆုံးသွားသူများ၏ မိသားစုများကမူ နစ်နာကြေးကို မလိုချင်ဘဲ သမ္မတအိုဘားမားအစိုးရက မှားယွင်းကြောင်း လူသိရှင်ကြားဝန်ခံရန် အလိုရှိနေသည်။

    တရားစွဲဆိုမှုတွင် အိုဘားမား၊ ယခင်ကာကွယ်ရေးဝန်ကြီးဟောင်း လီအွန် ပန်နက်တာနှင့် စီအိုင်အေဒါရိုက်တာဟောင်း ဒေးဗစ် ပီထရာအက်စ်တို့မှာ အဆိုပါတိုက်ခိုက်မှုနောက်ကွယ်မှ ပါဝင်ခဲ့သူများဟု ဖော်ပြထားသည်။

    ၎င်းတို့မှာ အပြစ်မဲ့သူများ သေဆုံးရခြင်းအတွက် တာဝန်ရှိသူသာမကဘဲ အမေရိကန်အမျိုးသားလုံခြုံရေးကို ကာကွယ်ခြင်းထက် အခြေပျက်စေခြင်းအတွက်ပါ တာဝန်ရှိသည်ဟု သေဆုံးသွားသူများ၏ မိသားစုများက ပြောကြားခဲ့သည်။

    Ref: PressTV

  • ဒရုန်းလေယာဉ်များကို အမေရိကန် တင်ပို့ရောင်းချတော့မည်

    ဒရုန်းလေယာဉ်များကို အမေရိကန် တင်ပို့ရောင်းချတော့မည်

    ဖေဖော်ဝါရီ ၁၈၊ ၂၀၁၅
    M-Media
    drones
    – လက်နက်တပ်ဆင်ထားသည်များအပါအ၀င် စစ်ဘက်ဆိုင်ရာနှင့် စီးပွားရေးဆိုင်ရာ ဒရုန်းလေယာဉ်များကို နိုင်ငံရပ်ခြားသို့ တင်ပို့မည့် ပေါ်လစီအသစ်တစ်ခုကို အမေရိကန်အစိုးရက ယမန်နေ့တွင် ရေးဆွဲခဲ့ပြီး ထိုပေါ်လစီက ဒရုန်းလေယာဉ်များ အသုံးပြုမှုအတွက် ကမ္ဘာလုံးဆိုင်ရာ စံချိန်စံညွန်းများ အကောင်အထည်ပေါ်လာရေး အခြားသောနိုင်ငံများနှင့် ပူးပေါင်းဆောင်ရွက်ရန် စီစဉ်ခြင်းဖြစ်သည်ဟု အမေရိကန်အစိုးရက ပြောကြားလိုက်သည်။

    လက်နက်တပ်ဆင်ထားသော ဒရုန်းများကို အမေရိကန်က တင်းကျပ်သည့် ကန့်သတ်ချက်များဖြင့် ရောင်းချမည်ဖြစ်ပြီး၊ အဆိုပါ ရောင်းချမှုများကို အစိုးရအစီအစဉ်မှတစ်ဆင့် စတင်သွားမည်ဖြစ်ကာ ၀ယ်ယူသူ နိုင်ငံများအနေဖြင့်လည်း အထူးအာမခံတစ်ခုကို သဘောတူရမည်ဖြစ်သည်။

    အာဖဂန်၊ အီရတ်နှင့် ယီမင်နိုင်ငံများရှိ စစ်ဘက်ဆိုင်ရာတွင် အဓိကအခန်းကဏ္ဍမှ ပါဝင်နေသည့် အဆိုပါ ဒရုန်းလေယာဉ်များကို အမေရိကန်၏ မဟာမိတ်နိုင်ငံများက ၀ယ်ယူရန် တောင်းဆိုမှု မြင့်မားလာချိန်တွင် ၂ နှစ်တာ သုံးသပ်မှုများ ပြုလုပ်ပြီးနောက် ထိုပေါ်လစီကို ထုတ်ပြန်ခဲ့ခြင်းဖြစ်ပြီး အသေးစိတ်ကိုမူ လျှို့ဝှက်ထားရှိသည်။

    ဒရုန်းလေယာဉ်များထုတ်လုပ်သည့် ကုမ္ပဏီများကလည်း အစိုးရအနေဖြင့် အခြားနိုင်ငံများသို့ တင်ပုိ့ရောင်းချမှု ကန့်သတ်ချက်များကို လျှော့ချပေးရန် ယခင်ကတည်းက တောင်းဆိုထားပြီး ယခုပေါ်လစီက ၎င်းတို့၏ ဒရုန်းလေယာဉ်များ ရောင်းချမှုကို တိုးတက်လာစေမည်ဖြစ်သည်။ အမေရိကန်နိုင်ငံအတွင်း စီးပွားရေးကဏ္ဍတွင် ဒရုန်းလေယာဉ်များအသုံးပြုရန်နှင့် ပတ်သက်၍ မကြာသေးမီကပင် အစိုးရက စည်းမျဉ်းတစ်ခု ထုတ်ပြန်ထားသည်။

    လက်ရှိအချိန်တွင် အမေရိကန်မှာ လက်နက်တပ်ဆင်ထားသည့် ဒရုန်းလေယာဉ်များကို အသုံးပြုနေသည့် နိုင်ငံမှာ ဗြိတိန်တစ်နိုင်ငံတည်းသာ ရှိသေးပြီး၊ ထောက်လှမ်းရေးဒရုန်းလေယာဉ်များကိုမူ ပြင်သစ်နှင့် အီတလီတို့က အသုံးပြုနေကြသည်။ လက်နက်တပ်ဆင်ထားသည့် ဒရုန်းများကို ၀ယ်ယူရန် တူရကီနှင့် အီတလီတို့မှာ ယခင်က တောင်းဆိုထားပြီး ယခုပေါ်လစီအသစ် အောက်တွင် ၎င်းတို့အတွက် စဉ်းစားပေးနိုင်မည်ဟု အမေရိကန်အစိုးရ တာဝန်ရှိသူများက ဆိုသည်။

    Ref: alarabiya

     

  • ဒရုန်းဖြင့်တိုက်ခိုက်မှု ဆန့်ကျင်သူအား ဖမ်းထားပါက ပြန်လွှတ်ရန် ပါကစ္စတန် တရားရုံး အမိန့်ချ

    ဖေဖော်ဝါရီ ၁၃၊ ၂၀၁၄
    M-Media
    _72923380_021009916
    အစ္စလာမ်မာဘတ်၊။ ပြီးခဲ့သည့် သီတင်းပတ်က ပြန်ပေးဆွဲခံခဲ့ရသည့် အမေရိကန်၏ ဒရုန်းလေယာဉ်များဖြင့် တိုက်ခိုက်မှု ဆန့်ကျင်ရေး လှုပ်ရှားသူ ကရင်မ်ခန်းအား လာမည့် ၂၀ ရက်နေ့မတိုင်မီ ထုတ်ပေးရန် သို့မဟုတ် ၎င်းအား ထိန်းသိမ်းထားခြင်း မရှိကြောင်းကို ပြတ်ပြတ်သားသား ငြင်းဆိုရန် ပါကစ္စတန် တရားရုံးတစ်ခုက နိုင်ငံ၏ ထောက်လှမ်းရေး အေဂျင်စီများကို အမိန့်ပေးခဲ့သည်ဟု သိရသည်။

    အဆိုပါ အမိန့်အား ယမန်နေ့တွင် ချမှတ်ခဲ့ခြင်းဖြစ်ပြီး ကရင်မ်ခန်း၏ ဥပဒေအ ကျိုးဆောင်အဖွဲ့ အကြီးအကဲ ရှာဇဒ် အက်ဘာက ဖေဖော်ဝါရီ ၅ ရက်နေ့ညပိုင်းက ရာဝါလ်ပင်ဒီမြို့ရှိ နေအိမ်မှ ခန်းပျောက်ဆုံးသွားမှုမှာ အစိုးရမှ ပြန်ပေးဆွဲခြင်း လက္ခဏာဖြစ်ပြီး၊ ထိုအဖြစ်အပျက် အတွက် ပါကစ္စတန်ရှိ ထောက်လှမ်းရေး အေဂျင်စီများတွင် တာဝန်ရှိသည်ဟု စွပ်စွဲပြောဆိုခဲ့သည်။ ခန်း၏ နေအိမ်အတွင်းသို့ လူ ၂၀ ခန့်က လက်နက်များ ကိုင်ဆောင်၍ ၀င်ရောက်ကာ ခန်းအား ဖမ်းဆီးသွားခြင်းဖြစ်သည်။

    ၂၀၀၉ ခုနှစ် ဒီဇင်ဘာ ၃၁ ရက်နေ့က အမေရိကန်တို့ပြုလုပ်သော ဒရုန်းလေယာဉ်ဖြင့် တိုက်ခိုက်မှုတွင် ခန်း၏ ဆယ်ကျော်သက် သားငယ်နှစ်ဦးမှာ သေဆုံးခဲ့ရပြီးနောက် ခန်းမှာ အမေရိကန်၏ ဒရုန်းလေယာဉ် အသုံးပြု တိုက်ခိုက်မှုများအား ဥပဒေအကြောင်းအရ ဆန့်ကျင်ခဲ့သည်။

    ပါကစ္စတန်ရှိ လူမျိုးစုဒေသများတွင် အမေရိကန်မှ ဒရုန်းလေယာဉ်ဖြင့် တိုက်ခိုက်မှုများနှင့် ပတ်သက်၍ ဥရောပ ပါလီမန်အဖွဲ့ဝင်များ၊ ယူကေ ဥပဒေပြုအမတ်များအား ဘရပ်ဆဲလ်နှင့် လန်ဒန်တို့တွင် ဆွေးနွေးရန်နှင့် နိုင်ငံတာ ရာဇ၀တ်ခုံရုံးတွင် သက်သေခံရန် အတွက် ဖေဖော်ဝါရီ ၁၅ ရက်နေ့၌ ခရီးသွားရန် ရှိနေချိန်တွင် ယခုကဲ့သို့ ပြန်ပေးဆွဲခံခဲ့ရခြင်းဖြစ်သည်။

    သို့သော်လည်း ပါကစ္စတန်ရဲတပ်ဖွဲ့ကမူ ခန်းအား ပြန်ပေးဆွဲမှုနှင့် ပက်သက်၍ ၎င်းတို့သိရှိခြင်း မရှိဟု ယမန်နေ့တွင် တရားရုံး၌ ထွက်ဆိုခဲ့သည်။
    Ref:aljazeera

    Photo-AFP

  • ယီမင်တွင် အမေရိကန်မှ ဒရုန်းဖြင့် တိုက်ခိုက်မှု အရပ်သား(၁၃) ဦးသေဆုံး

    ဒီဇင်ဘာ ၁၃၊ ၂၀၁၃
    M-Media

    article-drone-1212

    – ယီမင်နိုင်ငံတွင် အမေရိကန်မှ ယမန်နေ့က ပြုလုပ်ခဲ့သည့် ဒရုန်းလေယာဉ်ဖြင့်တိုက်ခိုက်မှုအတွင်း မင်္ဂလာဧည့်ခံပွဲသို့ သွားရောက်နေသည့် အရပ်သား ၁၃ ဦးသေဆုံးခဲ့သည်ဟု ဒေသတွင်း မီဒီယာများက ဖော်ပြခဲ့သည်။

    ထိုတိုက်ခိုက်မှုမှာ နိုင်ငံအလယ်ပိုင်း အလ်-ဘိုင်ဒါ ပြည်နယ်ရှိ ကွိုင်ဖာ ရွာတွင်ဖြစ်ပွားခဲ့ခြင်းဖြစ်ပြီး မင်္ဂလာဆောင်တစ်ခုအား အလ်ကိုင်းဒါးအဖွဲ့ဝင်များ အစည်းအဝေး လုပ်သည်ဟု ထင်မှတ်ကာ တိုက်ခိုက်ခဲ့ခြင်းဖြစ်သည်ဟု အမေရိကန် စစ်ဘက်ဆိုင်ရာ တာဝန်ရှိသူများက AP သတင်းဌာနသို့ပြောကြားခဲ့သည်။

    ယီမင်၊ အာဖဂန်၊ ပါကစ္စတန် စသည့်နိုင်ငံများတွင် အမေရိကန်မှ ပြုလုပ်နေသည့် ဒရုန်းလေယာဉ်များဖြင့် တိုက်ခိုက်မှုများမှာ အကြမ်းဖက်သမားများကို ရည်ရွယ်ပြုလုပ်သည်ဟု ဆိုသော်လည်း ထိခိုက်သေဆုံးသူအများစုမှာ အရပ်သားများဖြစ်ကြသည်။

    Ref:aljazeera