News @ M-Media

Tag: USA_Muslim

  • အမေရိကန်တွင် အစ္စလာမ်အပေါ် အမြင်မှားကြောက်ရွံ့အောင် လုပ်ကြံ ဖန်တီးသူများကို ဖော်ထုတ်ထားသော စာတမ်းထွက်ရှိလာ

    စက်တင်ဘာ၊ ၂၂
    M-Media
    US Muslim Group Unveils Islamophobia Makers

    အမေရိကန်နိုင်ငံတွင် အစ္စလာမ်အပေါ် အမြင်မှားကြောက်ရွံ့အောင် ဖန်တီးသူတို့၏ ကွန်ရက်အကြောင်းကို အမေရိကန် မွတ်စ်လင်မ် လူ့အခွင့်အရေးအုပ်စု တစ်ခုမှ ဖော်ထုတ် တင်ပြလိုက်သည်။ ယင်းဖော်ထုတ်မှုတွင် အစ္စလာမ် ဆန့်ကျင်ရေး အုပ်စုများသည် ၂၀၀၈ ခုနှစ်မှ ၂၀၁၁ ခုနှစ်အတွင်း ထောက်ပံ့ငွေပေါင်း ဒေါ်လာ ၁၁၉ သန်းကျော် ရရှိခဲ့ကြောင်း ဖွင့်ချထား၏။

    “ ဒီတင်ပြချက်က ကျွန်တော်တို့လူ့အသိုင်းအ၀ိုင်းထဲ အစ္စလာမ်ကြောက်ရောဂါ ဖော်ဆောင် သွတ်သွင်းနေတဲ့အုပ်စု အကြောင်းကို သိသွားစေခဲ့ပါတယ်။ အစ္စလာမ်နဲ့ပတ်သက်ပြီး အတူ ယှဉ်တွဲနေထိုင်ရေးနဲ့ပတ်သက်ပြီး ကျွန်တော်တို့ရဲ့ နိုင်ငံ့လမ်းစဉ်အပေါ် ဒီအုပ်စုတွေရဲ့ပယောဂကိုသာမက၊ အနာဂတ် ကာကွယ်ရေးတွေကိုပါ စာဖတ်သူတွေဆီ ဖွင့်ချနိုင်ခဲ့ပါတယ် ” ဟု အစ္စလာမ်ကြောက်ရောဂါ စောင့်ကြည့်ရင်ဆိုင်ရေး ဌာနဖြစ်သော ၀ါရှင်တန်အခြေစိုက် အမေရိကန်-အစ္စလာမ် ဆက်ဆံရေးကောင်စီ (Council on American-Islamic Relations  – CAIR)၏ ညွှန်ကြားသူ ကိုရီစေလာ(Corey Saylor) မှ သတင်းစာ ရှင်းလင်းပွဲ တစ်ခုတွင်ပြောကြားခဲ့ကြောင်း OnIslam.net က တင်ပြခဲ့သည်။

    Legislating Fear: Islamophobia and its Impact in the United States ဟုခေါင်းစဉ် တပ်ထားသော အဆိုပါစာတမ်းကို စက်တင်ဘာ ၁၉ ရက်၊ ကြာသပတေးနေ့က ထုတ်ပြန်ခဲ့သည်။

    ၂၀၁၁-၂၀၁၂ ခုနှစ်အတွင်း အမေရိကန်ပြည်ထောင်စု၌ အစ္စလာမ်ကြောက် ရောဂါအား အဓိကကြံဆောင်ပြီး အစ္စလာမ့်ဆန့်ကျင်ရေး ကွန်ယက်၏ အတွင်းပိုင်း ဗဟိုချက်မအသွင် တည်ရှိနေသည့် အဖွဲ့အစည်းပေါင်း ၃၇ ဖွဲ့ကို ဖော်ပြထား၏။

    အစ္စလာမ်နှင့် မွတ်စ်လင်မ်တို့အား မုန်းတီးရန်ငြိုးကြီးထွားအောင်ကြံဆောင်မှု၌ မပါဝင်သော်လည်း အားပေးအားမြှောက်လုပ်ဆောင်လေ့ရှိသည့် အုပ်စုပေါင်း ၃၂ ခုကိုလည်း ထပ်မံဖော်ပြထားသည်။ ၄င်းတို့မှာ ကွန်ယက်၏ ပြင်ပရုပ်လုံးများ ဖြစ်ကြသည်။

    ဤစာတမ်းပြုစုစဉ် နှစ်နှစ်တာ ကာလတစ်လျှောက် အစ္စလာမ်ဘာသာရေးထုံး ဓလေ့များကို အဆိုးမြင်အောင် လုပ်ကြံချက်ပေါင်း ၇၈ မျိုးမှာ ပြည်နယ်ပေါင်း ၂၉ ခုနှင့် ကွန်ကရက်လွှတ်တော်သို့ ရောက်လာခဲ့၏။

    ၄င်းတို့အနက် အချက်အလက်ပေါင်း ၆၂ မျိုးမှာ American Freedom Law Center မှ ပညာရှင်တစ်ဦးဖြစ်သူ David Yerushalmi က ဖန်တီးခဲ့ပြီး ၄င်းသူမှာ ကွန်ရက်၏ ပင်တိုင်အမာခံစာရင်း၌ ပါဝင်နေသည်။

    ယခုစာတမ်းသည် အမေရိကန်ပြည်ထောင်စု အတွင်း အစ္စလာမ်ကြောက်ရောဂါနှင့် စပ်လျဉ်း၍ CAIR ၏ ဒုတိယမြောက် တင်ပြချက်ဖြစ်သည်။ Same Hate, New Target အမည်ရှိသော ပထမစာတမ်းကို ၂၀၁၀ ခုနှစ်တွင် ထုတ်ဝေခဲ့သည်။ ၄င်း၌ အစ္စလာမ်ဆန့်ကျင်ရေး လှုပ်ရှားမှုသည် အမေရိကန် သမိုင်းတစ်လျှောက် လူနည်းစုဝင်များကြုံတွေ့ရသော ပြဿနာများအနက် အကြီးမားဆုံးဟု ဖော်ပြထားသည်။

    အမေရိကန်တွင် အစ္စလာမ်ကြောက်ရောဂါသွတ်သွင်းမှု လမ်းကြောင်းသည် စိုးရိမ်ရသော အခြေအနေသို့ရောက်လာကြောင်း ဖော်ပြ၍ CAIR တာဝန်ရှိသူများက ၄င်း၏အန္တရာယ်မှာ အမေရိကန်မွတ်စ်လင်မ်တို့၏ဘ၀ကို ပြင်းစွာထိခိုက်လျက်ရှိကြောင်း ဝေဖန်လိုက်သည်။

    “ အမေရိကန်မွတ်စ်လင်မ်တွေဟာ နေ့စဉ်နဲ့အမျှ ခွဲခြားဆက်ဆံမှုကို ကြုံတွေ့နေရတယ်။ အစ္စလာမ်ကြောက်ရောဂါက မွတ်စ်လင်မ်တွေရဲ့ဘ၀လုံခြုံမှုကို ခြိမ်းခြောက်တဲ့အဆင့် ရောက်နေပါပြီ ” ဟု CAIR ၏ အလုပ်အမှုဆောင်ဒါရိုက်တာ Nihad Awad မှ ၀ါရှင်တန်ပို့စ်သို့ ပြောကြားခဲ့သည်။

    အစ္စလာမ်အပေါ်အမြင်မှားကြောက်ရွံ့အောင်ဖန်တီးသူများက အမေရိကန်မွတ်စ်လင်မ်ပေါ်ရှိသော လူထုအမြင်ကို အဆိုးဖက်သို့ပြောင်းလဲစေပြီး၊ အစ္စလာမ်မုန်းတီးရေးဝါဒဖြန့်ချက်နှင့်စရိုက်လက္ခဏာများ မြှင့်တက်ကြီးထွားရန် ပြုလုပ်ခဲ့ကြသည်ဟု Awad က ဆိုသည်။

    “ အဲ့ဒီလိုလူစားတစ်ဦးချင်းစီဖြစ်စေ အုပ်စုလိုက်ဖြစ်စေ တိုက်ခိုက်မှုကို ကျွန်တော်တို့ ခံစားနေရဦးမှာဖြစ်တယ်။ အစ္စလာမ်ကြောက်ရောဂါ ကူးစက်ခံရသူတွေအနေနဲ့ အမြင်ရှင်းစေဖို့ရည်ရွယ်ပြီး ဒီစာတမ်းကို ကျွန်တော်တို့ ထုတ်ဝေရခြင်းဖြစ်ပါတယ် ” ဟု သူက ရှင်းပြခဲ့သည်။

    အမေရိကန်ပြည်ထောင်စု၌ မွတ်စ်လင်မ်ဦးရေသည် ၇ သန်းမှ ၈ သန်းအထိ ရှိမည်ဟုခန့်မှန်းထားကြသည်။ ၄င်းတို့သည် မိမိတို့၏နိုင်ငံအပေါ် သစ္စာစောင့်ထိန်းလျက် အကောင်းမြင်သူများဖြစ်ကြောင်း စစ်တမ်းတစ်ရပ်က ဖော်ပြခဲ့သည်။ ၉/၁၁ တိုက်ခိုက်မှု နောက်ပိုင်းမှစ၍ များစွာသော မွတ်စ်လင်မ်တို့မှာ မိမိတို့၏ အစ္စလာမ့်ဝိသေသများကြောင့် ခွဲခြားနှိမ့်ချချိုးနှိမ်ဆက်ဆံမှုကို ခံစားနေခဲ့ကြရသည်ဟု ဆိုကြပါသည်။

  • အမေရိကန် မွတ်စလင်မ်များမှ ဘော်စတွန်တိုက်ခိုက်မှုအား ရှုံ့ချ

    ဧပြီ ၁၆-၂၀၁၃
    M-Media

    ကိုင်ရို- အပြည်ပြည်ဆိုင်ရာ မာရသွန်အပြေးပြိုင်ပွဲကို ပစ်မှတ်ထားတိုက်ခိုက်သော ဗုံးခွဲတိုက်ခိုက်မှုများကို အမေရိကန်မွတ်စလင်မ်များမှ ပြင်းပြင်းထန်ထန် ကန့်ကွက်ရှုံ့ချခဲ့ပြီး ယင်းသူရဲဘောင်ကြောင် တိုက်ခိုက်မှုများကြောင့် ထိခိုက်နစ်နာခဲ့ရသူများအတွက် ဆုတောင်းဝတ်ပြုပေးကြရန်နှင့် အကူအညီများပေးအပ်ရန် နှိုးဆော်လိုက်ပါသည်။

    ap-boston-marathon-explosion

    “အမေရိကန်မွတ်စလင်မ်တွေဟာ အခြားအမေရိကန်လူ့အသိုင်းအဝန်းတွေလိုပဲ ဘော်စတွန်မာရသွန် ပြိုင်ပွဲဝင်တွေနဲ့ ပရိသတ်တွေကို တိုက်ခိုက်တဲ့ ဒီနေ့ သူရဲဘောကြောင်ဗုံးခွဲမှုကို အဖြစ်နိုင်ဆုံးနည်းလမ်းတွေနဲ့ ပြင်းပြင်းထန်ထန် ကန့်ကွက်ရှုံ့ချကြပါတယ်”ဟု အမေရိကန်-အစ္စလာမ် ဆက်ဆံရေး ကောင်စီ၏  နိုင်ငံ့အမှုဆောင် ဒါရိုက်တာ Nihad Awad က OnIslamမှ ဧပြီ ၁၆ရက် အင်္ဂါနေ့တွင် ရရှိသော ကြေငြာချက်တွင် ပြောကြားထားသည်။

    “ကျွန်တော်တို့ ဘာသာတရားပေါင်းစုံက လူတွေကို ထိခိုက်နစ်နာသူတွေ၊ သူတို့ ချစ်တဲ့သူတွေအတွက်နဲ့ ဒဏ်ရာရသူတွေ အမြန်ဆုံး သက်သာလာဖို့အတွက် ဆုမွန်ကောင်းတောင်းကြဖို့ တိုက်တွန်းထားပါတယ်။”

    “ ကျူးလွန်တဲ့သူတွေကို အမြန်ဖော်ထုတ်ဖမ်းဆီးရေးနဲ့ အပြစ်ဒဏ်ပေးရေးအတွက်လည်း ကျွန်တော်တို့ တောင်းဆိုထားပါတယ်” ဟု Awad က ပြောပြသည်။

    တနင်္လာနေ့တွင် ဘော်စတွန်မာရသွန်ပြိုင်ပွဲ၏ ပန်းတိုင်စည်းအနီးတွင် ပေါက်ကွဲမှုနှစ်ခု ဖြစ်ပွားခဲ့ပြီး အနည်းဆုံး လူသုံးဦးသေဆုံးကာ ၁၄၀ ဒဏ်ရာ ရရှိခဲ့သည်။

    အနည်းဆုံး လူ ၁၇ဦးမှာ ပြင်းထန်စွာ ဒဏ်ရာ ရရှိခဲ့ပြီး ဒဏ်ရာများတွင် ကိုယ်အင်္ဂါအစိတ်အပိုင်းများ ပြတ်တောက်ခြင်းများ ပါဝင်သည်။

    သေဆုံးသူတစ်ဦးမှာ ရှစ်နှစ်အရွယ် ယောက်ျားလေးတစ်ဦးဖြစ်သည်ဟု အမေရိကန် မီဒီယာမှ ပြောကြားခဲ့သည်။

    အဆိုပါတိုက်ခိုက်မှု၏ နောက်ကွယ်တွင် မည်သူတို့ရှိပြီး မည်သည့်အတွက်ကြောင့် တိုက်ခိုက်ခဲ့သည်နှင့်ပတ်သက်၍ သတင်းအချက်အလက် တစ်စုံတစ်ရာမျှ မရရှိသေးပါ။
    .
    “ဒီနေ့လည်က ဘော်စတွန် မာရသွန်မှာ ဖြစ်ပွားခဲ့တဲ့ ပေါက်ကွဲမှုနဲ့ပတ်သက်ပြီး ကြားရတာ မြောက်အမေရိကား အစ္စလာမ်မစ် ဆိုဆိုက်တီ အနေနဲ့ ဝမ်းနည်းကြေကွဲရပြီး တုန့်လှုပ်မိပါတယ်”ဟု မြောက်အမေရိကား အစ္စလာမ်မစ် ဆိုဆိုက်တီအဖွဲ့ကြီးမှ ပြောကြားခဲ့ကြောင်း OnIslamမှ ရရှိသော သတင်းပေးပို့ချက်တစ်ရပ်တွင် ဖော်ပြပါရှိပါသည်။

    “ကျွန်တော်တို့ရဲ့ တောင်းဆုတွေက ထိခိုက်သူတွေနဲ့ သူတို့ချစ်တဲ့သူတွေနဲ့ အတူရှိမှာပါ။ ဒီတိုက်ခိုက်မှုတွေကို ဘယ်သူက လုပ်ဆောင်ခဲ့တယ်ဆိုတာ သေချာမသိရသေးချိန်မှာ ကျွန်တော်တို့ရဲ့ တရားဥပဒေစိုးမိုးရေး တာဝန်ခံတွေက ကျူးလွန်သူတွေကို အမြန်ဆုံး ရှာဖွေဖမ်းဆီးနိုင်ဖို့နဲ့ သူတို့ကို တရားဥပဒဆီ ပို့ဆောင်နိုင်ဖို့ကို ကျွန်တော်တို့ ဆုတောင်းနေကြပါတယ်။”

    ညီညွတ်သော Maryland မွတ်စလင်မ်ကောင်စီ၏ ဥက္ကဌဖြစ်သူ ဒေါက်တာ Syed Wasimul Haque ကလည်း အရှက်မဲ့သော အကြမ်းဖက်မှုကို ရှုံ့ချလိုက်ပါသည်။

    “ Maryland မွတ်စလင်မ်တို့မှ မာရသွန်ပြိုင်ပွဲကျင်းပနေစဉ်အတွင်း လူနှစ်ယောက်သေဆုံးစေပြီး ပွဲကြည့်သူအမြောက်အမြား ဒဏ်ရာရရှိစေခဲ့သော ဘော်စတွန်မှ အကြမ်းဖက်မှုကို ကန့်ကွက်ရှုံ့ချကြပါတယ်”ဟု သူက ကြေငြာချက်တစ်ရပ်တွင် ပြောကြားခဲ့သည်။

    “ ကျွန်တော်တို့ နိုင်ငံအတွင်းကရော နိုင်ငံတကာကပါ ပါဝင်သူတွေကြားမှာ ညီနောင်ရင်းနဲ့ ရင်းနှီးချစ်ကြည်မှုကို ဖော်ဆောင်တဲ့ ဒီပွဲမှာ အပြစ်မဲ့သူတွေကို ပစ်မှတ်ထား တိုက်ခိုက်တဲ့ ဒီအရှက်မဲ့ အကြမ်းဖက်မှုဟာ တကယ်ကိုပဲ မွတ်စလင်မ်များကိုရော ကျန်တိုင်းတစ်တိုင်းပြည်လုံးကိုပါ ကြေကွဲဝမ်းနည်းစေပြီး ထိခိုက်စေပါတယ်။”

    မွတ်စလင်များ ဝတ်ပြုဆုတောင်းပေး

    မွတ်စလင်မ်ခေါင်းဆောင်များမှ ထိခိုက်ဒဏ်ရာရသူများအတွက် ဆုတောင်းပွဲများနှင့် သွေးလှူဒါန်းရေးလှုပ်ရှားမှုများ ဆောင်ရွက်ကြရန် နှိုးဆော်လိုက်ပါသည်။

    “နာမ်ပိုင်းဆိုင်ရာ ကျင့်ကြံမှုတွေက သူတို့တွေရဲ့ ရုပ်ပိုင်းနှင့် စိတ်ပိုင်းဆိုင်ရာ ခံစားနာကျင်မှုတွေကို သက်သာအောင် ဆောက်ရွက်နေစဉ်မှာ ဗုံးကြောင့် ဒဏ်ရာရသူတွေကို တညီတညွတ်တည်း စာနာအားပေးတဲ့အနေနဲ့ကြက်ခြေနီအဖွဲ့မှတဆင့် သွေးလှူဒါန်းကြဖို့ကိုလည်း ကျွန်တော်တို့က ဘော်စတွန်ဒေသက မွတ်စလင်မ်တွေရော ကျန်သူများကိုပါ နှိုးဆော်တိုက်တွန်းလိုက်တာပါ။” ဟု Awadက ပြောပြပါသည်။

    “မာရသွန်မှာ ပါဝင်ပြိုင်ပွဲဝင်သူတွေ ဒါမှမဟုတ် သွားရောက်ကြည့်ရှုသူတွေအနေနဲ့ သူတို့ တွေ့ထားသိထားနိုင်တဲ့ ဘယ်မျက်မြင် သက်သေ အချက်အလက်တွေကိုမဆို ပေးဖို့ သက်ဆိုင်ရာကို ဆက်သွယ်သင့်တယ်။”

    Marylandတွင်လည်း မွတ်စလင်အသိုင်းအဝန်းမှ ထိခိုက်ဒဏ်ရာရရှိသူတွေနဲ့ သူတို့ရဲ့ မိသားစုတွေကို အကူအညီများပေးရန် နှိုးဆော်လိုက်ပါသည်။

    “ကျွန်တော်တို့ နိုင်ငံ အခုလို ကြုံတွေနေရတဲ့ အရေးပေါ်အချိန်များမှာ မွတ်စလင်မ်များဟာ အမြဲတမ်း အပြည့်အဝ ကူညီကြပါတယ်။ နောက်လည်း ဒီလိုပဲ ရပ်တည်သွားမှာပါ။ ပြီးတော့ အကြမ်းဖက်တိုက်ခိုက်မှုတွေကိုလည်း ဆန့်ကျင်သွားကြမယ်”ဟု Fredericသမားတော်တစ်ဦးဖြစ်သူ Haqueက ပြောပါသည်။

    “ဒီအကြမ်းဖက်တိုက်ခိုက်မှုတွေက ဒီလိုအရှက်မဲ့လုပ်ရပ်တွေကို ပြန်တိုက်ခိုက်ဖို့ ကျွန်တော်တို့ရဲ့ ဆုံးဖြတ်ချက်တွေကို ခိုင်မာသွားစေတာကလွဲလို့ ဘာမှ မလုပ်နိုင်ပါဘူး။ ပြီးတော့ ကျွန်တော်တို့တွေ တစ်နိုင်ငံလုံးအနေနဲ့ ပိုပြီး ညီညွတ်သွားတယ်။”

    “ကျွန်တော်တို့ရဲ့ ဆုတောင်းဝတ်ပြုမှုတွေက နစ်နာသွားတဲ့သူတွေနဲ့ ဘော်စတွန်မြို့အတွက်ပါ။ ထိခိုက်သူတွေရဲ့ မိသားစုတွေ ဒီအခက်အခဲအတွက် ကျော်ဖြတ်နိုင်အားတွေရှိကြပါစေ။ ဒဏ်ရာရသူတွေလည်း အလျင်အမြန် သက်သာလာကြပါစေ။”

    “ဒီဆိုးရွားတဲ့ အမှုကို ကျူးလွန်တဲ့သူ ဒါမှမဟုတ် ကျူးလွန်တဲ့သူတွေကို မကြာမီမှာ ဖမ်းဆီးမိနိုင်ဖို့နဲ့ တရားမျှတမှုအရောက် ခေါ်ဆောာင်လာပြီး ကျွန်တော်တို့တိုင်းပြည်ရဲ့ ဥပဒေများအရ အကြီးမားဆုံးအတိုင်းအတာအထိ အပြစ်ပေးနိုင်ဖို့ ကျွန်တော်တို့ မျှော်လင့်ပါတယ်၊ ဆုလည်းတောင်းကြပါတယ်။”

    တရားဝင် ခန့်မှန်းထုတ်ပြန်ချက်များမရှိသော်လည်း အမေရိကန်နိုင်ငံသည် ၇-၈သန်းရှိသော မွတ်စလင်မ်များအတွက် အမိမြေဖြစ်သည်။

    အစောပိုင်း စစ်တမ်းကောက်ယူမှုတစ်ခုအရ အမေရိကန်မွတ်စလင်မ်အများစုကြီသည် တိုင်းပြည်အပေါ်သစ္စာစောင့်သိကြပြီး အမေရိကန်တွင် သူတို့၏ အနာဂတ်နှင့်ပတ်သက်ပြီး အကောင်းမြင်သူများ ဖြစ်ကြသည်။

    Ref:OnIslam

  • အမေရိကန်မှာ အစ္စလာမ်ပညာရေး ပေါင်းစပ်သင်ကြားသည့် ပထမဆုံး မွတ်စလင်ကောလိပ်ဖွင့်လှစ်

    ဖေဖော်ဝါရီ ၄ ၊ ၂၀၁၃

    zaytuna
    အမေရိကန်၊ ကာလီဖိုးနီးယားပြည်နယ်က Zaytuna College ကျောင်းဟာ အနောက်တိုင်း ခေတ်ပညာနှင့် အစ္စလာမ် ပညာရေးတို့ကို ပေါင်းစပ်ပြီး သင်ကြား သွားမှာဖြစ်ပါတယ်။

    ယခုလို အစ္စလာမ့်ပညာရေးနှင့် ပေါင်းစပ်သင်ကြားတဲ့ ကောလိပ်ဟာ အမေရိကန်ပြည်ထောင်စုမှာ ပထမဆုံးဖြစ်တယ်လိုဆိုပါတယ်။ ယခုဖွင့်လှစ်လိုက်တဲ့ မွတ်စလင်မ် ကောလိပ်ရဲ့ ရည်ရွယ်ချက်က အစ္စလာမ်ပညာရေးစနစ်နဲ့ အနောက်တိုင်း အတွေးအခေါ်တို့ကို ဆက်စပ်သင်ကြားပြီး လွတ်လပ်စွာတွေးခေါ် ဝေဖန်ဆန်းစစ်မှု့ကို ဦးစားပေးဆွေးနွေးမှုကို အားပေးတဲ့ သင်ရိုးညွှန်းတမ်းတွေနဲ့ သင်ကြားပေးသွားမယ်လို့ သိရပါတယ်။

    လတ်တလောမှာ ကျောင်းသား ၃၁ ယောက်နှင့် Baptist ကျောင်းဝန်းထဲက မြေဌားရမ်းပြီး စတင်ဖွင့်လှစ်ထားပါတယ်။


    Source: Al Jazeera