ဇန်န၀ါရီ ၁၆၊ ၂၀၁၄
M-Media
– ဗာတီကန်ရှိ ခရစ်ယာန်ဘုန်းတော်ကြီးတစ်ချို့၏ ကလေးငယ်များအား လိင်ပိုင်ဆိုင်ရာ စော်ကားမှုများကို ကုလသမဂ္ဂ လူ့အခွင့်အရေးအဖွဲ့က ဂျီနီဗာတွင် ယမန်နေ့က စစ်ဆေးခဲ့သည်ဟု သိရသည်။
ကုလသမဂ္ဂဆိုင်ရာ ဗာတီကန် ကိုယ်စားလှယ် ဂိုဏ်းချုပ်ဘုန်းတော်ကြီး ဆီလ်ဗာနို တိုမာစီကမူ စာသင်ကျောင်းများ၊ အားကစားလှုပ်ရှားမှုများ သို့မဟုတ် ဘာသာရေးအဖွဲ့အစည်းများနှင့် အသင်းအဖွဲ့များတွင် ဖြစ်ပွားသည့် ထိုကဲ့သို့ ပြစ်မှုများအား တန်းညှိ၍ မရဟုပြောကြားခဲ့ပြီး၊ ကလေးငယ်များ၏ အခွင့်အရေးများကို လေးစားမှုအား အားပေးထိန်းသိမ်းရန်အတွက် မည်သည့် အယူအဆကိုမဆို ဗာတီကန်၏ တရားစီရင်ရေးအဖွဲ့ Holy See က ကြိုဆိုကြောင်း ကုလအား ပြောကြားခဲ့သည်။
ဗာတီကန်၏ လိင်ပိုင်းဆိုင်ရာ ရာဇ၀တ်မှုများအား ကိုင်တွယ်ခဲ့သော တရားသူကြီး ဟောင်းဖြစ်သူ မွန်ဆဂ်နာ ချားလ်စ် စီကလူနာကမူ ကလေးငယ်များအား လိင်ပိုင်းဆိုင်ရာစော်ကားမှုများနှင့် ပက်သက်၍ အလေးထားဖြေရှင်းရန် ယခင် Holy See အဖွဲ့မှ ယခင်က တုံ့ဆိုင်းမှုများရှိခဲ့သော်လည်း ယခုအချိန်တွင်မူ ထိုကိစ္စများကို ဆောင်ရွက်ရန် လုပ်ဆောင်နေသည်ဟု မှတ်ချက်ပေးခဲ့သည်။
ဗာတီကန်၏ အမှုကိစ္စနှင့်ပတ်သက်၍ ကုလမှ ကြားနာစစ်ဆေးခြင်းမှာ ပထမဆုံးအကြိမ်ဖြစ်ပြီး၊ ထိုကဲ့သို့ စစ်ဆေးမှုကို လူ့အခွင့်အရေးအဖွဲ့များကလည်း ကြိုဆိုခဲ့ကြသည်။ ဗာတီကန်မှာ ကုလသမဂ္ဂ၏ ကလေးငယ်အခွင့်အရေးဆိုင်ရာ သဘောတူညီချက်အား ၁၉၉၀ ခုနှစ်ကတည်းက လက်မှတ်ရေးထိုးထားသည်။
