News @ M-Media

Tag: violence

  • မြန်မာပြည်မှာ အပြန်အလှန် အကြမ်းဖက်မှု ဆိုတာ မရှိခဲ့ (ဘာသာပြန် ဆောင်းပါး)

    နိုဝင်ဘာ- ၂၈ ၂၀၁၃
    M-Media
    ဆောင်းပါးရှင်- Rachel Wagley
    ဘာသာပြန်- မြင့်မိုရ်မောင်မောင်

    rohingya-burma-470x313
    ဓာတ်ပုံအညွှန်း – အဓမ္မနေရာရွှေ့ပြောင်းခြင်း နှင့် ခွဲခြားချိုးနှိမ်ဆက်ဆံခြင်း ခံစားနေရဆဲ ရိုဟင်ဂျာများ
    (Evangelos Petratos EU/ECHO January 2013)

    ၂၀၁၃ ခုနှစ် နိုဝင်ဘာလ ၁၂ ရက်နေ့တွင် ကမ္ဘာ့ကုလသမဂ္ဂအထွေထွေညီလာခံမှ မြန်မာနိုင်ငံအရေးနှင့် ပတ်သက်သော ထုတ်ပြန်စာတစ်စောင် ထွက်လာခဲ့သည်။ မြန်မာပြည်ရှိ မွတ်စ်လင်မ်များကို တိုက်ခိုက်ရာ၌ “အပြန်အလှန် အကြမ်းဖက်မှု”၊ “လူမျိုးရေးအကြမ်းဖက်မှု”၊ “လူ့အဖွဲ့အစည်းဆိုင်ရာပဋိပက္ခ” ဟူသောအသုံးအနှုန်းဖြင့် မြန်မာအစိုးရမှ အဖန်တလဲလဲ သုံးနှုန်းဖော်ပြနေကြသည်။ ၂၀၁၂ ခုနှစ် ဇွန်လ နှင့် အောက်တိုဘာလအတွင်း ရခိုင်ပြည်နယ်၌ဖြစ်ပွားသော တိုက်ခိုက်မှုဖြစ်ရပ်များအပေါ် အထူးရည်ညွှန်းသုံးစွဲခဲ့ကြသည်။ ယင်းအသုံးအနှုန်းများမှာ အတိုင်းအတာတစ်ရပ်အထိတော့ လက်ခံနိုင်သေး၏။ သို့ရာတွင် မြန်မာပြည်အနှံ့ ဆက်လက်ဖြစ်ပွားလာသော မွတ်စ်လင်မ် ဆန့်ကျင်ရေးတိုက်ခိုက်မှုများကို ဤအသုံးအနှုန်းများဖြင့် လွှမ်းခြုံဖော်ပြနေသည်မှာ တိကျမှန်ကန်မှုမရှိသည်သာမက လူမိုက်အားပေး အဆင့်သို့ပင် ရောက်သွားစေပါသည်။ မွတ်စ်လင်မ်တို့သည် ၂၀၁၃ ခုနှစ်အတွင်း အကြမ်းဖက်သားကောင်များ နှင့် အကြမ်းဖက် ကျူးလွန်သူများ နှစ်မျိုးလုံး တစ်ပြိုင်တည်းဖြစ်နေသည့် လူ့အသိုင်းအ၀ိုင်း တစ်ရပ်ကဲ့သို့ အထင်ရောက်အောင် အထင်လွဲအမြင်မှား သွားစေပါသည်။ မြန်မာနိုင်ငံ၏မွတ်စ်လင်မ် ဆန့်ကျင်ရေး အနေအထား၌ ဤသို့အထင်မှားမှုသည် မွတ်စ်လင်မ်ဆန့်ကျင်ရေးလှုပ်ရှားမှုများကို လက်ခံအောင်ပြုရာရောက်နေ၏။ ထို့အပြင် ဤလှုပ်ရှားမှုများအတွင်း အာဏာပိုင်များ၏ ပါဝင်ပတ်သက် ကျူးလွန်နေမှုများကိုလည်း အာရုံလွှဲလိုက်ခြင်းပင်ဖြစ်သည်။

    ရခိုင်ပြည်နယ်၌ဖြစ်စေ မြန်မာနိုင်ငံ အတွင်းပိုင်း၌ဖြစ်စေ လူမျိုးရေး ဘာသာရေးဆိုင်ရာ ဆက်ဆံမှုများမှာ နှစ်ပေါင်းများစွာ အာဏာပိုင်တို့၏ ကောက်ကျစ်မှု၊ ဘက်လိုက်မှု၊ စွက်ဖက်စော်ကားပြောဆိုမှု၊ အစီအစဉ်ချ မှိုင်းတိုက်မှုများအပေါ် အခြေခံ၍ မယုံနိုင်စရာကောင်းလောက်အောင် ရှုပ်ထွေးသွားရသည်။ သို့ဖြစ်ရာ ဤနှစ်ပိုင်းအတွင်း တိုက်ခိုက်မှုများသည် အပြန်အလှန်/ပဋိပက္ခ ဟူ၍ မဟုတ်လေပြီ။ အပြန်အလှန်အကြမ်းဖက်မှု (တစ်နည်း) ပဋိပက္ခ Communal Violence ဟူသည် ဥပမာအားဖြင့် လူမျိုး သို့မဟုတ် ဘာသာရေးအုပ်စုနှစ်စု အတွင်း အပြန်အလှန်အကြမ်းဖက်/တိုက်ခိုက်မှုကို ဖော်ပြသုံးနှုန်းသည့် ဝေါဟာရ တစ်ခုဖြစ်၏။ အုပ်စု ၂စု သို့မဟုတ် ၄င်းတို့ထက် ပိုမိုပါဝင်နေသည့် အုပ်စုများမှာ အကြမ်းဖက် ကျူးလွန်သူများနှင့် အကြမ်းဖက်ခံ သားကောင်များအဖြစ် ခေါ်ဆိုနိုင်ပါသည်။ သို့သော် လွန်ခဲ့သောနှစ်မှ စ၍ မြန်မာနိုင်ငံရှိ မွတ်စ်လင်မ်တို့မှာ စတင် အကြမ်းဖက် ကျူးလွန်မှုမျိုး မပြုထားကြ။ ဗုဒ္ဓဘာသာဝင်များ ဦးဆောင်သည့် ၀ါဒဖြန့်လှုံ့ဆော်မှုများ၊ မီဒီယာများ၊ ခွင့်ပြုချက်များ၊ ခွဲခြားခြင်းအခြေတည်နိုင်ငံရေးနှင့် ဘာသာရေး လှုပ်ရှားမှုများ၊ မဲပေးခွင့် မရစေမှုများ၊ ဘက်လိုက်တရားစီရင်မှုများ၏ ဓားစားခံ သားကောင်တို့မှာ မွတ်စ်လင်မ်များသာလျှင် ဖြစ်နေကြောင်း ရှင်းလင်း ထင်ရှားလျက်ရှိနေပေသည်။

    အပြန်အလှန်၊ ပဋိပက္ခ နှင့်အလားတူ သုံးနှုန်းဖော်ပြမှုများက ဆိုးကျိုးနှစ်ရပ်ကို ပေါ်ပေါက်စေသည်။
    ၁။ မွတ်စ်လင်မ်ဆန့်ကျင်ရေး အကြမ်းဖက်မှုများ၏ ဇာစ်မြစ်နှင့် သဘော သဘာဝကို နားလည်မှုလွဲမှားကြီးထွားလာစေသည်။
    ၂။ အကြမ်းဖက်မှုကို အားပေးနေသည့် ခွဲခြား ဆက်ဆံမှုဆိုင်ရာ ဥပဒေနှင့်နိုင်ငံရေး ဆက်စပ်မှုများကို မမြင်တော့ဘဲ မွတ်စ်လင်မ်နှင့်ဗုဒ္ဓဘာသာဝင်တို့၏ အော်သံများ အပေါ် ပြည်သူတို့မှ စိတ်ဝင်သွားစေရန် ဦးတည်လိုက်ခြင်းဖြင့် အကြမ်းဖက်မှုအတွင်း အစိုးရ၏ပါဝင်မှုအခန်းကဏ္ဍအား ပြည်ဖုံးကားချလိုက်ရာ၌ အထောက်အကူဖြစ်စေသည်။

    ဤဆိုးကျိုးနှစ်ရပ်က ပြဿနာဖြေရှင်းရေး၏လမ်းကြောင်း အစစ်အမှန်ကို အစဖျောက်လိုက်ပါတော့သည်။

    ယင်းသို့သုံးနှုန်းလိုက်ခြင်းကြောင့် မီဒီယာနှင့် ကမ္ဘာ့ဇာတ်စင်ပေါ်ရှိသူများသည် ပြဿနာ၏ အကြောင်းရင်းမှန်မှ လမ်းချော်ကာ၊ လူထု အတွေးအမြင်နှင့်မူဝါဒများကို အမှားမှား အယွင်းယွင်းဖြစ်စေသော ဆွေးနွေးငြင်းခုံမှုများထဲ နစ်ဝင်သွားကြသည်။ အကယ်၍များ အပြန်အလှန်အကြမ်းဖက်မှု (၀ါ) ပဋိပက္ခဖြစ်စဉ်မှန်ပါက ယင်းပြဿနာများအပေါ် အုပ်စုအားလုံးမှ တူညီစွာ ပြစ်တင်ဝေဖန်ရှုတ်ချမှုများ ရှိရပေမည်။ ယခုသော် တကယ့်သားကောင်များမှာ တရားစီရင်ရေးနှင့်ဥပဒေစိုးမိုးရေး၌ ကျူးလွန်သူများထက် တစ်ဖက်စောင်းနင်းဆက်ဆံခံနေရ၏။ အကြောင်းသော် သူတို့သည်သာ ကျူးလွန်သူတရားခံများအဖြစ် တမင်ကောက်ကျစ်စွာ အသိသွင်းခံရသောကြောင့် ဖြစ်ပေသည်။ သူတို့၏ လူမျိုးစု၊ ဘာသာရေးအသင်းအဖွဲ့များပင်လျှင် ထိုအစွန်းအထင်း မကင်းစင်ခဲ့။

    ဤအရေးအရာများကို အပြန်အလှန်/ပဋိပက္ခအဖြစ် ဖော်ပြနေခြင်းသည် – ဗမာလူမျိုးနှင့်ဗုဒ္ဓဘာသာမဟုတ်သူများမှာ နိုင်ငံသားဖြစ်ခြင်းနှင့်တင်းပြည့်ကျပ်ပြည့်မထိုက်တန် ဟူသည့် အတွေးအမြင်အား အခြေပြုထားသော ဗမာအစိုးရ၏ လူမျိုးဘာသာခွဲခြားခြင်းမူဝါဒအပေါ်လည်း အမြင်လျှမ်းသွားစေခြင်းဖြစ်သည်။ အစိုးရသည် နှစ်ပေါင်း များစွာကတည်းက ၄င်း၏လူမျိုးဘာသာခွဲခြားရေးအစီအမံအား – ခွဲခြားချိုးနှိမ်ဆက်ဆံသောဥပဒေနှင့်လည်းကောင်း၊ လူနည်းစုမွတ်စ်လင်မ်တို့အပေါ် ထင်သာမြင်သာ အကြမ်းဖက်မှုနှင့်လည်းကောင်း အလျဉ်မပြတ်အောင် ဖန်တီးထားခဲ့၏။

    ၁၉၇၈ ခုနှစ် နဂါးမင်းစီမံချက်/စစ်ဆင်ရေးက မြန်မာအစိုးရ၏ခွဲခြားချိုးနှိမ်ဆက်ဆံမှုအစီအမံအား နားလည်သဘောပေါက်စေသည့် မီးမောင်းထိုးပြချက်တစ်ခုဖြစ်သည်။ ၄င်းစစ်ဆင်ရေးကာလအတွင်း ရိုဟင်ဂျာ နှင့် လူနည်းစုဝင်အခြားအုပ်စုများ၏ တရားဝင်တည်ရှိမှုကို ပယ်ဖျက်သောအားဖြင့် အာဏာပိုင်နှင့်ဒေသခံတို့မှ သတ်ဖြတ်ခြင်း၊ လိင်ပိုင်းဆိုင်ရာစော်ကားချက်၊ ဖျက်ဆီးမှုတို့ကို သုံး၍ မျိုးသုဉ်းပျောက်ကွယ်အောင် ကြံဆောင်ခဲ့ကြသည်။ ထိုစဉ်က ရခိုင်ပြည်ရှိ ရိုဟင်ဂျာပေါင်း နှစ်သိန်းမှာ မြန်မာပြည်ပြင်ပသို့ မောင်းထုတ်ခံကြရသည်။ ၂၀၀၀ ခုနှစ်များ တစ်လျှောက်တွင်လည်း ရိုဟင်ဂျာနှင့် အခြားမွတ်စ်လင်မ်တို့ကို တမင်ကြံစည် တိုက်ခိုက်မှုများ ပြုလုပ်ခဲ့ကြသည်။

    မွတ်စ်လင်မ်တို့အပေါ် သမိုင်းနှင့်ချီ၍ ခွဲခြားချိုးနှိမ်ဆက်ဆံမှုများက ၂၀၁၂-၂၀၁၃ တိုက်ခိုက်မှုအားလုံးနီးပါး၌ အစိုးရလုံခြုံရေးတပ်ဖွဲ့များကို ငုတ်တုတ်ရပ်ကြည့်စေခဲ့သည် သာမက၊ ၄င်းတို့သည် မွတ်စ်လင်မ်တို့အား အကြမ်းဖက်သည့် ဖြစ်ရပ် အများအပြားတွင်လည်း ပါဝင်စေခဲ့သည်အထိ ခွင့်ပြုခံရသည်။

    ၂၀၁၂ ခုနှစ် ဇွန်လမှစတင်လာသော မွတ်စ်လင်မ်ဆန့်ကျင်ရေးတိုက်ခိုက်မှုများသည် ဘုန်းတော်ကြီးတို့၏ အစ္စလာမ်ဆန့်ကျင်ရေးလက်ကမ်းစာစောင်များ၊ ၀ါဒဖြန့် လှုံ့ဆော်မှုများအားဖြင့် အစိုးရက ကန့်လန့်ကာနောက်ကွယ်မှ စံနစ်တကျ ကြိုတင်ကြံစည်ထားခြင်း ဖြစ်သည်။ မွတ်စ်လင်မ်ဆန့်ကျင်ရေး၌ အမည်ပျက်ဖြင့်ကျော်ကြားလှသော ဦးဝီရသူအား ကျားကျားမီးယပ် အကာအကွယ်ပေးနေသည့် သမ္မတဦးသိန်းစိန်ကိုယ်တိုင်က “ ရိုဟင်ဂျာပြဿနာ၏ တစ်ခုတည်းသော အဖြေမှာ ၄င်းတို့အားလုံးကို နိုင်ငံမှ ထွက်ခွာသွားစေခြင်း သို့မဟုတ် ဒုက္ခသည် စခန်းသို့ ပို့ဆောင်လိုက်ခြင်းပင်ဖြစ်သည် ” ဟု လူသိရှင်ကြား ဆိုဖူးသည်။ သူ့ရည်မှန်းချက်မှာ ရခိုင်ပြည်နယ်တွင် အတိုင်းအတာ တစ်ရပ်အထိ ပြည့်ဝခဲ့သည်။ ၂၀၁၂ ခုနှစ်မှစ၍ ရိုဟင်ဂျာပေါင်း တစ်သိန်းလေးသောင်းခန့်မှာ ဒုက္ခသည် စခန်းများအတွင်း အကျယ်ချုပ် အကျဉ်းသားဘ၀သို့ ဆိုက်ရောက်ခဲ့ပြီး ထောင်ပေါင်းများစွာမှာ နိုင်ငံစွန့်ထွက်ပြေးခဲ့ကြရသည်။ တိုက်ခိုက်မှုများဖြစ်ပွားသည်ကို အစိုးရဖက်မှ ၀န်ခံနေသော်လည်း ကြားဝင်တားမြစ်ခြင်း မရှိသည့်အပြင် ဦးစားပေး စုံစမ်းစစ်ဆေးမှုလည်း မပြုခဲ့ချေ။ ဤသို့ဖြစ်နေခြင်းမှာ ယင်းတိုက်ခိုက်မှုများသည် အစိုးရ၏ လူမျိုးဘာသာ ခွဲခြားရေးမူဝါဒမှ ကျွံထွက်လာသည့်ခြေလှမ်းထဲမှ ဖြစ်နေခြင်းကြောင့်ပင်။ ထို့အတူ ထိုတိုက်ခိုက်မှုများကြောင့် အစိုးရ၏ အင်အားနှင့်သြဇာကို ပို၍ ကြီးမားလာစေသည်ဟု ကျွမ်းကျင်သူအချို့မှဆိုကြသည်။

    တစ်ဖက်သတ် တိုက်ခိုက်မှုများကို ပဋိပက္ခဟု သုံးနှုန်းခြင်းက မုသာဝါဒ လမ်းကြောင်းမှား တစ်ရပ် ဖြစ်သည့်အပြင် လူ့ အဖွဲ့အစည်းနှစ်ရပ်၏ အတွင်းအပြင်၌ လိမ်ညာသွတ်သွင်းထားမှု တည်တံ့အောင် အားဖြည့်ပေးရာရောက်နေ၏။ ကုလသမဂ္ဂနှင့် အခြား နိုင်ငံတကာ အဖွဲ့အစည်းတို့သည်လည်း အပြန်အလှန်ပဋိပက္ခအရေးဟု ရှုမြင်သွားပြီး လူမျိုးရေးဘာသာရေး တင်းမှုများအပေါ် ပြေငြိမ်းလျော့ပါးစေရန် မြန်မာအစိုးရ အတွက် အင်တိုက်အားတိုက် ကိုယ်စားလှယ်များ ဖြစ်လာကြကုန်သည်။ သို့စေကာမူ မြန်မာ အစိုးရမှာကား လူမျိုးရေးဘာသာရေး တင်းမာမှုများကို ဖြေလျော့ပေးသူဖြစ်လာရန်ဝေးစွ၊ ၄င်းကိုယ်တိုင်ကပင် မွတ်စ်လင်မ်များအပေါ် ခွဲခြားဆန့်ကျင်မှု၏ အဓိကသော့ချက်၊ လူမျိုးရေးဘာသာရေး အဓိကရုဏ်းဖြစ်လာအောင် မီးမွှေးရာ၌ ကျွမ်းကျင်သူ၊ ဆယ်စုနှစ်များစွာ ဤကဏ္ဍ၌ ပေါက်မြောက်စေခဲ့သူ ဖြစ်နေလေ၏။

    မုသာဝါဒလမ်းကြောင်းမှားက နိုင်ငံတကာအရေးလှုပ်ရှားသူများအတွက် နက်ရှိုင်းခက်ခဲသည့် ပြဿနာများကို အခြေခံကျကျ ဖော်ထုတ်တင်ပြမှုမှ ရှောင်လွှဲနိုင်သည့် ဆင်ခြေတစ်ခုဖြစ်လျက်ရှိသည်။ အကြမ်းဖက်မီးမွှေးရာ၌ လည်းကောင်း၊ အကြမ်းဖက်မှုရှေ့ဆက်နေမှု၌လည်းကောင်း အလွန်သြဇာညောင်းလှသော ထိုအခြေခံပြဿနာများဟူသည် ပြစ်ဒဏ်မှ ကင်းလွတ်အောင် စံနစ်တကျ ဖန်တီးထားခြင်း၊ ဥပဒေကြောင်းအရ ခွဲခြားချိုးနှိမ်ဆက်ဆံခြင်း၊ အစိုးရ၏မူဝါဒနှင့်ပါဝင် ပတ်သက်နေမှုများ ဖြစ်ပါသည်။ အကယ်၍ လူမှုရေးတင်းမာမှုများကို မဆိုင်းမတွ ဖြေချလျော့ပါးနိုင်စေသည့် တိုင်အောင် မြန်မာ့ အရေးအား ဖြေရှင်း၌ မရနိုင်သေးချေ။ နိုင်ငံတွင်းရှိ ဗုဒ္ဓဘာသာဝင်နှင့် မွတ်စ်လင်မ်တို့အကြား  အခိုင်အမာစိုက်ထူထားသည့် အကြမ်းဖက်မှု၏ အရင်းအမြစ်များအတွင်းမှသာလျှင် အဖြေထုတ်နိုင်ပါမည်။

    အာဏာပိုင်အစိုးရ၏ အခန်းကဏ္ဍပါဝင်ကြောင်း လက်ခံထုတ်ဖော်မှု မရှိဘဲ မြန်မာနိုင်ငံရှိ မွတ်စ်လင်မ် ဆန့်ကျင်ရေး အကြမ်းဖက်မှုအား အဖြေရှာရန် ချဉ်းကပ် စူးစမ်းခြင်းက ရူးသွပ်မှုသာ ဖြစ်ချိမ့်မည်။ မည်သည့်အကြောင်းရင်းကြောင့် မွတ်စ်လင်မ်ရေးရာပြဿနာဖြစ်ရသည်ကို တိကျပီပြင်စွာ သတ်မှတ်ဖော်ပြနိုင်ရပါမည်။ အဖိနှိပ်ခံလူနည်းစု တစ်ရပ်အပေါ် ဆန့်ကျင်တိုက်ခိုက်မှုများ စံနစ်တကျ ကျယ်ပြန့်လာအောင် အာဏာပိုင်များမှ ဖော်ဆောင်အားပေးနေခြင်းတည်းဟူသော အချက်သည်သာလျှင် အမြန်ဆုံး အဖြေမှန်ရရှိရေးအတွက် ပထမဦးဆုံး နှင့် ပဓာနအကျဆုံး ဦးတည်ရှေ့ရှုရမည့်ခြေလှမ်းပင် ဖြစ်ပေ၏။

    xxxxxxxxxxxxxxxxxxxxxx

    Rachel Wagley ၏ In Burma, There is No ‘Communal Violence’ သုံးသပ်ချက်ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားပါသည်။

  • ဗုံးတွေပေါက်တာ ဘယ်သူလုပ်

    အောက်တိုဘာ-၁၇
    M-Media

    Mandalay boom2
    ဓါတ်ပုံ အညွှန်း >> အောက်တိုဘာ ၁၄ ရက် နေ့က မန္တလေးမြို့ ၁၆ လမ်းနှင့် လမ်း ၈၀ ကြား ချိန်ကိုက်ဗုံးတွေ့ရှိခဲ့ပြီး စနက်တံဖြုတ်မရသဖြင့် လုံခြုံရေးတပ်ဖွဲ့ဝင်များ ဖောက်ခွဲလိုက်ရသည်။

    သောကြာနေ့ကတည်းက ပေါက်လာတဲ့ ဗုံးတွေကြောင့် လူနှစ်ယောက်သေခဲ့ပြီလို့ အတည်ပြုထားသလို ဒဏ်ရာရသူတွေလည်း အများအပြားပါပဲ။ ဗုံးပေါက်တာ ၉ လုံးရှိပါပြီ။ ကုန်သည်ကြီးများဟို တယ်မှာ ပေါက်တဲ့ဗုံးကြောင့် အမေရိကန်နိုင်ငံသူ တစ်ဦး ဒဏ်ရာရခဲ့ပါတယ်။ ဘယ်သူကမှ ဒါသူတို့လက်ချက်ပါလို့ ကြေညာခြင်းမျိုးမရှိသေးပါဘူး။ ဆယ်စုနှစ်များစွာ အထီးတည်းဖြစ်နေခဲ့ရာကနေ နိုင်ငံခြားရင်းနှီးမြှုပ်နှံမှုတွေ ၀င်ရောက်လာနေချိန်၊ နိုင်ငံကလည်း ဒေသတွင်းမှာ အရေးကြီးတဲ့ ခေါင်းဆောင်နေရာကို ရယူထားတဲ့ အခုလို အချိန်မှာ ဗုံးတွေပေါက်တာကြောင့် မြန်မာပြည်ရဲ့ တည်ငြိမ်အေးချမ်းမှုက မေးခွန်းထုတ်စရာ၊ သံသယ၀င်စရာဖြစ်လာပါတယ်။

    ရန်ကုန်မြို့မှာပေါက်တဲ့ဗုံးတစ်လုံးကတော့ ဈေး၊ ဘတ်စ်ကားမှတ်တိုင်တစ်ခုနဲ့ တရုတ်စားသောက်ဆိုင်တစ်ဆိုင်တို့ကို ထိမှန်ခဲ့ပါတယ်။ အဲသလိုပေါက်တာက နိုင်ငံတ၀ှမ်းလုံးမှာပါ။ မပေါက်သေးတဲ့ ဗုံး လေးလုံးကိုလည်း ရှာဖွေတွေ့ရှိခဲ့ပါတယ်။

    ဘန်ကောက်မြို့ အမေရိကန်သံရုံးက ပြောခွင့်ရပုဂ္ဂိုလ်ကတော့ ဘန်ကောက်ရောက် ဒဏ်ရာရအမေရိကန်အမျိုးသမီးနဲ့ ပတ်သတ်ပြီး သူမရဲ့ ပုဂ္ဂလိကလုံခြုံရေးအတွက် တစ်စုံတစ်ရာထုတ်ဖော်ပြ ပြောဆိုဖို့ ငြင်းဆိုခဲ့ပါတယ်။ ရန်ကုန်က အမေရိကန်သံရုံးကတော့ အမေရိကန်တွေကို လူထူထပ်တဲ့နေရာတွေမှာ သတိထားသွားလာဖို့ နှိုးဆော်ထားပါတယ်။ ရဲကတော့ အသက် ၂၆ နှစ်အရွယ် လူတစ်ယောက်ကို ကုန်သည်ကြီးများဟိုတယ်ဗုံးကွဲမှုနဲ့ ဆက်စပ်ပြီး ဖမ်းဆီးခဲ့ပါတယ်။ မန္တလေးမှာ ဗုံးခွဲဖို့ ကြိုးစားတယ်လို့ သံသယ၀င်ရတဲ့ အခြားလူငါးဦးကိုလည်း ဖမ်းဆီးထားပါတယ်။ ဒီလို နိုင်ငံတ၀ှမ်းဗုံးကွဲမှုတွေဟာ တစ်ခုနဲ့တစ်ခု ဆက်စပ်နေသလား၊ မနေဘူးလားဆိုတာကိုတော့ ဆက်လက်စုံစမ်းနေဆဲဖြစ်တယ်လို့ သိရပါတယ်။

    စစ်အစိုးရလက်ထက်တုံးကတော့ ဒါမျိုးအသေးစားဗုံးပေါက်မှုတွေ ရှိခဲ့ပါတယ်။ ဒါပေမယ့် လွန်ခဲ့တဲ့နှစ်အနည်းငယ်ကစပြီး နည်းပါးလာခဲ့ရာကနေ အခုမှ ထဖြစ်တော့ ဘာတွေဖြစ်နေပြီလဲလို့ မေးခွန်းထုတ်စရာပါ။

    ဦးသိန်းစိန်ရုံးက ပြောခွင့်ရပုဂ္ဂိုလ်ကတော့ ဒီလိုမျိုး နိုင်ငံခြားက အရေးကြီးဧည့်သည်တွေ၊ ရင်းနှီးမြှုပ်နှံသူတွေ၊ ကမ္ဘာလှည့်ခရီးသွားတွေ ၀င်လာနေချိန်မှာ မြန်မာပြည်ကြီး မငြိမ်းချမ်းဘူးဆိုတာမျိုး အထင်ရောက်ဖို့ ရည်ရွယ်ချက်ရှိရှိ လုပ်ဆောင်တာဖြစ်တယ်လို့ ဗုံးကွဲမှုတွေကို ရည်ညွှန်းပြီး နယူးယောက်တိုင်းမ်စ်ကို ပြောပြထားပါတယ်။

    အစိုးရနဲ့ တိုင်းရင်းသားလက်နက်ကိုင်တွေအကြား ငြိမ်းချမ်းရေးစကားပြောဆွေးနွေးပွဲတွေ ပျက်သွားဖို့ ရည်ရွယ်လုပ်ဆောင်တာဖြစ်တယ်လို့လည်း သုံးသပ်ကြပါတယ်။

    အစိုးရအတိုက်အခံဖြစ်ခဲ့ဖူးသူတစ်ဦးကတော့ ဒါတွေက လက်ရှိအစိုးရကို သိက္ခာလည်းကျစေမယ်၊ လုံခြုံရေးတပ်ဖွဲ့တွေ ပြန်နေရာရအောင်လုပ်ဆောင်ရာလည်း ကျတယ်လို့ တိုင်းမ်စ်မဂ္ဂဇင်းကို ပြောပြထားပါတယ်။

    အရှေ့တောင်အာရှက သံတမန်တစ်ဦးကတော့ ဒီဗုံးကွဲမှုတွေဟာ နိုင်ငံပြင်ပက အဖွဲ့တွေနဲ့ ဆက်စပ်နေနိုင်တယ်လို့ ရိုက်တာကို ပြောပြထားပြန်ပါတယ်။

    ဒီရက်သတ္တပတ်ထဲမှာ ပေါက်ခဲ့တဲ့ဗုံးတွေကတော့ သတိထားမိစရာကောင်းနေပါပြီ။ ဒီဇင်ဘာမှာ မြန်မာပြည်က အရှေ့တောင်အာရှအားကစားပြိုင်ပွဲကို အိမ်ရှင်အဖြစ်လက်ခံကျင်းပမယ်၊ ၂၀၁၄ မှာ အာဆီယံဥက္ကဌလုပ်ဖို့ ရာထူးယူမယ်၊ ဒါကြောင့် လာမယ့်နှစ်ထဲမှာ အာဆီယံအစည်းအဝေးတွေကို ပြည်တွင်းမှာ ကျင်းပရလိမ့်မယ်။ “ဒီဗုံးအသေးစားတွေက ထိခိုက်ဒဏ်ရာကြီးကြီးမားမား ရစေဖို့ ရည်ရွယ်ပုံမရဘူး၊ နိုင်ငံတွင်းမှာ တည်ငြိမ်မှုမရှိဘူးဆိုတာလောက်ကို မီးမောင်းထိုးပြဖို့ ရည်ရွယ်ရာကျတယ်။” လို့ ကမ္ဘာ့လုံခြုံရေးအကြံပေးလုပ်ငန်း  IHS-Jane’s ရဲ့ ခွဲခြမ်းစိတ်ဖြာရေးဆရာကြီး အန်တိုနီဒေးဗစ်က ရိုက်တာကို ပြောပြထားတာပါ။

    ဒေါ်အောင်ဆန်းစုကြည်ကတော့ လူတွေအနေနဲ့ လိုတာထက်ပိုပြီး တုန့်ပြန်တာတွေမလုပ်ဖို့၊ ဒါတွေဟာ ပြည်သူလူထုကို အထိတ်တလန့်ဖြစ်စေဖို့ ရည်ရွယ်ချက်ရှိရှိလုပ်ဆောင်တာတွေဖြစ်ကြောင်း၊ လူတွေက သတိရှိရှိနေပြီး ထောင်ချောက်ထဲရောက်မသွားဖို့လိုကြောင်း ပြောပါတယ်။

    Ref:The Atlantic Wire

  • မြန်မာမွတ်စ်လင်မ် ဒုက္ခသည်များနဲ့တဒင်္ဂဆုံစည်းမှု (ဘာသာပြန် ဆောင်းပါး)

    စက်တင်ဘာ ၁၆- ၂၀၁၃
    M-Media
    မြင့်မိုရ် မောင်မောင် ဘာသာပြန်ဆိုသည်။

    1
    (ဓာတ်ပုံ- ခရိုင်အားကစားကွင်းရှိ ပြည်တွင်းဒုက္ခသည်ယာယီစခန်း IDP Camp ကို နေအိမ်သဖွယ်သဘောထားနေရသော ဒုက္ခသည်များ)

    ပြီးခဲ့တဲ့လအတွင်း ကုလသမဂ္ဂလူ့အခွင့်အရေးကိုယ်စားလှယ် သောမတ်စ်ကင်တားနားဟာ မိတ္ထီလာမြို့ထဲက မွတ်စ်လင်မ်ဒုက္ခသည်များ စခန်းကိုသွားရောက်နိုင်ဖို့ကြိုးစားစဉ်က လူရမ်းကားတစ်စုရဲ့ဝိုင်းရံမှုကို ခံခဲ့ရတယ်။
    “ လူ ၂၀၀ လောက် ရှိတဲ့ လူအုပ်ကြီးက ကျွန်တော့် ကားကို ၀ိုင်းပြီး ရပ်တန့်စေခဲ့တယ်။ သူတို့က ဆဲဆိုအော်ဟစ်ပြီး ကားရဲ့ပြူတင်းနဲ့တံခါးတွေကို ရိုက်ပုတ် ကန်ကျောက်ခဲ့ကြတယ် ” လို့ ကင်တားနားရဲ့ပြောဆိုချက်မှာ တွေ့ရတယ်။

    ဒါပေမယ့် မြန်မာအစိုးရကတော့ ဒါဟာ အနှောင့်အယှက်ပေးတာ မဟုတ်ပါဘူးတဲ့။ သမ္မတရဲ့ပြောရေးဆိုခွင့်ရှိသူ ဦးရဲထွဋ်က ကင်တားနားဟာ အဲ့ဒီအဖြစ်အပေါ် အမြင်မှားအထင်လွဲတာပါဆိုပြီး မီဒီယာအသိုင်းအ၀ိုင်းကို ပြောကြားခဲ့တယ်။ အဲ့ဒီလူအုပ်ဟာ လူရမ်းကားတွေ လုံးဝ မဟုတ်ပါဘူးတဲ့။ ငြိမ်းချမ်းစွာ ဆန္ဒပြယင်း ကြိုဆိုနေကြတဲ့ လူစုပါတဲ့။ သူတို့က ကင်တားနားကို စာတစ်စောင်ပေးနိုင်ဖို့ ကြိုးစားခဲ့ကြတာပါတဲ့။ အဲ့ဒီဖြစ်ရပ်မတိုင်ခင် ရက်ပိုင်းလောက်မှာ နိုင်ငံရေးကိစ္စ အလျဉ်းမပါဝင်ဘဲ ကျွန်တော် နဲ့ ဓာတ်ပုံဆရာ အင်ဒရူး စတင်းဘရစ်ဂ်ျ တို့က ကင်တားနားသွားချင်ခဲ့တဲ့နေရာနဲ့အနီးတစ်ဝိုက်ကလူတွေဆီ ရောက်ရှိခဲ့တယ်။ ကုလသမဂ္ဂရဲ့နာမည်ကြီးပုဂ္ဂိုလ်တွေမဟုတ်တော့ အဲ့ဒီလိုမျိုး မကြုံဆုံခဲ့ရပါဘူး။ ကားကိုရပ်တန့်စေပြီး ပြူတင်းပေါက်ကတဆင့် စာတွေကမ်းပေးဖို့ ရာဂဏန်းရှိ လူတစ်စုရဲ့နှုတ်ဆက်မှုမျိုး မဖြစ်ခဲ့ကြပါဘူး။

    ဒီနှစ်အတွင်း ဗုဒ္ဓဘာသာဝင်တွေရဲ့အကြမ်းဖက်တိုက်ခိုက်မှုကြောင့် အိုးအိမ်စွန့်ခွာခဲ့ကြတဲ့ မွတ်စ်လင်မ် ၁၆၀၀ လောက်က IDP စခန်းမှာ ဇဝေဇ၀ါနဲ့ နေနေရစဲပါ။ ရွှေဆိုင် ပိုင်ရှင် မွတ်စ်လင်မ်တစ်ဦး နဲ့ ရွှေရောင်းသူဗုဒ္ဓဘာသာဝင် တစ်ဦး အငြင်းပွားပြဿနာဖြစ်ရာကနေ လမ်းအပြင်ဖက်ရောက်လာပြီး မွတ်စ်လင်မ် ဆန့်ကျင်ရေး အကြမ်းဖက်မှု စတင်ခဲ့တာ ဖြစ်တယ်။ အခြေအနေ အလှည့်အပြောင်း မြန်ဆန်လှပါတယ်။ မော်တော်ဆိုင်ကယ်စီးလာတဲ့ ဘုန်းကြီးတစ်ပါးကို မွတ်စ်လင်မ်တွေက ဆွဲချပြီး မီးရှို့သတ်ဖြတ်တယ်ဆိုပြီးတဲ့နောက် ဗုဒ္ဓဘာသာဝင်တွေဟာ လက်စားချေသောအားဖြင့် မွတ်စ်လင်မ်တွေရဲ့ နေအိမ်၊ ဆိုင်ခန်းတွေကို မီးရှို့ဖျက်ဆီးခဲ့ကြကုန်တယ်။ လူတွေကို လိုက်လံဖမ်းဆီးပြီး မီးရှို့သတ်ဖြတ်တဲ့အထိ ဖြစ်ကုန်တယ်။ ရဲတွေကတော့ ကူညီခွင့်မရှိလို့လား ကူညီချင်စိတ်မရှိလို့လား မသိဘူး။ အနီးမှာ ရပ်ကြည့်လျက်သာ ရှိခဲ့ကြတယ်။

    နေရာအနှံ့က အိုးအိမ်စွန့်ခွာထွက်ပြေးရတဲ့သူတွေဟာ ၁၀၀၀၀ ကနေ ၁၈၀၀၀ ကြားမှာရှိပြီး အနည်းဆုံး ၄၃ ဦး သတ်ဖြတ်ခံခဲ့ရတယ်။ မိတ္ထီလာ အာဏာပိုင်များရဲ့အဆိုအရ လက်ရှိ ကယ်ဆယ်ရေး စခန်းတွေမှာ လူ ၄၀၀၀ လောက် ရှိနေကြောင်း၊ မွတ်စ်လင်မ်တွေအတွက် စခန်း ၃ ခု နဲ့ ဗုဒ္ဓဘာသာဝင်တွေအတွက် စခန်း ၁ ခု စီစဉ်ထားပေးထားကြောင်း သိရပါတယ်။

    2(ဓာတ်ပုံ  ဗုဒ္ဓဘာသာဝင်အကြမ်းဖက်အုပ်စုများ ဖျက်ဆီးသွားခဲ့သော မိတ္ထီလာရှိမွတ်စ်လင်မ်နေအိမ်အပျက်အစီးပုံအကြား ထိုင်နေသော လူတစ်ဦး)

    စစ်အုပ်ချုပ်ရေးအပေါ် အုံကြွပေါက်ကွဲခဲ့တဲ့ ရွှေဝါရောင်တော်လှန်ရေးပြီးတဲ့နောက် မြန်မာနိုင်ငံဟာ ဒီမိုကရေစီနဲ့လွတ်လပ်မှုဖက်ကို စတင်ကူးပြောင်းလာခဲ့တယ်။ ဒါပေမယ့် ၂၀၁၂ ခုနှစ်ကတည်းက ဗုဒ္ဓဘာသာဝင်တွေနဲ့ မွတ်စ်လင်မ်တွေအကြား ထိပ်တိုက်တွေ့စေမှုက ပြဿနာတက်လာစေခဲ့တယ်။

    မြန်မာပြည်ရဲ့အနောက်ပိုင်းကမ်းမြှောင်ဒေသတစ်ခုဖြစ်တဲ့ ရခိုင်ပြည်နယ်မှာ ၂၀၁၂ နှစ်လယ်ပိုင်းက ဒေသခံ ဗုဒ္ဓဘာသာဝင်တွေနဲ့ ရိုဟင်ဂျာမွတ်စ်လင်မ်တွေအကြား အကြမ်းဖက်မှု စတင်ဖြစ်ပွားတယ်။ ရိုဟင်ဂျာတွေက လူနည်းစုဝင် တစ်ရပ်ဖြစ်ပြီး ဗုဒ္ဓဘာသာဝင်မြန်မာများက သူတို့ကို နိုင်ငံသားအဖြစ် လက်မခံကြပါဘူး။ ရခိုင်ပြည်နယ်ထဲမှာ ဗုဒ္ဓ ဘာသာဝင်တွေ နဲ့ မွတ်စ်လင်မ်များအကြား ကာလအတန်ကြာအောင် တင်းမာမှုရှိနေခဲ့ကြတယ်။ မိတ္ထီလာကျတော့ လုံးဝကွဲပြားခြားနားနေပြီး မွတ်စ်လင်မ်တွေရဲ့ဆင်းသက်မှု၊ နိုင်ငံသားဖြစ်မှုနဲ့ ပတ်သက်လို့ အငြင်းပွားမှုမရှိသလို သာမန်အသေးအဖွဲလောက်နဲ့ ပဋိပက္ခဖြစ်ရတဲ့ရာဇ၀င်မျိုးလည်း မရှိခဲ့တာ အမှန်ပါ။ အခုလို ရက်စက်မှုတွေ ပွင့်ထွက်လာလိမ့်မယ်လို့ ဘယ်တုန်းကမျှ ထင်မထားဘဲ ဗုဒ္ဒဘာသာဝင်တွေနဲ့ သင့်တင့်မျှတညီညွတ်စွာ အတူနေထိုင်လာခဲ့ကြောင်း ဒေသတွင်း မွတ်စ်လင်မ်များစွာတို့က ဆိုပါတယ်။

    ဒီပြောဆိုချက်တွေအမှန်ဖြစ်ကြောင်း မွတ်စ်လင်မ်ခေါင်းဆောင်နဲ့ရှေ့နေတစ်ဦးဖြစ်တဲ့ ဦးအောင်သိန်းက အတည်ပြုခဲ့ပါတယ်။ သူ့ကို မိတ္ထီလာမြို့ဗလီတွေထဲက အဖျက်ဆီးမခံရပဲကျန်ရစ်နေတဲ့ တစ်ခုတည်းသောဗလီဝတ်ကျောင်းတော်မှာ ကျွန်တော်တို့တွေ့ဆုံခဲ့ကြပါတယ်။ အလားတူ အမည်မဖော်လိုတဲ့ အခြား မွတ်စ်လင်မ်များစွာကလည်း ပြောပြကြပါတယ်။ တိုက်ခိုက်မှုမဖြစ်ပွားခင်က မွတ်စ်လင်မ်နဲ့ဗုဒ္ဓဘာသာဝင်တွေဟာ တော်တော်လေး သင့်မြတ်ပြေလည်မှုရှိကြတယ်၊ အတူ သွားလာစားသောက်စီးပွားလုပ်နေခဲ့ကြတာပါတဲ့။ အာဃာတ တောက်လောင်လာအောင် ကျယ်ကျယ်ပြန့်ပြန့်အမုန်းတရား သွတ်သွင်းဟောပြောနေချက်တွေက ပြစ်တင် ရှုတ်ချစရာပါဘဲ။ ဒီလို အစ္စလာမ်ဆန့်ကျင်ရေး အမျက်သိုမုန်းတီးရေး တရားပွဲများစွာကို ဖန်တီးနေခဲ့သူကတော့ အစွန်းရောက်ဘုန်းကြီး အရှင်ဝီရသူ နဲ့ သူ့နောက်လိုက် ၉၆၉ အဖွဲ့သားတွေဖြစ်ကြတယ်။ ၉၆၉ ဆိုတာ များမကြာသေးတဲ့ကာလတစ်ခုကဖွဲ့စည်းခဲ့တဲ့ ဗုဒ္ဓဘာသာဝင်အမျုိုးသားရေးဝါဒီအုပ်စုပါ။

    3

    ( ဓာတ်ပုံ  –  မန္တလေးမြို့၊ ၉၆၉ အဖွဲ့ဌာနချုပ်ဖြစ်သော မစိုးရိမ်ကျောင်းတိုက်မှ ဦးဝီရသူ )

    သူ့ကျောင်းတိုက်ကို ရောက်ခဲ့စဉ်က မွတ်စ်လင်မ်တွေဟာ ဘာသာရေးအဓိကရုဏ်းတွေကို စတင်ဖန်တီးသူတွေဖြစ်ကြောင်း၊ သူ့နောက်လိုက်တွေကတော့ မိမိကိုယ်ကိုကာကွယ်သူတွေသာဖြစ်ကြောင်း “ မွတ်စ်လင်မ် အများစုဟာ သွေးကြွသူတွေဖြစ်ကြတယ်။ ဒီလူမျိုးရေးပဋိပက္ခရဲ့ အဓိက အကြောင်းရင်းဟာ သူတို့တွေပဲဖြစ်တယ်။ ဗုဒ္ဓဘာသာဝင်မြန်မာလူမျိုးတွေက သည်းညည်းမခံနိုင်တော့လို့ သူတို့ကို တန်ပြန်တိုက်ခိုက်ပြီး ကိုယ်ပိုင်ဥပဒေနဲ့စီရင်လိုက်တာပါဘဲ ” ဆိုပြီး ဦးဝီရသူက ကျွန်တော့်ကိုပြောပါတယ်။

    မွတ်စ်လင်မ်များက မြန်မာပြည်ကို ဒုက္ခရောက်အောင်လုပ်နေတယ်လို့ မကြာခဏဟောပြောနေပေမယ့် “ ဘာသာ အသီးသီးက လူတွေနဲ့ ညီညွတ်မျှတစွာနေထိုင်ဖို့ အားလုံးကိုတိုက်တွန်းနေပါတယ်။ ငြိမ်းချမ်းရေးနဲ့သင့်မြတ်ရေးထဲ နေထိုင်နိုင်မယ့်အစီအစဉ်ကို စတင်ချမှတ်နေပါပြီ ” ဆိုပြီး ပြဿနာ မှန်သမျှကနေ ရှောင်ကြဉ်ဖို့ကြိုးစားနေတယ်လို့ ဦးဝီရသူက ဆိုပါတယ်။

    မိတ္ထီလာမြို့ခံ တစ်ချို့က ဦးဝီရသူရဲ့စကားကို ပယ်ချခဲ့ကြတယ်။ ၉၆၉ ခေါင်းဆောင်ကြီးရဲ့တရားပွဲပြီးတဲ့နောက် မိတ္ထီလာတစ်ခွင်လုံးမှာ မွတ်စ်လင်မ်ဆန့်ကျင်ရေးအတွက် မှိုင်းတိုက်ဝါဒဖြန့်စာစောင်တွေ၊ ဒီဗီဒီတွေကို ပလူပျံအောင် ဖြန့်ဖြူးခဲ့တယ်လို့ ဆိုကြပါတယ်။ “ ရခိုင်ပြည်နယ်အကြမ်းဖက်မှုနောက်ပိုင်း ဒီဖက်မှာ အမုန်းမှိုင်းတိုက် တရားပွဲတွေကို ကျယ်ကျယ်ပြန့်ပြန့်လုပ်လာကြတယ်။ ဒေသတွင်း အာဏာပိုင်တွေကလည်း ဒါကိုရပ်ဆိုင်းစေဖို့ ဘာဆိုဘာမှ မလုပ်ခဲ့ကြပါဘူး ”။

    မြို့ခံရဲတပ်ဖွဲ့ကလည်း မွတ်စ်လင်မ်တွေကို စုရုံးခွင့်မပြုပါဘူး။ “ တကယ်လို့ သူတို့အမိန့်ကို မလိုက်နာယင် နောက်တစ်ကြိမ်ထပ်မံဖြစ်ပွားဦးမယ်လို့ အာဏာပိုင်တွေက ကျွန်တော်တို့ကို အမြဲတစေ ဖိအားပေးနေပါတယ် ” လို့ တွေ့ဆုံခဲ့သူတစ်ဦးက ဆက်လက်ရှင်းပြတယ်။ ဒေါသအုံကြွမှုတွေ ဆုံးခန်းတိုင်သွားပေမယ့် သူကတော့ လုံခြုံပြီလို့ မခံစားရသေးဘူး၊ ယာယီဒုက္ခသည်စခန်းတွေကနေ မိမိနေအိမ်များကို ပြန်ခွင့်မပြုဘဲ အာဏာပိုင်တွေက အကြောင်းပြချက်အမျိုးမျိုးပေးနေပါတယ် ဆိုပြီး ဆိုပါတယ်။

    မြို့ထဲမှာ တင်းမာမှုတွေ ကြွင်းကျန်နေဆဲဖြစ်ပြီး မွတ်စ်လင်မ်တွေအနေနဲ့ အကျဉ်းအကြပ်ထဲရှိနေဆဲဆိုတာတွေ့ရတယ်။ မိမိတို့ရဲ့မိတ်ဆွေတွေ၊ မိသားစုဝင်တွေကို သတ်ဖြတ်တဲ့ထဲမှာ အိမ်နီးချင်းတွေလည်း ပါဝင်တယ်လို့ လူများစွာက ပြောကြားကြတယ်။ “ အကြမ်းဖက်အုပ်စုထဲပါဝင်တဲ့လူတစ်ချို့ဟာ လှည့်ပတ်သွားလာနေဆဲပါဘဲ။ မိမိခင်ပွန်းကို သတ်ဖြတ်လိုက်သူကို သိခဲ့တဲ့ အမျိုးသမီးတစ်ဦးက သက်ဆိုင်ရာကို တိုင်ကြားပေမယ့် အာဏာပိုင်တွေက လုံးဝ အရေးတယူမလုပ်ကြပါဘူး ”။

    မြန်မာမွတ်စ်လင်မ်တွေအပေါ် ဖိနှိပ်ဆက်ဆံမှုတွေနဲ့ပတ်သက်လို့ လူ့အခွင့်အရေးသုံးသပ်ချက်အစီရင်ခံစာတစ်စောင်ကို ပြီးခဲ့တဲ့ လနှောင်းပိုင်းမှာ ထုတ်ပြန်ခဲ့တယ်။ အနာဂတ်ကာလမှာ လူ့အခွင့်အရေးချိုးဖောက်မှု၊ မျိုးတုန်းရှင်းလင်းမှုအပါအ၀င် အကြမ်းဖက်မယ့်လက္ခဏာအစွန်းအစတွေ တွေ့နေရဆဲဖြစ်တယ်လို့ ဖော်ပြထားတယ်။

    ဘက်လိုက်မျက်နှာလွှဲထားမှုတွေ၊ ပြစ်မှုကျူးလွန်ပြီး တရားရုံးမရောက်သူတွေ၊ နှိပ်စက်မှုမှာ အားပေးအားမြှောက်လုပ်တဲ့ ရဲဝန်ထမ်းတွေရှိခဲ့ကြောင်း “ ရဲဝန်ထမ်းတွေဟာ တိုက်ခိုက်မှုတစ်ချို့အတွင်း တိုက်ရိုက်ပါဝင်ပတ်သက်မှု ရှိခဲ့ကြတယ်။ ကဏ္ဍတော်တော်များများမှာလည်း တားဆီးမှုမရှိဘဲ ရပ်ကြည့်နေခဲ့ကြတယ် ” လို့လည်း အစီရင်ခံစာထဲ ပါရှိနေတယ်။

    ဒီအစီရင်ခံစာကို  Bangkok Foreign Correspondents Club မှာထုတ်ပြန်တဲ့အခါ ရေးသားသူ ဘီလ် ဒေးဗစ် (Bill Davis) က “ ခုချိန်မှာ ပြဿနာ ရပ်ဆိုင်းသွားခဲ့ပြီဖြစ်ပေမယ့် အကြမ်းဖက်မှုကိုဖြစ်ပွားစေတဲ့ အခြေခံအချက်ကတော့ ကျန်ရှိနေတုန်းပါဘဲ။ အဲ့ဒါက အမုန်းတရားအစဉ်အလာကိုဖန်တီးပြီး ဆက်လက် မီးစိမ်းပြဦးမယ့် အမျိုးအစားဖြစ်နေပါတယ် ” လို့ ပြောကြားသွားခဲ့ပါတယ်။

    နောက်ဆုံးရ အချက်အလက်များက အဖမ်းခံရသူ ၈၇ ဦးမှာ ဗုဒ္ဓဘာသာဝင် ၃၈ ဦးသာ ပါဝင်နေကြောင်း ပြသနေပါတယ်။ “ ဒီစီမံမှုထဲ အမှန်တကယ် ပါဝင်နေသူ အများစုက လွတ်မြောက်နေဆဲဖြစ်ပါတယ်။ အဖမ်းခံထားရသူတွေက နောက်လိုက် သက်သက်ပါ။ ခေါင်းဆောင်တွေ မဟုတ်ကြပါဘူး ” လို့ ကျွန်တော်တို့ကို IDP က မွတ်စ်လင်မ်တစ်ဦး ပြောပြခဲ့တယ်။

    ဗုဒ္ဓဘာသာဝင်တွေ အုံကြွလာအောင် မှိုင်းတိုက်မှုအတွက် ကန့်လန့်ကာနောက်ကွယ်က တာဝန်အရှိဆုံးသူတွေဟာ ဦးဝီရသူနဲ့သူ့နောက်လိုက်တွေသာဖြစ်တယ်လို့ လက်ခံသူတွေ များစွာရှိနေကြတယ်။ တိုင်းပြည်ကို ဒီမိုကရေစီ လမ်းကြောင်းကနေဖယ်ခွာပြီး စစ်အုပ်ချုပ်ရေးဖက်ပြန်လည်တွန်းပို့လိုတဲ့ အာဏာပိုင်အချို့က ကြံဆောင်မှုဖြစ်တယ် လို့လည်း အမြင်ရှိသူတွေ မနည်းလှပါဘူး။ မိတ္ထီလာရဲ့ဈေးကွက်ဝင်ဧရိယာထဲက မွတ်စ်လင်မ်တွေကို ဖယ်ထုတ်ပြီး ပြန်လည် ဆုပ်ကိုင်ရယူအမြတ်ထုတ်တယ်လို့ သုံးသပ်သူတွေလည်း ရှိနေကြပါတယ်။

    အမြင်နှစ်ရပ်လုံးထဲမှာ စစ်အာဏာရှင်ဟောင်းတွေရဲ့လက်တွဲဖော် ခရိုနီအုပ်စုတွေဆိုတဲ့ စကားလုံးက ၀ိုင်းရံနေပါတယ်။ စစ်အာဏာရှင်အုပ်စုဟောင်းတွေက မိမိတို့ရဲ့အာဏာ ဆက်လက်တည်မြဲဖို့ (သို့တည်းမဟုတ်) စီးပွားရေးတံခါးဖွင့်ချိန်မှာ ပိုမိုကြွယ်ဝလာဖို့ ခုတုံးလုပ်တာ ဖြစ်နိုင်ပါတယ်။ “ ဒီခရိုနီတွေနဲ့အာဏာပိုင်တွေဟာ တိုင်ပြည်ကို နောက်ပြန်ဆုတ်စေချင်ကြတယ်။ ဒီမိတ္ထီလာအကြမ်းဖက်မှုကြီးကို သူတို့က စံနစ်တကျ ကြိုတင်ကြံစည် ဖန်တီးခဲ့ကြတာပါ ” ဆိုပြီး ကုန်သည်တစ်ဦးက ကျွန်တော်တို့ကို ဗလီထဲမှာ ပြောပြခဲ့ပါတယ်။

    5

    ( ဓာတ်ပုံ  – ဗုဒ္ဓဘာသာဝင်အကြမ်းဖက်သမားတို့မှ ဖျက်ဆီးခဲ့သော မိတ္ထီလာရှိ မွတ်စ်လင်မ်တို့၏နေရာတစ်ခု)

    ရွှေဝါရောင်တော်လှန်ရေးဦးဆောင်ဆရာတော်တစ်ဦးဖြစ်တဲ့ ဦးပုည၀ံသ ကလည်း ဒီအကြမ်းဖက်မှုနောက်ကွယ်မှာ ခရိုနီတွေရှိကြောင်း လက်ခံခဲ့တယ်။ ဒါပေမယ့် ငွေကြေးလောဘ ဆိုတာထက် လက်လွှတ်သွားတဲ့စစ်အုပ်ချုပ်ရေးကို ပြန်လည်အသက်သွင်းလိုတာကြောင့် ဒီလိုလုပ်တာလို့ သူက အမြင်ရှိတယ်။ ပြည်တွင်း မွတ်စ်လင်မ်တွေ ဘယ်ပုံဘယ်နည်း နှိပ်စက်ခံရတယ်ဆိုတာကို မပြောကြားမီ သူက “ မြေပိုင်ဆိုင်ရေး နဲ့ အကျင့်ပျက်ခြစားမှု ပြဿနာတွေ ရှိနေကြတယ် ” လို့ ဆိုပါတယ်။ အာဏာပိုင်တွေက မှန်ကန်တဲ့ အထောက်အထားမပြနိုင်ဘူးဆိုတဲ့ အကြောင်းပြချက်နဲ့ မွတ်စ်လင်မ်တွေကို ခုထိ မြေပြန်မပေးသေးတာကတော့ ထင်ထင်ရှားရှားတွေ့နေရတယ်။ နေရာတော်တော် များများအတွက် အထောက်အထားဆိုတာ မကျန်ရှိခဲ့ပါဘူး။ (မီးရှို့ဖျက်ဆီးမှုထဲ ပါသွားပြီလေ)။ မြေနေရာပြန်ပေးဖို့ငြင်းဆန်ခြင်းဟာ အကယ်၍ အဲ့ဒါတွေကို ပြန်လည်ပြုပြင် တည်ဆောက်ယင် မြန်မာအစိုးရဟောင်း အဖွဲ့ဝင်အများအပြားကို အကြီးအကျယ် ချမ်းသာကြွယ်ဝသွားစေမှာဖြစ်ပါတယ်။

    ဒီပြဿနာနဲ့စပ်လျဉ်းပြီး ဘီလ်ဒေးဗစ္စ က “ သူတို့ကို အိမ်ပြန်ခွင့်မပေးဖို့ အမိန့်တွေပေးထားကြတယ်။ သူတို့ဟာ ဒီမြေတွေကို တကယ်ပိုင်ဆိုင်ကြောင်း အထောက်အထားတွေပြရမယ်လို့ ဒီလူတွေက ပြောတယ်။ ဒီလိုပြောဆိုတဲ့ ပထမအကြောင်းက မြန်မာနိုင်ငံမှာ မြေပိုင်ဆိုင်မှုစံနစ်ဆိုတာ မရှိပါဘူး (အားလုံးက နိုင်ငံပိုင်မြေ ဖြစ်တယ်)။ ဒုတိယအချက်က အထောက်အထားပြသနိုင်ယင်တောင်မှ အိမ်တွေဖျက်ဆီးခံလိုက်ရပြီဖြစ်လို့ ဘယ်လိုမှ ရယူပြသလို့မရတော့တာကြောင့်ဖြစ်တယ် ” လို့ပြောတယ်။ သက်သေအချက်အလက်မရှိတဲ့အတွက် ဒီသီအိုရီအတိုင်း အသေအချာဖြစ်တယ်လို့ အတည်ပြုပြောကြားတာမျိုးတော့ မဟုတ်ပါဘူး။ ဒါပေမယ့် “ (အဖျက်ဆီးခံ) မြေနေရာအများစုဟာ စီးပွားရေး နဲ့ ကုန်ကူးသန်းမှုမှာ အရေးပါတဲ့ လမ်းမကြီး တစ်လျှောက်ပေါ် တည်ရှိနေတယ်။ အထူးသဖြင့် စီးပွားရေးလက်ဝါးကြီးအုပ်လိုသူတွေအဖို့ ဒီမြေတွေကို လိုချင်နေတာအမှန်ပါဘဲ။ ကချင်ပြည်နယ် နဲ့ ကရင်ပြည်နယ်လို မြန်မာပြည် အခြားဒေသများမှာလည်း အာဏာပိုင်တွေက အဓမ္မမြေသိမ်းတဲ့ အလားတူအခြေအနေမျိုး ရှိနေပါတယ် ” ဆိုပြီး ဖြည့်စွက်ပြောဆိုသွားခဲ့တယ်။

    ဗလီထဲမှာ တွေ့ဆုံပြောဆိုမှုပြီးစီးတဲ့နောက် ကျွန်တော်တို့ဟာ အကြမ်းဖက်အပျက်အစီးမြင်ကွင်းတွေကို ကြည့်ရှုဖို့ လမ်းသလားခဲ့ကြပါတယ်။ မြို့ရဲ့အချို့အစိပ်အပိုင်းဟာ လေကြောင်းစစ်ဆင်ရေးခံထားရသလိုမျိုးနဲ့ ခပ်ဆင်ဆင် တူနေပါတယ်။ လေလွင့်သူတွေကလည်း အပျက်အစီးပုံထဲက ပစ္စည်းကောင်းတွေကို ရှာဖွေတူးဆွနေကြတယ်။ မီးကျွမ်းပြိုလဲနေတဲ့ အိမ်ဝင်းတစ်ခုထဲမှာတော့ ဆိတ်ကျောင်းသားနဲ့ဆိတ်အုပ်တွေက သွားလာကျက်စားနေကြတယ်။ အဲ့ဒီနေရာဟာ တစ်ချိန်တုန်းက တောက်ပြောင်ခမ်းနားတဲ့ စားသောက်ခန်းတစ်ခု ဖြစ်ချင်ဖြစ်ခဲ့မှာပါဘဲ။ ခုချိန်မှာတော့ ……….။

    6

    ( ဓာတ်ပုံ  – အဖျက်ဆီးခံမွတ်စ်လင်မ်အိမ်များ၌ သွားလာကျက်စားနေသည့် ဆိတ်များ)

    နေ့လည်စာစားပြီးအခိုက်အတန့်မှာ ကျွန်တော်တို့အတွက်စီစဉ်သူက အရပ်သားအသွင်ဆောင်ထားတဲ့ ရဲထောက်လှမ်းရေးအရာရှိတစ်ယောက်ကို ညွှန်ပြပါတယ်။ အဲ့ဒီလူဟာ မြို့လယ်နဲ့အတန်ငယ် လှမ်းတဲ့နေရာတစ်ခုမှာ ကယ်ဆယ်ရေးစခန်းက လူတစ်ချို့နဲ့ကျွန်တော်တို့တွေ့ဆုံဆွေးနွေးမေးမြန်းတာကို နောက်ယောင်ခံ လိုက်ခဲ့တဲ့သူပါ။ အိမ်တစ်အိမ်မှာ IDP  ကလူတစ်ချို့ကို ကျွန်တော်တို့နဲ့တွေ့ဆုံစကားပြောဖို့ ခေါ်ထုတ်လာခဲ့တယ်။ ကျွန်တော်တို့ အင်တာဗျူးလုပ်ကြမယ့်အိမ်ထဲကို စီစဉ်သူက အဲ့ဒီသူကို ၀င်ရောက်စေခဲ့တယ်။ ကျွန်တော်လည်း အဲ့ဒီလူနဲ့အပေးအယူ တစ်ခုလုပ်ခဲ့တယ်။ သူက လက်နှစ်ဖက်လုံးသုံးပြီး အင်ဒရူးက လက်တစ်ဖက်ထဲနဲ့ လက်မောင်းလှဲအားပြိုင်လို့ သူနိုင်ယင် အထဲမှာစောင့်ကြည့်နိုင်တယ်။ တကယ်လို့ အင်ဒရူးကနိုင်သွားခဲ့ယင် သူက ထွက်ခွာသွားပေးရမယ်ဆိုပြီးတော့ပေါ့။ ဆယ်မိနစ်ကျော်ကျော်ကြာလွန် သွားတဲ့နောက် အဲ့ဒီလူက မအီမလည်အောင့်သက်သက်နဲ့ ထွက်ခွာသွားရတယ်လေ။

    သူက အနောက်တိုင်းဂျာနယ်လစ်နှစ်ဦးကို ကိုင်တွယ်ဖို့၊ ခြိမ်းခြောက်မှုလုပ်ဖို့အနေအထား မရှိခဲ့ပါဘူး။ ဒါပေမယ့် ကျွန်တော်တို့ရဲ့အင်တာဗျူးအကြောင်းအရာ နဲ့ စီစဉ်သူကိုတော့ ဒီလို သဘောထားချင်မှ ထားပါလိမ့်မယ်။ “မြန်မာ့နွေဦး” လို့ဆိုရမယ့်အပြောင်းအလဲဖြစ်နေသော်လည်း၊ သမ္မတဦးသိန်းစိန်က နိုင်ငံရေးအကျဉ်းသား အားလုံးကို လွှတ်ပေးမယ်လို့ တစိုက်မတ်မတ်ဆိုနေသော်လည်း မြန်မာနိုင်ငံရဲ့ မွတ်စ်လင်မ်တွေ၊ လူ့အခွင့်အရေးလှုပ်ရှားသူအပေါင်းက အနောက်တိုင်း ဂျာနယ်လစ်များနဲ့တွေ့ဆုံပြောဆိုမှုအပေါ် ရဲထောက်လှမ်းရေးနဲ့သတင်းပေးတွေဖက်က ရှေ့ဆက်ဒုက္ခပေးလာမှာကို စိုးရိမ်မှု ရှိနေတယ်လို့ ပြောပြကြပါတယ်။

    ဇူလိုင်လတုန်းက အာဏာပိုင်တွေကို ထောက်ပြပြောဆိုလေ့ရှိတဲ့ လှုပ်ရှားတက်ကြွသူ ရိုဟင်ဂျာအမျိုးသားကြီးတစ်ဦးကို အရေးယူပြီးထောင်ချခဲ့ကြတယ်။ အဲ့ဒီပုဂ္ဂိုလ်ဟာ ကျန်းမာရေးလည်း မကောင်းသလို ဆေးကုသမှုခံယူခွင့်လည်း ကောင်းကောင်းမရခဲ့ပါဘူး။ ရခိုင်ပြည်နယ်ကယ်ဆယ်ရေးစခန်းက ယာယီတဲတွေကို ဖြိုလှဲနေတဲ့ ရဲဝန်ထမ်းတစ်ယောက်ရဲ့ဓာတ်ပုံကို ဖေ့စ်ဘွတ်ပေါ်တင်လိုက်တဲ့ လူမှုလှုပ်ရှားသူတစ်ဦးဟာလည်း ရက်သတ္တပတ် အနည်းငယ်အတွင်း အဖမ်းခံခဲ့ရပါတယ်။

    7

    ( ဓာတ်ပုံ  – ကျွန်ုပ်တို့အား နောက်ယောင်ခံလိုက်ခဲ့သည့် ထောက်လှမ်းရေးရဲအရာရှိ )

    ကျွန်တော်တို့တွေ့ဆုံခဲ့တဲ့ IDP စခန်းထဲကလူအားလုံးဟာ အကြမ်းဖက်မှုစတင်စဉ်ကတည်းကြုံတွေ့ရမှုကို ပြောပြခဲ့တာ ထပ်တူထပ်မျှဖြစ်နေပါတယ်။ သူတို့ဟာ ဗုဒ္ဓဘာသာဝင်များနဲ့ ကာလရှည်ကြာစွာ ငြိမ်းငြိမ်းချမ်းချမ်း အတူနေထိုင်ခဲ့ကြတယ်။ ဒါပေမယ့် တင်းမာမှုတွေ တဖြည်းဖြည်းမြှင့်တက်လာမှုကိုလည်း သတိထားမိခဲ့ကြတယ်။ မိမိအိမ်ကို မီးတင်ရှို့ခံလိုက်ရတဲ့ အငြိမ်းစားရဲအရာရှိတစ်ဦးက “ ကျွန်တော်တို့ လူ့အဖွဲ့အစည်းက ဘာမှမကျူးလွန်ခဲ့ပဲနဲ့ ဘာကြောင့်ဒီလိုဖြစ်ပျက်ရတယ်ဆိုတာ မသိရပါဘူး ” လို့ ပြောပါတယ်။ မိမိရပ်ကွက်ထဲက ဗုဒ္ဓဘာသာဝင်တွေကို မိမိကိုယ်တိုင်ချက်ပြုတ်ကျွေးမွေးပေးတဲ့အထိ ရင်းနှီးကျွမ်းဝင်ခဲ့ကြတာပါလို့ နောက်တစ်ဦးကလည်း ဆိုပြန်တယ်။

    တိုက်ခိုက်မှုအတွက် သူတို့အားလုံး အပြစ်တင်တာကတော့ ဦးဝီရသူ ပါဘဲ။ စစ်တပ်နဲ့အာဏာပိုင်တွေ ပါဝင် ပတ်သက်မှုရှိတယ်လို့လည်း ပြောကြတယ်။ “ တစ်ချိန်တုန်းက ကျွန်တော်တို့ ငြိမ်းချမ်းသင့်မြတ်နေခဲ့ကြပါတယ်။ ဒါပေမယ့် စံနစ်တကျကြံစည်ထားတဲ့ အမုန်းမီးမွှေးမှု ပျံ့နှံ့လာခဲ့တယ်။ အဲ့ဒီနောက် လူတွေကြားထဲ ဖြည်းဖြည်းချင်း စိမ့်ဝင်သွားခဲ့တာပါဘဲ ” လို့ တစ်ဦးသောသူက ရှင်းပြခဲ့တယ်။

    လူ့အသိုင်းအ၀ိုင်းအချင်းချင်းအကြားမှာ အယုံအကြည်ကင်းမဲ့သွားခဲ့ပါပြီ။ မိမိတို့လုံခြုံမှုကိုအာမခံပေးတဲ့ မူဝါဒတစ်ခုကို အစိုးရဖက်က ပြုလုပ်ဖို့လိုအပ်ကြောင်း ပြောဆိုကြပါတယ်။ အခုလက်ရှိအချိန်မှာတော့ သူတို့အဖို့ IDP စခန်းထဲကနေ ထွက်ခွာနိုင်ဖို့က အရေးအကြီးဆုံးဖြစ်နေပါတယ်။

    8

    ( ဓာတ်ပုံ  – ခရိုင်အားကစားကွင်းထဲရှိ ကယ်ဆယ်ရေးစခန်းအဖြစ်ပြုလုပ်ထားသောအားကစားရုံ )

    ကျွန်တော်တို့ ပထမဆုံးသွားရောက်ခဲ့တဲ့စခန်းက ခရိုင်အားကစားကွင်းဖြစ်ပါတယ်။ သေးငယ်တဲ့အားကစားရုံထဲမှာ လူ ၆၀၀ ကျော် ပြွတ်သိပ်ပြီးနေနေတာကို တွေ့ခဲ့ရပါတယ်။ မတ်လ ၂၁ ရက်နေ့ကစပြီး ဒီပုံစံနဲ့ နေထိုင်လာခဲ့တာ ငါးလ ရှိပါပြီ။ သီးခြားအကန့်မရှိဘဲ ကြမ်းပြင်ပေါ်ဖြစ်သလို ဖျာတွေ၊ စောင်တွေခင်းပြီး အ၀တ်အိတ်နဲ့ပိုင်ဆိုင်မှုတွေ နံဘေးမှာကိုယ်စီချထားလို့ နေအိမ်သဖွယ် နေထိုင်နေရတာပါ။ လူနှစ်ယောက် ပခုံးချင်းယှဉ်ဖြတ်လျှောက်လို့မရတဲ့အထိ ကြမ်းပြင်တစ်ကြော လူတွေပြည့်ကျပ်နေပါတယ်။ မိမိရဲ့ဖျာတစ်ချပ်စာနေရာမှာ သူ့မိသားစု ၇ ဦးနေထိုင်နေရတယ်လို့ လူတစ်ဦးက ပြောပြတယ်။

    မိမိတို့ရဲ့အနာဂတ် ဘာဖြစ်လာမလဲ၊ ဘာကိုရွေးချယ်ရမလဲဆိုတာ ဘယ်သူမှ သေသေချာချာ မပြောနိုင်ပါဘူး။ ဒီမှာမလွတ်လပ်ဘူး၊ ကိုယ့်အိမ်ကိုယ်ပြန်မှဖြစ်မယ်၊ နောက်တစ်နေ့ပြန်ခွင့်ရတာနဲ့ထွက်ခွာမယ် စသဖြင့် ကိုယ်စီ ဆိုနေကြပါတယ်။

    အချို့ကျတော့ လမ်းပြင်ရောက်ယင် လုံခြုံမှု မရှိဘူးလို့ ဆိုကြပြန်တယ်။ “ ကျွန်မတို့ဆီမှာ အနာဂတ် မရှိတော့လို့ အိမ်ကိုလည်း မပြန်ချင်တော့ဘူး ” ဆိုပြီး နေအိမ်တစ်ခုလုံး မီးထဲပါသွားတဲ့ အမျိုးသမီးတစ်ဦးက ပြောဆိုပါတယ်။

    ကျွန်တော်တို့ရောက်ဖူးတဲ့ မြန်မာပြည်အခြားဒေသက IDP စခန်းတွေနဲ့မတူပဲ မိတ္ထီလာမှာ ကျွန်တော်တို့သွားတဲ့နေရာတိုင်း ရဲတစ်စုက လိုက်နေခဲ့ကြတယ်။ အချို့က ယူနီဖောင်းနဲ့၊ တစ်ချို့ကျတော့ အရပ်ဝတ်နဲ့ဖြစ်တယ်။ ရဲအရာရှိတစ်ဦးရှေ့မှာဖြစ်စေ၊ စကားဝိုင်းထဲ သူဝင်ပါတဲ့အခါဖြစ်စေ မေးမြန်းပြောဆိုမှုတွေကို ခက်ခဲသွားစေပါတယ်။ အဲ့လိုဝင်စွက်လိုက်ယင် ရှေ့ဆက်တိုးဖို့ မလွယ်တော့ပါဘူး။

    အားကစားရုံအပြင်ဖက်မှာ ၀ါးတဲထိုးပြီး နေထိုင်နေကြတဲ့ ဒုက္ခသည်တွေလည်းရှိကြတယ်။ တစ်ချို့က ချက်ပြုတ်နေကြတယ်။ တစ်ချို့က ဆိုင်ငယ်လေးတွေခင်းပြီး သွားရေစာနဲ့ဟင်းသီးဟင်းရွက်တွေကို ရောင်းချနေကြတယ်။ အဲ့ဒါက ဘောလုံးကွင်းထဲမှာပါ။ တစ်ချို့ကတော့ အမိုးမိုးဖို့ ကွန်ကရစ်တိုင်သုံးမယ့်အထိ စိတ်ကူးနေကြတယ်။

    9

    ( ဓာတ်ပုံ  – ကယ်ဆယ်ရေးစခန်းတစ်ခု၏ပြင်ပမှ ရဲအရာရှိများ )

    ခရိုင်အားကစားကွင်းကနေထွက်ခွာလာပြီးတဲ့နောက် မြို့ထဲနဲ့နီးတဲ့ ဗုဒ္ဓဘာသာဝင်ဒုက္ခသည်စခန်းတစ်ခုကို ၀င်ပါတယ်။ အဲ့ဒီကအခြေအနေတွေကလည်း သိပ်ပြီးမထူးခြားပါဘူး။ မှောင်ပိန်းညစ်ပတ်တဲ့တဲတွေထဲမှာ လူတွေ နေနေကြရတယ်။ အဲ့ဒီမှာတော့ အာဏာပိုင်တွေ သိပ်မရှိကြပါဘူး။

    ကင်တားနား သွားရောက်ဖို့ရည်ရွယ်ထားတဲ့ နောက်ထပ်စခန်းတစ်ခုကို ကျွန်တော်တို့ရောက်ပြန်တယ်။ ဒုက္ခသည်စခန်း လုပ်ထားတဲ့ ရေပေးဝေရေးစက်ရုံတစ်ခုပါ။ အပြင်ဖက်မှာ လူတစ်ချို့ ၀ိုင်းဖွဲ့ထိုင်နေကြတယ်။ ထင်းခွေသူတွေ ခွေကြ၊ ခြင်းလုံးခတ်သူတွေ ခတ်ကြနဲ့ပေါ့။ ၀ါးတဲများနဲ့ တစ်ထပ်တိုက်အဆောက်အဦထဲမှာ မိသားစုတစ်စုအတွက် ၁၀ ပေ ပတ်လည်ကန့်သတ်နေရာချထားပေးတယ်။ ဒီစခန်းက အခြေအနေတော်တော်ကောင်းပုံရပါတယ်။

    ဒီလိုစခန်းမျိုးထဲမှာတောင် ရဲနဲ့ထောက်လှမ်းရေးအရာရှိတွေက အချင်းချင်းရယ်မောစကားဆိုယင်း ကျွန်တော်တို့နောက်ကို ထပ်ကြပ်မကွာ လိုက်နေခဲ့ကြတယ်။ ဒါကြောင့် အင်တာဗျူးလုပ်ဖို့ကြိုးပမ်းချက်အများစုက သဲထဲရေသွန်ဖြစ်သွားရတယ်လေ။ ခြောက်သွေ့ပူပြင်းတဲ့ဒဏ်၊ ဖရိုဖရဲဝန်းကျင်အခြေအနေတွေ၊ စခန်းပတ်လည်က လုံခြုံရေးအစောင့်တွေကြောင့် ကျွန်တော့်မှာ ပျို့အန်ချင်သလို ခံစားလာခဲ့ရပါတယ်။ အကျဉ်းသဘောလောက်သာ လျှောက်ကြည့်ပြီး ရဲအစောင့်တွေကို ကောင်းမွန်စွာ နှုတ်ဆက်ထွက်ခွာလာကြပါတယ်။

    10

    ( ဓာတ်ပုံ – ရေပေးစက်ရုံစခန်းပတ်လည်မှ ကျွန်ုပ်တို့နောက်လိုက်နေသည့် လုံခြုံရေးအုပ်စုဝင်များ )

    ဒုက္ခသည်တွေကို ဘယ်နေ့ဘယ်ရက်မှာအိမ်ပြန်ခွင့်ပြုမယ်ဆိုတာ ကယ်ဆယ်ရေးစခန်းတွေက တပ်အပ်သေချာ မပြောကြပါဘူး။ လူ့အဖွဲ့အစည်းတွေအကြား ရင်ကြားစေ့ရေးအစီအစဉ်ပြုလုပ်ပေးမယ့်လမ်းလည်း မမြင်ရဘူး။ နောက်ထပ်အကြမ်းဖက်လာနိုင်ချေရှိတဲ့အရာကို ထိန်းချုပ်ထားတဲ့ မူဝါဒစံနစ်တစ်ရပ်ကိုပင် မချမှတ်ထားတာလည်း တွေ့ခဲ့ရတယ်။

    မိတ္ထီလာအကြမ်းဖက်တိုက်ခိုက်မှုနဲ့ပတ်သက်ပြီးတော့ ကင်တားနားက “ အနီးအနားမှာ ရဲတပ်ဖွဲ့ဝင်တွေရှိနေပါလျက် အကာအကွယ်မဲ့နေရတဲ့ ဒီအဖြစ်ကိုကြုံတွေ့လိုက်ရတဲ့အခါ စိုးရိမ်ထိတ်လန့်မှုကို ခံစားလိုက်ရတယ်။ လွန်ခဲ့တဲ့မတ်လ အကြမ်းဖက်မှုကြီးအတွင်း လူရမ်းကားအုပ်စုတွေက လူ ၄၃ ဦးကို သေတဲ့အထိ ရိုက်နှက်၊ ထိုးခုတ်၊ မီးရှို့နေပါလျက် ရဲတွေက စောင့်ဆိုင်းရပ်ကြည့်နေချိန်မှာ မြို့ခံလူတွေရဲ့သောကဝေဒနာကို ကျွန်တော့်ရဲ့ဒီအဖြစ်က ကိုယ်ချင်းစာနားလည်မှု ဖြစ်သွားစေပါတယ် ” လို့ ဖော်ထုတ်ပြောကြားခဲ့ပါပြီ။

    ကုလသမဂ္ဂသံတမန်တစ်ဦးကိုပင်လျှင် အာဏာပိုင်တွေက မကာကွယ်နိုင်ဘူး ဒါမှမဟုတ် ကာကွယ်ပေးလိုစိတ်မရှိဘူး ဖြစ်နေတဲ့အခါ မိတ္ထီလာက မွတ်စ်လင်မ်တွေအတွက် အနာဂတ်အလားအလာကောင်းဖို့ မမြင်တော့ပါဘူးဗျာ။

    ( International Centre For Journalists ထံသို့ Danny Gold ၏  Spending time with the displace muslims of Myanmar ခေါင်းစဉ်ဖြင့်တင်ပြချက်ကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည် )

    Photos Credit: Andrew Stanbridge

  • အကြမ်းဖက်မှု ကျူးလွန်သူများကို အမြန်ဆုံး အရေးယူရန် မြန်မာအစိုးရကို မလေးရှားတောင်းဆို

    ဇွန် ၃၀၊ ၂၀၁၃
    M-Meida

    Foreign Minister Datuk Seri Anifah Aman

    ကွာလာလမ်ပူ၊    ။ ပြည်တွင်း၌ ဆက်လက်ဖြစ်ပွားနေသောအကြမ်းဖက်မှုနှင့်ပတ်သက်ပြီး အမြန်အရေးယူရန် မြန်မာအစိုးရအား မလေးရှားမှ တိုက်တွန်းလိုက်သည်။

    ဇွန်လ ၂၉ ရက်၊ ဘရူနိုင်းနိုင်ငံ၊ ဘန်ဒါစရီဘီဂ၀ါန်၌ကျင်းပသည့် ၄၆ ကြိမ်မြောက် အာဆီယံနိုင်ငံခြားရေးဝန်ကြီးများအစည်းအဝေး AMM အတွင်း နှစ်နိုင်ငံတွေ့ဆုံဆွေးနွေးစဉ်  နိုင်ငံခြားရေးဝန်ကြီး ဒါတွတ်စရီ အနီဖာအမန် မှ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်အား ပြောကြားခဲ့ခြင်းဖြစ်သည်။

    မြန်မာနိုင်ငံ၌ ဆက်လက်ဖြစ်ပွားနေသောအကြမ်းဖက်မှုအပေါ် မလေးရှားမှ စိုးရိမ်မှုရှိကြောင်း၊ ထိုကိစ္စသည် မလေးရှား အပါအ၀င် အိမ်နီးချင်းနိုင်ငံတို့ကိုလည်း ထိခိုက်စေပြီးဖြစ်ကြောင်း အနီဖာမှ ဖော်ပြခဲ့သည်ဟု အာဆီယံ-မလေးရှား အမျိုးသားစီမံရေးရာ၏ နိုင်ငံခြားရေးဝန်ကြီးဌာနက ထုတ်ပြန်ခဲ့သည်။

    အကြမ်းဖက်သမားတို့အား ဖော်ထုတ်၍ ဥပဒေကြောင်းအရ အရေးယူရန်၊ မျှတမှုနှင့်ပွင့်လင်းမြင်သာမှုရှိရန် လိုအပ်ကြောင်းကိုလည်း ၄င်းမှ မြန်မာအစိုးရထံ တိုက်တွန်းပြောကြားခဲ့သည်။

    ၄င်းအပြင် ၀န်ကြီးက အစ္စလာမ့်ရေးရာပူးပေါင်းဆောင်ရွက်မှုအဖွဲ့အစည်း OIC – Organisation of Islamic Cooperation ၏ ဆက်သွယ်ရေးအုပ်စုမှ မြန်မာနိုင်ငံသို့ လာရောက်ရေး သဘောတူညီချက်အတွက် ကြိုးပမ်းခဲ့သည်။ ထိုကိစ္စ အထမြောက်အောင် ပြည့်ပြည့်၀၀ ပူးပေါင်းဆောင်ရွက်ရန် အရေးကြီးသည်ဟုလည်း ဆိုသည်။

    အနီဖာသည် ဘန်ဒါစရီဘီဂ၀ါန်တွင် ဇွန် ၂၉ မှ ဇူလိုင် ၂ ရက်အထိ ဆက်တိုက်ကျင်းပမည့် အာဆီယံအရေးဆိုင်ရာဆွေးနွေးပွဲ၌ မလေးရှားကိုယ်စားလှယ်အဖြစ် ဦးဆောင်တက်ရောက်လျက်ရှိသည်။

    ယင်းဆွေးနွေးပွဲကြီးတွင် ၄၆ ကြိမ်မြောက် အာဆီယံနိုင်ငံခြားရေးဝန်ကြီးများအစည်းအဝေး – AMM အပြင် လွှတ်တော်ဝန်ကြီးများညီလာခံ – Post-Ministerial Conferences (PMC)၊ ၂၀ ကြိမ်မြောက် အာရှဒေသတွင်းဖိုရမ် – 20th Asean Regional Forum ၊ အာဆီယံနှင့်သုံးနိုင်ငံ နိုင်ငံခြားရေးဝန်ကြီးများအစည်းအဝေး –  Asean Plus Three Foreign Ministers’ Meeting ၊ တတိယကြိမ်မြောက် အရှေ့အာရှ ထိပ်သီးနိုင်ငံခြားရေးဝန်ကြီးများအစည်းအဝေး – 3rd East Asia Summit Foreign Ministers’ Meeting တို့ကိုလည်း ထည့်သွင်းထားသည်။

    Ref: Bernama
    Photo Credit- sabahkini.net

  • ရိုဟင်ဂျာတို့အပေါ် လူမျိုးရေး အကြမ်းဖက်မှုအား မြန်မာအစိုးရမှ အကွက်ချ စီစဉ်ခဲ့လေသလား။

    ရိုဟင်ဂျာတို့အပေါ် လူမျိုးရေး အကြမ်းဖက်မှုအား မြန်မာအစိုးရမှ အကွက်ချ စီစဉ်ခဲ့လေသလား။

    အောက်တိုဘာ၊ ၅ ၊ ၂၀၁၂
    ဆောင်းပါးရှင် – မောင်ဇာနည်

    Source: DVB မှ ဆောင်းပါးကို M-Media မှ စီလျော်အောင်ဘာသာပြန်ဆို တင်ပြပါသည်။

    Policemen carry their weapons during fighting between Arakanese and Rohingya communities in Sittwe, Arakan state. (Reuters)

    ဒီနှစ်နွေ၌ မြန်မာနိုင်ငံ အနောက်ပိုင်းတွင်ဖြစ်ပွားခဲ့သော အဓိကရုဏ်း ကို လေ့လာကြည့်မည်ဆိုလျှင် မြန်မာပြည် အစိုးရအား ရခိုင်ပြည်နယ်ရှိ ဒုက္ခသည်များကို ကိုင်တွယ်ပုံနှင့်ပက်သက်၍ စောင့်ကြည့်ခြင်းခံနေရသည်။ နေပြည်တော်ရှိ သမ္မတ ဦးသိန်းစိန် အပါအ၀င် ရခိုင်ပြည်နယ်တွင် ရောက်ရှိနေသော ပြည်တွင်းလုံခြုံရေး စစ်တပ်တို့သည် “လူသားဆန်မှု့ နှင့် လူသားအကျိုးပြုမှု့” ဆိုသည့် အချက်နှစ်ချက်အား အပေါ်ယံဟန်ပြ လုပ်ဆောင်နေသည် ဟု နိုင်ငံပြင်ပ အဖွဲ့အစည်းများ  အထူးသဖြင့် အစ္စလာမ်နိုင်ငံများမှ ဖိအားပေးလျှက်ရှိသည်။

    နေပြည်တော်ရှိ ပြည်သူများအား ရေပေါ်ဆီ မမှန်မကန် ထုတ်ပြန်မှု့များ ထက် ရှု့ထောင့်ပေါင်းစုံမှ လေ့ လာ တွေ့ရှိချက်များအရ ညမထွက်ရ အမိန့်ကြောင့် မသေရုံတမည် ခက်ခဲစွာနေထိုင်ဒုက္ခရောက်နေကြသော ရိုဟင်ဂျာ လူမျိုးတို့ အား ပိုမို ဒုက္ခရောက်စေမည် ဖြစ်ကြောင်း ရိုဟင်ဂျာ တို့ က စိုးရိမ်လျက်ရှိသည်။

    လူမျိုးရေးခွဲခြားမှု့ နှင့် ဖိနှိပ်ခံရမှု့များကြောင့် ရိုဟင်ဂျာတို့သည် ၄င်းတို့ ဘ၀တွင် မည်သည့်အရာမျှ ဆုံးရှုံးစရာ မကျန်သကဲ့သို့ ခံစားနေရသည်။ သို့သော်ငြားလည်း လူမျိုးတုန်းသတ်ဖြတ်မှု့၊ လူသားအချင်းချင်းဖိနှိပ်မှု့ နှင့် လူမျိုးရေးခွဲခြားမှုများသည် ၄င်းတို့၏ ဘ၀များအား   ဒုက္ခသည် စခန်းများတွင် အကျဉ်းချထားသကဲ့သို့ မလွတ်မြောက်နိုင်သော ခရီးရှည်ကြီး တစ်ခုပင်ဖြစ်သည်။ ထို့အပြင် အမေရိကန် အမတ် Derek Mitchell အား ရိုဟင်ဂျာများနှင့် အတူတကွနေထိုင်ရန်မှာ မဖြစ်နိုင်ကြောင်း တရားဝင် ထပ်တလဲ လဲ ပြော ကြားခဲ့သော ရန်လိုသည့် လူများစု ရခိုင် များ က ရိုဟင်ဂျာတို့အား ၀ိုင်းရံလျက်ရှိသည်။ အဆိုးရွားဆုံးမှာ မူကား အိမ်နီးချင်း ဘင်္ဂလားဒေ့ရှ် နိုင်ငံသည် မြန်မာနိုင်ငံမှ ထွက်ပြေးနေရသော  ရိုဟင်ဂျာဒုက္ခသည်များ အား ခိုလှုံခွင့် မပေးခြင်းပင်ဖြစ်သည်။

    ရိုဟင်ဂျာ တို့ ၏ ဘက်မှ လေ့လာ ကြည်လျှင်   ဗုဒ္ဓဘာသာ လူမျိုးရေး အစွန်းရောက်များ၏ ဖိနှိပ်မှု့ ပင်လယ်ထဲတွင် မျောနေကြရသော ၄င်းတို့ အတွက်မှာ မူကား နေပြည်တော် သမ္မတရုံးအပါအ၀င် အခြားသော စုံစမ်းရေး အဖွဲ့များ၏ စုံစမ်းဖော်ထုတ်မှု့များသည် ၄င်းတို့အတွက် နောက်ဆုံး ဆံခြည်တစ်မျှင်ကဲ့သို့ပင်ဖြစ်သည်။

    ထို့ကြောင့် အသေအချာ ပြောရမည် ဆိုလျှင် ရိုဟင်ဂျာတို့သည် ထို စုံစမ်းမှု့များအပေါ်တွင် မျှော်လင့်ချက်များစွာထားလျက် ရှိသည်။  လွတ်လပ်စွာထုတ်ဖော် စုံစမ်းမှု့များ၏ တွေ့ရှိချက်များသည် တိုင်းပြည်၏ လူမျိုးရေးအရ နှင့် ဘာသာရေးအရပါ အဖိနှိပ်ခံရဆုံးသော ၄င်းတို့၏ လမ်းဆုံး ရောက်နေမှု အနေအထားကို မီးမောင်းထိုးပြလိုက်သကဲ့သို့ဖြစ်ပြီး ၎င်းတို့မွေးဖွားခဲ့သည့် နိုင်ငံ၊ ၎င်းတို့မျိုးဆက်ပေါင်းများစွာ နေထိုင်ခဲ့သည့် နိုင်ငံ (မြန်မာနိုင်ငံ) ၏ တရားဝင် နိုင်ငံသားဖြစ်စေရေး ၊ လူတန်းစေ့ လုံခြုံစွာ နေထိုင်နိုင်စေရေး နှင့် ဥပဒေအရ နိုင်ငံသားအခွင့်အရေး တို့ရရှိရန် တို့အတွက် လည်း အစပျိုး လိုက်ခြင်းပင်ဖြစ်သည်။

    ဤအခြေအနေများအပေါ်တွင် နောက်ထပ်လည်း စိုးရိမ်ပူပန်မှု့များနဲ့ ဆက်လက်ကျန်ရှိနေသေးပါ သည် ။

    မြန်မာနိုင်ငံစစ်အစိုးရ အနေဖြင့် ယခုကဲ့သို့ မသေချာ မရှင်းလင်းမှု့များ ရှိခဲ့သောကြောင့် ရိုဟင်ဂျာတို့သည် လွန်စွာစိုးရိမ်ပူပန်နေကြပါသည်။

    အရေးကြုံလာပြီဆိုလျှင်   နိုင်ငံရေး အကျဉ်းသားများ အားလည်း  အသုံးချခံအနေဖြင့် ပြု လုပ်ခြင်းက စပြီး  နာဂစ် ဆိုင်ကလုန်းကြောင့် ဒုက္ခရောက်နေသော ပြည်သူနှစ်သန်းကျော်အား လူသားချင်းစာနာ ထောက်ထားမှု့ အကူအညီများ အား ပိတ်ပင်သလို ၊ ၂၀၀၇ ရွှေဝါရောင် တော်လှန်ရေးတွင် ရဟန်းများ ဆန္ဒပြမှု့များ ကဲ့သို့သော အဖြစ်အပျက်များ အပေါ်တွင် စစ်အစိုးရ၏ အကွက်ကျကျ လိမ်ခြင်း၊ အမှန်အား မဟုတ်မမှန် လုပ်ကြံခြင်း ၊ ပြည်တွင်းပြည်ပ အမြင်များ အပေါ်တွင် ဥပက္ခာ ပြုခြင်းတို့ကြောင့် ရိုဟင်ဂျာတို့သည် လွန်စွာ ပူပန်လျက်ရှိကြသည်။

    နိုင်ငံရေးနှင့် သမိုင်းဆိုင်ရာ တွေ့ရှိလေ့လာချက်များအရ ရိုဟင်ဂျာ ဓါးစာခံများ (သို့မဟုတ်) မြန်မာ့ အပယ်ခံများ အတွက်မှာမူ  နိုင်ငံတကာပူပေါင်းဆောင်ရွက်ရေးကို ဟန်ပြလုပ်ဆောင်နေသော နေပြည်တော် သမ္မတရုံး သည် မြန်မာနိုင်ငံ၏ အဆိုးရွားဆုံးသော အဖိနှိပ်ခံလူမျိုးစုတို့၏ အခြေအနေကို  ချက်ချင်း ဆိုသလို ကာကွယ်ပေးရန် တာဝန် ရှိကြောင်း နှင့် ရခိုင်လူမျိုးတို့၏ ဗုဒ္ဓဘာသာအစွန်းရောက်လူမျိုးရေး ဘာသာရေးခွဲခြား ခံနေကြရသော ရိုဟင်ဂျာတို့ ရပ်တည် မှု အား တရားဝင် လူသိထင်ရှားစေရန်  ကုလသမဂ္ဂ အကူအညီရယူပြီး OIC နှင့် US စုံစမ်းရေး အဖွဲ့တို့က ထုတ်ပြန်ပေးရန်ဖြစ်ပါသည်။

    သို့သော်ငြားလည်း ပြည်တွင်းနေထိုင်သူ များက သမ္မတသိန်းစိန်၏ စစ်အစိုးရသည် လူမျိုးရေး အဓိကရုဏ်း နှင့် ယခုလက်ရှိ ဖြစ်ပွားလျက်ရှိသော လူမျိုးရေးအစွန်းရောက် လူမျိုးကြောက်ရောဂါ တို့ ဖြစ်လာစေရန် လုပ်ကြံလှည့်ဖျားသည်ဟု သံသယရှိနေကြသည်။

    ရခိုင်လူမျိုးဗုဒ္ဓဘာသာများ၊ ရဲများ၊ ဒေသခံမျက်မြင်သက်သေများ နှင့် အဓိကရုဏ်း၏ သားကောင် ရိုဟင်ဂျာများ နှင့်တွေ့ဆုံ စကားပြောခွင့်ရသော မြန်မာနိုင်ငံ၏ လွတ်လပ်စွာပြောရေး ဆိုခွင့်ရှိသူများရဲ့ မကွယ်မ၀ှက်တမ်း စုံစမ်းတွေ့ရှိချက်များသည် ရိုဟင်ဂျာတို့ အပေါ် သံသယဖြင့် စွပ်စွဲ ပြောဆိုမှု့များအတွက် မဖုံးကွယ်နိုင်သော တိကျသော သက်သေခိုင်မာမှု့ အမှန်တရားပင်ဖြစ်သည်။

    သိန်းစိန် အစိုးရ၏  ဤလူမျိုးရေး အဓိကရုဏ်းအပေါ်  တရားဝင် ပြောကြား ချက်များတွင် ယခုထက်တိုင် လူသိရှင်ကြား မထုတ်ဖော်ဘဲ ထိန်ချန်လျှို့ဝှက်ချက်များသည်  ပိုမို ဆူပူမှု့ဖြစ်စေသော အကြောင်းအရင်းများဖြစ်သည်။

    ပိုမိုဆိုးရွားသည်ကား NLD ပါတီဝင်များနှင့် အတူသွားရောက်ခဲ့သော အမေရိကန် ခရီးစဉ် အတွင်း ဒေါ်အောင်ဆန်းစုကြည် သည် ၂၀၀၃ ခုနှစ် မေလ အတွင်းက ဖြစ်ပွားခဲ့သော ဒီပဲယင်း အရေးအခင်းအပေါ် နေပြည်တော်ရုံး၏ မဟုတ်မမှန် ဖော်ပြချက်များကိုသာ ထပ်တလဲလဲ ပြောကြားခဲ့ပြီး  ယခုလက်ရှိ ရိုဟင်ဂျာဆန့်ကျင်ရေး အဓိကရုဏ်းအပေါ် တာဝန်ရှိမှုကိစ္စသည် “လျှို့ဝှက်ချက်” အဖြစ်သာ ကျန်နေခဲ့ပေသည်။

    သူမသည် ပို၍ သိသင့်ပါသည်။ အမှန်တကယ်တွင် ကျွန်တော်၏ နိုင်ငံတွင်း လေ့လာ သုတေသနပြုသူများဖက်မှ တွေ့ရှိတင်သွင်းသော အချက်အလက်များအရ (၁၉၆၂) တွင် စစ်အစိုးရ အာဏာသိမ်းယူစဉ်ကတည်းက  အဆိုးရွားဆုံးသော လူမျိုးရေး-ဘာသာရေး အဓိကရုဏ်းများဖြစ်လာစေရန် နေပြည်တော်ရုံးမှ တမင်တကာ အကွက်ဆင် ကြံဆောင်နေသည်ကို ဖော်ပြလျက်ရှိပါသည်။

    အစကနေပြန်ပြောင်းလေ့လာကြည့်မည်ဆိုလျှင် ပြည်တွင်းသတင်းထောက်များသည် နေပြည်တော်ရုံးသို့ မကွယ်မ၀ှက်တမ်း ပွင့်လင်းစွာ ဘာကြောင့် ရခိုင်-ရိုဟင်ဂျာ အရေးအခင်းဖြစ်သလဲ ဘယ်လို စတင်ဖြစ်ပွားသလဲဆိုတာတွေကို မေးရမှာ ဖြစ်ပါတယ်။ ဥပမာအားဖြင့် ဇွန်လ (၄) ရက်နေ့တွင် Ministry of Borders affairs မှ ထုတ်ပြန်သည့်  မြန်မာ့အလင်းသတင်းစာ၏ “မြန်မာနိုင်ငံ ရခိုင်ပြည်နယ်ရှိလက်ရှိအခြေအနေ” ဟူသော ခေါင်းစဉ်ဖြင့် ရခိုင်ဗုဒ္ဓဘာသာဝင် မသီတာထွေးအား မွတ်စလင်အမျိုးသား သုံးဦးမှ မုဒိမ်းကျင့်သည်ဟူသော မဖော်ပြအပ်သည့် သတင်းအားဖော်ပြလိုက်ခြင်းသည် နောက်ငါးရက် အကြာတွင် ရခိုင်ပြည်နယ်တွင်း ပြဿနာဖြစ်ပွားစေရန် အစပျိုးပေးလိုက်ခြင်းပင်ဖြစ်သည်။

    နောက်ဆက်တွဲဖြစ်ရပ်မှာမူ မြန်မာပြည် အနောက်ပိုင်းတွင်  ရခိုင်ဗုဒ္ဓဘာသာများက ဒေသခံမဟုတ်သည့် ဘာသာရေးကိစ္စဖြင့်လာရောက်သော မွတ်စလင် ခရီးသွားဆယ်ယောက်အား ဘတ်စကားပေါ်မှ ဆွဲချကာ  နေ့ခင်းကြောင်တောင် အချိန်၌ မသေမချင်း ရိုက်သတ်လိုက်ခြင်းပင်ဖြစ်သည်။

    ကွဲပြားစွာတွေ့ရှိချက်များ အရ မသီတာထွေး အသတ်ခံရသောကိုယ်ခန္ဓာတွင် မုဒိမ်းမှု့ကျူးလွန်ထားခြင်း တစ်စုံတစ်ရာ မရှိကြောင်းနဲ့  မုဒိမ်းမှု့မြောက်ကြောင်း  အတင်းအဓမ္မ လက်မှတ် ထိုးခိုင်းခြင်းသာဖြစ်ကြောင်း အစိုးရ မှု့ခင်းဆရာဝန်က  ကျွန်တော့် သုတေသနပြု သူများထဲမှ တစ်ဦးကို ပြောကြားခဲ့ပါသည်။

    မြန်မာ့ ပြန်ကြားရေး ၀န်ကြီးဌာန သည် ဘာကြောင့် တရားခံသုံးယောက်ကို မွတ်စ်လင်မ်များဟု မဟုတ်မမှန် ရေးသားဖော်ပြပြီး အမှန်တကယ်တမ်းတွင် တရားခံ ထက်ထက်ဆိုသူမှာ ဗုဒ္ဓဘာသာဖြစ်နေသည်ကို ဘာကြောင့်မဖော်ပြခဲ့တာပါလဲ ?

    နောက်ထပ်ပြီးတော့လည်း မသီတာထွေးသည် အသတ်မခံရခင်နဲ့ပစ္စည်းများလုယက်မခံရခင်မှာ မုဒိမ်းကျင့်ခံရပါတယ်လို့ ထင်ထင်ရှားရှားမှားယွင်းစွာဖော်ပြခဲ့တဲ့ ဒီ မှားယွင်းသောဆေးစစ်ချက်ကို လည်း ဘာကြောင့်ဖော်ပြရတာလဲ?

    မုဒိမ်းမှု့ဆိုသည်မှာ လူ့အဖွဲ့အစည်းတိုင်းတွင်ဖြစ်နေကျဖြစ်သော အလွန်ဆိုးဝါးသော ရာဇ၀တ်မှုဖြစ်ပါသည်။ မြန်မာ့လူ့အဖွဲ့အစည်းမှာတော့ ရာဇ၀တ်မှု့ အားလုံးထဲမှာ ဒီမုဒိမ်းမှု့ဆိုတာ အဆိုးဝါးဆုံးသော ရာဇ၀တ်မှု့ပါ။ မုဒိမ်းမှု့ ကျူးလွန်သူသည် အမြဲတမ်းအပြစ်တင်ခံနေရပေသည်။ တစ်ခါထောင်ကျပြီဆိုသည်နှင့် အခြားထောင်သားများက  ထို မုဒိမ်းမှု့ ကျူးလွန်သူအား  အမြဲတမ်းရန်ရှာ အနိုင်ကျင့်နေပေတော့သည်။

    ၄င်းအပြင် “မွတ်စ်လင်မ် အမျိုးသားသုံးဦးမှ ရခိုင်ဗုဒ္ဓဘာသာ အမျိုးသမီးအား မုဒိမ်းကျင့်ခြင်း ” ဆိုသော ခေါင်းစဉ်ဖြင့် သေချာစွာ စုံစမ်းထားခြင်းမရှိသော သတင်းအား  အင်္ဂလိပ်၊မြန်မာ နှစ်ဘာသာဖြင့်  ဇွန်လ (၄)ရက်နေ့ထုတ် သတင်းစာများတွင် တရားဝင် ထုတ်ပြန်ကြေငြာလိုက်သည့် ပြန်ကြားရေးဝန်ကြီးဌာန၏ နောက်ကွယ်တွင် ဘာအကျိုးအမြတ်များ ရှိမည်လဲ?

    ပို၍ဆက်စပ် လေ့လာလိုက်သောအခါ တရားခံ ထက်ထက်တစ်ယောက် သူ့၏ အမှု့စစ်မည့်ရက်ကို စောင့်ဆိုင်းနေစဉ်အတွင်း အချုပ်ခန်း၌ ကိုယ့်ကိုယ်ကို အဆုံးစီရင် သတ်သေသွားပါသည်ဟု မြန်မာ အာဏာပိုင်များက ကြေငြာခဲ့ပါသည်။ မြန်မာနိုင်ငံအကျဉ်းထောင်များနဲ့ အချုပ်ခန်းများသည် လူတစ်ယောက်ကိုယ့်ကိုယ်ကိုယ် သတ်သေရလောက်အောင် အနေအထားတွေမရှိပါဘူး။ ဟိုးအရင် နိုင်ငံရေးမှု့နဲ့ထောင်ကျဖူးတဲ့ ထောင်သား ထောင်ပေါင်းများစွာတို့က ထောင်သံတိုင်နောက်မှာ ကိုယ့်ကိုယ်ကိုယ် သေကြောင်းကြံတယ်ဆိုတာ မဖြစ်နိုင်ကြောင်း ထွက်ဆိုပေးကြပါလိမ့်မည်။

    သမ္မတ သိန်းစိန်အစိုးရသည် ရိုဟင်ဂျာ-ရခိုင် အရေးအခင်း စုံစမ်းစစ်ဆေးရေးအတွင်း ကျော်ကြားသော  နိုင်ငံရေးနှင့် အသိပညာရှင် အတတ်ပညာရှင် များပါဝင်သော ကော်မရှင် အဖွဲ့ဖွဲ့ပေးပြီး သုံးရက်အကြာတွင် ထက်ထက်၏ အမျိုးသမီးအလောင်းအား ရေတွင်းထဲ၌ တွေ့ရှိရလေသည်။ သူမသည် ရေတွင်းထဲသို့ မတော်တဆ ပြုတ်ကျပြီး ရေနစ် ခဲ့လေသလား ဒါမှမဟုတ် အခြားလိမ်လည်မှု့တစ်ခုခုများ ရှိလေမလား ?

    နောက်ထပ်၍ ဌာနဆိုင်ရာပြောရေးဆိုခွင့်ရှိသူများ၏ တရားဝင်ပြောကြားချက်များအရ  ယခုကဲ့သို့ ရခိုင်ဗုဒ္ဓဘာသာ အစွန်းရောက်များရဲ့ ဘာသာရေးခရီးမှ ပြန်လာသော မွတ်စလင်မ် (၁၀)ဦးအား ဇွန်လ (၃) ရက်နေ့တွင် ရိုက်သတ်လိုက်သောဖြစ်ရပ်သည် မေလ (၂၈)တွင် ရခိုင်အမျိုးသမီးအား မုဒိမ်းကျင့်သတ်ဖြတ်မှု့အတွက် ကလဲ့စားချေလိုက်ခြင်းဖြစ်သည် ဟု ပြောကြားခဲ့ပါသည်။

    မြန်မာပြည် ရောက် လေ့လာစုံစမ်းသူများရဲ့ ဒေသခံ မျက်မြင်သက်သေများအပေါ် တွေ့ဆုံမေးမြန်းချက်များအရ ဇွန်လ (၃) ရက်နေ့တွင် လမ်းခရီးတစ်လျှောက် ခရီးသွားဘတ်စ်ကား စုစုပေါင်း ခြောက်စီးရှိကြောင်းသိရှိရပါသည်။ ၄င်းပြင် မြန်မာ့သတင်းအဖွဲ့၏ ဇွန်လ (၄)ရက်နေ့တွင် မြန်မာ့အလင်းသတင်းစာတွင် လူပေါင်း (၃၀၀)က တိုက်ခိုက်သည်ဆိုသည့် ခန့်မှန်းဖော်ပြချက်အရ  မည့်သည့် ဘတ်စ်ကားအား အကြမ်းဖက်မည်ဆိုသည် ကို အတိအကျ သိရှိပုံရပါသည်။

    မကြာသေးမီက ကျွန်တော် မြန်မာပြည်သို့ စာတစ်စောင်ပေးပို့ခဲ့ပါသေးတယ်။  ဒီလူဆယ်ယောက်ကို သတ်တဲ့သူတွေကို ဘာ့ကြောင့် မဖမ်းရသလဲ ၊ ဖမ်းဖို့ မကြိုးစားရသလဲလို့လဲ မေးခဲ့ပါတယ်။ ပြည်တွင်း အာဏာပိုင်များက ရခိုင်များက ရဲတွေရဲ့ စုံစမ်းစစ်ဆေးမှု့မှန်သမျှမှာ ပူးပေါင်းပါဝင်ဖို့ ငြင်းဆန်ခဲ့ပါတယ်လို့ သိရပါတယ်။ ဒီအပြစ်မဲ့သော လူဆယ်ယောက် အား သတ်ဖြတ်မှု့ ပါဝင်ပါတယ်လို့ မည်သူတစ်ဦးတစ်ယောက်ကမျှ သတင်းပေးဖော်ထုတ်ပြောကြားလိမ့်မှာ မဟုတ်ကြောင်းလည်း သိလိုက်ရပါတယ်။

    ဒါပေမယ့် ဒီအောင်မြင်နေတဲ့ မြန်မာနိုင်ငံ စစ်အစိုးရသည် နိုင်ငံရေး အကျဉ်းသားများကို ဖမ်းဆီးထောင်ချစဉ်က ဘာမျက်မြင်သက်သေမှ မလိုခဲ့ပါဘူး။ အစိုးရအနေဖြင့် သမရိုးကျမဟုတ်သော အဖြစ်အပျက်များကိုတောင် စောင့်ကြည့်ခြင်း၊ ဓါတ်ပုံရိုက်ခြင်း ၊ ဗွီဒီယိုရိုက်ခြင်းတွေဆိုတာ လုပ်နေကြပါ။ (၂၀၀၅) ခုနှစ်နဲ့ (၂၀၀၆) ခုနှစ်တွင် ကျွန်တော် ရန်ကုန်နဲ့မန္တလေးတွင် စစ်အစိုးရ၏ ဧည့်သည် အဖြစ်ရောက်ရှိစဉ်က နံနက်တိုင်း လူငယ်ပိုင်း စုံထောက်များသည် လွယ်အိတ်များတွင် ဒီဂျစ်တယ်ကင်မရာများထည့်၍ ဈေးများ ၊ ကားမှတ်တိုင်များ ရထားဘူတာရုံများ နှင့် အခြားရာဇ၀တ်မှု့ ဖြစ်ပွားနိုင်ရာနေရာများကို အသီးသီးထွက်ခွာသွားတာကို ကျွန်တော် ကိုယ်တိုင် မြင်ခဲ့ပါတယ်။

    အာဏာပိုင်များက ဇွန်လ (၃) ရက်နေ့ နေ့ခင်းကြောင်တောင် လမ်းပေါ်မှာ လူတွေကို ရိုက်သတ်နေတာကို ရဲတွေနဲ့ စုံထောက်တွေ အသေအချာ မှတ်တမ်းတင် ဓါတ်ပုံရိုက်ဖို့ အခြေအနေတွေ ရှိနေပါလျက် အာဏာပိုင်များက ဘာကြောင့်  ဓါတ်ပုံသက်သေ ဒါမှမဟုတ် ဗွီဒီယိုမှတ်တမ်း တစ်ခု မှ မရှိရတာလဲ ? တရားခံတွေကို အဲ့ဒီ့ ဒစ်ဂျစ်တယ် ကင်မရာတွေ ဗွီဒီယိုတွေက နေ တဆင့် ချက်ချင်းခြေရာခံ ဖမ်းမိနိုင်ခြေအများဆုံးပါ။

    နေပြည်တော်ရုံးရဲ့ တရားဝင် ထုတ်ပြန်ချက်တွေကို ကြည့်မည်ဆိုလျှင် စစ်အစိုးရဟာ တရားမျှတမှု့ကို လုံးဝမလိုလားသည်မှာ အကြမ်းဖက်ခံရသော မွတ်စ်လင်မ်များရဲ့အခြေအနေကို တိုင်းတာခြင်းဖြင့် သိရှိနိုင်ပါသည်။ သမ္မတ ဦးသိန်းစိန် အစိုးရသည် ဒီလူမျိုးရေး အဓိကရုဏ်း ကို စုံစမ်းဖော်ထုတ်ဖို့ ကြိုးစားသော  ၄င်းတို့၏ Riot Inquiry Commission ရဲ့ စွမ်းဆောင်ချက်များကိုတောင် လျစ်လျူရှု့ လျက်ရှိသည်။ အမေရိကန်နိုင်ငံ နယူးယောက်မြို့မှာ ကျင်းပတဲ့ ကုလသမဂ္ဂအစည်းအဝေးတွင် သမ္မတ ဦးသိန်းစိန်က သူ၏ သမ္မတရုံး  အရာရှိများသည် မည်မျှ ခိုင်မာ ယုံကြည်စိတ်ချရကြောင်းနှင့် ထို စုံစမ်းစစ်ဆေးရေးအဖွဲ့တွင် လူမျိုးပေါင်းစုံဖြင့် ဖွဲ့စည်းထားကြောင်းကိုလည်း ဟန်ပြ ပြော ဆိုခဲ့သည်။

    ထို Commission ရဲ့အနီးကပ် စုံစမ်းတွေ့ရှိချက်များအရ ရိုဟင်ဂျာတို့အပေါ်တွင် တရားဥပဒေ စိုးမိုးရေးအတွက် မြန်မာနိုင်ငံ အနောက်ပိုင်းတွင် လုံခြုံရေး အင်အား အကန့်အသတ်မရှိ တိုးချဲ့ထားရှိဖို့ Commission ရဲ့တောင်းဆိုမှု့ကိုလည်း အစိုးရမှ ပျက်ကွက်လျက်ရှိပါတယ်။ ဒါ့အပြင် အစိုးရသည် ရခိုင်များ နှင့် ရိုဟင်ဂျာတို့ အပေါ်တွင် တာဝန်ပျက်ကွက်လျက်ရှိပြီး ရခိုင်အမျိုးသမီး အား မုဒိမ်းကျင့်လူသတ်သည်ဟု စွပ်စွဲထားသော ကျန်ရှိနေသေးတဲ့ အချုပ်ကျနေသော မွတ်စ်လင်မ် အမျိုးသားနှစ်ဦးအကြောင်းကိုလည်း ထိန်ချန်ထားပါတယ်။

    အစိုးရသည် နေပြည်တော်မှ နေ၍ လုံခြုံရေးအင်အားများတိုးချဲ့ရမည့်အစား မြန်မာနိုင်ငံအနောက်ပိုင်းမှ အဓိကရုဏ်းအား  ကရင်ပြည်နယ် ဖားအံမြို့အပါအ၀င် အခြားသော မြို့များသို့ ပြန်နှံ့စေခြင်းအားဖြင့်လည်း နိုဝင်ဘာလ ၄င်း၏ အမှု့ပိတ်ရက်မတိုင်မီ အခြေအနေကို ပိုမို ရှုပ်ထွေးခက်ခဲသွားစေသည်။

    သိန်းစိန်အစိုးရသည် ၄င်း၏ တရားဝင် စုံစမ်းစစ်ဆေးမှု့ကော်မရှင် သည် မြန်မာနိုင်ငံ အနောက်ပိုင်းတွင်ဖြစ်ပွားလျက်ရှိသော လူမျိုးရေး အဓိကရုဏ်း၏ ဇစ်မြစ် အကြောင်းအရင်းကို ပြင်းပြင်းထန်ထန် စုံစမ်းမှု ပြုရန် အဆုံးအဖြစ် ပေးသည့်အသွင် ဆောင်လျက်ရှိသည်။ ဒေသတွင်းရောက် ကော်မရှင် အဖွဲ့ဝင်များ အနေဖြင့် သမ္မတ သိန်းစိန် အစိုးရ၏ တကယ်ဖြစ်ရပ်မှန် ဒုနှင့်ဒေးကိစ္စရပ်များကို တူးဆွ ဖော်ထုတ်ရုံသာမက   ဘယ်လို မဟုတ်မမှန်လုပ်တယ်ဆိုတာကိုလည်း  ဖော်ထုတ်လျက်ရှိသည်။

    ပိုပြီး အသေးစိတ်ပြောရမယ်ဆိုရင် အစိုးရသည် ပြည်တွင်းရော ပြည်ပက ပါ   တိုက်ရိုက် ပါဝင် စွက်ဖက်တာကို မလိုလားပါဘူး။ တနည်းဆိုလျှင် ရိုဟင်ဂျာထောင်နဲ့ချီ အနိုင်ကျင့်ခံနေရတာတွေ ၊ ရိုဟင်ဂျာတွေနေထိုင်ရာ အိမ်တွေကို မီးရှို့နေတာတွေကို လုံခြုံရေးရှိလျက်နဲ့ သိသိကြီး လုပ်ခွင့်ပြုရုံမျှမက ၊ ရိုဟင်ဂျာတို့အပေါ် ပစ်မှတ်ထားတဲ့ ဒီ အဓိကရုဏ်းမီးကိုလည်း မွှေးပေးနေခြင်းလည်း ဖြစ်သည်။

    အစိုးရ အဖွဲ့ဝင်တစ်ယောက် က ကျွန်တော့်ကို ယခုလို တရားဝင်ပြောခဲ့ပါတယ် ။ “အရေးအကြီးဆုံးကတော့ ကျွန်တော်တို့ ဘာ မွတ်စ်ကို မှ မလိုချင်တာပါ၊ ဒါပေမယ့် အားလုံးကို သတ်ဖို့ဆိုတာလည်း မဖြစ်နိုင်သေးဘူး” လို့ ၄င်းက ပြောခဲ့ပါတယ်။ ဒါဆိုရင် နေပြည်တော် အစိုးရအနေဖြင့် မလိုလားသော ရိုဟင်ဂျာ မွတ်စ်လင်များကို ရှင်းလင်း သုတ်သင်ရန် ရခိုင်အစွန်းရောက်များကို တရားဝင် တာဝန်ကြီး ပေးလိုက်ပြီလား?

    တိုင်းပြည်၏ နိုင်ငံရေးပြောင်းလဲစဉ် ကာလအတွင်း ဆိုးဝါးသော လူမျိုးရေးအဓိကရုဏ်း ဘယ်လိုဖြစ်တယ် ဘာကြောင့်ဖြစ်လာတယ်ဆိုတာ မည်မျှပင် အမျိုးမျိုးသော စုံစမ်းစစ်ဆေးတွေ့ရှိချက်ရှိရှိ OIC နှင့် မြန်မာ့ Presidential Riot Inqurity Commission တို့သည်  မြန်မာအစိုးရအနေဖြင့် နိုင်ငံတကာစုံထောက်များနဲ့  ပူးပေါင်းဆောင်ရွက်ရန် လိုကြောင်း လိုလိုလားလားတောင်းဆိုသင့်ပါတယ်။

    နောက်ထပ်၍ သူတို့ အနေဖြင့် သမ္မတ သိန်းစိန် အစိုးရ သည် ထို စုံစမ်းလေ့လာသူများအပေါ်တွင် လုံခြုံရေး အပြည့်အ၀ချထားရန် ၊ အထူးသဖြင့် ဗမာ ဒေသခံတို့အနေဖြင့်  ၊ ဒေသခံ ရခိုင်များနှင့် ရိုဟင်ဂျာများ အား တန်းတူညီမျှ လုံခြုံရေးထားရှိပြီး   အင်တာဗျူးတွေ့ဆုံမှု့ပြုလုပ်ရန် နှင့် သက်ဆိုင်ရာ အထောက်အထား သက်သေ စာရွက်စာတမ်းများကိုလည်း စနစ်တကျ ထိန်းသိမ်းထားရန်တို့အတွက်လည်း ဖော်ပြသင့်ပါတယ်။

    ယခုအခါတွင်မူကား နိုင်ငံရေးအရေခြုံ စစ်အစိုးရနှင့် လူမျိုးရေးခွဲခြားမှု့ အစွန်းရောက် အကြမ်းဖက် လုပ်ရပ်များလက်တွင်းမှာ ကမ္ဘာကြီး က ပါ သူတို့ ကို အမှန်တကယ် စွန့်ပစ်သွားသလားဟု ခံစားနေကြရရှာသော ရိုဟင်ဂျာ တို့ အတွက် နိုင်ငံရေးနှင့် နိုင်ငံတကာ လုပ်ဆောင်ချက်များကို တားဆီးပိတ်ပင်နေသော ဗမာ့လူ့အဖွဲ့အစည်းနှင့် အစိုးရတို့သည် အများ၏ အာရုံစိုက်ခြင်းကို ခံနေရပေသည်။

    အကယ်၍သာ စုံထောက်များက မျှော်လင့်ချက်မဲ့လျက်ရှိသော အိမ်ခြေမဲ့နေသော အကြီးအကျယ် လူမျိုးရေး အကြမ်းဖက်မှု့တို့ဖြင့်ရင်ဆိုင်မှု့နေကြရသော ရိုဟင်ဂျာတို့၏ အခြေအနေများကို တွေ့ရှိဖော်ထုတ်ပေးမည်ဆိုပါက ကော်မရှင်များ မစ်ရှင်များ ၏ မှန်ကန်ထိမိသော စုံစမ်းမှု့များသည် ကမ္ဘာ့ လူနည်းစု အဖိနှိပ်ခံ လူတန်းစားတို့အတွက် မျှော်လင့်ချက်ရောင်ခြည်သန်းသော ခရီးရှည်ကြီးတစ်ခုပင်ဖြစ်သည်။                   ။

     

    DVB မှ ဆောင်းပါးကို M-Media မှ စီလျော်အောင်ဘာသာပြန်ဆို တင်ပြပါသည်။