Tag: violent_masjid_in_myanmar
-
ဖားကန့်မြို့ ဆိုင်းတောင်ရွာမှ မြန်မာမွတ်စလင်မ်တို့၏ ဝတ်ပြုဆောင် အကြမ်းဖက်ဖျက်ဆီးခံရ
မြစ်ကြီးနား ၊ မိုးညှင်းခရိုင် ၊ ဖားကန့်မြို့နယ် (ယခင်အခေါ်ဆိုင်းတောင်)ဆိတ်မူကျေးရွာတွင်ဖြစ်သော အဖြစ်အပျက်မှာ၁၉၉၄ ခုနှစ်တွင်ထရံကာသွပ်မိုး ဖြင့် အစ္စလာမ်သာသနာဝင် မြန်မာမွတ်စလင်မ်များအတွက် ၀တ်ပြုဆောင်တည်ဆောက်ဝတ်ပြုခဲ့ပါသည်။
၁၈နှစ်ခန့်ကြာပြီဖြစ်၍ သစ်များထရံများပျက်စီးသဖြင့်ပြုပြင်ရန် စီစဉ်ခဲ့ပါသည်။ပေ၃၀-၄၀ ၀န်းကျင်အဆောင်ဖြစ်ပါသည်။ယခုနှစ်ပိုင်းတွင်ဘုန်းတော်ကြီးကျောင်းဆွမ်းစားဆောင် ကျပ်သိန်း၂၀၀၀တန်ကို ခွင့်ပြုမိန့်မပါဘဲ တည်ဆောက်ထားပြီးဖြစ်ပါသည်။ မြေနေရာအားလုံးသည် ကျောက်လုပ်ကွက်မြေများဖြစ်ပါသည်။ ဂရံမြေ ၊ သာသနာ့မြေများမဟုတ်ပါ။ အစ္စလာမ်ဘာသာဝင်များ၏ပြုပြင်မှုကိုသာ ပြည်နယ်ဝန်ကြီးချုပ်ဆီတင်ပြခိုင်းသဖြင့် ၂၀၁၂ နှစ်ဆန်းပိုင်းတွင်ပျက်စီးပုံကို တင်ပြခဲ့ပါသည်။ခရစ်ယာန်နှင့်ဗုဒ္ဓဘာသာရေးအဆောက်အဦများလည်း တင်ပြမှုမရှိဘဲ အသစ်လဲဆောက် ၊ အဟောင်းလည်းပြုပြင်ကြသဖြင့် အစ္စလာမ်ဝတ်ပြုဆောင်ကိုပြုပြင်ခဲ့ပါသည်။ ၂၀-၁-၂၀၁၂ နေ့တွင် စတင်ပြင်ဆင်ပြီးဖေဖော်ဝါရီလလည်တွင်ပြီးခဲ့ပါသည်။ ၇-၄-၂၀၁၂နေ့ ( စနေနေ့ ) တွင်ထိုဝတ်ပြုဆောင်တွင် ဆက်လက်ဝတ်ပြု ခြင်းမပြုရန် ဖားကန့်(မ.ရ.အ)ဦးငြိမ်းထွန်းကျော် ညွှန် ကြားချက်အရပိတ် ခဲ့ရပါသည်။
၁၂-၄-၂၀၁၂ နေ့တွင်၎င်းဝတ်ပြုဆောင်ဝင်းအတွင်းကို ညနေ ၆း၃၀ မှစတင်ကာ မြို့ဦးတောရကျောင်း ဘုန်းကြီးနှင့်အတူ သင်္ကန်းဝတ် ၁၂ပါး၊ NLD ပါတီဝင်များမှ ကိုကျော်မြင့်၊ကိုသန်းဇော်လတ်၊ကိုလှမင်းတို့ဦးဆောင်ကာ မြို့အုပ်ချုပ်ရေးအဖွဲ့၊ မြေစာရင်း၊ စည်ပင် အသီးသီးလာရောက်ကာ အင်အားနည်းသူကို အင်အားသုံးကာ ဖျက်ဆီးပစ်ခဲ့ပါသည်။ အပြင်ဘက်တွင်သင်္ကန်းဝတ် အပါး ၁၀၀ခန့်နှင့်အခြားပြည်သူများလည်းပါဝင်ပါသည်။ ည၁၀း၀၀ခန့်တွင် စစ်သားများရောက်လာကာ စောင့်ကြည့်ပေးသော်လည်း ဖျက်ဆီးနေမှုကိုတားဆီးခြင်းလုံးဝမရှိဘဲ ည ၂း၀၀ လောက်မှသာလျှင်ဖျက်ဆီးခြင်းကိုရပ်ပါသည်။ ဝတ်ပြုဆောင်မှာ လုံးဝ ပျက်စီးသွားကြောင်းသိရှိရပါတယ်။အစ္စလာမ်ဘာသာဝင်များဘက်မှ လူချင်းခိုက်ရန်မဖြစ်စေရန် သတိထားရှောင်တိမ်းခဲ့ပါသည်။ (၁၃-၄-၂၀၁၂) သောကြာနေ့တွင် ဖားကန့်မြို့ပေါ်ရှိ ဗလီ ၊လုံးခင်းဗလီများကိုပါ ဖျက်ဆီးပစ်မည်ဟု ပြောသဖြင့် ပိတ်ထားရကြောင်းသိရှိရပါတယ်။
ယခုလိုဖြစ်ရပ်မျိုးဟာ ပြည်ထောင်စု သမ္မတမြန်မာနိုင်ငံ၏ အခြေခံဥပဒေပါ လွတ်လပ်စွာ ကိုးကွယ်ယုံကြည်ခွင့်ကို ချိုးဖောက်ရာကြပြီး နိုင်ငံတော်သမ္မတကြီး ဦးသိန်းစိန် နှင့် လူထုခေါင်းဆောင် ဒေါ်အောင်ဆန်းစုကြည်တို့၏ အကြိမ်ပေါင်းများစွာ ပြည်သူလူထုကို အသိပေး ကတိပေး ပြောကြားခဲ့သာ rule of law ကို စိန်ခေါ်ရာလဲ ရောက်ပါတယ်။ ဥပဒေမဲ့ အကြမ်းဖက် လုပ်ဆောင်ခဲ့သူ အားလုံးကို အရေးယူပေးပြီး အစ္စလာမ်သာသနာဝင် မြန်မာမွတ်စလင်မ်တို့၏ နိုင်ငံသားအခွင့်အရေးများကို အပြည့်အဝ ကာကွယ်ပေးဖို့ လုပ်ဆောင်ပေးဖို့ မိမိတို့ M-Media မှ သမ္မတကြီးဦးသိန်းစိန် ဦးဆောင်သော အစိုးရအဖွဲနှင့် လူထုခေါင်းဆောင်ဒေါ်အောင်ဆန်းစုကြည်တို့အား သိရှိစေရန် တင်ပြအပ်သည်။သတင်းအချက်အလက်များကို FB-LWT page မှ ယူပါသည်။
ဓါတ်ပုံကို ကချင်သတင်းဌာနမှ ကူးယူတင်ပြသည်။
-
ကံမမြို့တွင် မြန်မာမွတ်စလင်မ်တို့၏ ပိုင်ဆိုင်မှုများနှင့် ဗလီဝတ်ကျောင်းတော်တစ်လုံး ဖျက်ဆီးလုယက်ခံနေရ
မကွေးတိုင်းဒေသကြီး၊ ကံမမြို့နေ မွတ်စလင်မ်(၁၀)ဦီးကျော်၏ နေအိမ်နှင့်ပိုင်ဆိုင်မှုများအပါအ၀င် ဗလီဝတ်ကျောင်းတော်တစ်လုံးတို့ကို (၁၃.၄.၂၀၁၂) တွင်အကြမ်းဖက်၊ ဖျက်ဆီး၊ လုယက်မှုများပြုလုပ်ခဲ့ကြောင်း ကာယကံမြောက် ကျူးလွန်ခံရသူ ဦးညီညီလွင်နှင့် ဦးမောင်မောင်နီတို့ကပြောကြားသည်။ ဖျက်ဆီးသူများသည် (၁၃.၄.၂၀၁၂) ညတွင် ကံမမြို့အနီး၊ ရေနံသာရွာနေ အစ္စလာမ်ဘာသာဝင်ဦးသိန်းလွင်၏နေအိမ်ကိုလည်းဆက်လက်ဖျက်ဆီးခဲ့ကြောင်း ၎င်းတို့က ပြောကြားသည်။“ဟာဂျီမ ဒေါ်ဝါ၀ါရဲ့နေအိမ်ကိုဖျက်ဆီးတယ်၊ အမျိုးသားတွေကဖျက်တယ်၊ အမျိုးသမီးတွေက ပစ္စည်း တွေကိုသယ်ကြတယ်၊ ရွှေ ၇၀ ကျပ်သားနဲ့ ငွေသား ကျပ်ငွေ သိန်း ၈၀ လောက် ပါသွားတယ်ဟု သရက်မြို့သို့ တိမ်းရှောင်နေရသူ ဦးညီညီလွင်က ပြောကြားသည်။
“ဗလီကိုလည်းဖျက်တယ်၊ ဘာမှအကောင်းမကျန်အောင်ကိုဖျက်တာ၊ တိုင်ကပ်နာရီတောင် မချန်ဘူး´´ဟု ဦးညီညီလွင်က ဆက်လက်ပြောကြားသည်။
ယခုကဲ့သို့ ဖျက်ဆီးခံရမှုသည် ယခင်နှစ်များစွာကတည်းက ပြိုင်ဘက်မရှိ စက်လှေလိုင်စင်ရနေသည့် ကြံ့ခိုင်ရေးနှင့် ဖွံ့ဖြိုးရေးပါတီနှင့် နီးစပ်သူများထံမှ ယခုနှစ်တွင် ဟာဂျီမ ဒေါ်ဝါ၀ါက အဆိုပါလိုင်စင်ကို ၃၂၇ သိန်းဖြင့် လေလံအောင်ခဲ့ရာမှ စတင်မြစ်ဖျားခံခြဲ့ခင်းဖြစ်ကြောင်း သိရသည်။
“စက်လှေတွေကို ဒီနှစ်ဧပြီလဆန်းပိုင်းကစပြီး ဆွဲခွင့်ရတယ်၊ ဒါပေမယ့် သူတို့က တစ်ပတ်လောက် သူတို့ကိုငှားပါဦးဆိုလို့ အငှားပေးလိုက်ရတယ်´´ဟု ဟာဂျီမဒေါ်ဝါ၀ါနှင့် ဆွေမျိုးတော်စပ်သူတစ်ဦးက ပြောကြား သည်။
ထိုသို့စက်လှေကို ကြံ့ခိုင်ရေးက နောက်ခံပေးထားသည့် ဦးဝမ်းတို့က ရက်ပြည့်သည့်နောက်တွင် ပြန်လည်ပေးအပ်ခြင်းမရှိဘဲ ယခုအခါ လေလံဖိုးငွေပြန်ပေးရန် သိမ်းယူထားလိုက်ပြီဖြစ်ကြောင်းလည်း သိရသည်။ “ဆက်မငှားဘူးဆိုတော့ ငါတို့ကို စက်လှေလိုင်စင်ပြန်မပေးရင် ကုလား-ဗမာ အဓိကရုံးဖြစ်သွား မယ်လို့ ကံမမြို့နယ်၊ ကြံ့/ဖွံ့ပါတီမှ အမတ်ဦးဝင်းနိုင်ကပြောတယ်´´ဟု အထက်ပါပုဂ္ဂိုလ်ကပင် ဆက်လက် ပြောကြားသည်။
ထို့ကြောင့် ဟာဂျီမ ဒေါ်ဝါ၀ါက စက်လှေလိုင်စင်လေလံဖိုးငွေနှင့် အထွေထွေကုန်ကျစရိတ်တန်ဖိုးဖြင့် စက်လှေလိုင်စင်ကို ကြံ့/ဖွံ့ပါတီ ကျောထောက်နောက်ခံပေးထားသည့်သူများထံသို့ ပြန်လည်လွှဲပြောင်း ပေးခဲ့ရ သည်။
သင်္ကြန်အကျနေ့ညတွင် ဒေသခံနှစ်ဦးက ကံမမြို့သို့ရောက်ရှိလာသည့် အစ္စလာမ်ဘာသာဝင်ဧည့်သည် တစ်ဦးကို စတင်ထိုးကြိတ်မှုပြုခဲ့ကြပြီး အဆိုပါပြစ်မှုကို အစ္စလာမ်ဘာသာဝင်များက ကံမမြို့ရဲစခန်းသို့ သွားရောက်တိုင်ကြားခဲ့သော်လည်း ရဲစခန်းက ပထမ သတင်းပေးတိုင်ကြားချက် (FIR)ဖွင့်ခွင့် (အမှုဖွင့်ခွင့်) မပေးခဲ့ကြောင်း ကိုယ်တိုင်သွားရောက်တိုင်တန်းခဲ့သူတစ်ဦီးက ပြောကြားသည်။
ထိုညတွင် ဒေသခံများက အစ္စလာမ်ဘာသာဝင်များ၏နေအိမ်များနှင့် အခြားပိုင်ဆိုင်မှုများကို ဖျက်ဆီး လုယက်ခဲ့ကြသည်။ ၀ူဇူကန်က ရေပိုက်ခေါင်းတွေကို ရိုက်ချိုးတယ်။ ဗလီအိမ်သာတံခါးကိုဖျက်တယ်၊ ဗလီ ရေကန်ကိုဖေါက်ပစ်တယ်။ ဂျနာဇာစင်ကိုလည်း ဖျက်တယ်၊ ဗလီမှန်တွေကိုခွဲတယ်´´ဟု ဦးညီညီလွင်က ပြောကြားသည်။ ကံမမြို့တွင် ကိုဂျဗာား၊ ဟာဘီလေး၊ ဇေဇေဦး၊ ဦးပီရှိုး၊ ဦးညီညီလွင်၊ ဟာဂျီမ ဒေါ်ဝါ၀ါ၊ ကိုရာဂျားကုန်စုံဆိုင်၊ ဦးအီစွတ်၊ ဦးအောင်မိုးလွင်တို့၏နေအိမ်နှင့် ပိုင်ဆိုင်မှုများ သင်္ကြန်အကျနေ့ညတွင် ဖျက်ဆီး ခံရသည်။
ယခုအချိန်ထိ ဖျက်ဆီးလုယက်သူများကို ဖမ်းဆီးထိန်းသိမ်းကြောင်း သက်ဆိုင်ရာက ထုတ်ပြန်ချက် မရှိသေးပေ။ ဖျက်ဆီးလုယက်သူများသည် သင်္ကြန်အကြတ်(ပထမနေ့)ညတွင် ကိုဂျဗား၊ ဟာဘီလေးတို့၏ ဓါတ် ဆီဆိုင်များကို ထပ်မံဖျက်ဆီးခဲ့ပြီး အဆိုပါညတွင် ကံမမြို့နှင့် ၈-မိုင်အကွာ ရေနံသာရွာမှ ဦးသိန်းလွင် (ဟာဂျီမ ဒေါ်ဝါ၀ါ၏အစ်ကို)၏အိမ်ကိုလည်း ထပ်မံဖျက်ဆီးခဲ့ကြောင်း သတင်းရရှိသည်။
ဖျက်ဆီးခံရသူတစ်ဦး
credit -http://taqwaone.wordpress.com/
