ဇူလိုင် ၂၀၊ ၂၀၁၅
M-Media
– ရာသီအကြို ခြေစမ်းပွဲ၌ ဗြိတိန်နိုင်ငံတော်သီချင်း ဆိုရာတွင် မထိလေးစားပြုခဲ့သည့် အိုင်ယာလန် ကွင်းလယ်လူ ဂျိမ်းစ် မက်လီန်းမှာ ဝေဖန်မှုများကို ခံနေရသည်ဟု သိရသည်။
ယခုနှစ်နွေရာသီတွင် ၀ီဂန်အသင်းမှ ၀က်စ်ဘရွန်းအသင်းသို့ ပြောင်းရွှေ့ခဲ့သည့် မက်လီန်းမှာ ရာသီအကြိုခြေစမ်းပွဲအဖြစ် အမေရိကန်ကလပ် ချာလ်စတန် ဘတ္ထရီနှင့် သောကြာနေ့က ကစားခဲ့သည့်ပွဲတွင် ဗြိတိန်နိုင်ငံတော်သီချင်းဖြစ်သော God Save The Queen ဆိုရာ၌ ၎င်း၏ မျက်နှာကို တစ်ဖက်သို့ လှည့်ခဲ့ခြင်းဖြစ်သည်။
၎င်း၏ ထိုလုပ်ရပ်ကြောင့် ဆိုရှယ်မီဒီယာများတွင် ဝေဖန်မှုများ မြင့်တက်လာခဲ့ပြီး ပရိတ်သတ်များက ၎င်းအား ချေးညော်အဖြစ် သမုတ်ခဲ့ကြသည်။ သို့သော်လည်း မက်လီန်းက ၎င်း၏ လုပ်ရပ်အတွက် ပြန်လည်တုံ့ပြန်ခဲ့သည်။
“ကျွန်တော် ဘာမှပြောဖို့မလိုသလို၊ ပြောမှာလည်း မဟုတ်ပါဘူး။ ဒါပေမယ့် “မက်လီန်းကို ကာကွယ်မှု” လို့ ခေါင်းစဉ်ပေးထားတဲ့ အွန်လိုင်း ဆောင်းပါတစ်ပုဒ်ကို ဖတ်ကြည့်ပါလို့ ကျွန်တော် ပရိတ်သတ်တွေကို တိုက်တွန်းချင်ပါတယ်” ဟု ၎င်း၏ Twitter စာမျက်နှာတွင် ရေးသားခဲ့သည်။
ဝက်စ်ဘရွန်းနည်းပြ တိုနီပူးလစ်ကမူ ပွဲအပြီး၌ မက်လီန်းအား ခေါ်တွေ့ကာ ၎င်း၏ လုပ်ရပ်အတွက် သတိထားရန် ပြောကြားခဲ့သည်။
၎င်း၏ ခံယူချက်အတွက် မက်လီန်းက အငြင်းပွားဖွယ်ကိစ္စကို ပြုလုပ်ခဲ့သည်မှာ ယခုအကြိမ်သည် ပထမဆုံးအကြိမ် မဟုတ်ဘဲ ကမ္ဘာစစ်များနှင့် နောက်ပိုင်းပဋိပက္ခများတွင် ပါဝင်တိုက်ခိုက်ခဲ့ရသည့် ဗြိတိန်နှင့် ဓနသဟာယနိုင်ငံများမှ စစ်တပ်များ၊ အရပ်သားများကို ဂုဏ်ပြုသည့် Remembrance Sunday အထိမ်းအမှတ်အဖြစ် ဘောလုံးဂျာစီတွင် ဘိန်းပန်းထိုးရန် ညွှန်ကြားမှုကို ဆန်းဒါးလန်း၌ကစားစဉ် ၂၀၁၂ ခုနှစ်က ကလီန်းမှာ ငြင်းဆန်ခဲ့ဖူးသည်။
၎င်း၏ ထိုလုပ်ရပ်ကြောင့် မက်လီန်းမှာ ဝေဖန်ခံခဲ့ရပြီး Twitter တွင် အသက်အန္တရာယ်ခြိမ်းခြောက်မှုပါ ခံခဲ့ရသည်။ မက်လီန်းကမူ ပြဿနာများတွင် သေဆုံးခဲ့သူများအား မလေးမစားပြုလုပ်သည့်သဘော သက်ရောက်မည်စိုးသောကြောင့် ထိုကဲ့သို့ ပန်းမထိုးခြင်းဖြစ်သည်ဟု ပြောကြားခဲ့သည်။
Ref: Dailymail