News @ M-Media

Tag: wiratu

  • ဘာသာရေး သဘောထား သေးသိမ်ခဲ့သော ၂၀၁၃ ခုနှစ် မြန်မာပြည် (ဘာသာပြန်- ဆောင်းပါး)

    ဇန်နဝါရီ ၃၊ ၂၀၁၄
    M-Media
    ဘာသာပြန်- မြင့်မိုရ်မောင်မောင်

    WirathuBurma1-621x321
    (Photo-AP) ပြဿနာသံဃာ ဦးဝီရသူ

    ယမန်နှစ်ကို မြန်မာပြည်ရှိ မွတ်စ်လင် ဆန့်ကျင်ရေးဆိုင်ရာ ဘာသာရေးတင်းမာသည့် နှစ်တစ်နှစ်အဖြစ် မြင်တွေ့ခဲ့ရလေပြီ။ယင်းသို့ဖြစ်အောင် အသံ အကျယ်လောင်ဆုံး မီးမွှေးမှိုင်းတိုက်ခဲ့သူမှာ အစွန်းရောက်သံဃာ ဦးဝီရသူ ဖြစ်လေ၏။

    ၂၀၁၂ ခုနှစ် ရခိုင်ပြည်နယ်၌ ဗုဒ္ဓဘာသာဝင်များ နှင့် ရိုဟင်ဂျာ မွတ်စ်လင် လူနည်းစုအကြားရှိ တင်းမာမှုမှသည် အကြမ်းဖက်မှုသို့ ပေါက်ကွဲ ထွက်လာရာဝယ် ပြဿနာများ စတင်ပွင့်အံလာခဲ့သည်။ ၂၀၁၂ ခုနှစ် ဇွန်နှင့်အောက်တိုဘာလအတွင်း လူပေါင်း ၁၉၂ ဦးမှာ အုပ်စုဖွဲ့အကြမ်းဖက်မှုဖြင့် အသတ်ခံရသည်။

    ၂၀၁၃ ခုနှစ်တွင် တိုက်ခိုက်မှုများ တိုးပွားလာသည့်အပြင် ရိုဟင်ဂျာမွတ်စ်လင်များသာမက၊ ကျောထောက်နောက်ခံ မတူညီသော အခြားမွတ်စ်လင်မ်များရှိရာ ဒေသများထံ ပျံ့နှံ့လာပြီး မွတ်စ်လင် အားလုံး ပစ်မှတ်များ ဖြစ်လာသည်။

    ၂၀၁၃ ခုနှစ် သြဂုတ်လတွင် ထုတ်ဝေသော မွတ်စ်လင် များအပေါ်အကြမ်းဖက်မှုအစီခံရင်ခံစာ၌ လူ့အခွင့်အရေးကျွမ်းကျင်ပညာရှင်နှင့် ကလောင်ရှင်များ အဖွဲ့ Physicians for Human Rights (PHR) ၏ အဖွဲ့ဝင်တစ်ဦးဖြစ်သူ Bill Davis က  “ မြန်မာပြည်က ကြောက်စရာ အကြမ်းဖက်လှိုင်းကြီးဟာ ရိုဟင်ဂျာကို ကျော်လွန်ပြီး နိုင်ငံတစ်ဝှန်း မွတ်စ်လင်မ်လူ့အဖွဲ့အစည်းတွေအထိ ပျံနှံ့ပြီး အကြီးအကျယ်ပျက်စီးနစ်နာစေခဲ့တယ် ” ဟု ဆိုထားသည်။

    အဆိုးဆုံးဖြစ်ရပ်ကို ကြုံဆုံခဲ့ရသည်မှာ မွတ်စ်လင် လူဦးရေ အတော်အတန်များပြားသည့် မြန်မာပြည်အလယ်ပိုင်းမှ မိတ္ထီလာမြို့ပင်။ ၂၀၁၃ ခုနှစ် မတ်လ ၂၆ မှ ၂၉ ရက်အတွင်းက ဖြစ်သည်။ မွတ်စ်လင်ပိုင်ရွှေဆိုင်တစ်ခု၌ ၀န်ထမ်းအမျိုးသမီးတစ်ဦးနှင့် အရောင်းအ၀ယ်လာလုပ်သော ဗုဒ္ဓဘာသာဝင် အမျိုးသမီးတစ်ဦး အချင်းများရာမှ စတင်ခဲ့သည်။ ဒေါသထွက်နေသည့် လူအုပ်ကြီး စုရုံးရောက်ရှိလာပြီး ရဲတပ်ဖွဲ့မှလည်း ဆိုင်ရှင်နှင့်ဝန်ထမ်းတို့အား ဖမ်းချုပ်လိုက်သည်။

    သို့ဖြင့် အခြေအနေတည်ငြိမ်သွား သယောင်ရှိသော်လည်း အရောင်းအ၀ယ်လာလုပ်သည့် အမျိုးသမီးသေဆုံးသွားသည်ဟု လုပ်ကြံ သတင်း ပြန့်သွားခဲ့၏။ ထိုအခါ သံဃာများ အပါအ၀င် လူအုပ်ကြီးတစ်ခုသည် ရွှေဆိုင်သို့ ကမူးရှုးထိုး ရောက်လာကြလေသည်။ ယင်းလူအုပ်သည် ရဲတပ်ဖွဲ့ဝင်များထက် ပမာဏ များပြားနေသည်။ ၄င်းတို့အနေဖြင့် ဆိုင်ကို ဖျက်ဆီးနိုင်၏၊ သို့သော် ထိုသို့ပြုမူပြီးနောက် လူစုခွဲရမည်ဟု ရဲတပ်ဖွဲ့ဝင်များက ထိုသူတို့အား တောင်းဆိုခဲ့သည်။ လူအုပ်ကြီးက ဆိုင်ကို ဖျက်ဆီး၍ ပစ္စည်းများဝင်ယူကြကာ အနီးအနားရှိ မွတ်စ်လင် ဈေးဆိုင်များစွာကိုလည်း သောင်းကျန်း ဖျက်ဆီးလိုက်လေသည်။

    ၄င်းနောက်တွင် မွတ်စ်လင် အမျိုးသားအုပ်စုတစ်စုမှ သံဃာတစ်ဦးအား တိုက်ခိုက်ခဲ့သည်။ လက်တုန့်ပြန်သည်ဟု ယူဆဖွယ်ရာရှိပြီး ယင်းသံဃာသည် ရရှိခဲ့သောဒဏ်ရာဖြင့် သေဆုံးသွားကြောင်း သိရသည်။

    ဤသတင်းပြန့်သွားသည့်အခါ လူတစ်ထောင်ထက် မနည်းသော လူရမ်းကားအုပ်စု ရောက်ရှိလာပြီး သောင်းကျန်းမှုဇာတ်လမ်း စတင်ခဲ့သည်။ အကြမ်းဖက်မှုမှာ နှစ်ရက် တိုင်တိုင်ဖြစ်ပွားလျက် မန္တလေးတိုင်းရှိဒေသများထံသို့လည်း ကူးစက်သွား၏။

    အဆုံးသတ်လေလျှင် မဒ်ရာဆာ ခေါ် အစ္စလာမ်ဘာသာရေး စာသင်ကျောင်းမှ ဆရာ ၄ ဦး နှင့် ကျောင်းသား ၂၀ ကျော် အပါအ၀င် လူ ၄၀ ကျော် သတ်ဖြတ်ခံရသည်။ ဆက်လက်ပြီး မွတ်စ်လင်  အိမ်ခြေပေါင်း ၁၅၀၀ နှင့် မိတ္ထီလာရှိ ဗလီ ၁၃ လုံးအနက် ၁၂ လုံး ဖျက်ဆီးခံရသည်။ ထိုနေ့ရက်များ မတိုင်မီက မွတ်စ်လင် အိမ်များကို မှုတ်ဆေးများဖြင့် ၇၈၆ နံပါတ်အား ပုံဖော်ပက်ဖျန်းခဲ့ကြောင်း၊ ၄င်းမှာ တိုက်ခိုက်ရမည့်အိမ်ခြေများအဖြစ် ရည်ညွှန်းခြင်းဖြစ်ကြောင်း PHR အစီရင်ခံစာ သုတေသီများထံ ပြောပြခဲ့ကြသည်။

    အကြမ်းဖက်ဖြစ်စဉ်နောက်ဝယ် မွတ်စ်လင် ၁၆ ဦးကို ထောင်ဒဏ် ၂ နှစ်မှ တစ်သက်တစ်ကျွန်း အထိလည်းကောင်း၊ ဗုဒ္ဓဘာသာဝင် ၂၈ ဦးကို ထောင်ဒဏ် ၃ နှစ်မှ ၁၅ နှစ်အထိလည်းကောင်း အသီးသီး ချမှတ်လိုက်သည်။

    ရခိုင်ပြည်နယ်ပြင်ပ၌ ဤသည်မှာ အကြီးမားဆုံးမွတ်စ်လင် ဆန့်ကျင်ရေးလုပ်ရပ်ဖြစ်၏။ သို့တစေ နိုင်ငံ့နေရာအနှံ့အပြားတွင် မွတ်စ်လင် ဆန့်ကျင်ရေး အကြမ်းဖက်မှု အခြားဖြစ်စဉ်များကိုလည်း ၂၀၁၃ ခုနှစ်တစ်လျှောက်လုံး တွေ့မြင်ရပေသည်။

    ၂၀၁၃ ခုနှစ် ဖေဖော်ဝါရီလတွင် ရန်ကုန်မြို့၊ သာကေတမြို့နယ်ရှိ မွတ်စ်လင် ကျောင်းတစ်ကျောင်းနှင့်ဈေးဆိုင်များအား ဖျက်ဆီးလိုက်ကြသည်။ ကျောင်း၏ခေါင်မိုးပြုပြင်ရန် ခွင့်ပြုချက် ရရှိပြီးနောက် ဆောင်ရွက်ရာတွင် ကျောင်းဆောင်ကို ဗလီဝတ်ကျောင်းအဖြစ် အသွင်ပြောင်းသည်ဟု လွဲမှားစွာယူဆကြသော လူတစ်စုမှ ဖျက်ဆီးခဲ့ကြခြင်းဖြစ်သည်။

    ဧပြီလ ၃၀ ရက်တွင် ရန်ကုန်တိုင်း၊ ဥက္ကံ၌ မွတ်စ်လင် အမျိုးသမီးတစ်ဦးက ဆွမ်းခံကြွလာသော ကိုရင်ငယ်အား မတော်တဆတိုက်မိပြီး ၄င်း၏သပိတ်ကျကွဲသွားခဲ့၏။ သူမအား ထိန်းသိမ်းပြီးသည့်နောက် မွတ်စ်လင် တို့သည် လက်တုန့်ပြန်ရန် လူစုနေသည်ဟူသော ကောလဟလ ပျံ့နှံ့လေသည်။ ထိုအခါ လူဦးရေ ၂၀၀ မှ ၃၀၀ ရှိ ဗုဒ္ဓဘာသာဝင် လူအုပ်များသည် လက်ဦးမှုရယူရန် ဆုံးဖြတ်၍ အနီးဝန်းကျင်ဒေသများမှ မွတ်စ်လင် ရွာများကို တိုက်ခိုက်ခြင်း၊ နေအိမ်နှင့် ဗလီဝတ်ကျောင်းတို့ကို ဖျက်ဆီးခြင်းများ ပြုလုပ်ခဲ့ကြသည်။ အနည်းဆုံး လူတစ်ဦး သတ်ဖြတ်ခံလိုက်ရသည်။

    မေလ ၄ ရက်တွင် ကချင်ပြည်နယ်၊ ဖားကန့်၌ ဗုဒ္ဓဘာသာဝင် ၃၀ ပါလူအုပ်က မွတ်စ်လင်မ်ပိုင် နေရာသုံးခုရှိ အိမ်ရာနှင့်ဆိုင်ခန်းများအား အကြောင်းမဲ့တိုက်ခိုက်ခဲ့ကြပြန်သည်။

    ရှမ်းပြည်မြောက်ပိုင်း လားရှိုးမြို့၌ မေလ ၂၈ နှင့် ၂၉ ရက်တွင်လည်း အကြမ်းဖက်မှု ဖြစ်ပေါ်လာရာ ဗလီဝတ်ကျောင်းတစ်လုံးအား မီးရှို့ခဲ့ကြသည်။ မွတ်စ်လင် အမျိုးသားတစ်ဦးသည် ဓာတ်ဆီရောင်းသောအမျိုးသမီးတစ်ဦးအား ဓာတ်ဆီဖြင့် ပက်လောင်းမီးရှို့လိုက်သည့်သတင်းနောက်ပိုင်း ယင်းသို့ ဖြစ်ပွားခဲ့ရသည်။ ဂျာနယ်လစ်များ နှင့် လူမှုကယ်ဆယ်ရေးလုပ်သားများသည်ပင် ပြောင်ပြောင်တင်းတင်း ခြိမ်းခြောက်ခံရသည်ဟု ဆိုကြသည်။ ထိုကျူးလွန်သူအား ထောင်ဒဏ် ၂၆ နှစ် ချမှတ်စီရင်လိုက်ကြောင်း သိရသည်။

    မေလ ၂၉ ရက်တွင် ပဲခူးတိုင်းရှိမြို့ငယ်လေးတစ်မြို့တွင်လည်း သမီးယောက်ဖနှစ်ဦး ခိုက်ရန်ဖြစ်ပွားခဲ့သည်။ တစ်ဦးမှာ မွတ်စ်လင် ဖြစ်ပြီး နောက်တစ်ဦးမှာ ဗုဒ္ဓဘာသာဝင်ဖြစ်သည်။ ဗုဒ္ဓဘာသာဝင်ဖြစ်သူ ဒဏ်ရာ အနာတရဖြစ်ခဲ့ပြီး နှစ်ဦးစလုံးကို ရဲဌာနသို့ ပို့ဆောင်ခဲ့သည်။ သို့သော် လူရမ်းကားအုပ်စု တစ်စုရောက်ရှိစုရုံးလာပြီး မွတ်စ်လင် ဖြစ်သူအား အပြင်းထန်ဆုံး စီရင်ချက်ချရန် တောင်းဆိုပြီးနောက် ဗလီတစ်လုံးနှင့် ဘာသာရေး စာသင်ကျောင်း တစ်ဆောင်အား ဖျက်ဆီးလိုက်သည်။

    ဇွန်လ ၃၀ ရက်တွင် ရခိုင်ပြည်နယ်၊ သံတွဲမြို့နယ်အတွင်း အမျိုးသမီးတစ်ဦးကို မွတ်စ်လင်မ်ဟုယူဆရသူ အမျိုးသား တစ်ဦး သို့မဟုတ် နှစ်ဦးက ဗလက္ကာရပြုခဲ့သည်ဟု ဆိုသည်။ လူ ၅၀ ခန့်ရှိသော အုပ်စုသည် ရဲစခန်းပြင်ပ၌ စုရုံးသောင်းကျန်းခဲ့သည်။ ၄င်းနောက် ဆက်လက်၍ မွတ်စ်လင်အိမ်ခြေများစွာကိုဖျက်ဆီးကာ မွတ်စ်လင်မ်သုံးဦးကိုလည်း တိုက်ခိုက်ခဲ့ကြသည်။ နောက်တစ်နေ့တွင် နောက်ထပ်မွတ်စ်လင်မ်အိမ်တစ်လုံးကို မီးရှို့ခဲ့ပြန်၏။ စက်တင်ဘာ ၂၉ မှ အောက်တိုဘာ ၂ ရက်နေ့အထိ မွတ်စ်လင်မ်များကို ဗုဒ္ဓဘာသာဝင်လူရမ်းကားအုပ်စုများ ဆက်တိုက်သတ်ဖြတ်သော အကြမ်းဖက်မှုများသည် သံတွဲ၌ ဖြစ်ပွားခဲ့သည်။

    ကရင်ပြည်နယ်၊ ဖားအံမြို့ရှိ သရက်တောဘုန်းကြီးကျောင်းမှ သံဃာများသည် သြဂုတ်လ ၂၀ ရက် နှင့် ၂၃ ရက် တိုက်ခိုက်မှုတွင် ပါဝင်ကြောင်း သတင်းများရရှိခဲ့သည်။

    သြဂုတ်လ ၂၄ ရက်တွင် စစ်ကိုင်းတိုင်း၊ ထန်းကုန်းရွာ၌ ဗုဒ္ဓဘာသာဝင်အမျိုးသမီးတစ်ဦးကို မွတ်စ်လင် အမျိုးသား သုံးဦးမှ ဗလက္ကာရပြုကျင့်သည်ဟု ကောလဟလ သတင်း ပြန့်ကားလေသည်။ ရဲစခန်းအနီးတွင် လူအုပ်များစုရုံးလာကြပြီး ညနေပိုင်း၌ အနီးအနားရှိရွာသားများပူးပေါင်းပါဝင်လာကြသည့်နောက် မွတ်စ်လင်မ်တို့အား စတင် တိုက်ခိုက်ပါတော့သည်။ မွတ်စ်လင် တို့၏ အိမ်ရာ ၄၆ လုံး၊ ဆိုင် ၁၂ ဆိုင်နှင့် ဆန်စက်တစ်ခု မီးရှို့ခံရသည်။ လုံခြုံရေးတပ်ဖွဲ့ဝင်တို့မှာ ရပ်ကြည့်လျက်သာရှိခဲ့ကြောင်း သတင်းများက ဆိုသည်။

    “ မွတ်စ်လင်မ်ဆန့်ကျင်ရေးကိစ္စများအပါအ၀င် ဆိုးဆိုးဝါးဝါး လူ့အခွင့်အရေးချိုးဖောက်မှုများသည် ၂၀၁၁ ခုနှစ် ဇွန်လမှ စတင်ပြီး လူပေါင်း နှစ်သိန်းခွဲ ၀န်းကျင်ကို နေရပ်စွန့်ခွာခြင်းဖြစ်စေခဲ့သလို – မြောက်များစွာသော ဗလီများ၊ ဆယ်ဂဏန်းမျှသော ဘုန်းတော်ကြီးကျောင်းများ၊ အိမ်ခြေပေါင်း တစ်သောင်းကျော် ပျက်စီးမှုအကျိုးဆက် ဖြစ်စေခဲ့သည် ” ဟု PHR အစီရင်ခံစာ၌ ဖော်ပြသည်။

    ရဲတပ်ဖွဲ့ဝင်တို့၏ တုန့်ပြန်ဆောင်ရွက်မှုများမှာလည်း ဝေဖန်ရှုတ်ချခံထားရသည်။ မိတ္ထီလာအရေး၌ ရဲတပ်ဖွဲ့ဝင်တို့ကို မဆိုစလောက်သာတွေ့ရပြီး အခြေအနေအားထိန်းချုပ်ရန် လုံးလုံးလျားလျား လက်လွတ်စပယ် နေခဲ့ကြသည်။

    International Crisis Group ၏ အစီရင်ခံစာက ၂၀၁၂ ခုနှစ် လက်ပံတောင်းကြေးနီတူးဖော်ရေးစီမံကိန်း ဆန္ဒပြကန့်ကွက်မှုတွင် ရဟန်းတော်တစ်စုအပါအ၀င် ဆန္ဒပြသူများအား မီးလောင်ဗုံးဖြင့်  ဆိုးရွားစွာတုန့်ပြန်သည့် လုပ်ရပ်ဖြစ်ပွားပြီးသည့်နောက် ရဲတပ်ဖွဲ့ဝင်များအပေါ် ပြင်းပြင်း ထန်ထန်ဝေဖန် ရှုတ်ချမှုများ ထွက်ပေါ်လာခဲ့သည်။ ထို့ကြောင့်လည်း ရဲတပ်ဖွဲ့ဝင်များအနေနှင့် ဖိဖိစီးစီးကိုင်တွယ်ရန် စိတ်လက် မပါသည့်နှယ် ဖြစ်ကောင်းဖြစ်နိုင်ပေမည် ဟု ဆိုထား၏။

    မိတ္ထီလာ နှင့် လားရှိုးတွင် အဖြစ်ဆိုးများကြုံတွေ့ပြီးချိန်မှ စ၍ ရဲတပ်ဖွဲ့ဝင်များမှ ပိုမိုမြန်ဆန်ထိရောက်စွာ တုန့်ပြန်ကိုင်တွယ်လာကြသဖြင့် အုပ်စုဖွဲ့ အကြမ်းဖက်မှုများသည် ရက်ပေါင်း များစွာ မဖြစ်တော့ပဲ နာရီပိုင်းမျှသာ ကြာညောင်းခဲ့သည့်အပြင် အသေ အပျောက်အပျက်အစီးလည်း နည်းပါးခဲ့သည်ဟု သတင်းများက ဖော်ပြသည်။

    အကြမ်းဖက်မှုနှင့်မီးရှို့မှုများ၌ လူအချို့ကို ရဲတပ်ဖွဲ့မှ ဖမ်းဆီးကာ တရားစွဲဆိုထားသည်။ အစပိုင်းတွင် မွတ်စ်လင် များကိုသာ ဖမ်းဆီးလိမ့်မည်ဟု စိုးရိမ်မှုများ ရှိနေခဲ့သော်လည်း လက်တွေ့၌ ဖမ်းဆီးရုံးတင်ခဲ့သည့် ဗုဒ္ဓဘာသာဝင် အရေအတွက်မှာ မွတ်စ်လင်မ်တို့ထက် အရေအတွက် များပြားခဲ့ပေသည်။ ဇူလိုင်လ ၂၅ ရက်တွင် မိတ္ထီလာအရေးအတွင်း လူသတ်မှု၊ စော်ကားမှု၊ အကြမ်းဖက်မှုကို ကျူးလွန်ခဲ့ကြောင်း သံဃာနှစ်ဦးအပါအ၀င် ဗုဒ္ဓဘာသာဝင် ၂၅ ဦးအား စစ်ဆေးတွေ့ရှိရသည်ဟု ဆိုသည်။

    မန္တလေးအခြေစိုက် ဦးဝီရသူ ဦးဆောင်သော ၉၆၉ ဗုဒ္ဓဘာသာလှုပ်ရှားမှု ရေပန်းစား အရှိန်မြင့်တက်လာခြင်းကလည်း မွတ်စ်လင် ဆန့်ကျင်ရေး အကြမ်းဖက်မှုဖြစ်အောင် တွန်းအားပေးခြင်းကြောင့်ဖြစ်ကြောင်း ပြစ်တင်ဝေဖန်မှုရှိနေသည်။

    မွတ်စ်လင်မ်ဆန့်ကျင်ရေးလှုံ့ဆော်မှုကြောင့် ဦးဝီရသူမှာ ၂၀၀၃ မှ ၂၀၁၂ ခုနှစ်အထိ ထောင်နန်းစံခဲ့သည်။

    ဗုဒ္ဓဘုရားဂုဏ်တော် ၉ ပါး၊ ဓမ္မဂုဏ်တော် ၆ ပါး နှင့် သံဃာ့ဂုဏ်တော် ၉ ပါးတို့ကို ၉၆၉ နံပါတ်အဖြစ် သတ်မှတ်ခဲ့သည်။ ယင်းလှုပ်ရှားမှုမှာ ငြိမ်းချမ်းရေး တိုးမြှင့်ရန်ဖြစ်သည်ဟု အယုံသွင်းခဲ့ကြသည်။

    အဖြစ်မှန်၌မူ ၉၆၉ အဖွဲ့သည် အစွန်းရောက် လူမျိုးကြီးဝါဒဖော်ဆောင်ရေး လှုပ်ရှားမှုသာဖြစ်နေပြီး၊ မွတ်စ်လင်မ်တို့သည် တိုင်းပြည်ကို သိမ်းပိုက်ရန်ကြံစည်နေသည်ဟု ကြမ်းတမ်းသော စွပ်စွဲမှုများအား ဖန်တီးထားခဲ့သည်။

    နိုင်ငံ့လူဦးရေ ၅ ရာခိုင်နှုန်းမျှသာရှိသော မွတ်စ်လင်မ်တို့က နိုင်ငံ့လူဦးရေ ၉၀ ရာခိုင်နှုန်းကျော်ရှိနေသော လူများစုဗုဒ္ဓဘာသာဝင်များကို အန္တရာယ်ပေးခြိမ်းခြောက်နေသည် ဟူသော ယိုးစွပ်မှုများလည်း အပါအ၀င်ဖြစ်၏။ သို့သာမကသေး ဂျိဟာ့ဒ်ကို တိတ်တိတ်ပုန်း ဖန်တီးမည့်သူများသည် လည်းကောင်း၊ ဗုဒ္ဓဘာသာဝင် အမျိုးသမီးများကို ထိမ်းမြားခြင်းဖြင့် ဘာသာပြောင်းစေသူအား ငွေကြေးထောက်ပံ့ပေး ကမ်းသည့် အစီအစဉ်သည် လည်းကောင်း ရှိနေသည်ဟုလည်း ဆိုကြကုန်သည်။ ၂၀၁၃ ခုနှစ် ဇွန်လတွင် ဦးဝီရသူသည် ဘာသာကွဲများ ထိမ်းမြားရေးကို ပိတ်ပင်မည့် ဥပဒေ တစ်ရပ်ဖြစ်လာရန် နှိုးဆော်ခဲ့၏။

    ၉၆၉ အဖွဲ့သည် မွတ်စ်လင်မ်တို့၏ စီးပွားရေးကို သပိတ်မှောက်ရန်၊ မိမိတို့၏ ကျားကန်မှုကို အခြေပြုသည့် ၉၆၉ နံပါတ်ကပ်၍ မိမိကိုယ်ကို ဗုဒ္ဓဘာသာဝင် အဖြစ်ဖော်ကျူးထားသော သူတို့၏ စီးပွားရေး လုပ်ငန်းများကိုသာ အားပေးကြရန် တွန်းအားပေးလျက်ရှိသည်။ မိမိတို့၏ပင်ကိုယ်အမြင် မည်သို့ပင်ရှိနေစေကာမူ ဗုဒ္ဓဘာသာဝင် စီးပွားရေး လုပ်ငန်းရှင် အများအပြားတို့သည် ၄င်းနံပါတ်ကို ထုတ်ဖော်ပြသထားကြ၏။ အချို့မှာ ၉၆၉ ဂိုဏ်းသားတို့၏ အငြိုးထားမှုအား ကြောက်ရွံခြင်းကြောင့်လည်းကောင်း၊ အချို့မှာ ယင်းသို မပြသပါက စီးပွားရေးထိခိုက်မည်ကို စိုးရွံ့ခြင်းကြောင့် လည်းကောင်း လိုက်လျောနေရပေသည်။

    မွတ်စ်လင်မ်တို့နှင့် ရောင်းဝယ်မှုပြုလုပ်မိသော ဗုဒ္ဓဘာသာဝင် အချို့ကို ၉၆၉ ဂိုဏ်းသားတို့၏ နှိပ်စက်မှုရှိကြောင်းပင်လျှင် သတင်းများ ထွက်ရှိလာခဲ့၏။

    ၉၆၉ အဖွဲ့သည် ၄င်းတို့၏ သဘောထားကို ထင်ဟပ်စေသော လက်ကမ်း စာစောင်များ၊ ဒီဗီဒီများကို ကျယ်ပြန့်စွာ ဖြန့်ချိထားကြသည်။ ထိုအဖွဲ့အားထောက်ခံသည့် ရဟန်း သံဃာတို့သည်လည်း (မ)တရားပွဲများ၊ ဟောပြောမှုများဖြင့် တိုင်းပြည်ကို အစိပ်စိပ်အမြွာမြွာ ဆွဲဖြဲလျက်ရှိကြသည်။

    လတ်လတ်ဆတ်ဆတ် သာဓက တစ်ရပ်မှာ ဒီဇင်ဘာလအတွင်း မွန်ပြည်နယ်၊ မော်လမြိုင်မြို့မှ ၉၆၉ ဂိုဏ်းဝင် ဘုန်းကြီး ၇ ဦးတို့သည် ၉၆၉ ဂိုဏ်း၏သဘောထားဖြန့်ချိရန် ရခိုင်ပြည်နယ်သို့ သွားရောက်ခဲ့ကြောင်း ဧရာဝတီသတင်းဌာနမှ ဖော်ပြခဲ့သည်။ ရခိုင်ပြည်နယ်သည် ရိုဟင်ဂျာ ဆန့်ကျင်ရေးအကြမ်းဖက်မှု စတင်ပေါက်ဖွားရာဒေသဖြစ်၏။

    ၉၆၉ ဂိုဏ်းသည် မွတ်စ်လင်မ် ဆန့်ကျင်ရေး အကြမ်းဖက်မှုဖြစ်ပွားရန် ကြံဆောင်ခဲ့သည် မဟုတ်ဟု ဦးဝီရသူမှ ငြင်းဆိုထားသော်လည်း၊ မိမိတို့သည် မွတ်စ်လင်မ်တို့၏ ဇာတိမှန်ကို ဖြန့်ချိခြင်းကြောင့် မွတ်စ်လင်မ်တို့အပေါ် များစွာသော ဗမာလူမျိုးတို့က မုန်းတီးစိတ်ဝင်ခဲ့ခြင်း ဖြစ်မည် ဟူ၍ သူ့စကားထဲမှ ယင်းသဘောထား တစ်စွန်းတစ်စကို တွေ့ရလေသည်။

    ၉၆၉ ဂိုဏ်းသည် ဗုဒ္ဓဓမ္မ ရင်းမြစ်များစွာနှင့် ဆန့်ကျင်နေသည့်တိုင်အောင် ထိုအဖွဲ့အား ဆန့်ကျင်ပြောဆိုဝံ့သူဟူ၍ မဆိုစလောက်မျှသာ ရှိကြ၏။ ယင်းသို့ဖြစ်ရခြင်းမှာ ၄င်းဂိုဏ်းသားတို့သည် အစ္စလာမ်သာသနာ အပေါ်တိုက်ခိုက်ရေးထက် ဘာသာသာသနာတည်တံ့ရေးအလို့ငှာ ဗုဒ္ဓဘာသာဝင်များသွေးစည်းရေးကို ဖော်ဆောင်နေပါသည်ဟု ကြွေးကြော်ကာ မိမိတို့ကိုယ်ကို ဘာသာရေး ကိုင်းရှိုင်းလွန်းသောဗုဒ္ဓဘာသာဝင်များအဖြစ် အရောင်ခြယ်ပြကြသည်။ ထိုရောအခါ လူထုတို့သည် မိမိတို့၏ဗုဒ္ဓဘာသာကို မိမိတို့ ဖာသာဝေဖန် တိုက်ခိုက်သကဲ့သို့ဖြစ်သွားမည်ကိုစိုးကြောက်သဖြင့် ထိုဂိုဏ်းနှင့်ဆန့်ကျင်သောအသံ မထွက်ဝံ့ကြခြင်းပင်။

    ဦးဝီရသူ၏ထင်ပေါ်မှု နှင့် မြန်မာနိုင်ငံ အ၀ှန်းရှိ မွတ်စ်လင် မ်ဆန့်ကျင်ရေး ကမ်ပိန်း၏နောက်ကွယ်၌ နိုင်ငံတော် အဆင့် အာဏာပိုင်များ ရှိနေသည်ဟု ဗမာလူမျိုး ဒေါက်တာမောင်ဇာနည်က ဇွန်လတွင် ပြောဆိုခဲ့သည်။

    ဦးဝီရသူနှင့် ၉၆၉ဂိုဏ်းတို့၏ မှိုင်းတိုက် ထိုးဆွမှုများတွင် နိုင်ငံအာဏာပိုင်များမှ အားပေး ရပ်တည်ထားခြင်း မရှိကြောင်းကိုလည်း သေချာရေရာသော သက်သေသာဓကများလည်း မရှိပြန်ချေ။

    အတိုက်အခံခေါင်းဆောင် ဒေါ်အောင်ဆန်းစုကြည်သည်ပင်လျှင် ထိုဂိုဏ်းအား ဆန့်ကျင်သည့်စကား ပြောမထွက်လာခဲ့ပါ။ ဤသည်မှာ သူမအား ရပ်တည်ထောက်ခံပေးနေသော ၉၆၉ ဂိုဏ်းသားများ (၀ါ) မွတ်စ်လင်မ် ဆန့်ကျင်ရေးသမားများနှင့် အချေအတင်ဖြစ်ခြင်းမှ ရှောင်လွှဲလိုသည့် သူမ၏နိုင်ငံရေးသဘောထားဖြစ်မည်ဟု များစွာသောသူတို့မှ ယုံကြည်ထားသည်။

    မြန်မာမွတ်စ်လင်မ်ဆန့်ကျင်ရေးအကြမ်းဖက်မှုများ၊ လူ့အခွင့်အရေးချိုးဖောက်နေမှုများ၊ ယင်းလုပ်ရပ်ဆိုးများကို တာဝန်ယူဖြေရှင်းခြင်း ကင်းမဲ့နေမှုများနှင့် ပတ်သက်၍ စိုးရိမ်သောကရောက်နေကြောင်း လူ့အခွင့်အရေးဆိုင်ရာ ကုလသမဂ္ဂကော်မရှင်နာမင်းကြီး Navi Pillay က ဇွန်လအတွင်း ထုတ်ဖော်ပြောကြားခဲ့၏။

    ကျွန်ုပ်တို့၏အမြင်အရ ၂၀၁၄ ခုနှစ်၌ အပြောင်းအလဲမှာ ဆင့်ပါးစပ်နှမ်းပက် သလောက်မျှသာ ဖြစ်လျက် မြန်မာမွတ်စ်လင်တို့ အပေါ်ဖိနှိပ်ခြင်းမှာ ရှေ့ဆက်နေဦးမည်သာတည်း။
    xxxxxxxxxxxxxxxxxxxxxxxxxxxxxxxxxx

    Mark Inkey ၏ သုံးသပ်ချက်သတင်းဆောင်းပါး “2013: A year of religious intolerance in Burma” ကို  မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။

    —————————————-
    ** M-Media ၏ မူပိုင် သတင်း/ဆောင်းပါးများ၊ ဘာသာပြန် များကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

    M-Media ၏ ခွင့်ပြုချက်မရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
    ဆက်သွယ်ရန် [email protected]

  • မူဆယ် ၉၆၉ တရားပွဲ အပြီး သွေးထိုး လှုံဆော်မှုရဲ့ နောက်ဆက်တွဲ ရလဒ် လားရှိုး အကြမ်းဖက်မှု

    မေလ ၂၉၊ ၂၀၁၃
    M-Media
    သတင်း – ဆုံမှတ်

    မူဆယ်မြို့၊ ရှမ်းကွင်း၌ ပြီးခဲ့တဲ့ ရက်တစ်ပတ်လုံး မေလ ၂၀-ရက်နေ့မှ ၂၄-ရက်နေ့ အထိ “၉၆၉ တရားပွဲ” ဟု တရားဝင်ကြေညာ၍ ဗီနိုင်း ပိုစတာအကြီးကြီးဖြင့် ဗမာဘုန်းကြီးများ တရားပွဲ ပြုလုပ်ခဲ့ကြောင်း သတင်းရရှိသည်။

    1
    Photo Wirthu FB

    အဆိုပါ တရားပွဲတွင် ဗမာဘုန်းတော်ကြီးများ ဟောကြားခဲ့ပြီး ဗုဒ္ဓဟူးနေ့က ဦးပညာဝရ၊ ကြာသပတေးနေ့က ဦးဝီရသူ၊ သောကြာနေ့က ဦးဇ၀န ဆရာတော်တို့ ဟောကြားခဲ့ကြောင်း သိရသည်။

    ယင်းတရားပွဲတွင် ဆရာတော် ဦးပညာဝရ၊ ဦးဝီရသူ၊ ဦးဇ၀နတို့မှ လူမျိုး ဘာသာ မုန်းတီးရေး၊ ပုတ်ခတ်ရေး၊ သွေးထိုး လှုံဆော်ရေး တရားများ ဟောကြား ခဲ့သည်။ လူဦးရေ (၃၀၀)ခန့် အဆိုပါ တရားပွဲသို့ တက်ရောက်ခဲ့ကြောင်း သိရသည်။

    ယင်း ဖြစ်ရပ်နှင့် ပတ်သက်၍ ဒေသခံ တစ်ဦးအား M-Media မှ ဆက်သွယ်မေးမြန်းရာ “ တရားပွဲက ၉၆၉ တရားပွဲ ဆိုပြီး တရားဝင် ကြေညာပြီးတော့ကို လုပ်တာပါ၊ နောက်ဆုံး (၃)ရက်မှာ သွေးထိုးလှုံဆော်ရေး တရားတွေ ဟောခဲ့ပါတယ်၊ ရှမ်းတိုင်းရင်းသားတွေက သူတို့ရဲ့ ၉၆၉ တရားပွဲတွေကို သိပ်စိတ်မ၀င်စားကြဘူး။ အဲဒါကို ၀ီရသူက မကျေနပ်ဘူး၊ ရှမ်းတိုင်းရင်းသားတွေက ကိုယ့်အမျိုးကို မချစ်ဘူး၊ ကိုယ့်အမျိုးကိုယ် ကာကွယ်စောင့်ရှောက်ရမယ်ဆိုတာကိုလည်း နားမလည်ဘူး” လို့ပြောသွားတယ်၊

    လွန်ခဲ့သောတစ်ပတ်အလွန်က တောင်ကြီးမြို့ နှင့် အနီးတဝိုက်ရှိပတ်ဝန်းကျင်မြို့ များတွင် ၉၆၉ တရားပွဲများကို ဘုန်းကြီးကျောင်းအများစုတွင် ကျင်းပခဲ့ကြပြီး ဆင်းရဲသားရပ်ကွက်အချို့ ရှိ လက်ဖက်ရည်ဆိုင်များတွင် မွတ်စလင်မုန်းတီးဆန့် ကျင်ရေးစာအုပ်များနှင့် မွတ်စလင်ဆိုင်များကို သပိတ်မှောက်ကြရန် လှုံဆော်သော စာရွက်များဖြန့် ဝေလျက်ရှိသည်။

    ၉၆၉တရားပွဲများ ရှမ်းပြည်တွင် လာရောက် ကျင်းပနေသော်လည်း ရှမ်းဘုန်းတော်ကြီးများကလည်း ဗုဒ္ဓတရားတော်များ ကိုဟောကြားသည့် တရားပွဲ သက်သက် ကျင်းပဖို့ရှိကြောင်း သိရသည်။

  • ဦးဝီရသူပြောတဲ့ ၇+၈+၆=၂၁??

    ဧပြီ- ၈ -၂၀၁၃
    M-Media
    ရေးသူ- သော်ဇင်

    ကျွန်မက သာမန်အစ္စလာမ် ဘာသာဝင်တစ်ဦးပါပဲ။ဒါပေမယ့် ဦးဝီရသူရဲ့ ပြောစကား အချို့အတွက် တော်တော် အံ့သြမိလို့ ပြန်ပြောချင်တာ တချို့ပါ။

    ဦးဝီရသူဟာ အဖွဲ့အစည်းအသိုက်အ၀န်း တစ်ခုလုံးကိုပေါ်တင်သမုတ်ပြီး မီဒီယာတွေကြား မဟုတ်တရားတွေကို ဗြောင်ကျကျပြောနေတာဟာ လူ့အခွင့်အရေးချိုးဖောက်နေမှု တစ်ခုပါပဲ။ကျန်တဲ့ ဘယ်ဘာသာဝင်တရားဟောသူကမှ ဒီလိုပြောခွင့်မရကြပါဘူး။ ဒါပေမယ့် ကျွန်မတို့ ဘားအံမြို့ကအချို့ ဘုန်းကြီးအပါအ၀င် မော်လမြိုင်မြို့က ဘုန်းကြီးတွေကလည်း ဒါမျိုးတွေကို တရားလုပ်ဟောနေကြတာပါ။ ဒါပေမယ့် မီဒီယာတွေကြား ထင်ရှားကျော်ကြားနေတာကတော့ ဦးဝီရသူပါ။ သူဘာလို့ ဒီလို ဗြောင်ကျကျလူ့အခွင့်အရေး ချိုးဖောက်နိုင်ရသလဲ ဆိုတာလည်း အားလုံးသိပြီးသားမို့ မပြောတော့ပါဘူး။ဒါပေမယ့် သူက ၈တန်းလောက် သာသာ ပညာအရည်အချင်းရှိပြီး Freedom of Religion ဆိုတဲ့ ဘသာပေါင်းစုံကို တရားဝင်စော်ကားခွင့် ပါမစ်ရရှိထားသူဖြစ်နေတဲ့အတွက် ဗဟုသုတအရာမှာ အလွန်ခေါင်းပါးနေကြောင်းပြောပြချင်ရုံပါပဲ။

    “ A little knowledge is verydangerous.” တဲ့။ သူ့မှာရှိတဲ့ အင်မတန်ခေါင်းပါးတဲ့ ဗဟုသုတဟာ လူ့အသိုက်အ၀န်း တစ်ရပ်လုံးအတွက်၊သူ့ကို ယုံကြည်မိသူတွေအတွက် တကယ့်အန္တရာယ်တစ်ရပ်ပါပဲ။ ပြောချင်တာကတော့ ဒီလိုပါ….။

    ဦးဝီရသူအနေနဲ့ “၇၈၆” ကို ကိန်းဂဏန်းအားဖြင့်“၉၆၉” ထက်သာတယ်လို့ ဘယ်လို အတွေးအခေါ်မျိုးနဲ့ ပြောလည်း ဆိုတာတော့ ကျွန်မ မသိပါဘူး။ ဒါပေမယ့်ရပ်ကွက်ထဲက နတ်ကတော်ပြောပြောရမယ်ဆိုရင်တော့ ၇+၈+၆ ဟာ ၂၁ ရပါတယ်။ ၉+၆+၉ ဟာ ၂၄ ပါ။ ဒါကြောင့်ကိန်းဂဏန်းတွေကိုပေါင်းပြီး ရလာဒ်တွေကို စိတ်ဝင်စားတတ်တဲ့ နတ်ကတော်တွေလို ပြောရရင်တော့၉+၆+၉= ၂၄ က ပိုသာကြောင်းပါ။

    ဦးဝီရသူတို့မှာ ဘာအိုင်ဒီယာမှမရှိဘဲ မွတ်စ်လင်မ်တွေလုပ်တဲ့အတိုင်းခံစစ်နဲ့လုပ်နေတာလို့ ပြောထားပါတယ်။ တဘက်မှာလည်း သူကိုယ်တိုင်ကပဲ ၇+၈+၆= ၂၁ မို့လို့၂၁ရာစုမှာ မွတ်စ်လင်မ်တွေ မြန်မာနိုင်ငံကို သိမ်းပိုက်ဖို့လုပ်တယ်လို့ ဂဏန်း၃လုံးကိုအခြေခံတဲ့ အထောက်အထားမဲ့ ဗေဒင်ကို ဟောထားပါသေးတယ်။ “၇၈၆” ဟာ မရိုးဖြောင့်ဘူးလို့ ခံယူထားသလိုပေါ့။ ဒီလိုပဲ တဆက်တည်းမှာပဲ သူက “၉၆၉”ကို ခံစစ်အနေနဲ့ ပြန်လုပ်ရတာလို့ ပြောထားတဲ့အတွက် အင်မတန်မှဖြူစင်သန့်ရှင်းတဲ့ ရတနာသုံးပါးရဲ့ သင်္ကေတ “၉၆၉” ဟာ သူတို့ သဘောပိုက်ထားတဲ့ “၇၈၆” နဲ့အဆင့်အတန်းချင်း တူညီသွားတာကိုရော သတိမှထားမိပါလေစလို့ ကျွန်မ တွေးမိပါတယ်။

    နောက်ပြီး မွတ်စ်လင်မ်နဲ့ ညားရင် သူ့ဘာသာထဲဝင်ရတယ်ဆိုတာမျိုးကိုလည်းဦးဝီရသူပြောသွားပါသေးတယ်။ မွတ်စ်လင်မ်နဲ့ယူပြီး အဲ့ဒီမွတ်စ်လင်မ်က ဗုဒ္ဓဘာသာဘက်ကိုကူးပြောင်းသွားတာတွေ ဒုနဲ့ဒေးပါပဲ။ ဦးဝီရသူအနေနဲ့ မြင်ဖူးမယ်လည်း ထင်ပါတယ်။ကျွန်မတို့အစ္စလာမ်ဘာသာဟာ မိရိုးဖလာယုံကြည်မှုတွေကို လက်မခံပါဘူး။ ယုံကြည်မှုဆိုတာ အတင်းအဓမ္မတည်ဆောက်ခိုင်းလို့ရတဲ့အရာမဟုတ်ဘူးဆိုတာ အားလုံးသိပြီးသားပါ။ ဇွတ်အတင်း သွတ်သွင်းတာမျိုးကို ဘာသာဝင်အစစ်တွေ လုံးဝမလုပ်ဘူး ဆိုတာ ကျွန်မတို့က ယုံကြည်ထားပါတယ်။ ကုရ်အာန်ကလည်း သွန်သင်ထားပြီးသားပါ။ နောက်တခုက လူ့အသိုင်းဝန်းတွေမှာBlack Sheep တွေ ရှိတတ်ကြပါတယ်။ သူတို့ကို လက်ညှိုးထိုးပြီး ကျန်သူတွေကို စွပ်စွဲတာမျိုးဟာပညာရှိမဆန်တဲ့ ဖြေရှင်းမှုတွေပဲလို့ ကျွန်မ ထင်ပါတယ်။ ဦးဝီရသူရဲ့ source အမှားတွေက ပုဂ္ဂိုလ်ရေးရာကြောင့်လို့ထင်မိပါတယ်။ ပုဂ္ဂိုလ်ရေးရာမကျေနပ်မှုတွေကို မကျေနပ်သူတွေနဲ့တိုက်ရိုက်ရှင်းတာ ပညာရှိဆန်မယ်ထင်ပါတယ်။

    “၇၈၆” ကို တိတိကျကျထုတ်ပြန်ပြီးတော့“၇၈၆” ဟာ ၂၁ရာစုမှာ မြန်မာနိုင်ငံကို သိမ်းပိုက်ဖို့လုပ်တာမဟုတ်ဘူးလို့ တရားဝင်ကြေငြာပေးရင်“၉၆၉” လှုပ်ရှားမှုကို ရပ်တန့်မယ်လို့ ဦးဝီရသူ ပြောထားပါတယ်။

    အဖြေကတော့ ရေရေလည်လည်ကို ရှင်းပါတယ်။ မြန်မာနိုင်ငံက အစ္စလာမ် ဘာသာဝင်တွေက ကြေငြာ မပေးနိုင်ဘူး ဆိုတာပါပဲ။ ဘာလို့လည်းဆိုတော့ “၇၈၆” ဟာ မြန်မာမွတ်စ်လင်မ်တွေတီထွင်သုံးစွဲခဲ့တာ မဟုတ်လို့ပါပဲ။ ဦးဝီရသူအနေနဲ့ စာပေတွေကို ဖတ်ရှု့လေ့လာဖို့ ဆန္ဒရှိခဲ့တယ်ဆိုရင် http://en.wikipedia.org/wiki/786_%28number%29   ဆိုတဲ့ လင်ခ့်မှာ အလွယ်တကူရှာဖွေဖတ်ရှု့နိုင်ပါတယ်။

    “၇၈၆” ရဲ့ သဘောကိုလည်း ရှင်းပြချင်ပါတယ်။“၇” ဆိုတာ ဘာဖြစ်စေ၊ “၈” ဆိုတာက ဘာဂုဏ်၊ “၆” ဆိုတာက ဘာပေါ့ရယ်လို့ ကောက်ကတ်ပေးထားတာတော့ မဟုတ်ပါဘူး။ ပြီးတော့ မြန်မာမွတ်စ်လင်မ်တွေက မနေ့တနေ့ကမှ (ဥပမာ ၂၀ရာစုကမှပေါ့) တီထွင်သုံးစွဲခဲ့တာလည်းမဟုတ်တဲ့အတွက် ဦးဝီရသူတောင်းဆိုထားတာကိုတော့ ကျွန်မတို့ မြန်မာ မွတ်စ်လင်မ်တွေက မလိုက်လျောပေးနိုင်တာ ၀မ်းနည်းပါတယ်။ အိန္ဒိယနဲ့ ပါကစ္စတန်ရဲ့ သုံးစွဲမှုတွေ ကနေတဆင့် မြန်မာနိုင်ငံကို ၀င်ရောက်လာတာ ဆိုရင်တော့ငြင်းစရာမရှိပါဘူး။ မြန်မာနိုင်ငံဆိုတာကလည်း အိန္ဒိယအငွေ့အသက်မကင်းနိုင်တာကို အားလုံးသဘောပေါက်မယ်ထင်လို့အထွေအထူးရှင်းနေစရာမလိုတော့ဘူးလို့ ထင်ပါတယ်။ ဒါပေမယ့် ၂၁ရာစုဆိုတာက ဒီဇင်ဘာ၃၁ရက်၊၂၁၀၀ မှ ကုန်ဆုံးမှာဖြစ်လို့ အဲ့ဒီအချိန်ထိ “၇၈၆” ကြီးစိုးမစိုးဆိုတာကို စောင့်ကြည့်နိုင်ဖို့ ဦးဝီရသူရဲ့ မျိုးဆက်သစ်အပေါင်း ကျန်းမာတည်တံ့ပါစေကြောင်းလည်း တဆက်တည်း ဆုတောင်းပေး လိုက်ပါရစေ။

    ရှင်းရမှာက “၇၈၆” ကိစ္စပါ။ “၇၈၆” ဆိုတာဟာ“Bismillah- Al- Rahman- Al- Rahim” ဆိုတဲ့ “ သနားကြင်နာတော်မူသော၊ ဂရုဏာတော်ရှင်ဖြစ်တော်မူသော အလ္လာဟ်အရှင်မြတ်၏ နာမတော်အားဖြင့်” လို့ အနက်ပေးပါတယ်။ ဒါကို googling လုပ်ကြည့်လည်းအလွယ်တကူသိရပါတယ်။

    အတွေးအခေါ်၊ အနုပညာနဲ့ ဘာသာဗေဒတွေကို ဂဏန်းကိုယ်စားပြုဖော်ပြတာဟာအီဂျစ်၊ ဘေဘီလုံနဲ့ အိန္ဒိယတို့ရဲ့ တိုးတက်ထွန်းကားခဲ့တဲ့ ယဉ်ကျေးမှုတွေပါ။ ရှေးခေတ် ဂဏန်းကိုယ်စားပြုမှုတွေကနေတဆင့်တိုးတက်ပြောင်းလဲလာတာဟာ သင်္ချာပညာရပ်၊ ဂျီသြမေတြီနဲ့ တြီဂိုနော်မေတြီတွေ အထိတိုင်အောင်လို့မှတ်သားဖူးပါတယ်။ အထင်ရှားဆုံးကျော်ကြားခဲ့တဲ့ ပညာရှင်ကတော့ ပိုင်သာဂိုရပ်စ်ပါ။ သူ့ရဲ့အမြင်အရဆိုရင် အရာအားလုံးကို ဂဏန်းသင်္ချာနဲ့ ကိုယ်စားပြုဖော်ပြနိုင်တယ်လို့ဆိုပါတယ်။

    ဒါကြောင့် အာရဗီအက္ခရာ၊ ဟီဘရူး၊ အာရမစ်ခ်နဲ့ ဂရိအက္ခရာတွေမှာ ကိန်းဂဏန်းကိုယ်စားပြုဖော်ပြမှုတွေ ရှိနေပါတယ်။ အက္ခရာတစ်ခုစီမှာ ကိန်းဂဏန်းကိုယ်စားပြုဖော်ပြမှုတွေ တစ်ခုစီရှိနေပါတယ်။ အာရဗီဘာသာစကားဆိုတာဟာ လွန်ခဲ့တဲ့၄၀၀AD လောက်က ဂျူးတွေအသုံးပြုခဲ့တဲ့ ဟီဘရူး၊ အာရမစ် စတဲ့ ဘာသာ စကားတွေကနေ ပြောင်းလဲဖြစ်ပေါ် လာတယ်လို့ မှတ်သားရပါတယ်။ ဥပမာ ဟီဘရူးဘာသာစကားမှာ အက္ခရာ ၂၂ လုံးပဲ ရှိပါတယ်။နောက်ထပ်၆လုံးကို အာရဗ်တွေက ထပ်မံဖြည့်စွက်ပြင်ဆင်ပြီး သုံးတော့ အာရဗီဘာသာစကားမှာ အက္ခရာ၂၈လုံးဖြစ်သွားပါတယ်။ အာရဗ်တွေရဲ့ မင်းဆက်တစ်ခုဖြစ်တဲ့ အဘာဆစ်မင်းဆက်ကို ရောက်တဲ့အခါမှာတော့Abjad method လို့ခေါ်တဲ့ ကိန်းဂဏန်းအရ ရေးသားဖော်ပြမှုကို တီထွင်သုံးစွဲလာပါတယ်။

    “Bismillah- Al- Rahman- Al- Rahim” ဟာAbjad method အားဖြင့် ၁၉လုံးမျှသော အက္ခရာတွေရဲ့ Numerical value(ဂဏန်းတန်ဖိုး) တွေကိုရေတွက်ပြီး Aggregate (စုစုပေါင်း) လုပ်ထားတဲ့ total value တစ်ခုပါ။ အောက်ပါအတိုင်းအလွယ်တကူတွေ့နိုင်ပါတယ်။

    12

     

    “Bismillah- Al-Rahman- Al- Rahim”…

    (1)Ba =2                     (8)Alif= 1                           (15)Lam = 30

    (2)Sin = 60                  (9)Lam= 30                        (16)Ra  = 200

    (3)Mim = 40                (10)Ra = 200               +     (17)Ha= 8             = 786

    (4)Alif = 1        +         (11)Ha = 8                          (18)Ya = 10

    (5)Lam = 30                (12)Mim = 40                       (19)Mim = 40

    (6)Lam = 30                (13)Nun = 50

    (7)Ha = 6                    (14)Alif = 1

    အာရဗီအက္ခရာတစ်လုံးစီရဲ့ကိန်းဂဏန်းတန်ဖိုး (Numerical value) တွေကို အောက်ပါလင့်ခ်မှာ အလွယ်တကူကြည့်ပြီး သိနိုင်ပါတယ်။

    http://en.m.wikipedia.org/wiki/Abjad_numeral#section_3 မှာ ထင်ထင်ရှားရှားတွေ့နိုင်ပါတယ်။

    ဒါကြောင့်“၇၈၆” ဆိုတာဟာ ဟိုဟာဖြစ်စေ ဒီဟာဖြစ်စေရယ်လို့ ပါးစပ်ရာဇ၀င်နဲ့ ရေးခဲ့တာ မဟုတ်လောက်ဘူးဆိုတာတော့အားလုံးသဘောပေါက်မှာပါ။ “၇၈၆” ဆိုတာ ပေါင်းထားပြီးသား Numerical value တစ်ခုမို့လို့ထပ်ပြီးပေါင်းနှုတ်မြှောက်စားလို့လည်းမရတော့ပါဘူး။ “၂၁”ရာစုမှာ အစ္စလာမ်တွေကြီးစိုးမယ် ဆိုတာမျိုးကိုတော့ကျွန်မ ရှာမတွေ့သေးတာ အမှန်ပါပဲ။

    ဒါပေမယ့် “၇၈၆” ကို အသုံးပြုမှုတွေကတော့အစ္စလာမ်ဘာသာဝင်တွေကြား အကွဲအလွဲတွေ အများကြီး တွေ့နေရပါတယ်။ ဘာလို့လည်း ဆိုတော့ ဟိန္ဒူတွေကလည်းHindu-Arabic Numeral system အရ သူတို့ရဲ့ ကိုယ်တော်ဘုရားခရစ်ရှနားကို “၇၈၆” ရယ်လို့  ရည်ညွှန်းသုံးတာမျိုးရှိနေလို့ပါပဲ။ HaraeKrishna (Lord Krishna) ဆိုတာ “ကြီးမြတ်သော ကိုယ်တော်ခရစ်ရှနား” လို့ အနက်ကိုပေးပါတယ်။ဒါကို Numeral System နဲ့ရေးရင်….

    Harae Krishna

    (1)Ha=5                       (5) Ra = 200

    (2)Ra=200             +   (6)Sin (Sh) = 300         = 786

    (3)Ya = 10                   (7)Nun = 50

    (4)Kaf = 20                  (8) Alif = 1

    ဒါကြောင့်အစ္စလာမ့်အသိုင်းအ၀ိုင်းထဲမှာတောင်မှပဲ “၇၈၆” အပေါ်ယူဆမှုတွေက ဒုနဲ့ဒေးကွဲလွဲနေတာပါ။ဘာလို့လည်းဆိုတော့ ကောင်းရာမွန်ရာတိုင်းကို အလ္လာဟ်အရှင်မြတ်ရဲ့ နာမတော်နဲ့ အစပြုပြီးလုပ်ဆောင်တာဟာအစ္စလာမ်ရဲ့ အနှစ်သာရပါ။ ပြီးတော့ ကုရ်အာန်ကျမ်းကို စဖွင့်လျှင်ဖွင့်ချင်း (1:1) မှာကတည်းကိုကလှလှပပအစချီထားပြီးသားပါ။ ခိုးဆိုးလုယက်နဲ့နေရာမှာ၊ မုဒိန်းကျင့်တဲ့နေရာမှာ၊ လူသတ်တဲ့နေရာမှာဘုရားရဲ့နာမတော်ကို သုံးစွဲခွင့်မရှိပါဘူး။

    “၇၈၆” နဲ့ “ဟာလာ” ဆိုတာလည်း မတူပါဘူး။ “ဟာလာ”ရဲ့အနက်က လုပ်ပိုင်ခွင့်ပြုထားတဲ့အရာတွေပါ။ အစ္စလာမ်ကခွင့်ပြုထားသော လုပ်ပိုင်ခွင့်၊စားပိုင်ခွင့်၊နေထိုင်ပိုင်ခွင့် စသည်ဖြင့်ကို ဟာလာနည်းကျတယ်လို့ ပြောကြပါတယ်။ ဥပမာ- အစားအသောက်စားတော့မယ်ဆိုရင်မွတ်စ်လင်မ်တွေက “ဟာလာ”ရေးထားတဲ့ဆိုင်ကို ရှားစားကြပါတယ်။ အခြားအသုံးအဆောင်အတွက်ကျတော့ဝယ်ဖို့ခြမ်းဖို့က မိမိဝယ်ယူမယ့်သူ (ဆိုင်ရှင်) ကို ရွေးနေစရာမလိုပါဘူး။ အစားအသောက်အတွက်ကတော့သွေးတွေကို သန့်စင်ထားပြီး ဟာလာနည်းကျ လည်လှီးထားတဲ့ သားကောင်ကိုသာ အစ္စလာမ်ဘာသာဝင်တွေကစားသုံးလို့ရတာပါ။ ကျန်တဲ့ ငါးဟင်းနဲ့ ဟင်းသီး ဟင်းရွက်သီးသန့်ရောင်းသူများမှာ ဆိုရင်တော့ “ဟာလာ”ကို ရွေးဝယ်စရာမလိုတဲ့အတွက် ဘယ်သူ့ဆီကမဆို ၀ယ်လို့ရသလို ၀ယ်လည်းဝယ်ကြပါတယ်။

    ဒါကိုလည်း လူတိုင်းသိပြီးသားပါ။ လူတစ်ယောက်ဟာသူ့အယူအဆနဲ့သူ ကြိုက်နှစ်သက်လို့ “၇၈၆” ဆိုတာကို လေထိုးကျွတ်ဖာဆိုင်မှာပါ ကပ်ထားလည်း သူ့လွတ်လပ်ခွင့်မို့ ပြောစရာကို မရှိတာပါ။ အစားအသောက်ကလွဲလို့ မွတ်စ်လင်မ်တွေက အဆင်ပြေရာဆိုင်တွေမှာကြုံသလိုဝယ်နေတာကိုလည်း အလွယ်တကူတွေ့မှာပါ။ ကျွန်မဆိုရင် ၀က်သား ဟင်းထည့်လာတဲ့ သူငယ်ချင်းတွေနဲ့တူတူတ၀ိုင်းတည်းထမင်းထိုင်စားလေ့ရှိပါတယ်။ ဘယ်လိုပြဿနာမျိုးမှ မရှိပါဘူး။ ဒါကြောင့် “၇၈၆”ဆိုတာ ဘုရားရဲ့ နာမတော်ရွတ်ဖတ်ခြင်း အပြည့်အစုံကို အာရဗီစာပေအားနည်းသူတွေအတွက် အလွယ်တကူအသုံးပြုနိုင်အောင် တီထွင်ထားတဲ့ Numeral system တခုပါပဲ။

    မြန်မာနိုင်ငံက မွတ်စ်လင်မ်တွေ တီထွင်သုံးစွဲတာမဟုတ်တဲ့“၇၈၆” ကို ရုတ်သိမ်းခိုင်းစေချင်တယ်ဆိုရင်တော့ ၇+၈+၆ = ၂၁ ရတဲ့အတွက် ၂၁ရာစုမှာ မွတ်စ်လင်မ်တွေ သိမ်းပိုက်စိုးမိုးမယ်လို့ ဦးဝီရသူအနေနဲ့ ကမ္ဘာကို အလျင်ဦးဆုံး ကြေငြာပြပေးဖို့ တောင်းဆိုပါတယ်။ဒါဆိုရင်တော့ ဦးဝီရသူကှို စာဖတ်ဖို့နဲ့ မိမိပတ်ဝန်းကျင်ကို လေ့လာမှုပြုဖို့ ကမ္ဘာကပြန်လည်တိုက်တွန်းနှစ်သိမ့်မယ်ဆိုတာ ကျွန်မ အာမခံရဲပါတယ်။

    ကျွန်မတို့ရဲ့ ကိုယ်တော် မုဟမ္မဒ် (ငြိမ်းချမ်းမှုသက်ရောက်ပါစေ)ကိုယ်တိုင်တောင်မှပဲ အခြားခေါင်းဆောင်တွေဆီ စာချွန်လွှာပေးပို့တဲ့အခါ ဘုရားရဲ့နာမတော်ကိုမူရင်း အာရဗီဘာသာနဲ့ပဲ ရေးထိုးပေးပို့လေ့ရှိတယ်လို့ မှတ်သားဖူးပါတယ်။ ဒါကြောင့် ကျွန်မအတွက်ကတော့“၇၈၆” ဆိုတာ ခုနှစ်ရာရှစ်ဆယ်ခြောက် ဆိုတဲ့ အနက်အဓိပ္ပါယ်ကလွဲလို့ ဘာမှသက်ရောက် ခံစားရမှုမရှိပါဘူး။ “၇၈၆” ဆိုတာလည်း ကိုယ်တော့်ရဲ့ နောက်ပိုင်းမှ တီထွင်အသုံးပြုခဲ့တာပါ။ ကုရ်အာန်မှာလည်း“၇၈၆” အကြောင်း စိုးစဉ်းမျှ မပါပါဘူး။

    ဒါကြောင့် ဦးဝီရသူအနေနဲ့ “၉၆၉” ဆိုတာကိုNumerical Value နဲ့မဟုတ်ဘဲ ဘုရားတရားသံဃာကို ဦးထိပ်ထားပြီး သုံးစွဲတာဖြစ်တယ်လို့ပြောတဲ့အတွက် ဘယ်သူ့ကိုမှ တွန်းထိုး တိုက်ခိုက်မှုမရှိတဲ့၊ တရားဓမ္မ အစစ်တွေကို ဟောကြားဖြန့်ဖြူးနိုင်တဲ့၊ငြိမ်းချမ်းမှုအစစ်အမှန်ကို ရှာဖွေနိုင်တဲ့၊ တရားမျှတမှုအတိပြီးတဲ့ လှုပ်ရှားမှုဖြစ်ခဲ့တယ်ဆိုရင် ဦးဝီရသူပြောသလို ဘယ်သူ မှန်မှန် မှားမှား ဘယ်တော့မှ ပြန် ရုတ်သိမ်းစရာမလိုဘူးလို့ မျှော်လင့်ပါတယ်။

    ဗုဒ္ဓရဲ့ တရားတော်အရ အကြောင်းအကျိုး အကောင်းအဆိုးဆိုတာရှိပါတယ်။ ကိုယ်လုပ်တဲ့ကံ ကိုယ့်ဆီပြန်လာတတ်တယ် ဆိုတာကိုတော့ ဦးဝီရသူက ကောင်းကောင်း သဘောပေါက်မှာပါ ။ လက်ကိုင်တုတ်ဆိုတာ ယိုင်နေသူအတွက် လိုအပ်တဲ့အချိန်မှာ သုံးတဲ့ပစ္စည်းပါ။ ယိုင်နေတဲ့သူကပြန်တည့်မတ်လာတဲ့တနေ့ လက်ကိုင်တုတ်ဆိုတာဟာ အလိုလို ထင်းဆိုက်ခံရတဲ့အဖြစ်မျိုးတွေ အများကြီးဆိုတာဘေးက ကြည့်နေသူတွေက သဘောပေါက်နေကြပါပြီ…..။

     Thaw Zin

  • ဧရာဝတီမှ ဦးဇင်း ဝီရသူ အင်တာဗျူးနှင့် ပတ်သက်ပြီး မေးချင်တာလေးများ

    မတ်လ-၃၀-၂၀၁၃

    ရေးသူ-Jue Jue Than

    wiratu and aung toung2
    ၂၀၁၂ မေလ ၃၀ ရက်နေ့တွင် ကြံခိုင်ရေးပါတီ ဗဟို အထွေထွေ အတွင်းရေးမှူး ဦးအောင်သောင်းမှ ဦးဝီရသူထံ လာရောက်တွေ့ဆုံစဉ် (ရခိုင်အရေးအခင်း မဖြစ်မှီ ၁ ပတ်ခန့်အလို)
    ဓါတ်ပုံ FaceBook မှ ကူးယူဖော်ပြပါသည်။

    ဦးဇင်း ၀ီရသူရဲ့ အင်တာဗျူး ဖတ်ပြီးတဲ့အချိန် စိတ်ထဲမှာ မေးချင်စိတ်ပေါက်လာတာလေးတွေရှိလို့ ရေးခြင်းဖြစ်ပါတယ်။ ကျွန်မ အစ္စလာမ် ဘာသာဝင်တစ်ယောက်ပါ။ ဗုဒ္ဓဘာသာကိုလဲ တော်တော်များများလေ့လာထားပါတယ်။ ကျွန်မရေးတဲ့စာနဲ့ ပတ်သက်ပြီး လွတ်လပ်စွာ သဘောထားကွဲလွဲနိုင်ပါတယ်။ ကြိုက်တဲ့အချိန်လဲ ဆွေးနွေးနိုင်ပါတယ်။

    မေးခွန်း (၁)ရဲ့ အဖြေတွေထဲက စိတ်ထဲမှာ မတင်မကျဖြစ်နေတာလေးတွေက———-
    မိတ္ထီလာကိစ္စမှာ အသေအပျောက်များခြင်းဟာ မွတ်စလင်မ်တွေက “ နောက်တနေ့ မနက် ၄ နာရီ လုံခြုံရေးတွေ ရုပ်သွားတဲ့အခါကျတော့ ပုန်းအောင်းနေတဲ့ မွတ်စလင်တွေ သွေးကြွသွားပြီးတော့ ကြွေးကြော်သံတွေ ကြွေးအော်တယ်။ ကျန်တဲ့သူတွေက သံပြိုင်အော်ကြတယ်။ အဲဒီတော့မှ မြို့လူထုက မွတ်စလင်တွေ ဒီမှာရှိတယ်ဆိုပြီးတော့ သိသွားကြတယ်။ သိသွားတဲ့အချိန်မှာ လာဝိုင်းကြတယ်။” လို့ ဆိုထားပါတယ်။

    ကျွန်မရဲ့ သာမန် အတွေးလေးနဲ့ပဲ တွေးကြည့်မိတာပါ။ တကယ်တမ်းဆိုရင် လုံခြုံရေးရှိနေတုန်း အော်ရင် တစ်ခုခုဖြစ်ရင်တောင် လုံခြုံရေးတွေ အားကိုးနဲ့ ပိုမိုက်လို့ ရနိုင်တာကို လုံခြုံရေးတွေ ရုပ်သွားမှ အော်တယ်ဆိုတော့ အဲဒီ မွတ်စလင်မ်တွေက လာဝိုင်းတဲ့ ဗမာလူအုပ်ထက် ပိုသတ္တိကောင်းပုံရတယ်လို့ ခံစားမိတယ်။

    မေးခွန်း (၂) ရဲ့ အဖြေ ထဲမှာ မတင်မကျ ဖြစ်မိတာက——————
    “တကယ်တန်းကျတော့ သူတို့မှာ ဘာလက်နက်မှ မရှိဘူး။ ၁၀ ယောက်မှာ ၁ ယောက်ပဲ တုတ်ပါတယ်။ အဲဒီတုတ်ကလည်း အိမ်ဖျက်ဆီးထားတဲ့နေရာကနေ ပါလာတဲ့တုတ်။ အဲဒါပဲ။ ကိုယ်က တုတ်ပဲ ပါတယ်။ ဘာလက်နက်မှ မပါဘူး။ ဟိုကလူတွေက ဓားတွေနဲ့ ဆီးခုတ်တယ်ဆိုတော့ အတုန်းအရုန်း ကျတယ်ဗျ။ ဒုတိယနေ့ကလည်း ဘယ်သူမှ မစီစဉ်ဘူး။ အသံကြောင့် ဖားသေဖြစ်သွားတာ။” လို့ ဖြေထားပါတယ်

    အဲဒါနဲ့ ပတ်သက်ပြီးတော့လဲ ကျွန်မ တွေးမိတာက ရှိရှိသမျှသော ဓာတ်ပုံအများစု၊ ဗီဒီယိုဖိုင်တွေထဲမှာတောင် တွေ့နိုင်တာက လုံခြုံရေးတွေ ကြားထဲက တိုးထွက်လာတဲ့ လူတွေမှာတောင် နံပါတ်တုတ်လိုမျိုး အရာတွေ၊ နောက် တစ်ချို့ပုံတွေမှာဆို ဓားအိမ်နဲ့ ဓားလွယ်ထားတဲ့ လူတွေ ၊ အဲဒီလူတွေက ဘယ်က ရောက်လာပါသလဲ။ ပြီး ကြိုတင်မစီစဉ်ခဲ့ဘူးဆိုရင် အဲဒါတွေ ဘာလို့ အဆင်သင့်ပါနေရတာလဲ။

    မေးခွန်း (၃) အတွက် အဖြေထဲက————————-
    “ ဦးဇင်းတရားဟောတုန်းက အဲဒီမှာ စတေကာတွေ ၂၅ လောက် ဖြန့်ခဲ့တယ်။ အဲဒီစတေကာကလည်း Save Our Future အဲဒါလေးပါပဲ။”

    အဲဒါဆိုရင် “ရန်ကုန်လို မြို့ကြီးမှာတောင် အလကားလိုက်ဝေနေတဲ့ တရားခွေတွေ၊ စတစ်ကာတွေ — စတာတွေကို ဘယ်သူက အကုန်အကျခံပြီး ဝေပေးနေတာလဲ၊ ဖြန့်ဖြူးနေတာလဲ “

    မေးခွန်း (၄) ရဲ့ အဖြေ ထဲက——
    “ ဦးဇင်း အခု အမှုတွေ အများကြီးကိုင်တွယ်ထားတယ်ပေါ့။—————- ဒီအမှုတွေအားလုံးကို ဦးဇင်းဆီမှာ ၅၀ ကျော် လက်ခံထားပြီးတော့ တယ်လီဖုန်းနဲ့ ဖြေရှင်းပြီး—————–“

    ကျွန်မသိထားတဲ့ သံဃာဆိုတာ လူတွေကို တရားရေအေး တိုက်ကျွေးပြီး သူတို့ကိုယ်တိုင် လောကီဘောင်ကိစ္စအ၀၀ ကိုစွန့်ခွာထားသူတွေပါ။ ခု ဦးဇင်း ၀ီရသူအနေနဲ့ အမှုတွေ အများကြီးကိုင်တွယ်ထားတယ် ဆိုတာဟာ ၀ိနည်းနဲ့ ညီပါရဲ့လား။ သံဃာ အလုပ်မလုပ်ဘဲ လူ့ဘောင်ရေးရာတွေမှာ ၀င်ပါနေသလို ဖြစ်မနေဘူးလား။ နောက်ပြီး မြန်မာနိုင်ငံဟာ ပြည်သူ့ရဲ၊ စစ်တပ်နဲ့ တရားရေး ဆိုင်ရာ မဏ္ဍိုင်တွေအစား ဦးဇင်းကို အားကိုးရတယ်ဆိုတော့ တရားရေးဝန်ကြီးဌာနရဲ့ အထက်မှာ ဦးဇင်း ရှိနေတာလား “ လို့ တွေးမိပါတယ်။

    မေးခွန်း(၅)—————-
    “ သာသနာရေး ၀န်ကြီးဌာန ကတောင် ခွင့်မပြုထားတဲ့ တံဆိပ်တစ်ခုကို တတ်သလောက် မှတ်သလောက် လိုက်ဖြန့်ဖြူးတယ် “ လို့ ဆိုထားတဲ့ အတွက် — ဗုဒ္ဓဘာသာသည် ယခုကဲ့သို့ promote လုပ်မှသာလျှင် ခိုင်မြဲမည်ဟု ယုံကြည်ပါသလား။ ကျွန်မ နားလည်တာကတော့ ဘာသာတရား ယုံကြည်မှုဆိုတာ မိမိရဲ့ အတွင်းစိတ်သဏ္ဍာန်ထဲမှာ ကိန်းအောင်းတဲ့ အရာ ဖြစ်တဲ့အတွက် အပေါ်ယံ promote လုပ်ခြင်းဟာ အဓိက အနှစ်သာရ မဟုတ်ပါဘူး။

    နောက်ပြီး– ဦးဇင်းက ခုလို ပြောလိုက်ခြင်းအားဖြင့် ဗုဒ္ဓဘာသာဝင်များသည် ယုံကြည်မှုပိုင်းဆိုင်ရာမှာ အလွန်အမင်းအားနည်းလာသည် ဟု သွယ်ဝိုက်သော နည်းဖြင့် စော်ကားလိုက်သည်ဟု ခံစားမိပါသည်။

    မေးခွန်း (၆)————————
    “NLD က ခွပ်ဒေါင်းမဟုတ်ဘူး။ မွတ်စလင်တွေရဲ့ မွတ်ဒေါင်းလို့ ဆိုထားပါတယ်။”
    “ဒေါ်အောင်ဆန်းစုကြည် ဘာကြောင့် ဒီလိုနှုတ်ဆိတ်သွားသလဲဆိုတာကို ဒေါ်အောင်ဆန်းစုကြည် နားရောက်နေတဲ့ သူတွေကြောင့် ဖြစ်နိုင်တယ်လို့ ယူဆတယ်။”
    “မြို့တွေတော်တော် များများရဲ့ NLD ရုံးတွေမှာ ရုံးထိုင်တာက မွတ်စလင်တွေများတယ်။ သူတို့တတွေကြောင့် ဗမာတွေက NLD ရုံးကို သွားပြီးတော့ လှည့်ပြန်လာရတယ်။”
    “ဓမ္မနဲ့ အဓမ္မမှာ အမြဲတမ်း ဓမ္မဘက်က ရပ်တည်နေပါတယ်ဆိုတဲ့ မင်းကိုနိုင်က ပထမ ရခိုင်အရေးအခင်းမှာ တကယ်တန်းကျတော့ ဓမ္မဘက်မှာ ရပ်တည်တာ မတွေ့ရတော့ဘူး။ အဲဒါကြောင့် အဲဒါကို ထည့်ဟောတာ။”

    အဲဒီအချက်တွေနဲ့ ပတ်သက်လို့———–
    ပထမ အချက်—— NLD သည် နိုင်ငံတော်တွင် တရားဝင် မှတ်ပုံတင်ထားသော ပါတီဖြစ်သောကြောင့် ဦးဇင်းအနေနဲ့ ယခုကဲ့သို့ ပြောဆိုခြင်းသည် အသရေဖျက်မှု မြောက်တာ သိပါသလား။
    ဒုတိယအချက်— ယူဆတယ်လို့ သုံးထားတဲ့အတွက် ဦးဇင်းကိုယ်တိုင် သေချာမသိဘဲ မိမိရဲ့ ကိုယ်ပိုင် အမြင်နဲ့ ဆုံးဖြတ်တာ ဖြစ်တယ်လို့ တွေးမိပါတယ။်
    တတိယအချက်— ကျွန်မ တို့ မြန်မာနိုင်ငံဟာ အခုအချိန်မှာ စည်းကမ်းပြည့်ဝသော ဒီမိုကရေစီ နိုင်ငံဆီသို့ အသွင်ကူးပြောင်းနေတဲ့ကာလ ဖြစ်တဲ့အတွက် အရည်အချင်းရှိတဲ့ မည်သူမဆို နေရာက မရှားပါဘူး။ မွတ်စလင်မ်တွေက ရုံးမှာရှိနေလို့ ဗမာတွေက ပြန်လာရတယ်ဆိုတာက အဓိပ္ပါယ်ရှိရဲ့လား လို့ တွေးမိပါတယ်။ တကယ်တမ်း အရည်အချင်းရှိမယ်ဆိုရင် အဲဒီလူအတွက် လုပ်စရာ အလုပ်တွေက ရှိနေတဲ့ အချိန်တောင် လောက်မှာ မဟုတ်ပါဘူး။
    စတုတ္ထအချက် ————- ဓမ္မ = တရားမှု ၊ အဓမ္မ = မတရားမှု လို့ သိထားပါတယ်။ မှားခဲ့ရင် ပြင်ပေးပါ။ အဲဒီတော့ ကိုမင်းကိုနိုင် အနေနဲ့ ရခိုင်အရေးအခင်းမှာ ဓမ္မ ဘက်မှာ မရပ်ဘူးလို့ ဆိုရင် အဲဒီ ဓမ္မ ဆိုတဲ့အရာက စစ်မှန်တဲ့ ဓမ္မ ဟုတ်မနေလို့ရော မဖြစ်နိုင်ဘူးလား။

    မေးခွန်း (၇)——— ။ဆရာတော်ရဲ့ ဟောပြောချက်တွေမှာ အစ္စလမ်ဘာသာဝင်တွေရဲ့ ၇၈၆ အမှတ်တံဆိပ်ရေးထားတဲ့ ဆိုင်တွေမှာ အားမပေးရဘူးလို့ ပါနေတော့ ဘာသာရေးနဲ့ လူမျိုးရေး ခွဲခြားမှုတွေဖြစ်ပြီး လူ့အဖွဲ့အစည်း ကြားမှာ မယုံကြည်မှုတွေ၊ မုန်းတီးမှုတွေ မဖြစ်စေနိုင်ဘူးလားဘုရား။ ဆိုတာကို ———————–
    “အဲဒါက ဗမာနည်းမဟုတ်ဘူး။ အဲဒါ မွတ်စလင်နည်းလေ။ မွတ်စလင်တွေ အဲဒီအတိုင်း ကျင့်သုံးတာ။”

    အဲဒီအချက်မှာ — ဦးဇင်းအနေနဲ့ ဘာသာပေါင်းစုံချစ်ကြည်ရေး တို့၊ ငြိမ်းချမ်းရေးတို့ ဒီလောက်လုပ်နေတာတောင် ဒီ ၇၈၆ ကိစ္စကို မသိဘူးဆိုတော့ ဦးဇင်း လုပ်နေတဲ့ ဘာသာပေါင်းစုံ ချစ်ကြည်ရေး ၊ ငြိမ်းချမ်းရေးတွေက တကယ် ရင်ထဲက စစ်မှန်တဲ့စေတနာနဲ့ လုပ်နေတာ ဟုတ်ရဲ့လားလို့ သံသယ ၀င်မိပါတယ်။ တကယ်ကို စိတ်ထဲမှာ မကျေလည်ခဲ့ဘူး ဆိုရင် အဲဒီ အချိန်တွေမှာ မေးခဲ့ရမှာ မဟုတ်ဘူးလား။
    တလက်စတည်း အဲဒါလေးကိုလဲ နည်းနည်း ရှင်းပြချင်ပါတယ်။ ကျွန်မတို့ ဆိုင်တွေ အိမ်တွေမှာ ၇၈၆ တပ်ခြင်းသည် “ မဟာကရုဏာတော်ရှင် အလ္လာဟ် အရှင်မြတ်၏ နာမတော်ဖြင့် အစပြုပါ၏” ကို အာရဗီ ဗျည်းအက္ခရာတွေရဲ့ နံပါတ်တွေ ပေါင်းခြင်းနဲ့ ရေးထားတာပါ။ ပြီး ကျွန်မတို့တွေဟာ အစားအသောက်ရဲ့ သန့်ရှင်းစင်ကြယ်မှုကို အထူးကြပ်မတ်ထားတာပါ။ ကုရ်အာန် ကျမ်းစာထဲမှာ သွေးစားဖို့ ခွင့်မပြုထားပါဘူး။ (ဗမာအခေါ် လည်လှီးသား ) လည်ပင်းသွေးကြောကို ဖြတ်ပြီး သွေးကို ကုန်စင်အောင် ထုတ်ထားတဲ့ အသားကိုပဲ စားခွင့်ရှိပါတယ်။ အဲလို လှီးဖြတ်တဲ့အခါမှာလည်း အလ္လာဟ့်ရဲ့ နာမတော်ကို တသ ပြီး မှ လှီးဖြတ်ရပါတယ်။ အဲဒါကြောင့် ၇၈၆ တပ်ထားခြင်းဖြင့် အစားအသောက်ကို လွယ်ကူစွာ ရှာဖွေစားသောက်နိုင်ခြင်းကြောင့် အဲဒီအမှတ်အသားကို တပ်ထားခြင်းဖြစ်ပါတယ်။ အစားအသောက်ဆိုင် ဆိုတာမှာတောင် တခြား အစားအစာ ၊ အသီးအနှံ၊ ဟင်းသီးဟင်းရွက် စတာတွေကို ကြိုက်တဲ့နေရာက ၀ယ်လို့ ရပါတယ်။

    ဥပမာအနေနဲ့ ပြောရရင်——City Mart ဘယ်သူပိုင်လဲ လူတိုင်းသိပါတယ်။ ရွှေပုစွန် – မွတ်စလင်မ်ပိုင်လား၊ တခြားဘာသာဝင်ပိုင်လား ———– သွားကြည့်လိုက်ပါ။ အယူသည်း ပါတယ်လို့ ခုဝိုင်းပြီး လက်ညှိုးထိုးထားတဲ့ (ဘုရ်ခါ) အမည်းဝတ်တွေ၊ မုတ်ဆိတ်နဲ့ လူတွေ ၊ အဖြူရောင် အရှည်ကြီး ၀တ်ထားတဲ့ လူတွေ ရှောင်လို့တောင် မလွတ်ပါဘူး။ ဒါနဲ့တောင် ခုလိုမျိုး ပြောနေတာကို တကယ် အံ့သြမိပါတယ်။ ကျွန်မကိုယ်တိုင်လဲ အသားကလွဲလို့ ဘယ်ပစ္စည်းမဆို ပစ္စည်းမှန်ပြီး ဈေးမှန်တဲ့ ဆိုင်မှာပဲ ၀ယ်ယူသုံးစွဲပါတယ်။
    ပြီးတော့ သူတို့တပ်လို့ ငါတို့လဲ တပ်မယ်ဆိုတာက ကူးချတာပါပဲ။ ဂေါတမ မြတ်စွာဘုရား ဟောကြားထားတဲ့ ဗုဒ္ဓသာသနာသည် သူများကို ကူးချမှ အောင်မြင်ခြင်းကို ရောက်နိုင်တော့မယ်လို့ ယူဆထားတာပါလား ။ ဒါဆိုရင်တော့ မြတ်စွာဘုရားကိုပါ စော်ကားတဲ့အဆင့်ဖြစ်နေပါပြီ။ ဦးဇင်းအနေနဲ့ ကိုယ့်သာသနာကို ဖြန့်ဖြူးချင်စိတ်များပြီး သတိလက်လွတ်ဖြစ်သွားမှာ စိုးရိမ်မိပါတယ်။

    မေးခွန်း (၈)————————-
    ဖြေထားတာလေးတော့ ကောင်းပါတယ်။ ဒါပေမယ့် —————-

    ပထမအကြိမ် ဦးဇင်း ထောင်ကျခဲ့တာက ဘာသာရေး၊ လူမျိုးရေး မုန်းတီးမှု ဖြစ်ပွားစေသော စာရွက်စာတမ်းများ ဝေခဲ့တာကြောင့် ဆိုတော့ ထောင်က ထွက်လာပြီးနောက်မှာရော ဦးဇင်းရဲ့ မုန်းတီးရေး အစွဲတွေ တကယ် ကျွတ်ခဲ့ရဲ့လား ဆိုတာကို သံသယဖြစ်မိပါတယ်။

    မေးခွန်း (၉)————
    “အဲဒါအရေးယူရမယ်။ ပေါ်ပေါ်တင်တင်လုပ်တဲ့သူကို အရေးယူတာထက်၊ နောက်ကွယ်ကနေ သွေးထိုးပြီးတော့ သပ်လျှိုနေတဲ့သူတွေကို အရေးယူတာက ပိုပြီးထိရောက်တယ်။ ဥပမာအားဖြင့်- မော်လ၀ီ ဆရာတွေပေါ့။ သူတို့တွေက ကလေးလေးတွေကို စာသင်ပေးတယ်။သူတို့တွေက သွေးခွဲ စကားတွေကို ပြောပြီးတော့ သွေးခွဲတာများတယ်။ ကလေးလေးတွေက ရဟန်းသံဃာတွေကို ကြည့်တဲ့ အကြည့်က တကယ့်ရန်သူလိုပဲ။ ဗမာတွေကို ကြည့်တဲ့ အကြည့်က တကယ့်ရန်သူကြီးတွေလို။ အဲဒီလိုဖြစ်နေတယ်။ အဲဒီတော့ သွေးခွဲတဲ့သူတွေ၊ အထူးသဖြင့် ကလေးတွေကို မှိုင်းတိုက်ပြီးတော့ သွေးခွဲနေတဲ့နေတဲ့သူတွေကို အရေးယူနိုင်အောင်ကြိုးစားရမယ်။”

    အဲဒါနဲ့ပတ်သက်လို့——————————
    မော်လ၀ီဆရာတွေက ကလေးတွေကို စာသင်ပေးပြီး သွေးခွဲတယ်ဆိုတဲ့ကိစ္စပါ— အပေါ်မှာ ပြောခဲ့သလိုပဲ ဦးဇင်း အနေနဲ့ စိတ်ထဲမှာ မကျေလည်ထားဘူးဆိုရင် ဘာသာပေါင်းစုံငြိမ်းချမ်းရေး လုပ်တဲ့အချိန်တွေမှာ တွေ့ခဲ့တဲ့ ဦးဇင်းရဲ့ မွတ်စလင်မ် မိတ်ဆွေတွေကို မေးကြည့်ခဲ့နိုင်ပါရက်နဲ့ မမေးဘဲ ခု အင်တာဗျူးမှာတောင် ခုလို ထပ်ဖြေထားတာတွေ့ရတော့ ဦးဇင်းရဲ့ ချစ်ကြည်ရေး ကိစ္စကြီးက သံသယဖြစ်စရာကောင်းလှပါတယ်။
    ကြုံတုန်းတလက်စတည်း– တကယ်လို့များ ဦးဇင်းအနေနဲ့ သွားလေ့လာချင်တယ်ဆိုရင် ဦးဇင်းကြိုက်တဲ့ ဘာသာရေး စာသင်ကျောင်းကို လက်ညှိုးထိုးပါ။ တပည့်တော် ခေါ်သွားပေးပါ့မယ်လို့ ဒီနေရာကနေ ပြောချင်ပါတယ်။

    နောက်တစ်ချက်— ကလေးတွေက ရဟန်း သံဃာကို ကြည့်တဲ့ အကြည့်က တကယ့်ရန်သူလိုပဲ လို့ ဖြေထားတော့ မေးစရာ မေးခွန်းလေး တစ်ခု ထပ်ထွက်လာပါတယ်။ ဂေါတမမြတ်စွာဘုရားရဲ့ တရားတော်သည် မေတ္တာတရားတော် ဖြစ်တယ်လို့ ကျွန်မ လေ့လာသိရှိထားပါတယ်။ ဒါဆိုရင် ဘုရားသားတော်ဖြစ်တဲ့ ၊ သံဃာဖြစ်တဲ့ ဦးဇင်းက ကိုယ့်ကို ရန်သူလို ဆက်ဆံတဲ့လူကို မေတ္တာမထားနိုင်ဘူးဆိုတော့ ဦးဇင်းကိုယ်တိုင် ဂေါတမမြတ်စွာဘုရားရဲ့ တရားတော်ကို တကယ်ကျင့်ကြံ အားထုတ်ပါရဲ့လား။

    ကျွန်မ တွေးမိတဲ့ အပိုင်းအစလေးတွေပါ။ ဂေါတမမြတ်စွာဘုရား နဲ့ မြတ်စွာဘုရားဟောကြားခဲ့တဲ့ ဗုဒ္ဓသာသနာအား စော်ကားလိုသည့် စိတ် မြူတစ်မှုန်စာတောင် မရှိပါ။ သာသနာဟု အမည်တပ်ပြီး သာသနာဖျက်မှာကိုတော့ တကယ်စိုးရိမ်မိပါတယ်။ ကျွန်မတို့ မြန်မာနိုင်ငံဟာ ဘုရားပုထိုးတွေ အလွန်များပြားပြီး အလွန်သပ္ပါယ်စရာ ၊ နေရာတိုင်းမှာလဲ မြစ်ချောင်းအင်းအိုင် အလှတွေ၊ မတူညီကွဲပြားတဲ့ အလှတွေနဲ့ အလွန်လှပတဲ့ နိုင်ငံလေးပါ။ ကျွန်မ ကိုယ်တိုင် မြန်မာနိုင်ငံရဲ့ ဒုတိယ ဘုရားပုထိုး အများဆုံး မြို့မှာ မွေးဖွားခဲ့ပြီး ကျွန်မရဲ့ မွေးရပ်မြေကိုလဲ အလွန်ချစ်လို့ ကျွန်မ သူငယ်ချင်းတွေကိုယ်တိုင် ကျွန်မရဲ့ နာမည်ရင်းမခေါ်ဘဲ မြို့နာမည်နဲ့ တွဲခေါ်ခဲ့ကြတာပါ။

    ထေရ၀ါဒဗုဒ္ဓဘာသာဝင်အများစု ရှိတဲ့ ကျွန်မတို့ရဲ့ မြန်မာနိုင်ငံလေးကို ကမ္ဘာမှာ အကြမ်းဖက်နိုင်ငံ၊ အစွန်းရောက်နိုင်ငံဆိုပြီး နာမည်ပျက်မှာကိုတော့ အရမ်းစိုးရိမ်မိပါတယ်။

    ကျွန်မ အစ္စလာမ် ဘာသာကိုသက်ဝင်ယုံကြည်တဲ့ မွတ်စလင်မ်တစ်ယောက်ပါ။ ဒါပေမယ့် အကြမ်းဖက် အစွန်းရောက် မဟုတ်ပါဘူး။

    Jue Jue Than FB စာမျက်နှာ မှ ကူးယူဖော်ပြပါသည်။
  • အရှိန်မြင့်လာတဲ့ အစ္စလာမ် ဆန့်ကျင်ရေး အပေါ် ပြည်သူတဦးရဲ့ အမြင်

    အရှိန်မြင့်လာတဲ့ အစ္စလာမ် ဆန့်ကျင်ရေး အပေါ် ပြည်သူတဦးရဲ့ အမြင်

    မတ်လ ၇ရက်၊ ၂၀၁၃
    M-Media
    သတင်း- ပသီဆောင်းနှင်းမှုံ

    အစ္စလာမ် ဆန့်ကျင်ရေး တရားပွဲဟောပြောပွဲများ၊ စာရွတ်စာတမ်းများ၊ စာအုပ်များ၊ တရားပွဲ DVD အခွေများကို လက်ကမ်းဝေဖြန့်ဝေခြင်းများကို လွန်ခဲ့သည့် လများက ကရင်ပြည်နယ်၊ မွန်ပြည်နယ်အချို့မြို့နယ်များတွင် ပြုလုပ်ရာမှာ ယခုအခါ ရန်ကုန်မြို့ အနီးတ၀ိုက် မြေနီကုန်း၊ ပန်းဘဲတန်း၊ ပုဇွန်တောင်၊ လှိုင်သာယာ စသည့် မြို့နယ်များတွင်ပါ တရားဝင်ပြုလုပ်ခွင့် ရသည့် အလားပေါ်ပေါ်ထင်ထင် ပြုလုပ်လာနေသည် ကိုတွေ့မြင်ရပါသည်။ အဆိုပါ အစ္စလာမ် ဆန့်ကျင်ရေး လှုပ်ရှားမှု့များ နှင့် ပတ်သက်ပြီး အငြိမ်းစား ဆည်မြောင်းဦးစီးမှူး အထက်တန်းရှေ့ နေ တစ်ဦးဖြစ်သော ဆရာဦးမြသန်း၏ အမြင်ကို M-Media မှ ဆက်သွယ်မေးမြန်းခဲ့ပါသည်။

    P6040007
    အငြိမ်းစား ဆည်မြောင်းဦးစီးမှူး အထက်တန်းရှေ့ နေ ဆရာဦးမြသန်း

    ဗုဒ္ဓပွင့်တော်မှုတဲ့ အိန္ဒိယနိုင်ငံ နီပေါမှာ ဗုဒ္ဓ အရင်ရှိခဲ့တဲ့ ဟိန္ဒူဘာသာ၊ ဂျိန်းဘာသာ ဆိုတဲ့ အယူဝါဒတွေကြားထဲက ပေါ်ပေါက်လာတဲ့ ဗုဒ္ဓဘုရားရှင်ရဲ့ သာသနာကို လက်ခံလာအောင် ဗုဒ္ဓက နူးညံ့တဲ့နုလုံးသားနဲ့ သိမ်းသွင်းခဲ့တယ်။ သူဟာ ဘယ်သူ့ကိုမှ အကြမ်းဖက်ပြီး သူ့သာသနာ ကြီးထွားအောင်မြင်အောင် လို့ဆိုပြီး ဟိန္ဒူဘုရားကျောင်းတွေ၊ …. တွေရဲ့ ဘုရားကျောင်းတွေကိုလည်း မဖျက်စီးဘူး၊ ဖျက်စီးဖို့လည်း လှုံ့ ဆော်တဲ့ တရားတွေ မဟောခဲ့ဖူးဘူး။ ဗုဒ္ဓရဲ့သားတော်တွေဖြစ်တဲ့ တကယ့် သံဃာတော် အစစ်အမှန်တွေက ဒီလိုမျိုးမလုပ်ဘူး။ သူတို့မှာ ၀တ်နည်းဆိုတာ ရှိတယ်။ ဗုဒ္ဓရဲ့ တရားတော်တွေကို ဥပက္ခာပြုပြီး၊ ဗုဒ္ဓ အလိုကျ မဟုတ်တဲ့ ဗုဒ္ဓနဲ့ ဆန့်ကျင်စွာ လုပ်နေတဲ့ ဆရာတော် အနည်းစုဟာ အခုလို တစ်ဘာသာနဲ့ တစ်ဘာသာ ညီညွတ်ရေးကို ကွဲပြားစေတဲ့ လုပ်ရပ်များကို မလုပ်သင့်ပါဘူး။

    ဆရာတော် သံဃာတော်တွေလို့ အမည်ခံထားပြီး ဟောပြောနေတာတွေမှာ ရိုးရိုးသားသား အရှိတရားကိုဟောနေတာမဟုတ်ဘူး။ ဥပမာ – အလ္လာဟ်ဆိုတဲ့ မမြင်ရတဲ့အရှင်ကို ကိုးကွယ်နေကြတယ် ဆိုပြီးပြော၊ ဒါမှန်တယ် လက်ခံတယ်။ ကြိုက်တဲ့ အစ္စလာမ်ဘာသာဝင်တွေကို မေး မမြင်ရသော အရှင်ကို ကိုးကွယ်နေကြတာ တွေပဲ။ ဒီလိုမျိုး တစ်ဖတ်က ဝေဖန်တရားဟောရင် အငြင်းပွားစရာ မရှိပါဘူး။ သို့သော် ကိုးကွယ်ရာ အရှင် နှင့် တမန်တော်မြတ်တွေကို “အမျိုးဘာသာ သာသနာ ကူသာ စောင့်ရှောက်ရာ – ဖတ်ဖြစ်အောင် ဖတ်ပါ” ဆိုတဲ့ စာအုပ်တွေမှာလို လွန်လွန်ကျူးကျူး မဟုတ်တရုတ် ရေးသားပြီး စော်ကားတာမျိုးတွေ မလုပ်သင့်ပါဘူး။

    P6020003

    “သမ္မတကြီး အပါအ၀င် သာသနာရေးရာ ၀န်ကြီးတွေဟာ ဘာသာအားလုံးရဲ့ ကျမ်းစာမူရင်းတွေကို ဖတ်ထား သိထားသင့်ပါတယ်။ သာသနာရေးဝန်ကြီး ဌာနမှရှိတဲ့ အာဏာပိုင်တွေကိုယ်တိုင်က သိထားပြီးသားဆိုရင် မဟုတ်တမ်းတရားတွေ ပြောတာတွေနှင့် ပတ်သက်ပြီး သူတို့သာသနာက ဒီလိုမဟုတ်ဘူး၊ မဟုတ်တာတွေမပြောနဲ့ မရေးနဲ့ သူတို့သာသနာမှာ ဒါတွေမရှိဘူး လုပ်ကြံမပြောကြနဲ့ အခြားသာသနာကို ညှိုးနွမ်းအောင် မလုပ်ကြပါနဲ့လို့ တားဆီသင့်ပါတယ်။”

    “ဟိုးတလောက ကျွန်တော်တို့ ရပ်ကွက်မှာ သင်္ဃန်းဝတ် ဘုန်းကြီးတစ်ပါးက လမ်းထဲကိုဝင်လာတယ် လမ်းထိပ် အ၀မှာကတည်းက လျှောက်လာတဲ့လမ်းတလျှောက် ခေါင်းပ၀ါခြုံ ထားတဲ့ အမျိုးသမီးတွေကို ထီးနဲ့လိုက်ရိုက်တယ် ၊ ထီးနဲ့လိုက်ရမ်းတယ် ပြီးတော့ မုတ်ဆိတ်နဲ့ တွေ့တဲ့သူတွေကို ယုတ်ယုတ်မာမာဆဲတယ် ပြီးတော့“ မင်းတို့အားလုံး သေကုန်မယ်၊ သတိထားပြီး နေကြ”လို့ပြောတယ်။အဲဒီမှာ လမ်းထဲမှာ ရှိတဲ့ ဗုဒ္ဓဘာသာဝင်တွေကပါ ၀ိုင်းပြီး ရပ်ကွက်မှာ ပြဿနာအဖြစ်မခံနိုင်ဘူး ဆိုပြီး ရပ်ကွက်အုပ်ချုပ်ရေးမှူးဆီ ပို့လိုက်တယ်။ရဲစခန်းကိုလည်း တိုင်တယ်။အဲဒီကနေ သံဃာနယက အဖွဲ့ ဆီအပ်တယ်။ အဲဒီမှာ ဘာတွေမေးပြီး ဘာတွေပြောလိုက်လဲ ဆိုတာတော့ ကျွန်တော်တုိ့မသိဘူး။ နောက်လွှတ်ပေးလိုက်တယ်လို့ ကြားတယ်။”

    “သမ္မတကြီး အနေနဲ့ ပြည်သူလူထု ငြိမ်းချမ်းရေးအတွက် သတင်းစာတွေ ရေဒီယိုတွေ ရုပ်မြင်သံကြားတွေ ကနေတဆင့် အခြားဘာသာ သာသနာတွေကို မစော်ကားကြနဲ့ မဖိနိပ်ကြနဲ့ ဘာသာပေါင်းစုံ ညီညွတ်ရေးကို ပျက်ပြားအောင် ပြုလုပ်သူကို အရေးယူမယ်လို့ မိန့်ခွန်းပြောလိုက်မယ် ဆိုရင် တစ်ယူသန် အစွန်းရောက်သူတွေက ဘယ်လုပ်ရဲတော့မလဲ၊ အစိုးရရဲ့ မျက်စိ၊ နားတွေက အင်မတန် ကျယ်ပြန့်ပါတယ်။ ဆူပူသူတွေကို ဖမ်းလိုက်တယ် အရေးယူလိုက်တယ် ဆိုပြီး မီဒီယာတွေက တစ်ဆင့် ပြလိုက်မယ်ဆိုရင် အခြားနေရာတွေကလဲ ထပ်မလုပ်ရဲ့တော့ဘူးပေါ့” ဟု M-Media သို့ပြောကြားခဲ့သည်။

    အစ္စလာမ် ဆန့်ကျင်ရေး လှုံဆော်စာများ

    P6020001

    P6020006

    P6020009