News @ M-Media

Tag: Yangon

  • မြန်မာနိုင်ငံရှိ မြို့ကြီးများတွင် အသွားအလာ သတိထားဖို့ နိုင်ငံခြားသံရုံးများ ထုတ်ပြန်ထား

    မြန်မာနိုင်ငံရှိ မြို့ကြီးများတွင် အသွားအလာ သတိထားဖို့ နိုင်ငံခြားသံရုံးများ ထုတ်ပြန်ထား

    စက်တင်ဘာ ၂၆၊ ၂၀၁၉
    M-Media

    Photo Credit – RFA

    -မြန်မာနိုင်ငံတစ်ဝှမ်းက မြို့ကြီးတွေမှာ အသွားအလာ အလွန်သတိထားကြဖို့ အမေရိကန်နဲ့ အနောက်နိုင်ငံအစိုးရတွေက သူတို့နိုင်ငံသားတွေအတွက် သတိပေးချက် ထုတ်ပြန်ထားပြီး၊ တိုင်းရင်းသားလက်နက်ကိုင်တွေ ဗုံးခွဲမှုတွေ လုပ်လာနိုင်တယ်ဆိုတဲ့ သတင်း ဆိုရှယ်မီဒီယာမှာ ပြန့်နှံ့နေစဉ် ဒီသတိပေးချက် ထွက်ပေါ်လာတာပါ။

    အခုလ ဒုတိယပတ်အတွင်းက မြန်မာအစိုးရရဲ့ အစိုးရအဖွဲ့အတွင်း သတိပေးချက်တစ်ခု အွန်လိုင်းပေါ်မှာ ပေါက်ကြားလာခဲ့ပြီး အဲဒီအထဲမှာ သမ္မတရုံး၊ ၀န်ကြီးဌာနရုံးတွေနဲ့ အခြား အစိုးရဌာနတွေမှာ ဗုံးခွဲတိုက်ခိုက်မှုတွေ ပြုလုပ်လာနိုင်တယ်လို့ သတိပေးထားပါတယ်။

    စက်တင်ဘာ ၁၆၊ ၂၆ နဲ့ အောက်တိုဘာ ၁၆ ရက်နေ့တွေမှာ တိုင်းရင်းသား လက်နက်ကိုင်တွေဖြစ်တဲ့ AA၊ KIA၊ CNF နဲ့ KNU တို့က ဗုံးခွဲတိုက်ခိုက်မှု လုပ်ဆောင်ဖို့ စီစဉ်ထားတယ်လို့လည်း သတိပေးချက်မှာ ဖော်ပြထားပါတယ်။

    ရန်ကုန် အမေရိကန်သံရုံးရဲ့ မနေ့ကထုတ်ပြန်ချက်မှာတော့ ဒီသတင်းတွေအတွက် မြန်မာလုံခြုံရေးတပ်ဖွဲ့တွေက စုံစမ်းစစ်ဆေးမှုတွေ လုပ်ဆောင်နေတယ်လို့ အမေရိကန် နိုင်ငံသားတွေကို သတိပေးထားပြီး၊ အထူးဖြင့် လုံခြုံရေးတပ်ဖွဲ့ဝင်တွေနဲ့ ဆက်သွယ်တာ၊ အစိုးရအဆောက်အဦးတွေဆီ သွားရောက်တာတွေမှာ လုံခြုံရေးအသိ အမြင့်ဆုံးထားကြဖို့၊ ပြည်တွင်းမီဒီယာတွေရဲ့ သတင်းဖော်ပြမှုကို မပြတ်တမ်း စောင့်ကြည့်ကြဖို့ တိုက်တွန်းထားပါတယ်။

    ယူကေ၊ ကနေဒါနဲ့ သြစတေးလျအစိုးရတွေကလည်း ဒီလို သတိပေးချက်မျိုး ထုတ်ပြန်ထားပါတယ်။

    ဗြိတိန်အစိုးရရဲ့ အွန်လိုင်းမှာလွှင့်တင်ထားတဲ့ သတိပေးချက်မှာ ဗုံးခွဲတိုက်ခိုက်မှုတွေ ဖြစ်လာနိုင်ချေရှိတယ်ဆိုတဲ့သတင်းနဲ့ပတ်သက်လို့ မြန်မာအစိုးရထံကနေ အတည်ပြုချက် မရသေးကြောင်း၊ လူများတဲ့နေရာတွေကို ရှောင်ပြီး ဒေသတွင်း လုံခြုံရေးတပ်ဖွဲ့တွေရဲ့ အကြံပေးချက်တွေကို လိုက်နာဖို့ အကြံပြုထားပါတယ်။

    သြစတေးလျအစိုးရကတော့ တိုင်းရင်းသားလက်နက်ကိုင်တွေနဲ့ အစိုးရစစ်တပ်တို့အကြား တိုက်ခိုက်မှုတွေ မြင့်တက်နေတဲ့ ရှမ်းပြည်နယ်မြောက်ပိုင်း၊ ဘင်္ဂလားဒေ့ရ်ှနဲ့ ကပ်နေတဲ့ ရခိုင်မြောက်ပိုင်းဒေသတွေကို သွားရောက်ခြင်းမပြုဖို့ သူတို့နိုင်ငံသားတွေကို တိုက်တွန်းခဲ့ပါတယ်။

    ဗုံးခွဲတိုက်ခိုက်မှုတွေ ရှိလာနိုင်တယ်ဆိုတဲ့ အစိုးရအဖွဲ့အတွင်း သတိပေးချက် မိတ္တူကို သမ္မတရုံးကနေ တရားဝင်ပေးပို့မှုကို လက်ခံရရှိတယ်လို့ ဆောက်လုပ်ရေးဝန်ကြီးဌာနရဲ့ ညွှန်ကြားရေးမှူး ဦးသိန်းဇော်က RFA ကို အတည်ပြုခဲ့ပါတယ်။

    မြန်မာစစ်တပ် ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းက လျှို့ဝှက်ညွှန်ကြားစာတွေ ဒီလိုပေါက်ကြားလာတာဟာ မလိုလားအပ်တဲ့ ပြဿနာတွေကို ဖြစ်ပေါ်စေပြီး၊ နေပြည်တော်မှာ လုံခြုံရေးတိုးမြှင့်ဖို့အတွက် အာဏာပိုင်တွေက လုပ်ဆောင်နေတယ်လို့ ပြောကြားခဲ့ပါတယ်။

    တိုင်းရင်းသားလက်နက်ကိုင်ကတော့ ဗုံးခွဲတိုက်ခိုက်မယ်ဆိုတဲ့သတင်းတွေကို ငြင်းဆိုပါတယ်။

    Ref: RFA

  • မြန်မာ့ E-sport လောကတိုးတက်ရေး မီးပြတ်မှုက အဟန့်အတား ဖြစ်နေပြီလား

    မြန်မာ့ E-sport လောကတိုးတက်ရေး မီးပြတ်မှုက အဟန့်အတား ဖြစ်နေပြီလား

    သြဂုတ် ၂၉၊ ၂၀၁၉
    M-Media

    Photo Credit – AFP

    -E-sport စတားတစ်ယောက်ဖြစ်တဲ့ မြင့်မြတ်ဇော်ဟာ ရန်ကုန်မြို့က အင်တာနက်ကဖေးတစ်ခုမှာ ပြိုင်ပွဲယှဉ်ပြိုင်နေစဉ် အနိုင်ရလုဆဲဆဲမှာ မီးပျက်ပြီး စခရင်အမှောင်ကျသွားပါတယ်။ ဒေါ်လာ သောင်းချီရမယ့် ဆုကြေးကို လက်လွှတ်ခဲ့ရသလို သူ့ရဲ့ဂုဏ်သိက္ခာလည်း စွန်းထင်းခဲ့ရပါတယ်။

    ထွန်းသစ်စ ဒီမိုကရေစီ မြန်မာနိုင်ငံမှာ E-sport ဟာ ဖွံ့ဖြိုးလာခဲ့ပေမယ့် မကြာခဏ ဓာတ်အားပြတ်တောက်မှုကြောင့် ကစားသမားတွေ ရှေ့ဆက်မတက်နိုင် ဖြစ်နေရပါတယ်။

    “မီးပျက်တိုင်း အီးပီစီကို ကျွန်တော်တို့ ကျိန်ဆဲတာပဲ။ ခဏခဏကို ပျက်နေတာ” လို့ မြင့်မြတ်ဇော်က ပြောပါတယ်။

    ၁၀ စုနှစ်နဲ့ချီ စစ်အုပ်ချုပ်ရေး ပြီးတဲ့နောက် ၂၀၁၀ ခုနှစ် နိုင်ငံရေးပြုပြင်ပြောင်းလဲမှုတွေ လုပ်ဆောင်ပြီး နိုင်ငံခြား ရင်းနှီးမြှုပ်နှံမှုတွေ ၀င်ရောက်လာတဲ့အချိန် မြန်မာနိုင်ငံ လူဦးရေရဲ့ ၆၀ ရာခိုင်နှုန်ကျော်ကတော့ လျှပ်စစ်ဓာတ်အားမရှိတဲ့ အခြေအနေမှာ နေထိုင်နေရပါတယ်။

    နိုင်ငံရေးပြုပြင်ပြောင်းလဲမှုနောက်ပိုင်း မြန်မာနိုင်ငံဟာ ကမ္ဘ္ဘာတစ်ဝှမ်း ဖွံ့ဖြိုးလာတဲ့ E-sport ရေစီးကြောင်းမှာ စီးမျောလာနိုင်ခဲ့ပါတယ်။ E-sport ဟာ ဒေါ်လာဘီလီယံချီတန်တဲ့ နယ်ပယ်တစ်ခု ဖြစ်လာခဲ့ပြီး နိုဝင်ဘာလ အာဆီယံအားကစားပြိုင်ပွဲမှာ ပထမဆုံးအကြိမ် ထည့်သွင်းကျင်းပပါတော့မယ်။

    ဓာတ်အားပြတ်တောက်တာ၊ ကိုယ်ပိုင်ကွန်ပျူတာနည်းပါတာ၊ ခရီးသွားဖို့၊ နိုင်ငံခြားမှာ ပြိုင်ပွဲဝင်နိုင်ဖို့ ထောက်ပံ့မှု အားနည်းမှု စတာတွေက မြန်မာပြည်တွင်းက E-sport ချန်ပီယံတွေကို ဆွဲချသလိုဖြစ်ပြီး ပြိုင်ပွဲမှာ ရှုံးနိမ့်မယ့်အန္တရာယ်နဲ့လည်း ရင်ဆိုင်နေရပါတယ်။

    Insane လို့အမည်ရတဲ့ အသက် ၂၁ နှစ်အရွယ် မြင့်မြတ်ဇော်က မီးပျက်တာကြောင့် ပွဲ ၄၀ လောက် ရှုံးခဲ့တယ်လို့ ပြောကြားခဲ့ပါတယ်။ ဒီရှုံးပွဲတွေကြောင့် ဒေါ်လာသန်းချီ ချီးမြှင့်တဲ့ နိုင်ငံခြားပွဲတွေမှာ တစ်နေရာရဖို့ သူ့အတွက် ခက်ခဲသွားခဲ့ပါတယ်။

    သူဟာ Dota 2 ကစားသူပါ။ Dota 2 ချန်ပီယံလိဂ်ပြိုင်ပွဲကို အခုတစ်ပတ် နှောင်းပိုင်းကျရင် ရှန်ဟိုင်းမှာ ကျင်းပမှာဖြစ်ပြီး စံချိန်တင်ဆုကြေး ကန်ဒေါ်လာ ၃၄.၃ သန်း ချီးမြှင့်မှာ ဖြစ်ပါတယ်။

    ဒါပေမယ့် မြန်မာနိုင်ငံမှာ Dota 2 ပြိုင်ပွဲတွေ နည်းပါးတာကြောင့် ဒီအားကစားနည်းနဲ့ ဘ၀ရပ်တည်ဖို့ ခက်ခဲတယ်လို့ မြင့်မြတ်ဇော်က ပြောပါတယ်။

    “ပြီးခဲ့တဲ့ ၃ နှစ်ဟာ ကစားသမားဘ၀မှာ ကျွန်တော့်အတွက် အခက်ခဲဆုံး အချိန်တွေပါ။ ဂိမ်းဆိုင်မှာပဲ ကျွန်တော်နေခဲ့ရပြီး၊ အစားအသောက်လည်း ၀၀လင်လင် မစားရပါဘူး”

    အချိန်မရွေး၊ နေရာမရွေး

    အခြားတိုင်းပြည်ကလူတွေနဲ့ ယှဉ်ပြိုင်ဖို့အတွက် မီးရောင်မှိန်မှိန် အင်တာနက်ကဖေးတွေဟာ ဂိမ်မာတွေရဲ့ ကွန်းခိုရာနေရာ ဖြစ်ခဲ့ပါတယ်။

    ဒါပေမယ့် ဈေးသက်သာတဲ့ ဆင်းမ်ကတ်တွေ ဈေးကွက်ထဲရောက်လာခဲ့ပြီး မိုဘိုင်းဖုန်းအသုံးပြုမှု မြင့်တက်လာတဲ့အချိန်မှာ အခြေအနေက တစ်မျိုးတစ်ဖုံ ပြောင်းလဲသွားခဲ့ပါတယ်။

    မြန်မာနိုင်ငံမှာ မိုဘိုင်းဖုန်းသုံးစွဲမှုဟာ ၂၀၁၂ ခုနှစ်မှာ ၇ ရာခိုင်နှုန်းသာ ရှိခဲ့ရာကနေ ၀ယ်လိုအားတဟုန်ထိုးတက်လာကာ အခုအချိန်မှာတော့ ၈၀ ရာခိုင်နှုန်းကျော်အထိ ရှိလာပါတယ်။

    မိုဘိုင်းဂိမ်းကစားတဲ့သူတွေအတွက်တော့ လျှပ်စစ်မီး ပြတ်တောက်သွားရင်လည်း ဆက်လက် ကစားနိုင်ပါတယ်။

    “အချိန်မရွေး၊ နေရာမရွေး ကျွန်တော်တို့ ကစားနိုင်ပါတယ်” လို့ စင်ကာပူအခြေစိုက် E-sport အသင်း Impunity ကို ကိုယ်စားပြုပြီး PUBG ဂိမ်း ကစားနေတဲ့ မြင့်မြတ်အောင်က ပြောပါတယ်။

    အင်တာနက်ဖိုးကလည်း ဈေးချိုပါတယ်။

    “ဖုန်းဘေးလ်က သိပ်ပြီးတော့ ဈေးမကြီးပါဘူး”

    ပြီးခဲ့တဲ့လ ရန်ကုန်က ရှော့ပင်းမောလ်တစ်ခုမှာ ကျင်းပခဲ့တဲ့ PUBG ပြိုင်ပွဲကို Impunity အပါအ၀င် အဖွဲ့ပေါင်း ၄၀၀ ကျော် ၀င်ရောက်ယှဉ်ပြိုင်ခဲ့ပါတယ်။

    စမတ်ဖုန်းတွေကိုင်ပြီး ပြိုင်ဘက်တွေကို စနိုက်ပါရိုင်ဖယ်တွေနဲ့ ချေမှုန်းတဲ့ အဲဒီပွဲတွေကို တီဗီစခရင်ကြီးတွေမှာ ထုတ်လွှင့်ပြသခဲ့ပြီး ပရိတ်သတ်တွေကလည်း လက်ခုပ်လက်ဝါးတီး အားပေးခဲ့ကြပါတယ်။

    အဲဒီပြိုင်ပွဲမှာ အမေရိကန်ဒေါ်လာ ၇၀၀၀ ချီးမြှင့်ခဲ့ပြီး အခြေခံလစာ တစ်နှစ်ကို ဒေါ်လာ ၁၃၀၀ သာ ရှိတဲ့ မြန်မာနိုင်ငံမှာ ဒီဆုကြေးက မြင့်မားတဲ့ ဆုကြေးတစ်ခုလည်း ဖြစ်ပါတယ်။

    Impunity အသင်းရဲ့ မြန်မာနိုင်ငံဆိုင်ရာ မန်နေဂျာ ဘရိုင်ယန် မင်းဆက်က မြန်မာနိုင်ငံမှာဆုကြေးမြင့်ပြိုင်ပွဲတွေ များများစားစား မရှိတဲ့အတွက် ဆုးကြေးတိုးမြှင့်ပေးတာမျိုးဟာ တိုးတက်မှု လက္ခဏာတစ်ရပ် ဖြစ်တယ်လို့ ပြောကြားခဲ့ပါတယ်။

    E-sport သုတေသနအဖွဲ့ NewZoo က ဈေးကွက်လေ့လာသူ ဂျယ်ရီမီ ဂျက်ဆန်က မြန်မာနိုင်ငံဟာ အိမ်နီးချင်းနိုင်ငံတွေနဲ့ယှဉ်ရင် တော်တော်လေး အားနည်းနေသေးတယ်လို့ ပြောကြားခဲ့ပါတယ်။

    “ပြိုင်ဆိုင်မှုပြင်းထန်တဲ့ ဂိမ်းလောကမှာ လျှပ်စစ်နဲ့ အင်တာနက် မှန်မှန်ရဖို့က အရေးအကြီးပါတယ်။ စမတ်ဖုန်းသုံးစွဲမှု ပိုမိုများပြားလာတာကြောင့် ဂိမ်းလောကထဲကို လူတွေ ပိုဝင်လာမှာ မလွဲ ဧကန်ပါပဲ”

    ဂန္တ၀င်တွေ ပေါ်လာမလား

    နိုင်ငံတကာတန်းဝင် အားကစားသမား ထွက်ပေါ်မှုနည်းတဲ့ မြန်မာနိုင်ငံမှာ E-sport ဟာ ကစားသမားတွေ နိုင်ငံတကာ အသိုင်းအဝိုင်းထဲ ထိုးဖောက်ဝင်ရောက်နိုင်မယ့် လမ်းကြောင်းတစ်ခု ဖြစ်သလို၊ လူကြိုက်အလွန်များတဲ့ မိုဘိုင်းဂိမ်းတွေမှာ ၀င်ရောက်ယှဉ်ပြိုင်ကစားရင် ပုံမှန်လစာမျိုး ရနိုင်တဲ့ အခွင့်အလမ်းတစ်ခုလည်း ဖြစ်ပါတယ်။

    “ပြိုင်ပွဲတွေမှာ ၀င်ရောက်ယှဉ်ပြိုင်ရုံနဲ့ ကိုယ့်ဘ၀ကို ကိုယ်တိုင် တည်ဆောက်နိုင်ပါတယ်” လို့ ရန်ကုန်မှာ HOG လို့ခေါ်တဲ့ E-sport စင်တာကို ပူးတွဲဖွင့်လှစ်ထားသူ ကိုကောင်းမြတ်စံက ပြောကြားခဲ့ပါတယ်။

    မြန်မာအားကစားဝန်ကြီးဌာနဟာ ရန်ပုံငွေနည်းပါးတာကြောင့် HOG က ဆီးဂိမ်းပြိုင်ပွဲကို
    ကစားသမား ၁၆ ဦးလွှတ်ဖို့ စီစဉ်ထားပါတယ်။ အဲဒီအထဲမှာ အခုနှစ် အစောပိုင်းကစပြီး လစာရ ကစားသမားဖြစ်လာခဲ့တဲ့ မြင့်မြတ်ဇော်လည်း ပါဝင်မှာပါ။

    ဆီးဂိမ်းမှာ Dota 2 နဲ့ Mobile Legends ဂိမ်းတွေ ထည့်သွင်းထားပြီး မြန်မာနိုင်ငံမှာ ဒီဂိမ်းနှစ်ခုကို ကစားသူအရေအတွက် ၃ သန်းကျော်လောက် ရှိနေပါတယ်။

    အမှတ်တွေတက်အောင် ဆုတောင်းပေးကြတဲ့သူတွေအတွက် ကစားပေးရင်း ဘ၀ကို နှစ်နဲ့ချီ ချွေတာစွာ ဖြတ်သန်းခဲ့ရပြီးတဲ့နောက် မြန်မာနိုင်ငံကို ကိုယ်စားပြု ယှဉ်ပြိုင်ခွင့်ရတဲ့အတွက် ဂုဏ်ယူမိတယ်လို့ မြင့်မြတ်ဇော်က ပြောကြားခဲ့ပါတယ်။

    “ဖိအားတွေရှိနေပေမယ့် အဲဒီဖိအားတွေက ပိုကောင်းအောင်လုပ်ဖို့ ကျွန်တော့်ကို လှုံ့ဆော်ပေးပါတယ်”

    Ref: AFP

    (AFP သတင်းဌာနတွင် ဖော်ပြထားသည့် Armed with smartphones, Myanmar e-sports players battle power outages ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • ရန်ကုန်ဆေးရုံကြီးတွင် ၈ လအတွင်း ခွေးရူးရောဂါကြောင့် ၁၈ ဦး သေဆုံး

    ရန်ကုန်ဆေးရုံကြီးတွင် ၈ လအတွင်း ခွေးရူးရောဂါကြောင့် ၁၈ ဦး သေဆုံး

    စက်တင်ဘာ ၃၊ ၂၀၁၈
    M-Media

    – အခုနှစ် ပထမ ၈ လအတွင်းမှာ ခွေးရူးရောဂါကြောင့် သေဆုံးသူအရေအတွက် ၁၈ ဦး ရှိတယ်လို့ ရန်ကုန်ဆေးရုံကြီးက တာဝန်ရှိသူ ဒေါက်တာ ဒေါ်ခင်သိင်္ဂီမြင့်က ပြောကြားလိုက်ပါတယ်။

    ဒါဟာ ရန်ကုန်ဆေးရုံကြီး တစ်ခုတည်းမှာ လာရောက်ပြသတဲ့ လူနာတွေထဲက သေဆုံးသူစာရင်းဖြစ်ပြီး မြန်မာနိုင်ငံတစ်ဝှမ်းက အခြားဆေးရုံးတွေမှာလည်း ခွေးရူးရောဂါကြောင့် သေဆုံးသူတွေရှိရင် အရေအတွက် ပိုမိုများပြားနိုင်တယ်လို့ ဆိုပါတယ်။

    “ခွေးရူးရောဂါကို ကုသနိုင်တဲ့ဆေး မရှိသေးတာကြောင့် ဒီရောဂါကူးစက်လို့ရှိရင် အသက်ရှင်ဖို့ အခွင့်အရေးက နည်းပါတယ်။ ခွေးကိုက်ခံရတဲ့ ဘယ်သူမဆို ၂၄ နာရီအတွင်း နီးစပ်ရာဆေးရုံကိုသွားပြီး ကာကွယ်ဆေး ထိုးသင့်ပါတယ်”

    ဇန်န၀ါရီလကနေ ဇူလိုင်လအတွင်း ရန်ကုန်ဆေးရုံကြီးမှာ ခွေးကိုက်လို့ လာပြသူ ၅၃၂၈ ဦးကို ကာကွယ်ဆေးထိုးပေးခဲ့ရပြီး၊ အများစုဟာ ဒလမြို့နယ်က ဖြစ်ပါတယ်။

    ဒေါက်တာ ဒေါ်ခင်သိင်္ဂီမြင့်က ရန်ကုန်မှာ နေထိုင်သူတွေအနေနဲ့ ခွေးရူးရောဂါ ကာကွယ်ဆေး ပထမအကြိမ်ကို ဆေးရုံကြီးမှာ လာရောက်ထိုးနှံနိုင်ပြီး ဒုတိယနဲ့ တတိယအကြိမ်တွေကိုတော့ နီးစပ်ရာ ကျန်းမာရေးဌာနတွေမှာ ထိုးနှံနိုင်တယ်လို့ ပြောပါတယ်။

    ကျန်းမာရေးနဲ့ အားကစားဝန်ကြီးဌာနက အငြိမ်းစားညွှန်ကြားရေးမှူး ဒေါက်တာခင်မောင်လွင်က ကျန်းမာရေးဌာနရဲ့ တိရစ္ဆာန်ကာကွယ်ဆေးထိုးနှံမှုတွေ၊ ခွေးလေခွေးလွင့် နှိမ်နှင်းမှုတွေကို ဒေသခံတွေက လက်ခံခွင့်ပြုသင့်ပြီး ဒါမှ ခွေးရူးရော ပြန့်နှံ့မှုကို တားဆီးနိုင်မယ်လို့ ပြောကြားခဲ့ပါတယ်။

    “မြို့တော်စည်ပင်က ခွေးလေခွေးလွင့် နှိမ်နှင်းရေးကို ပြည်သူလူထုက ခွင့်ပြုသင့်ပြီး၊ မွေးထားတဲ့ခွေးတွေကို စည်ပင်ကလုပ်ပေးထားတဲ့ တိရစ္ဆာန်ဆေးခန်းတွေမှာ ကာကွယ်ဆေးထိုးပေးတာ၊ ပြတာတွေလည်း လုပ်သင့်ပါတယ်”

    ပြီးခဲ့တဲ့နှစ်အတွင်း ရန်ကုန်ဆေးရုံကြီးမှာ ခွေးကိုက်လူနာပေါင်း ၁၆၂၇၄ ဦးကို ကာကွယ်ဆေးထိုးနှံတာ၊ ကုသတာတွေ လုပ်ပေးခဲ့ရပြီး အဲဒီအထဲက ၃၂ ဦးဟာ ခွေးရူးရောဂါကြောင့် သေဆုံးခဲ့ပါတယ်။

    Ref: mmtimes

  • ရန်ကုန်မြို့ရှိ တရုတ်တန်းကို ပြင်ဆင်ပေးရန် တရုတ်အာဏာပိုင်များ ကမ်းလှမ်း

    ရန်ကုန်မြို့ရှိ တရုတ်တန်းကို ပြင်ဆင်ပေးရန် တရုတ်အာဏာပိုင်များ ကမ်းလှမ်း

    သြဂုတ် ၂၃၊ ၂၀၁၈
    M-Media

    တရုတ်နှစ်ကူးအချိန်က တွေ့ရသည့် တရုတ်တန်း (Photo Credit – Irrawaddy)

    – ရန်ကုန်မြို့ တရုတ်တန်းမှာ ခြင်္သေ့ရုပ်တုတွေပါဝင်တဲ့ မုခ်ဦးတစ်ခုကို ဆောက်လုပ်ပေးမယ်လို့ တရုတ်နိုင်ငံ ဂွမ်ရှိ ကိုယ်ပိုင်အုပ်ချုပ်ခွင့်ရဒေသ မြို့တော် နန်နင်းမြို့အစိုးရက ကမ်းလှမ်းလိုက်ပါတယ်။

    တရုတ်တန်းကို ပြန်လည်ပြင်ဆင်ပေးဖို့ပါ ပါဝင်တဲ့ ဒီအစီအစဉ်ကို နန်နင်းအစိုးရဟာ ရန်ကုန်မြို့ စည်ပင်သာယာရေးကော်မတီထံ တင်ပြခဲ့တာဖြစ်ပြီး၊ ကော်မတီအတွင်းရေးမှူး ဒေါ်လှိုင်မော်ဦးက ရပ်မိရပ်ဖတွေနဲ့ တိုင်ပင်ပြီး အကြောင်းပြန်လိုက်တယ်လို့ ဆိုပါတယ်။

    “ဒီက တရုတ်တန်းအတွက် သူတို့ ဘာလုပ်ပေးနိုင်လဲဆိုတာ သိချင်တယ်လို့ ပြောလာတယ်။ ဒီကိုလာပြီး ရန်ကုန်မြို့တော်ဝန်၊ ရပ်မိရပ်ဖတွေနဲ့လည်း တွေ့ဆုံခဲ့ပါတယ်။ သူတို့ပြန်သွားပြီးတဲ့နောက် မြန်မာကောင်စစ်ဝန်ကနေတစ်ဆင့် စာတစ်စောင်ပို့လာပြီး ခြင်္သေ့ရုပ်ထုတွေပါဝင်တဲ့ မုခ်ဦးတစ်ခုအတွက် ပိုက်ဆံထုတ်ပေးမယ်လို့ ရေးထားပါတယ်”

    အဲဒီနောက် စည်ပင်သာယာရေးကော်မတီဟာ တရုတ်တန်းက ရပ်မိရပ်ဖတွေနဲ့ တွေ့ဆုံဆွေးနွေးခဲ့ပြီး သူတို့က မုခ်ဦးထက် ပိုမိုအကျိုးရှိစေမယ့် ကိစ္စတွေကို လုပ်ပေးဖို့ ပြောလာတာကြောင့် နန်နင်းအစိုးရကို ဒီကိစ္စ ပြန်လည်အကြောင်းကြားထားတယ်လို့လည်း ဒေါ်လှိုင်မော်ဦးက ထည့်သွင်း ပြောဆိုခဲ့ပါတယ်။

    ရပ်မိရပ်ဖတွေက တရုတ်တန်းမှာရှိတဲ့ တိုက်တွေအရှေ့က ရှုပ်နေတဲ့ ဖုန်းကြိုးတွေ၊ မီးကြိုးတွေကို ရှင်းလင်းပေးဖို့၊ လမ်းတွေ၊ ပလက်ဖောင်းတွေနဲ့ တရုတ်ဘုံကျောင်းတွေကို ပြင်ဆင်ပေးဖို့၊ တရုတ်ဗိသုကာလက်ရာနဲ့ ဆောက်လုပ်ထားတဲ့ သမိုင်းဝင် အဆောက်အဦးကို မွမ်းမံပြင်ဆင်ပေးဖို့၊ လမ်းမီးတွေ တပ်ဆင်ပေးဖို့၊ အမှိုက်ပုံးတွေ စနစ်တကျထားပေးဖို့ တောင်းဆိုခဲ့ကြပါတယ်။

    ဒေါ်လှိုင်မော်ဦးကတော့ နန်နင်းအစိုးရက အကြောင်းမပြန်သေးဘူးလို့ ဆိုပါတယ်။

    ရန်ကုန်မြို့တော် စည်ပင်သာယာရေးကော်မတီက တရုတ်တန်းကို ခရီးသွားတွေ စိတ်ဝင်စားရာ နေရာတစ်ခု ဖြစ်လာစေဖို့ မျှော်လင့်နေပါတယ်။

    Ref: Irrawaddy

  • မြန်မာအစိုးရမှာ ဘာသာရေးသည်းမခံနိုင်မှုကို ရပ်တန့်ရန် ပိုအားထုတ်ရမည်ဟု ကုလတာဝန်ရှိသူပြော

    မြန်မာအစိုးရမှာ ဘာသာရေးသည်းမခံနိုင်မှုကို ရပ်တန့်ရန် ပိုအားထုတ်ရမည်ဟု ကုလတာဝန်ရှိသူပြော

    မေ ၁၉၊ ၂၀၁၇
    M-Media

    – နိုင်ငံအတွင်း သိသိသာသာ မြင့်တက်လာသော ဘာသာရေးသည်းမခံနိုင်မှုများကို တားဆီးရန်အတွက် မြန်မာနိုင်ငံမှာ ယခုထက် ပိုမိုဆောင်ရွက်ရမည်ဟု မြန်မာနိုင်ငံ၏ လူ့အခွင့်အရေးဆိုင်ရာ ကုလ အထူးကိုယ်စားလှယ် ယန်းဟီးလီက ပြောကြားလိုက်သည်။

    “အမုန်းစကားပြောတာတွေ၊ ခွဲခြားဖို့ လှုံ့ဆော်တာတွေ၊ အမုန်းတွေ၊ အကြမ်းဖက်မှုတွေ၊ ဘာသာရေး သည်းမခံနိုင်မှုတွေအတွက် စိုးရိမ်တယ်လို့ ကျွန်မ အရင်ကလည်း ပြောခဲ့ပြီသားပါ။ ဒါတွေဟာ သိသိသာသာ မြင့်တက်လာပုံပါပဲ။ မွတ်စလင် ဆန့်ကျင်ရေးလှုံ့ဆော်မှုတွေ၊ ဟောပြောမှုတွေအပေါ် လိုအပ်တဲ့ အာရုံစိုက်မှု မရှိဘူးလို့ ကျွန်မ ယုံကြည်ပါတယ်။ အမြဲတမ်းလိုလို အာဏာပိုင်တွေက ဂရုမစိုက်တာမျိုး တွေ့ရပါ တယ်။ ဒါမျိုးကို ဒီထက်ပိုပြီး ငြိမ်နေလို့ မရတော့ပါဘူး။ အစိုးရအနေနဲ့ ဒီလိုကိစ္စမျိုးတွေကို တွန်းလှန်ဖို့၊ ဖြေရှင်းဖို့အတွက် ထိရောက်တဲ့ ကြိုးပမ်းမှုမျိုး တိုးမြှင့် လုပ်ဆောင်ရပါမယ်” ဟု ယန်ဟီးလီက The Guardian သတင်းစာသို့ ပြောကြားခဲ့သည်။

    ပြီးခဲ့သည့်သီတင်းပတ်အတွင်း ရန်ကုန်မြို့ မင်္ဂလာတောင်ညွှန့်မြို့နယ်တွင် အမျိုးသားရေးသမားများက ရိုဟင်ဂျာမွတ်စလင်များ ပုန်းနေသည်ဟုဆိုသော နေအိမ်တစ်အိမ်သို့ ၀င်ရောက်ရှာဖွေရာမှ နှစ်ဖက် ထိပ်တိုက်တွေ့ဆုံမှု ဖြစ်ပွားခဲ့သည်။

    အဆိုပါ အဖြစ်အပျက်မှာ ရန်ကုန်မြို့ သာကေတမြို့နယ်တွင် အစ္စလာမ်ဘာသာရေးကျောင်းနှစ်ကျောင်းကို ပိတ်ပစ်ရန် အာဏာပိုင်များကို အမျိုးသားရေးသမားများက ဖိအားပေးပြီးနောက်ပိုင်း တစ်ပတ်အကြာတွင် ပေါ်ထွက်လာခြင်းလည်း ဖြစ်သည်။

    မင်္ဂလာတောင်ညွှန်ဖြစ်စဉ် ဖြစ်ပွားခဲ့ပြီးနောက်ပိုင်း မြန်မာအာဏာပိုင်များက ထိုကိစ္စနှင့်စပ်ဆက်၍ လူတစ်ချို့ကို ဖမ်းဆီးခဲ့သည်။

    ဒေါ်အောင်ဆန်းစုကြည်၏ ပြောရေးဆိုခွင့်ရှိသူ ဦးဇော်ဌေးကမူ The Guardian သတင်းစာ၏ မေးမြန်းမှုကို မှတ်ချက်ပေးရန် ငြင်းဆိုခဲ့ပြီး အစည်းအဝေးရှိသည်ဟု ပြောကြားခဲ့သည်။

    Ref : The Guardian