ဇွန် ၁၆ ၊ ၂၀၁၅
M-Media
သတင်း- သီဟ
.
၂၀၁၅-ခုနှစ် ဇွန်လ ၁၅-ရက်နေ့ ညနေ ၃-နာရီ ကျော်လောက်မှာ ရပ်စောက်မြို့၊ ဥတ္တံတားရပ်ကွက်၊ ဇော်ဂျီကွေ့ ဆိုတဲ့နေရာမှာ “အစ္စလာမ်ဘာသာကင်းစင်ရေး နယ်မြေ(၁)” ဆိုပြီး ခေါင်းစဉ်နဲ့ ဆိုင်းဘုတ်တစ်ခုကို စိုက်ထူခဲ့တယ်လို့သိရပါတယ်။
.
ဆိုင်းဘုတ် ဘေး ၂-ဘက်ဆီမှာ ဗုဒ္ဓဘာသာရဲ့ သာသနာ့အလံ ပါရှိပြီးတော့
(၁) အစ္စလာမ်ဘာသာဝင်များ ညအိပ်ခွင့်မပြု၊
(၂) အစ္စလာမ်ဘာသာဝင်များအား အိမ်ခြံမြေ၊ ရောင်း/ဝယ် ငှားရမ်းခြင်း ခွင့်မပြု၊
(၃) အစ္စလာမ်ဘာသာဝင်များနှင့် လက်ထပ် ထိမ်းမြားခြင်း ခွင့်မပြု၊ လို့ ရေးသား ဖော်ပြထားပြီး စိုက်ထူတဲ့ အဖွဲ့ နာမည်ကတော့ ဇော်ဂျီကွေ့ မျိုးချစ် လူငယ်များ အဖွဲ့လို့ ရေးထိုးထားတာပါတယ်။
.
အဆိုပါ ဆိုင်းဘုတ် စိုက်ထူတာနဲ့ ပတ်သက်ပြီး ရပ်စောက်မြို့ခံတွေက မှန်ကန်ကြောင်း အတည်ပြုပေးခဲ့ပါတယ်။
.
ဒီကိစ္စ ဘာကြောင့် ဖြစ်ပေါ်လာရတာ နောက်ကွယ်က လှုပ်ရှားမှုတွေကို လက်လှမ်းမှီသလောက် စုံစမ်းခဲ့ရာမှာတော့
.
ရပ်စောက်မြို့နယ် ဧရိယာတွင်းမှာ ရှိတဲ့ ညောင်ကျိုး ကျေးရွာ ကို ဖြတ်ပြီး စီးဆင်းတဲ့ စမ်းချောင်းက ရေကို အသုံးပြုတဲ့ ရွာသူ/ရွာသား ၂၀ ကျော်သည် ယခုနှစ် ဇွန်လဆန်းပိုင်းတွင် ဝမ်းဖော ဝမ်းရောင် ရောဂါဖြစ်ပွားခဲ့ကြောင်း၊ ကျွဲတစ်ကောင် သေဆုံးခဲ့ပြီး၊ အခြားကျွဲတစ်ကောင်မှာလဲ ရောဂါပြင်းထန်ကြောင်း၊ အဆိုပါကိစ္စနဲ့ပတ်သက်ပြီး စမ်းချောင်း အဖျားပိုင်း စိုက်ပျိုးရေး လုပ်ကိုင်တဲ့ ဦးတင်ဦး( အစ္စလာမ်ဘာသာဝင်) မှ စမ်းချောင်းမှ ရေကို အဆိပ်ခတ်ခဲ့ကြောင်း စွပ်စွဲမှု သတင်းများထွက်ပေါ်ခဲ့ပါတယ်။
.
အဆိုပါကိစ္စကို ညောင်ကျိုးရွာသားများမှ ရပ်စောက်မြို့ အမျိုးဘာသာသာသနာ စောင့်ရှောက်ရေးအဖွဲ့ (မ.ဘ.သ) ကို တိုင်ကြားခဲ့ကြောင်းသိရပါတယ်။
.
ဇွန်လ ၇-ရက်နေ့မှာ မ.ဘ.သ အဖွဲ့မှ ဦးဆောင်ပြီး ရပ်စောက်မြို့မှာ ဖွဲ့စည်းထားတဲ့ ဘာသာပေါင်းစုံ ငြိမ်းချမ်းရေး အဖွဲ့အစည်းမှာ တာဝန်ရှိသူများ၊ စွပ်စွဲခံရသူ ဦးတင်ဦး၊ ညောင်ကျိုးရွာသားများကို ခေါ်ယူဆွေးနွေးခဲ့ပါတယ်။
.
၎င်း ဦးတင်ဦးမှာ အဆိုပါ ခြံမြေတွင် စိုက်ပျိုးရေး လုပ်ကိုင်စားသောက်နေသည်မှာ နှစ် ၃၀ ခန့်ရှိပြီဖြစ်ကြောင်း၊ စမ်းချောင်းတလျောက် အခြားသော ပလောင်တိုင်းရင်းသား စိုက်ပျိုးရေး လုပ်ကိုင်သူများလည်းရှိကြကြောင်း၊ စိုက်ပျိုးရေးလုပ်ကိုင်သူ အားလုံးနီးပါး အသုံးပြုတဲ့ သီးနှံများအတွက် ပေါင်းသတ်ဆေးကို အသုံးပြုတာ မှန်ကန်ကြောင်း၊ တစ်ရွာလုံးမှ အခြား စိုက်ပျိုးသူများလည်း ပေါင်းသတ်ဆေးအသုံးပြုကြောင်း၊ စမ်းချောင်းရေကို အဆိပ်ခတ်သည့် ကိစ္စ ဘာအကြောင်းကြောင်းနှင့်မျှ လုပ်ဆောင်ရန် မရှိကြောင်း ပြန်လည်ဖြေရှင်း ခဲ့ကြောင်းသိရပါတယ်။
.
ညောင်ကျိုးကျေးရွာသားများမှ ဖြေရှင်းချက်များကို လက်မခံဘဲ ၁၅-ရက်အတွင်း အဆိုပါစိုက်ပျိုးခြံနေရာတွင် ကိုတင်ဦးတို့နေထိုင်သည့် အုတ်ညှပ် တိုက်အိမ်အား ဖျက်ပေးရန်၊ သီးနှံပေါ်ချိန်အထိ ယာယီတဲတွင်သာ နေထိုင် လုပ်ကိုင်ရန်၊ သီးနှံပေါ်ချိန်ပြီးလျှင် အဆိုပါခြံမှ အပြီး ဖယ်ရှားပေးရန် ဖိအားပေးတောင်းဆိုခဲ့တယ်လို့ သိရပါတယ်။ မ.ဘ.သ အဖွဲ့ခေါင်းစဉ်အောက်မှ လှုပ်ရှားဆောင်ရွက်နေသည့် လူပုဂ္ဂိုလ်များမှလည်း ဖိအားပေးခဲ့ကြောင်း၊ နောက်ဆုံးတွင် အဆောက်အအုံအား ၁၅-ရက်အတွင်း ဖျက်ပေးရန် ဦးတင်ဦးမှ လက်မှတ်ထိုးပေး လိုက်ရကြောင်းသိရပါတယ်။
ဇွန်လ ၈-ရက်နေ့မှာ အဆိုပါကိစ္စနှင့် ပတ်သက်ပြီး ရပ်စောက်မြို့ မြို့နယ် ရဲတပ်ဖွဲမှ ဦးတင်ဦးနှင့် သူ၏ သားအား ခေါ်ယူမေးမြန်း စစ်ဆေးခဲ့သလို၊ ကျေးလက် ကျန်းမာရေး အဖွဲ့မှလည်း ဦးတင်ဦး အသုံးပြုသည့် ပေါင်းသတ်ဆေးအား စစ်ဆေးခြင်း၊ ညောင်ကျိုး ကျေးရွာမှ လူနာများအားလည်း ကြည့်ရှု စစ်ဆေးခဲ့ကြောင်း သိရပါတယ်။ ဆေးစစ်ချက်များ အရ ပေါင်းသတ်ဆေးမှာ လူနှင့် တိရိစ္ဆာန်များအား အသက်အန္တရာယ်ဖြစ်စေနိုင်သည့် ပစ္စည်များမပါဝင်ကြောင်း၊ အဆိပ်မိပြီး ကျွဲသေသည့် သတင်းမှာလည်း တိကျခိုင်မာမှုမရှိကြောင်း၊ ဝမ်းဖောဝမ်းရောင်ဖြစ်ပွားနေသည့် ရွာသားများမှာလဲ အဆိပ်မိ၍ ဖြစ်ခြင်း မဟုတ်ကြောင်း စမ်းသပ်တွေ့ရှိခဲ့တယ်လို့ သိရပါတယ်။
ဇွန်လ ၁၄ ရက်နေ့မှတော့ အဆိုပါ ကိုတင်ဦးခြံအား မ.ဘ.သ အဖွဲ့လှုပ်ရှားမှုများအား ဦးဆောင် လှုပ်ရှားသူ ရပ်စောက်မြို့ ဆက်သွယ်ရေးရုံးမှ အရာရှိ ဦးဥာဏ်လင်းဦး နှင့် ညောင်ကျိုးရွာသားများမှ ဦးတင်ဦးခြံသို့ရောက် ရှိလာကြပြီး အဆောက်အအုံ ဖျက်ပေးမည်ဟု လက်မှတ်ထိုးပေးထားသည့် ကိစ္စ အကောင်အထည် မဖော်ကြောင်း၊ ဦးတင်ဦးမှ ပေးထားသည့် ကတိဖျက်ကြောင်းပြောဆိုပြီး ဦးတင်ဦး၏ အိမ်အား ဖျက်ဆီးဖို့ လုပ်ဆောင်ကြရာ၊ ဘာသာပေါင်းစုံငြိမ်းချမ်းရေး အဖွဲ့မှ ဥပဒေပ မလုပ်ဆောင်ဖို့ မေတ္တာ ရပ်ခံခဲ့ပြီး၊ မြို့နယ် မ.ဘ.သ အဖွဲ့ ဥက္ကဌကိုလဲ တားဆီးပေးဖို့ သွားရောက် အကူညီတောင်းခံကြောင်း၊ မြို့နယ် မ.ဘ.သ ဥက္ကဌ ဆရာတော်မှလည်း အိမ်ဖျက်ဆီးမယ့် လူအုပ်စုကို ဥပဒေပြင်ပ မလုပ်ဆောင်ဖို့ တားဆီးပေးခဲ့တယ်လို့ သိရပါတယ်။
မြို့နယ် ဘာသာပေါင်းစုံ ငြိမ်းချမ်းရေးအဖွဲ့မှ တာဝန်ရှိသူများဟာ မြို့နယ် အထွေထွေ အုပ်ချုပ်ရေးဌာန၊ ရဲတပ်ဖွဲ့မှ တာဝန်ရှိသူများကိုလည်း အကြောင်းကြားခဲ့ပြိးနောက် ရဲတပ်ဖွဲ့ဝင်များ လိုက်ပါပြီး ဦးတင်ဦးခြံသို့ သွားရောက်ချိန်မှာတော့ အိမ်ကို ဖျက်မည့် လူအုပ်စုမှာ ပြန်သွားခဲ့တယ်လို့ သိရပါတယ်။
အဆိုပါ အဖြစ်အပျက်များ ဖြစ်ပွားပြီး နောက်ရက် ဇွန်လ ၁၅ ရက်နေ့တွင် ဥတ္တံတားရပ်ကွက်၊ ဇော်ဂျီကွေ့မှာ “အစ္စလာမ်ဘာသာကင်းစင်ရေး နယ်မြေ(၁)” ဆိုင်းဘုတ်ကို စိုက်ထူခဲ့တဲ့ ကိစ္စ ဖြစ်ပေါ်လာတာဖြစ်ပါတယ်။ တာဝန်ရှိတဲ့ ရပ်ကွက်ဥက္ကဌက တားဆီးခဲ့ပြီး ဆိုင်းဘုတ်စိုက်ထူတဲ့ လူအုပ်စုများနဲ့ အခြေအတင်ဖြစ် ခဲ့သေးတယ်လို့ သိရပါတယ်။
ရပ်စောက်မြို့မှာ ၂၀၁၂-ခုနှစ်နောက်ပိုင်း ၉၆၉ (နောက်ပိုင်း မ.ဘ.သ) အဖွဲ့ရဲ့ အစ္စလာမ်ဆန့်ကျင်ရေး လှုပ်ရှားမှုများ ဆက်တိုက် ဆိုသလိုဖြစ်ပွားခဲ့ကြောင်းသိရပါတယ်။ လူမှုရေး ကိစ္စ များကို အခြေခံတဲ့ ပြသနာကို အကြောင်းပြုပြီး ရပ်စောက်မြို့က ဗလီကို ဖျက်ဆီးဖို့ ၆-ကြိမ် ထပ်မနည်း လူအုပ်နဲ့ ဝိုင်းခံခဲ့ရဘူးကြောင်း၊ ရပ်စောက်မြို့က အစ္စလာမ် ဆန့်ကျင်ရေး လှုပ်ရှားမှုများကို ဆက်သွယ်ရေးဌာန ဝန်ထမ်း ဦးဥာဏ်လင်းဦးနှင့် ဧဒင်ထွန်းထွန်းဆိုသူတို့မှ အမြဲဦးဆောင် လှုပ်ရှားကြကြောင်း၊ ဘာသာ ၄ ခုပါဝင်တဲ့ ဘာသာပေါင်းစုံ ငြိမ်းချမ်းရေး အဖွဲ့ ဖွဲစည်းပြီးနောက်ပိုင်း လူမှုရေး၊ ဘာသာရေးကို အခြေခံပြီး ပြဿနာ တစုံတခုဖြစ်ပေါ်လျင် မြို့နယ် မ.ဘ.သ သံဃာ့ဆရာတော်များနှင့် ညှိနှိုင်းပြိး ဥပဒေအတိုင်း လုပ်ဆောင်ဖို့ ကြိုးစားခဲ့ရာ ယခုနှစ်များအတွင်း ကြီးမားသည့် ပြသနာ မဖြစ်ပေါ်ခဲ့ကြောင်း၊ ယခုမှသာ စမ်းချောင်းရေ အဆိပ်ခပ်တယ်လို့ စွပ်စွဲတဲ့ ပြသနာဖြစ်ပြီး အစ္စလာမ် ဆန်ကျင်ရေး လှုပ်ရှားမှုများ ပေါ်ပေါ်ထင်ထင် ထပ်မံ ဖန်တီးလာတာဖြစ်တယ်လို့ ရပ်စောက်မြို့ခံ တစ်ဦးက ပြောကြားခဲ့ပါတယ်။
ရပ်စောက်မြို့တွင် အစ္စလာမ်ဘာသာဝင် မိသားစု ၂၀၀-ကျော်နှင့် လူဦးရေ ၁၇၀၀-ကျော်ရှိပြီး၊ ဗလီဝတ်ကျောင်း တစ်ခုရှိကြောင်းသိရှိရပါတယ်။
