News @ M-Media

Tag: YBS

  • အာဏာရှင်လက်မည်းနဲ့ ပွင့်လင်းမြင်သာမရှိတဲ့ YBS ကိစ္စအတွက် ဖိအားရှိနေတဲ့ ရန်ကုန်တိုင်းဝန်ကြီးချုပ်

    အာဏာရှင်လက်မည်းနဲ့ ပွင့်လင်းမြင်သာမရှိတဲ့ YBS ကိစ္စအတွက် ဖိအားရှိနေတဲ့ ရန်ကုန်တိုင်းဝန်ကြီးချုပ်

    သြဂုတ် ၆၊ ၂၀၁၇
    M-Media

    ၂၀၁၂ ခုနှစ် ဖေဖော်ဝါရီလတွင် လှည်းကူး၌ ဒေါ်အောင်ဆန်းစုကြည်နှင့်အတူ တွေ့ရသည့် ဦးဖြိုးမင်းသိန်း

    – ရန်ကုန်က ဘတ်စ်ကားလိုင်းတွေ ပြုပြင်ပြောင်းလဲမှုအတွင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းရဲ့ ဆောင်ရွက်ချက်တွေဟာ ပွင့်လင်းမြင်သာမှု မရှိတဲ့အတွက် NLD ပါတီအတွင်းမှာ သဘောထားကွဲလွဲမှုတွေ ဖြစ်နေပြီး၊ နိုင်ငံတကာ သံတမန်တွေကလည်း အမြင်မကြည်မှုတွေ ရှိနေတယ်လို့ Reuters သတင်းဌာနက ဒီနေ့မှာ ဖော်ပြလိုက်ပါတယ်။

    တရုတ်နိုင်ငံက ဘတ်စ်ကားပေါင်း ၂ ထောင်လောက်ကို ကန်ဒေါ်လာ သန်း ၁၀၀ ကျော်နဲ့ ၀ယ်ယူဖို့ သဘောတူညီချက်နှစ်ခုနဲ့ပတ်သက်ပြီး ရန်ကုန်တိုင်းအတွင်းက NLD အမတ်တွေဟာ ဒီကုန်ကျစားရိတ်တွေအတွက် မေးခွန်းတွေထုတ်နေကာ ဦးဖြိုးမင်းသိန်းဟာ ခရိုနီဝါဒဆန်ဆန်လုပ်ကာ တာဝန်ခံမှုမရှိဘူးလို့လည်း စွပ်စွဲထားပါတယ်။

    “ဦးဖြိုးမင်းသိန်းအစိုးရဟာ ပွင့်လင်းမြင်သာမှု မရှိပါဘူး။ ဒါကို သူမပြောင်းလဲဘူးဆိုရင် အစိုးရရဲ့ ပုံရိပ်ဟာ ပျက်စီးသွားပါလိမ့်မယ်” လို့ ရန်ကုန်က NLD လွှတ်တော်အမတ် ဦးကျော်ဇေယျရဲ့ ပြောကြားမှုကို သတင်းဌာနက ဖော်ပြထားပါတယ်။

    တရုတ်ကုမ္ပဏီတွေနဲ့ နိုင်ငံကို ဆယ်စုနှစ်ချီ အုပ်စိုးခဲ့တဲ့ စစ်အာဏာရှင်ဟောင်းနဲ့ ဆက်နွယ်နေတဲ့ စီးပွားရေးသမားတစ်ယောက်အကြား သဘောတူခဲ့တဲ့ ဒီဘတ်စ်ကားဝယ်ယူရေးကိစ္စဟာ အနောက်နိုင်ငံတွေနဲ့ ဆက်ဆံရေး အထစ်အငေါ့ဖြစ်နေတယ်လို့ နိုင်ငံခြားသံတမန်တွေက ဆိုပါတယ်။

    ဒီအတွက် ရန်ကုန်တိုင်းဒေသကြီးအစိုးရက လုပ်ပိုင်ခွင့်ချပေးမှုမှာ ဥပေဒချိုးဖောက်မှုတွေ ရှိတယ်ဆိုတဲ့ အထောက်အထားတွေ မတွေ့ရပေမယ့် ပွင့်လင်းမြင်သာမှု မရှိဘူးလို့ စီးပွားကူးသန်းဝန်ကြီး ဦးသန်းမြင့်ထံကို ပေးပို့တဲ့ မြန်မာနိုင်ငံဆိုင်ရာ ဥရောပသံအမတ် ရိုလန် ကိုဘီယာရဲ့ စာမှာ စောဒကတက်ထားပါတယ်။

    “စီးပွားရေးမှာ မျှတစွာ ယှဉ်ပြိုင်မှုကို ကာလရှည် တားဆီးခဲ့တဲ့ ပြည်တွင်းနဲ့ ဒေသတွင်းလူတစ်ချို့က လက်ရှိ ပြည်တွင်းစီးပွားရေးကို လွှမ်မိုးထားတာဖြစ်ပါတယ်” လို့ ကိုဘီယာက ဇွန်လအတွင်းမှာ ပေးပို့ခဲ့တဲ့ အဲဒီစာထဲမှာ ရေးသားထားတာကို တွေ့ခဲ့ရကြောင်း Reuters က ဖော်ပြထားပါတယ်။ ဒါပေမယ့် ဒီစာထဲမှာ ဘတ်စ်ကားကိစ္စကို ရည်ညွှန်းဖော်ပြထားခြင်း မရှိပါဘူး။

    တရုတ်ဘတ်စ်ကားတွေဟာ နိုင်ငံတကာက ဘတ်စ်ကားတွေထက် ထက်ဝက်လောက်ဈေးသက်သာပေမယ့် မြန်မြန်ဆန်ဆန် ဟောင်းနွမ်းပြီး၊ အစားထိုးရမယ့် အခြေအနေမျိုး ရှိနေပါတယ်။

    Reuters က သူတို့ အင်တာဗျူးဖို့ တောင်းဆိုမှုကို ဦးဖြိုးမင်းသိန်းက ငြင်းဆိုခဲ့တယ်လို့လည်း ဆိုပါတယ်။ ဦးဖြိုးမင်းသိန်းနဲ့ အခြားဝန်ကြီးတွေက ဒီလိုဝယ်ယူမှုကိစ္စကို ကာကွယ်ပြောဆိုထားပြီး တရုတ်အစိုးရနဲ့ မြန်မာအစိုးရတို့အကြား ရရှိတဲ့ အဲဒီသဘောတူညီချက်မှာ ဈေးလျှော့ပေးတာတွေ၊ အလျင်အမြန် ပို့ပေးတာတွေ လုပ်ပေးခဲ့တယ်လို့ ဆိုပါတယ်။

    ကိုဘီယာက ဥရောပက ကုမ္ပဏီတွေဟာ မြန်မာနဲ့ ပူးပေါင်းဆောင်ရွက်ဖို့ အဆင်သင့်ရှိပေမယ့် သဘောတူညီမှုတွေအတွက် မျှတတဲ့အခွင့်အရေးမျိုး ပိုမိုလိုအပ်ကြောင်း ပြောကြားခဲ့ပါတယ်။ စီးပွားကူးသန်းဝန်ကြီးဌာနက ပြောရေးဆိုခွင့်ရှိသူ ဦးခင်မောင်လွင်ကတော့ Reuters ကို မှတ်ချက်ပေးဖို့ ငြင်းဆိုခဲ့ပါတယ်။

    အမြန်လို

    ကမ္ဘာ့ဘဏ်ရဲ့ ရင်းနှီးမြှုပ်နှံမှုအဖွဲ့ဖြစ်တဲ့ International Finance Corporation က ပြီးခဲ့တဲ့နှစ်မှာ အဆိုပြုခဲ့တဲ့ သယ်ယူပို့ဆောင်ရေးကွန်ယက် အဆင့်မြှင်တင်ရေး အစီအစဉ်ကို အသေးစိတ်အချက်အလက်မှာ သဘောကွဲလွဲမှုတွေ၊ ပွင့်လင်းတဲ့ တင်ဒါခေါ်ယူမှုတွေလုပ်ငန်းတွေကြောင့် ရန်ကုန်အာဏာပိုင်တွေက ပယ်ချခဲ့တယ်လို့လည်း Reuters သတင်းဌာနက ဖော်ပြခဲ့ပါတယ်။

    ပြင်သစ်နဲ့ နယ်သာလန်တို့က ကုမ္ပဏီတွေက လာရောက်ဆွေးနွေးခဲ့ကြပေမယ့် ရန်ကုန်ဝန်ကြီးချုပ် တောင်းဆိုသလောက် မြန်မြန်ဆန်ဆန် ဘတ်စ်ကားတွေကို မပေးပို့နိုင်တဲ့အတွက် အစီအစဉ်ပျက်သွားတယ်လို့ ဒီကိစ္စမှာ ပါဝင်ခဲ့တဲ့ သံတမန်တွေနဲ့ ညှိနှိုင်းသူတွေက ပြောပါတယ်။

    နောက်ပိုင်းမှာ ရန်ကုန်အစိုးရရဲ့ အများပိုင် ဘတ်စ်ကားလိုင်းကုမ္ပဏီ (YBPC) ဟာ မြန်မာနိုင်ငံဆိုင်ရာ တရုတ်သံအမတ်က ရွေးပေးတဲ့ တရုတ်ကုမ္ပဏီနှစ်ခုကနေ ဘတ်စ်ကား ၁၀၀၀ လောက် ၀ယ်ယူခဲ့ပါတယ်။

    နောက်ပိုင်းမှာ အာဏာရှင်ဟောင်း ဦးနေ၀င်းရဲ့ မြေးဖြစ်သူ ကျော်နေ၀င်းက တတိယမြောက် တရုတ်ကုမ္ပဏီတစ်ခုနဲ့ သဘောတူညီချက်ရယူပြီး နောက်ထပ် ဘတ်စ်ကား ၁၀၀၀ ကို ၀ယ်ယူခဲ့ပါတယ်။

    ဒီသဘောတူညီချက်တွေကို လက်မှတ်မထိုးခင် အများပြည်သူသိအောင် တင်ဒါခေါ်တာ၊ ရန်ကုန်တိုင်းလွှတ်တော်မှာ ဆွေးနွေးတာတွေ မလုပ်ခဲ့ပါဘူး။

    “ဟုတ်ပါတယ်။ ဒီကိစ္စမှာ ပွင့်လင်းမြင်သာမှု မရှိဘူးလို့ လူတွေက ပြောနိုင်ပါတယ်။ ဒါပေမယ့် တင်ဒါခေါ်လည်း ပိုကောင်းဖို့မရှိပါဘူး။ ဒီသဘောတူညီချက်ဟာ နှစ်နိုင်ငံ ဆက်ဆံရေးကောင်းကို ထိန်းသိမ်းဖို့ပါ” လို့ YBPC ဥက္ကဌ ဦးမောင်မောင်က ပြောပါတယ်။

    တရုတ်မျက်နှာကြည့်ရ

    တရုတ်ပစ္စည်းတွေအတွက် မြန်မာနိုင်ငံမှာ စိုးရိမ်မှုတွေရှိနေပေမယ့် စက်တင်ဘာလက တရုတ်နိုင်ငံကို ဒေါ်အောင်ဆန်းစုကြည် သွားရောက်တဲ့အခါ တရုတ်သမ္မတ ရှီကျင့်ဖျင်က တရုတ်သံရုံးအနေနဲ့ အကောင်းဆုံး ကုမ္ပဏီတွေကို ကူညီရွေးချယ်ပေးနိုင်တယ်လို့ ပြောကြားခဲ့ကြောင်း ဒီဘတ်စ်ကား သဘောတူညီချက်မှာ ပါဝင်ခဲ့တဲ့ ကုမ္ပဏီတစ်ခုက အကြီးတန်းအရာရှိက ပြောကြားခဲ့ပါတယ်။

    ဘတ်စ်ကားတစ်စီးကို ကန်ဒေါ်လာ ၅၆၀၀၀ လောက်ပေးရပြီး သဘောတူညီချက်ကို ဧပြီလ ၁၁ ရက်နေ့မှာ လက်မှတ်ထိုးခဲ့ပါတယ်။ နှစ်လအကြာမှာပဲ တရုတ်ကုမ္ပဏီတွေဖြစ်တဲ့ Anhui Ankai Automobil Co Ltd နဲ့ Zhengzhou Yutong Bus Co တို့က အ၀ါရောင်ဘတ်စ်ကား ၅၀၀ စီပေးပို့ခဲ့ပါတယ်။

    ပုဂ္ဂလိကပိုင် ကုမ္ပဏီတစ်ခုဖြစ်တဲ့ Zhengzhou Yutong ကို တရုတ်ပြည်သူ့အမျိုးသားကွန်ဂရက်ရဲ့ အဖွဲ့ဝင်တစ်ဦးဖြစ်သူ Yuxiang Tang က ဦးဆောင်ထားတာပါ။

    ဒီကုမ္ပဏီနှစ်ခုကို ဘယ်လိုစံတွေနဲ့ ရွေးချယ်ခဲ့လည်းဆိုတာ မသိရပေမယ့် ဦးမောင်မောင်ကတော့ ကုမ္ပဏီအခြေစိုက်တဲ့ ပြည်နယ်အစိုးရတွေက အရည်အသွေးနဲ့ပတ်သက်ပြီး အာမခံပေးခဲ့တယ်လို့ ဆိုပါတယ်။

    အရွေးခံရတဲ့ ကုမ္ပဏီတစ်ခုက မန်နေဂျာက သူတို့အနေနဲ့ အခြားတိုင်းပြည်တွေကို ပို့မယ်ဆိုရင် တင်ဒါလုပ်ငန်းစဉ်တွေ၊ လိုက်နာရမယ့် စည်းကမ်းတွေ ရှိပြီး မြန်မာနိုင်ငံနဲ့ရရှိတဲ့ သဘောတူညီချက်မျိုးက ရှားတယ်လို့ Reuters ကို ပြောကြားခဲ့ပါတယ်။

    မြန်မာနိုင်ငံက တရုတ်သံရုံးကလည်း Reuters ရဲ့ မေးမြန်းမှုကို ဖြေကြားခဲ့ခြင်း မရှိပါဘူး။

    ချွေတာရေး

    ၀ယ်ယူမှုမလုပ်ခင် ဘတ်စ်ကားတွေကို စစ်ဆေးခဲ့တဲ့ အင်ဂျင်နီယာတစ်ဦးဖြစ်သူ ဦးစိုးအောင်က တရုတ်ဘတ်စ်ကားတွေဟာ ဥရောပနဲ့ ဂျပန်က ဘတ်စ်ကားတွေထက် အရည်အသွေးနိမ့်ပေမယ့် ဈေးက တစ်ဝက်လောက်သက်သာကြောင်း စီမံကိန်းက ၅ နှစ်သာဖြစ်တဲ့အတွက် နေ့စဉ်သုံးနေတဲ့ ဒီကားတွေဟာ အဲဒီအချိန်ေ
    လာက်ကျရင် ဟောင်းသွားမှာဖြစ်ကြောင်း ပြောကြားခဲ့ပါတယ်။

    ဒီကားတွေပြီးရင် လျှပ်စစ်ကားတွေနဲ့ အစားထိုးဖို့ ရှိနေတယ်လို့ အာဏာပိုင်တွေက ပြောကြားခဲ့ပေမယ့် ၁၀ စုနှစ်တစ်ခုအတွင်းမှာတောင် ဖြေရှင်းနိုင်ဖို့မရှိတဲ့ တိုင်းပြည်ရဲ့ ဓာတ်အားမလုံလောက်မှုပြဿနာကြောင့် ဒါဟာ လက်တွေ့ကျတဲ့ကိစ္စမျိုး မဟုတ်ဘူးလို့ ကျွမ်းကျင်သူတွေက ဝေဖန်ထားကြပါတယ်။

    အနောက်နိုင်ငံက ကျွမ်းကျင်သူတွေက ပို့ဆောင်ရေးဘတ်စ်ကားတစ်စီးရဲ့ သက်တမ်းဟာ ပုံမှန်အားဖြင့် ဒီထက် ၂ ဆလောက် ရှိရမယ်လို့ ဆိုပါတယ်။

    အဖြေမရသော မေးခွန်းများ

    ရန်ကုန်တိုင်းဒေသကြီး လွှတ်တော်အမတ်တွေက ဒီဇင်ဘာလအတွင်းမှာ ငွေကျပ် ၇၀၀ ဘီလီယံ (ကန် ၅၁.၅ သန်း) အတည်ပြုခဲ့ပြီး ဒီငွေတွေဟာ သယ်ယူပို့ဆောင်ရေအတွက် ဖြစ်ပါတယ်။

    ဧပြီလက ဘတ်စ်ကားဝယ်ယူဖို့အတွက် စာချုပ်ချုပ်ဆိုပြီးနောက်ပိုင်မှာ တစ်ချို့အမတ်တွေက ငွေသုံးစွဲမှု၊ စီးပွားရေးပလန်၊ ဘတ်စ်ကားတွေကို ရွေးချယ်မှုတွေနဲ့ပတ်သက်ပြီး စောဒကတွေ တက်ခဲ့ကြပေမယ့် အဖြေတော့ မရခဲ့ပါဘူး။

    ရန်ကုန်တိုင်းဒေသကြီး စီမံကိန်းနဲ့ ဘဏ္ဍာရေးဝန်ကြီး ဦးမြင့်သောင်းက ဒီသဘောတူညီချက်တွေအတွက် ဘယ်လိုငွေသုံးစွဲခဲ့သလဲဆိုတာကို အသေးစိတ်ပြောပြဖို့ Reuters ကို ငြင်းဆိုခဲ့ပါတယ်။

    မြန်မာနိုင်ငံကို ၁၉၈၈ ခုနှစ်အထိ အုပ်စိုးခဲ့တဲ့ အာဏာရှင်အစိုးရကို ဦးဆောင်တဲ့ ဦးနေ၀င်းရဲ့မြေးဖြစ်သူ ကျော်နေ၀င်း ဒီကိစ္စမှာ ပါဝင်မှုကိုလည်း NLD လွှတ်တော်အမတ် တစ်ချို့က သဘောမကျဘဲ စစ်အာဏာရှင်လက်ထက်က ငွေဝင်လမ်းဖြောင့်တဲ့ စီမံကိန်းတွေကို သူတို့နဲ့ ပတ်သက်ဆက်နွယ်တဲ့ လူတစ်စုကိုသာ ပုံမှန်လိုလိုပေးခဲ့တဲ့ ခရိုနီဝါဒမျိုး ဖြစ်နေတယ်လို့လည်း ဝေဖန်သူတွေက ပြောကြားခဲ့ပါတယ်။

    စစ်အာဏာရှင်မျိုးဆက် ကျော်နေ၀င်းဟာ တရုတ်နိုင်ငံပိုင် Beiqi Foton Motor Co Ltd ကုမ္ပဏီကနေ ဘတ်စ်ကားတွေကို ၀ယ်ယူခဲ့တာဖြစ်ပေမယ့် အသေးစိတ်ကို ပြောပြဖို့ ငြင်းဆိုခဲ့ပါတယ်။ Beiqi Foton ကလည်း Reuters ရဲ့ မေးမြန်းမှုကို မဖြေခဲ့ပါဘူး။

    ဒီသဘောတူညီချက်ကြောင့် ရန်ကုန်မြို့ရဲ့ အကြီးဆုံး ဘတ်စ်ကားလိုင်း ပြေးဆွဲသူဖြစ်လာတဲ့ ကျော်နေ၀င်းက သူဟာ ရိုးရိုးသားသားနဲ့ ရန်ကုန်ပြည်သူတွေအတွက် ၀န်ဆောင်မှုကောင်းတွေကို ပေးချင်သူ ဖြစ်တယ်လို့ ပြောကြားခဲ့ပါတယ်။

    (Reuters သတင်းဌာနတွင် ဖော်ပြသည့် Suu Kyi’s man in Yangon under fire over transit deal with China ဆောင်းပါးကို လေးမောင်က ကောက်နှုတ်ပြန်ဆိုသည်။)

  • ရန်ကုန်မြို့ ခရီးသွားများ အခက်အခဲကို မွတ်စလင်မ် လူမှုရေးအသင်းများမှ မော်တော်ယာဉ်များဖြင့် အခမဲ့ ကူညီပေး

    ရန်ကုန်မြို့ ခရီးသွားများ အခက်အခဲကို မွတ်စလင်မ် လူမှုရေးအသင်းများမှ မော်တော်ယာဉ်များဖြင့် အခမဲ့ ကူညီပေး

    ဇန်နဝါရီ ၁၆ ၊ ၂၀၁၇
    M-Media
    သတင်း-သီဟ
    .
    ရန်ကုန်တိုင်းဒေသကြီးတွင် မ.ထ.သ မှ YBS သို့ ယနေ့ စတင်ပြောင်းလဲ ပြေးဆွဲသည့် ရာ ယာဉ်မလုံလောက်မှုများကြောင့် ခရီးသွားများ အခက်အခဲတချို့ ဖြစ်ပေါ်ခဲ့ရာ ရန်ကုန်မြို့မှ မွတ်စလင်မ် လူမှုအဖွဲ့အစည်းများမှ ၄င်းတို့၏ အသင်းပိုင် မော်တော်ယာဉ်များအသုံးပြု၍ အခမဲ့ကူညီပို့ဆောင်မှုများ ပြုလုပ်လျက်ရှိကြောင်းသိရသည်။
    .
    မြန်မာအစ္စလာမ် လူငယ်ဖောင်ဒေးရှင်း လိုက်ထရပ် မော်တော်ယာဉ်နှစ်စီး အသုံးပြု၍ -ဗိုလ်တထောင်မြို့နယ် မှ သီရိမင်္ဂလာဈေးဟောင်းသို့ -သီရိမင်္ဂလာဈေးဟောင်း မှ ဗိုလ်တထောင်မြို့နယ်သို့ အခမဲ့ ပြေးဆွဲကူညီပေးနေကြောင်း သိရှိရသည်။
    .
    အလားတူ နွယ်အေးစန္ဒီဂျမေဗလီ လူမှုကူညီရေးအသင်းမှလည်း သာကေတ ၁ ဈေးကွေးမှ မင်္ဂလာဈေးထိ အခမဲ့ ပြေးဆွဲပေးနေကြောင်းသိရပါတယ်။

  • ၂၀၁၇ ဇန္နဝါရီ ၁၅ ရက် နေ့တွင် ဖျက်သိမ်းတော့မည့် မထသနှင့် စတင်ပြေးဆွဲမည့် ယာဉ်လိုင်း လမ်းကြောင်းအသစ်များ

    ၂၀၁၇ ဇန္နဝါရီ ၁၅ ရက် နေ့တွင် ဖျက်သိမ်းတော့မည့် မထသနှင့် စတင်ပြေးဆွဲမည့် ယာဉ်လိုင်း လမ်းကြောင်းအသစ်များ

    15726403_10209842858606130_6515174631641714754_n

    ဇန်န၀ါရီလ(၁၅)ရက်မှာ လက်ရှိပြေးဆွဲနေတဲ့ ယာဉ်လိုင်းတွေကို ဖျက်သိမ်းမှာဖြစ်တာကြောင့် အသစ်ပြန်လည်ဖွဲ့စည်းထားတဲ့ယာဉ်လိုင်းနဲ့ ယာဉ်လမ်းကြောင်းခရီးစဉ်တွေကို ဘတ်စ်ကားမှတ်တိုင် ၊Website နဲ့ Facebook တွေမှာ ဖော်ပြထားမယ့်အပြင် Mobile Application ထုတ်ပေးသွားမယ်လို့ သိရပါတယ်။ အခုထုတ်ပြန်ထားတဲ့ ခရီးစဉ် ယာဉ်လမ်းကြောင်းတွေမှာ အရင်ခရီးစဉ်လမ်ကြောင်း (၈၀)ရာခိုင်နှုန်းခန့် ပါဝင်နေတာကြောင့် ခရီးသွားပြည်သူတွေမစိုးရိမ်ကြဖို့လည်း ရန်ကုန်တိုင်းဒေသကြီးအစိုးရအဖွဲ့ ကရင်တိုင်းရင်းသားရေးရာဝန်ကြီး နော်ပန်းသဉ္ဇာမျိုးကပြောပါတယ်။
    .
    ဇန်န၀ါရီလ (၇)ရက်ကပြုလုပ်ခဲ့တဲ့ သတင်းစာရှင်းလင်းပွဲမှာ ပြောကြားခဲ့တာဖြစ်ပါတယ်။ Mobile Application မှာ မိမိသွားလိုတဲ့ခရီးစဉ်အတွက် ဘယ်ဘတ်စ်ကားလိုင်းကိုစီးရမယ်ဆိုတာနဲ့ ကြာချိန်ကိုပါ ဖော်ပြထားမယ်လိုဝန်ကြီးကပြောပါတယ်။ ဒါ့အပြင် ဘတ်စ်ကားစနစ်သစ်ပြေးဆွဲတဲ့ Operation ကာလမှာ Call Center ဖွင့်ပေးထားမှာဖြစ်ပြီး ဘတ်စ်ကားဂိတ်တွေမှာ ခရီးစဉ်အခြေအနေတွေကို ကူညီပြောပြပေးမယ့်သူတစ်ဦးထားရှိပေးသွားမယ်လို့ သိရပါတယ်။ အခုအသစ်ဖွဲ့စည်းလိုက်တဲ့ ဘတ်စ်ကားစနစ်မှာ မထသစီမံအုပ်ချုပ်တဲ့ စနစ်ကနေ ယာဉ်ပိုင်ရှင်တွေစီမံအုပ်ချုပ်တဲ့စနစ်ကို ပြောင်းလဲပြီး ယာဉ်ပိုင်ရှင်တွေရဲ့ အပေါ်မှာ ရန်ကုန်တိုင်းYRTA က ကွပ်ကဲမှာဖြစ်ကာ ခရီးစဉ်လမ်းကြောင်းတစ်ခုမှာ လိုင်း နံပါတ် (၁)ခု သာထားရှိပြေးဆွဲ တော့မှာဖြစ်ပါတယ်။
    .
    စတင်ပြေးဆွဲမယ့်ရက်မှာ ယာဉ်တံဆိပ်တွေကို ပြောင်းလဲမှာ ဖြစ်ပြီး YRTA စာတန်းနဲ့ ယာဉ်လမ်းကြောင်း နံပါတ်တွေကို တပ်ဆင်ထားမှာဖြစ်တယ်လို့ သိရပါတယ်။ လက်ရှိမှာ အများပိုင်သယ်ယူပို့ဆောင်ရေးစနစ် စတင်ဖို့ ကုမ္ပဏီ(၈)ခုဖွဲ့စည်းထားပြီး ပြေးဆွဲဖို့ လျာထားတဲ့ ခရီးစဉ်လမ်းကြောင်း (၅၈)ခုကို အစိုးရက ထုတ်ပြန်ထားပါတယ်။
    .
    ယာဉ်လိုင်း (၅၈) လိုင်းနဲ့ ခရီးစဉ်အလိုက် ယာဉ်စီးခ ၁၀၀ ,၂၀၀, ၃၀၀ ကျပ် သတ်မှတ်ပြီး ည (၁၀) နာရီ အထိ ပြေးဆွဲပေးတော့မှာဖြစ်ပါတယ်။ အဆင့်မြှင့်တင်ပြေးဆွဲမယ့် ယာဉ်လိုင်း ၅၈ လိုင်းနဲ့ ပတ်သတ်တဲ့ အချက်အလက်တွေကို ကားမှတ်တိုင်တွေမှာ ကပ်ထားပေးမှာဖြစ်ပါတယ်။ အမျိုးသား/အမျိုးသမီး ယာဉ်နောက်လိုက်တွေနဲ့ ကနဦးစီစဉ်ထားပြီး နောက်ပိုင်းမှာ ကတ်စနစ်နဲ့ ဆောင်ရွက်သွားမယ်လို့ သိရပါတယ် ။
    .
    Post credit : 5 Plus

    1 2 3 4 5 6 7 8 9 10 11 12 13

    13214