ဧပြီ ၄၊ ၂၀၁၃
M-Media
သတင်း- ဆူးထက်
ဇီးကုန်း။ ။ ပဲခူးတိုင်း ဇီးကုန်းတွင် ဗလီနှင့် မွတ်စလင်မ်အိမ်များအား အကြမ်းဖက်သမားများမှ မတ်လ ၂၇ရက်နေ့က ဖျက်ဆီးခဲ့ပြီးနောက် ယခု ပြန်လည် အခြေအနေတည်ငြိမ်လာခဲ့ပြီ ဖြစ်ကြောင်း အကြမ်းဖက် တိုက်ခိုက်ခံခဲ့ရသော ဒေသခံတစ်ဦးအား ဆက်သွယ် မေးမြန်းချက်အရ သတင်းရရှိသည်။
“ကျွန်တော်တို့ ဇီးကုန်းနဲ့ ၂မိုင်ကွာက မရင်းရွာက ဗုဒ္ဓဘာသာဝင် လူကြီး လူကောင်း တစ်ဦးဖြစ်တဲ့ အသက်၈၉နှစ်အရွယ် အဘဦးတင်အေးက ကျွန်တော်တို့ အစ္စလာမ်ဘာသာဝင် အယောက် ၁၅၀ ကိုကယ်ထားပေးခဲ့တာပါ။သူစောင့်ရှောက်ကာကွယ်ပေးထားတဲ့ ရက်တွေမှာ ကျွန်တော်တို့ရဲ့ စားဝတ်နေရေး၊ ကျန်းမာရေး၊ နေရေးထိုင်ရေး နောက်ဆုံး ကျွန်တော်တို့ရဲ့ လုံခြုံရေး အတွက် လိုလေသေးမရှိ တာဝန်ယူခဲ့ပါတယ်။ရေကအစ အဲဒီရွာက ရေတောင် မတိုက်ဘူး ရေသန့်ဗူးတွေ ၀ယ်တိုက်ပါတယ်။ သူ ကျွေးမွေး စောင့်ရှောက်ထားတဲ့ ကုန်ကျငွေ အားလုံးဟာ သူများဆီက အလှူငွေတွေနဲ့ လုံးဝမဟုတ်ဘူး၊ အားလုံး သူ့ကိုယ်ပိုင် ပိုက်ဆံနဲ့ စောင့်ရှောက်ခဲ့တာပါ။ ကျွန်တော်တို့ကို ဘော်ဒါဆောင် တစ်ခုမှာ နေရာချထားပေးတာပါ။အဲဒီ အဘဦးတင်အေး ကယ်ပေးထားလို့သာ ကျွန်တော်တို့တတွေဟာ ဟိုပြေးလိုက် ဒီပြေးလိုက် နဲ့ ကမ်းနားသစ်ပင် မဖြစ်ခဲ့တာပါ၊ ကျွန်တော်တို့ နေတဲ့ နေရပ်ကို အာမခံပေးလို့သာ လမ်းကြောင်းနဲ့ ပြန်ပို့ပေးတာပါ၊ ကျွန်တော်အဲဒီရွာမှာ ၅ရက် ခိုလှုံခဲ့ပါတယ် ”
`“အခုတော့ ကျွန်တော်တို့ ဇီးကုန်းမှာ အေးအေးဆေးဆေး ဖြစ်သွားပါပြီ။ ကံကောင်းလို့ ကွန်တော်အိမ်လေး မပါသွားခဲ့ပါဘူး။ဆိုင်ခန်းပဲ ပါသွားပါတယ်။ ခုဆိုင်လည်း ပြန်ဖွင့်နေပါပြီ ”ဟု အဆိုပါ ဇီးကုန်မြို့ခံမှ M-Media သို့ပြောကြားခဲ့သည်။