News @ M-Media

Tag: Zionists

  • အစ္စရေးရှိ ဂျူးဘုန်းကြီးများ ခရစ္စမတ်ဆန့်ကျင်ရေးလှုပ်ရှားမှု စတင်

    အစ္စရေးရှိ ဂျူးဘုန်းကြီးများ ခရစ္စမတ်ဆန့်ကျင်ရေးလှုပ်ရှားမှု စတင်

    ဒီဇင်ဘာ ၂၃၊ ၂၀၁၆
    M-Media

    tree

    – အခုတစ်ပတ်အတွင်း ကျရောက်မယ့် ခရစ်တော်ရဲ့ မွေးနေ့အထိမ်းအမှတ် ကျင်းပဖို့အတွက် မြင့်မြတ်ရာ ဂျေရုစလင်နယ်မြေကို ကမ္ဘာတစ်ဝှမ်းက ခရစ်ယာန်ဘာသာဝင်တွေက စုရုံးလာကြတဲ့အချိန်မှာ အစ္စရေးက ဂျူးဘုန်းကြီးတွေဟာ ခရစ္စမတ်ပွဲတော်အပေါ် စစ်ဆင်နွှဲမှုတစ်ခု ပြုလုပ်လိုက်ပါတယ်။

    ဂျေရုစလင်က ဂျူးဘုန်းကြီးအဖွဲ့ဟာ မြို့ထဲက ဟိုတယ် ဒါဇင်ပေါင်းများစွာကို သတိပေးစာ ပေးပို့ခဲ့တာဖြစ်ပြီး အဲဒီစာထဲမှာ ခရစ္စမတ်သစ်ပင် ထားရှိတာနဲ့ နှစ်သစ်ကူးပါတီကျင်းပတာတွေကို ဂျူးဘာသာရေးဥပဒေက တားမြစ်ထားတာကြောင့် မလုပ်ကြဖို့ ဆော်သြထားပါတယ်။

    ဒီစာကြောင့် ဟိုတယ်ပိုင်ရှင်တွေက ကြောက်ရွံ့နေကြပြီး သူတို့ပြောတဲ့အတိုင်းမလုပ်ရင် ဂျူးတွေ စားသောက်နိုင်တဲ့ ‘ကိုရှာ’ အသိအမှတ်ပြုလက်မှတ်ကို ဘုန်းကြီးတွေက ထုတ်မပေးတာမျိုး ဖြစ်လာနိုင်တာကြောင့် စီးပွားရေး ထိခိုက်မယ်ဆိုတဲ့ စိုးရိမ်မှုတွေလည်း ရှိနေပါတယ်။

    အစ္စရေးမြောက်ပိုင်းက ကမ်းရိုတမ်းမြို့ ဟိုင်ဖာမှာလည်း နည်းပညာတက္ကသိုလ်က ဘုန်းကြီးတွေက ဒီလိုကန့်သတ်မှုမျိုးတွေ လုပ်နေပါတယ်။ တက္ကသိုလ် ကျောင်းသားသမဂ္ဂက သူတို့ရဲ့ ပထမဆုံး ခရစ္စမတ်သစ်ပင်တစ်ပင်ကို ဖန်တီးလိုက်တာကြောင့် ဂျူးဘုန်းကြီး အီလဒ် ဒိုကောင်းက ကျောင်းသားသမဂ္ဂကို သပိတ်မှောက်ဖို့ ကျောင်းသားတွေကို အမိန့်ပေးခဲ့ပါတယ်။

    အဲဒီသစ်ပင်ကို ရုပ်ထုကိုးကွယ်မှုဖြစ်တယ်လို့ ဒိုကောင်းက သမုတ်ခဲ့ပြီး အစားအသောက်ခန်းမ အပါအ၀င် အဆောက်အဦးရဲ့ သန့်ရှင်းမှုကို ညစ်နွမ်းစေတဲ့ ဒိဌိအမှတ်သညာဖြစ်တယ်လို့လည်း ဆိုပါသေးတယ်။

    Technion လို့ခေါ်တဲ့ အဲဒီတက္ကသိုလ်က ကျောင်းသားတွေရဲ့ ၅ ပုံတစ်ပုံဟာ နိုင်ငံအတွင်းက လူနည်းစု ပါလက်စတိုင်းနွယ်ဖွားတွေပါ။

    အစ္စရေးရဲ့ ပါလက်စတိုင်းနွယ်ဖွားနိုင်ငံသားတွေအများစုဟာ မွတ်စလင်တွေဖြစ်ပေမယ့် ပါလက်စတိုင်းခရစ်ယာန် ၁၃၀၀၀၀ လောက်လည်းရှိနေပြီး ဂါလီလီမြို့မှာ နေကြတာပါ။ နောက်ပြီး နိုင်ငံတကာ ဥပဒေကိုချိုးဖောက်ကာ အစ္စရေးက သိမ်းပိုက်ထားတဲ့ ပါလက်စတိုင်းပိုင် အရှေ့ဂျေရုစလင်မှာလည်း ခရစ်ယာန်တွေ ရှိနေပါတယ်။

    “ဒါဟာ လွတ်လပ်စွာကိုးကွယ်ခွင့် မဟုတ်ပါဘူး။ ဒီနိုင်ငံဟာ ကမ္ဘာမှာ တစ်ခုတည်းသော ဂျူးနိုင်ငံပါ။ နိုင်ငံရဲ့အမှတ်သညာကို ထင်ရှားဖို့လိုတယ်။ အယူအဆတိုင်းကို လွယ်လွယ်ကူကူ လက်မခံနိုင်ပါဘူး” လို့ ဒိုကာင်းက ပြောကြားခဲ့ပါတယ်။

    အသက် ၂၄ နှစ်အရွယ် လျှပ်စစ်အင်ဂျင်နီယာကျောင်းသား ရာဘီယာ မဟဂ်ျနီက ကျောင်းသားသမဂ္ဂမှာ ခရစ္စမတ်သစ်ပင်ထားရှိတာကို ပါလက်စတိုင်းကျောင်းသားတွေက လက်ခံပေမယ့် ဂျူး ကျောင်းသားတွေနဲ့ ၀န်ထမ်းတွေကြားမှာတော့ တော်တော်လေး သဘောထား ကွဲလွဲကြတယ်လို့ ပြောကြားခဲ့ပါတယ်။ အများစုကတော့ ဒီလိုထားရှိမှုကို ဆန့်ကျင်ကြပါသတဲ့။

    “ဒီလိုသစ်ပင်ထားတဲ့အတွက် (ပါလက်စတိုင်း) ကျောင်းသားတွေကို မကျေနပ်ဘဲ ဒီသစ်ပင်က သူ့ကို စိတ်အနှောက်အယှက်ဖြစ်စေတယ်လို့ ပါမောက္ခတစ်ယောက်က Facebook မှာ ရေးပါတယ်။ ပြီးတော့ ဒီလိုထားချင်ရင် ကိုယ့်အိမ်မှာ ကိုယ်ထား၊ ဒါမှမဟုတ် ဥရောပကို ပြန်လို့လည်း ရေးထားပါတယ်” လို့ မဟဂ်ျနီက ဆိုပါတယ်။

    “ခရစ္စမတ်သစ်ပင်ကြောင့် မဟုတ်ပါဘူး။ ဒီသစ်ပင်ကို ထားတဲ့သူတွေကြောင့်ပါ။ အာရပ်လူနည်းစုတွေ၊ ကျွန်တော်တို့ အမှတ်သညာတွေကို ဂျူးလူ့အဖွဲ့အစည်းက လက်ခံဖို့ ဆန္ဒရှိလားဆိုတာ ဒါက စမ်းသပ်မှုတစ်ခုပါပဲ”

    နောက်ပြီး ဂျူးတို့ရဲ့ မီးထွန်းပွဲတော်တစ်ခုဖြစ်တဲ့ Hanukkah ပွဲတော်ကို ကျောင်းသား သမဂ္ဂက ကျင်းပရာမှာ ပါလက်စတိုင်းနွယ်ဖွားကျောင်းသားတွေက မကန့်ကွက်ဘူးလို့ မဟဂ်ျနာက ထည့်သွင်းပြောကြားခဲ့ပါတယ်။ အဲဒီ မီးထွန်းပွဲတော်ဟာ ဒီနှစ်မှာတော့ ခရစ္စမတ်နဲ့ သွားတိုက်နေပါတယ်။

    “ဒါဟာ လွတ်လပ်စွာကိုးကွယ်ခွင့် မဟုတ်ပါဘူး။ ဒီနိုင်ငံဟာ ကမ္ဘာမှာ တစ်ခုတည်းသော ဂျူးနိုင်ငံပါ။ နိုင်ငံရဲ့အမှတ်သညာကို ထင်ရှားဖို့လိုတယ်။ အယူအဆတိုင်းကို လွယ်လွယ်ကူကူ လက်မခံနိုင်ပါဘူး” 

    စိတ်ဝင်စားမှု မြင့်တက်

    အစ္စရေးသမိုင်းတစ်လျှောက်မှာ ခရစ်ယာန်အများစုရှိတဲ့ နေရာတွေကလွဲလို့ အခြားနေရာတွေမှာ ခရစ္စမတ်သစ်ပင် အလှဆင်တာမျိုးက တွေ့ရခဲပါတယ်။ ဒါပေမယ့် ပြီးခဲ့တဲ့နှစ်တွေမှာတော့ ခရစ္စမတ်ပွဲတော် ကျင်းပဖို့ တောင်းဆိုမှုတွေက နိုင်ငံတစ်ဝှမ်း မြင့်တက်လာခဲ့ပါတယ်။

    ဒီလို ခရစ္စမတ်ပွဲတော်နဲ့ပတ်သက်ပြီး စိတ်ဝင်စားမှု မြင့်တက်လာတာဟာ ဆိုဗီယက်ပြည်ထောင်စု ပြိုကွဲသွားပြီးနောက်ပိုင်း ရုရှားစကားပြောဂျူးတွေ အစ္စရေးကို ရောက်ရှိလာပြီးနောက်ပိုင်းမှာ ဖြစ်တယ်လို့ အစ္စရေးမှာ ဘာသာရေးလွတ်လပ်ခွင့်အတွက် လှုပ်ရှားနေတဲ့ Hiddush အဖွဲ့ ပြောရေးဆိုခွင့်ရှိ ဒေးဗစ် ဘိုဂိုမိုလ်နီက ဆိုပါတယ်။

    အဲဒီ ရုရှားစကားပြောဂျူးတွေဟာ သူတို့ရဲ့ ဇာတိ ဆိုဗီယက်မှာ ဂျူးဘာသာရေး ထုံးတမ်းကို မလိုက်နာကြဘဲ ဒေသထုံးတမ်းတွေနဲ့ ရောပြွန်းလိုက်ကြပါသတဲ့။

    “(ဆိုဗီယက်ပြည်ထောင်စုမှာ) ဒီသစ်ပင်တွေက တော်တော်လူကြိုက်များတယ်ဗျ။ ဒါပေမယ့် ဒါက ခရစ္စမတ်နဲ့မဆိုင်ဘူး။ နှစ်သစ်ရောက်တော့မယ်ဆိုရငင် တစ်အိမ်မှာ တစ်ပင်တော့ ရှိကြတယ်” လို့ ဒေးဗစ်က ဆိုပါတယ်။

    အရှေ့အလယ်ပိုင်းမှာ အကြီးဆုံး ခရစ္စမတ်သစ်ပင်ကြီးရှိရာ နာဇရသ်မြို့ဟာ ဂျူးတွေ၊ ခရစ်ယာန်တွေ၊ မွတ်စလင်တွေအပါအ၀င် ပြည်တွင်း ခရီးသွားတွေ မျက်စိကျရာနေရာ ဖြစ်လာပါတယ်။ သူတို့တွေဟာ ခရစ္စမတ်ဈေးတွေမှာ လမ်းလျှောက်ကြပြီး ဓမ္မတေးတွေနားထောင်တယ်၊ ဆန်တာကလော့ ဦးထုပ်တွေလည်း ၀ယ်ကြပါတယ်။

    အစ္စရေးရဲ့ အကြီးဆုံးမြို့တွေဖြစ်ပြီး ပါလက်စတိုင်းခရစ်ယာန်တွေ တော်တော်များများရှိတဲ့ ဟိုင်ဖာနဲ့ ဂျက်ဖာတို့မှာဆိုရင် ခရစ္စမတ်ပွဲတော်ကို အပြိုင်အဆိုင်လုပ်ကြတာပါ။ မြို့တော် တဲလ်အဗီးနဲ့ ကပ်နေတဲ့ ဂျက်ဖာမှာဆိုရင် ပြီးခဲ့တဲ့နှစ်က ပထမဆုံး ခရစ္စမတ်ဈေးတန်း ဖြစ်လာခဲ့ပါတယ်။

    နိုင်ငံရပ်ခြားကအပါအ၀င် ခရစ်ယာန်ဘုရားဖူးတွေလာရောက်တဲ့ ဒီလိုအချိန်မျိုးမှာ ဟိုတယ်တွေကလည်း ခရစ္စမတ်သစ်ပင်တွေ ဖန်တီးပြီး ခရီးသည်တွေကို စွဲဆောင်က ၀င်ငွေတိုးအောင် ကြံကြပါတယ်။

    အမျိုးပျောက်မှာ စိုးကြောက်နေ

    ဒါပေမယ့် ခရစ္စမတ်ပွဲတော်အပေါ် လူကြိုက်များမှု မြင့်တက်လာတာက ပြည်သူတွေအပေါ်မှာ သြဇာလွှမ်းမိုးမှုရှိတဲ့ ရှေးရိုးစွဲ ဂျူးဘုန်းတွေအတွက် နေမထိထိုင်မသာ ဖြစ်စေပါတယ်။ ဒေးဗစ်ကတော့ တစ်ချို့ ဂျူးဘုန်းကြီးဟာ ဂျူးတွေရဲ့အမှတ်သညာ ဆုံးရှုံးမှု မဖြစ်စေဖို့ တိုင်းပြည်ကို တတ်နိုင်သမျှ ‘ဂျူးတိုင်းပြည်’ ဖြစ်အာင် လုပ်ချင်တဲ့ဆန္ဒရှိတယ်လို့ ဆိုပါတယ်။

    တစ်ချို့ကလည်း ခရစ္စမတ်သစ်ပင်တွေက ဂျူးတွေကို ခရစ်ယာန်ဘာသာဖက် စိတ်တိမ်းညွှတ်စေမလားဆိုပြီး စိုးရိမ်မှုတွေလည်း ရှိကြပါတယ်။

    ဂျေရုစလင်က လက်တင် ခရစ်ယာန်အသိုင်းဝိုင်းရဲ့ ပြောရေးဆိုခွင့်ရှိသူ ၀ါဒီ အဘူ နက်ဆာရ်က အစ္စရေးဂျူးတွေဟာ ခရစ်ယာန်တွေရဲ့ပွဲတော်အပေါ် စိတ်ဝင်စားမှုမြင့်တက်လာတာကို တွေ့ရပြီး တစ်ချို့ဆိုရင် ခရစ်ယာန်တွေရဲ့ ၀တ်ပြုဆုတောင်းမှုတွေမှာ ပါဝင်ဖို့ တောင်းဆိုတာမျိုးတွေအထိ ရှိတယ်လို့ ဖွင့်ဟခဲ့ပါတယ်။

    ဒါဟာ ဂျူးဝါဒကို ခြိမ်းခြောက်မှုမဟုတ်ဘဲ စူစမ်းချင်စိတ် ပြင်းပြတာသာဖြစ်တယ်လို့လည်း ဆိုပါတယ်။

    “ကျွန်တော်တို့ ငြိမ်းငြိမ်းချမ်းချမ်းနဲ့ အတူတကွ ယှဉ်တွဲနေထိုင်ချင်တယ်ဆိုရင် တစ်ယောက်နဲ့တစ်ယောက် နားလည်ရမယ်၊ တစ်ယောက်နဲ့တစ်ယောက် ယုံကြည်တတ်အောင်လည်း သင်ယူရပါမယ်” လို့ နက်ဆာရ်က ပြောကြားခဲ့ပါတယ်။

    ခရစ္စမတ်ဆန့်ကျင်မှုက သမိုင်းနဲ့ချီ

    ခရစ္စမတ်ပွဲတော်နဲ့ပတ်သက်ပြီး အစ္စရေးက ဂျူးတွေရဲ့ သည်းမခံနိုင်ငံမှုဟာ အခုမှမဟုတ်ပါဘူး။ ၀န်ကြီးချုပ် နေတန်ယာဟုရဲ့သား ယာအီရ် နေတန်ယာဟုဟာ အသက် ၂၁ နှစ်အရွယ် လွန်ခဲ့တဲ့ ၄ နှစ်က ခရစ္စမတ်သစ်ပင်ဘေးနားမှာ ဆန်တာကလော့ဦးထုပ်ဆောင်ပြီး ဓာတ်ပုံရိုက်တုန်းကလည်း အုံးအုံးကြွက်ကြွက် ဖြစ်ခဲ့ဖူးပါတယ်။

    ဒီအဖြစ်အပျက်ကြောင့် နေတန်ယာဟုရုံးက ကြေငြာချက်တစ်စောင် အလျင်အမြန်ထုတ်ကာ ယာအီရ်ဟာ ‘အစ္စရေးကိုချစ်တဲ့ ခရစ်ယာန် ဇီယွန်ဝါဒီတွေက ပြုလုပ်တဲ့ ပါတီတစ်ခုကိုတက်ရင်း အပျော်သဘော ရိုက်ခဲ့တာဖြစ်ကြောင်း၊ အဲဒီခရစ်ယာန်ဇီယွန်ဝါဒီတွေရဲ့ သားသမီးတွေဟာ အစ္စရေးစစ်တပ်မှာ တာဝန်ထမ်းဆောင်နေကြောင်း’ ရှင်းလင်းခဲ့ရပါတယ်။

    ပြီးခဲ့တဲ့ ၂ နှစ်အရင်ကလည်း အက်ပါးနာဇရသ်မြို့ မြို့တော်ဝန် ရှီမွန် ဂက်ပ်ဆိုက အများပြည်သူနဲ့ သက်ဆိုင်တဲ့နေရာတွေမှာ ခရစ္စမတ်လက္ခဏာတွေ လုံးဝမရှိစေရလို့ အမိန့်ထုတ်ခဲ့ပါသေးတယ်။ ဒါ့ကြောင့် နာဇရက်မြို့က ခရစ်ယာန်တွေရဲ့ ဝေဖန်ဆန့်ကျင်မှုကို ပြင်းပြင်းထန်ထန် ခံစားခဲ့ရပါတယ်။

    အစ္စရေးပါလီမန်ကိုလည်း ခရစ္စမတ်သစ်ပင်ကင်းမဲ့ဇုန်အဖြစ် အစိုးရက ကြေငြာခဲ့ဖူးပါတယ်။

    ၂၀၁၃ ခုနှစ်က ပါလက်စတိုင်းခရစ်ယာန်အမတ် ဟန်နာဆွာအစ်က လွှတ်တော်အဆောက်အဦးမှာ ခရစ္စမတ်သစ်ပင်ထားရှိဖို့ တောင်းဆိုမှုကို လွှတ်တော်ဥက္ကဌ ယူအီလ် အဒဲလ်စတိန်းက ခွင့်မပြုခဲ့ဘဲ ဒါဟာဂျူးတွေ ဥရောပမှာ နှိပ်စက်ညှင်းပမ်းခံခဲ့ရတဲ့ နာကျင်စရာအတိတ်ကို ဆွပေးသလိုဖြစ်ပြီး တိုင်းပြည်ရဲ့ ဂျူးအမှတ်သညာကို ထိပါးစေတယ်လို့ တုန့်ပြန်ခဲ့ပါတယ်။

    ဒါပေမယ့် ဆွာအစ်က အိမ်ဖြူတော်မှာ Hanukkah ပါတီပွဲလုပ်တာအပါအ၀င် အမေရိကန်ပြည်ထောင်စုက အများပြည်သူနဲ့ သက်ဆိုင်တဲ့နေရာတွေမှာ ဂျူးတွေရဲ့ အမှတ်သင်္ကေတတွေ ထင်ထင်ရှားရှားရှိနေတာကို ထောက်ပြခဲ့ပါတယ်။

    “အစ္စရေးခေါင်းဆောင်တွေက အမေရိကန်ရဲ့ ဘာသာရေးညီညွတ်မှုမျိုးကို မျှော်လင့်ကြတယ်ဗျ။ ဒါပေမယ့် အမေရိကန်ကျင့်သုံးသလိုမျိုးတော့ နိုင်ငံထဲမှာ မကျင့်သုံးကြဘူး” လို့ ဆွာအစ်က ပြောကြားခဲ့ပါတယ်။

    နောက်ပြီး ပါလက်စတိုင်းလူနည်းစုတွေရဲ့ ဘာသာရေးလွတ်လပ်ခွင့်ကလည်း တော်တော်လေး ကျဉ်းထဲကြပ်ထဲရောက်နေတာလို့ ဆွာအစ်ကဆိုပြီး ဗလီတွေမှာ လော်စပီကာသုံးပြီး ၀တ်ပြုဖို့အတွက် ဖိတ်ခေါ်မှုကို တားမြစ်တဲ့ ‘မုအ်ဇင် ဥပဒေ’ က အထင်ရှားဆုံးလို့လည်း ပြောခဲ့ပါတယ်။

    “ဒီလို နိုင်ငံရေးအရ ရန်လိုတဲ့ အခြေအနေကြောင့် ကျွန်တော်တို့ရဲ့ ဘာသာရေးအမှတ်သညာတွေ တရားဝင်နေစေဖို့အတွက် တိုက်ပွဲဝင်ဖို့ဟာ အရေးကြီးဆုံး ဖြစ်လာပါပြီ။ ဒါမှမဟုတ်ရင်တော့ ကျွန်တော်တို့ရဲ့ အနာဂတ်ဟာ မတွေးဝံ့စရာပါပဲ”

    အစွန်းမရောက်သည့် ဂျူးများ

    ဒါပေမယ့် ရှေးရိုးစွဲ ဂျူးဘုန်းကြီးတွေရဲ့ ပိတ်ပင်တားဆီးမှုများကို တုန့်ပြန်နေတဲ့ ဘာသာရေးရှေ့တန်းမတင်တဲ့ ဂျူးတွေလည်း ရှိနေပါသေးတယ်။

    ဟိုင်ဖာမြို့တော်ဝန် ယိုနာ ယာဟက်ဇ်က ၂၀၁၂ ခုနှစ်မှာ ဂျူးဘုန်းကြီးတွေ ခရစ္စမတ်သစ်ပင်နဲ့ နှစ်သစ်ကူးပါတီတွေ ပိတ်ပင်တာကို အာဏာသုံးပြီး ပယ်ချခဲ့ပါတယ်။ ဂျူးနှစ်ကူးဟာ ခရစ်ယာန်နှစ်ကူးမတိုင်ခင် လများစွာအရင် ကျရောက်လေ့ရှိတာပါ။

    ပြီးခဲ့တဲ့နှစ်ကတော့ Hiddush အဖွဲ့ရဲ့ ဥပဒေနဲ့ရင်ဆိုင်မှုကြောင့် ဂျူးဘုန်းကြီးအဖွဲ့ အကြီးအကဲဟာ ခရစ္စမတ်ပွဲတော်ကျင်းပရင် ကိုရှာအသိအမှတ်ပြုလက်မှတ် မထုတ်ပေးဘူးဆိုတဲ့ ခြိမ်းခြောက်မှုကို ရုပ်သိမ်းခဲ့ရပါတယ်။

    ခရစ္စမတ်သစ်ပင်မထားရဆိုတဲ့ ပိတ်ပင်မှုကို တရားဝင် ပယ်ဖျက်လိုက်ပေမယ့် အောက်ခြေမှာတော့ ပိုနေမြဲကျားနေမြဲ အတိုင်းပါပဲ။

    “အကြီးအကဲဘုန်းကြီးက မြို့ထဲက ဘုန်းကြီးတွေအပေါ်မှာ သြဇာရှိနေတာက ပြဿနာဗျ။ အဲဒီဘုန်းကြီးတွေက ဒီလိုပယ်ချတာကို အလေးမထားဘူး။ ဂျေရုစလင်က ဂျူးဘုန်းကြီးတွေ စာထပ်ထုတ်တာကို ကျွန်တော့် ထပ်ပြီး တွေ့ရတယ်” လို့ Hiddush အဖွဲ့က တာဝန်ရှိသူ ဒေးဗစ်က ပြောကြားခဲ့ပါတယ်။

    ဟိုတယ်တွေအများစုကတော့ စီးပွားရေးထိခိုက်မှာကြောက်တာကြောင့် ခရစ္စမတ်သစ်ပင်မထားရဆိုတဲ့ တားမြစ်ချက်ကို လိုက်နာလိုစိတ် မရှိကြပါဘူး။ ဒါပေမယ့် အပြစ်ပေးခံရမှာကိုလည်း ကြောက်နေကြပါတယ်။

    “တိုင်းပြည်တစ်ပြည်လုံးမှာ ဒါက ပြဿနာတစ်ခုဗျ။ တားမြစ်ချက်ကို ချိုးဖောက်ရမှာကိုလည်း ဟိုတယ်တွေက ကြာက်နေတယ်။ တရားရုံးနဲ့ဘာနဲ့ ရှင်းမယ်ဆိုရင်လည်း အချိန်ကုန်၊ ငွေကန်မှာ ရှိသေးတယ်လေ”

    အနောက်ဂျေရုစလင်က ဟိုတယ်မန်နေဂျာတစ်ဦးကတော့ ခရစ္စမတ်သစ်ပင်တွေ ထားမယ်ဆိုရင် ဂျူးဘုန်းကြီးတွေရဲ့ လက်စားချေမှုအန္တရာယ် ရှိတယ်လို့ ပြောကြားခဲ့ပါတယ်။

    “ဒီစာက ကျွန်တော်တို့ကို ပေါ်တင်ခြိမ်းခြောက်လိုက်တာဗျ။ ခရစ်ယာန်ခရီးသွားတွေက ဒီကို ခရစ္စမတ်ပွဲအတွက်လာမယ်။ ကျွန်တော်တို့က သူတို့စိတ်ချမ်းသာအောင်လုပ်ပေးချင်ပေမယ့် (ကိုရှာ) လက်မှတ်မရရင် ကျွန်တော်တို့ ဂွမ်းသွားမှာပါ”

    Ref: Aljazeera

    (Aljazeera မှ Israeli rabbis launch war on Christmas tree ဆောင်းပါးကို လေးမောင်က ဆီလျော်အောင် ပြန်ဆိုသည်)

  • အရှေ့အလယ်ပိုင်းတွင် ပဋိပက္ခဖြစ်နေသည်မှာ ဇီယွန်ဝါဒီ အစ္စရေး၏ လက်ချက်ဖြစ်ကြောင်း အီရန်သမ္မတပြော

    ဇူလိုင်-၁၉၊၂၀၁၃
    M-Media

    Ahmadinejad

    အီရန် သမ္မတ မဟ်မူးဒ် အဟ်မဒီ န်ီဂျဒ် (Mahmoud Ahmadinejad) က အစ္စရေး၏ဇီယွန်ဝါဒအုပ်ချုပ်ရေးစံနစ်သည် ဒေသတွင်း၌ မငြိမ်သက်မှုများနှင့် အကြမ်းဖက်မှုများကို အမြဲတစေ ဖြစ်ပေါ်စေရန်ကြိုးပမ်းလျက်ရှိပြီး၊ ဒေသတွင်းနိုင်ငံများသည် သူတို့၏ သွေးခွဲမှုအကြံစည်အား စည်းလုံးမှုဖြင့်ပြန်လည် တွန်းလှန်ရမည် ဟုဆိုသည်။

    “ ဇီယွန်ဝါဒီများသည် တူရကီ၊ လစ်ဗျား၊ အီဂျစ် နှင့် အခြားနိုင်ငံများကို အမြဲတမ်း မငြိမ်မသက် ဖြစ်စေချင်ကြသည်။ ထိုလုပ်ဆောင်မှုများကိုတားဆီးရန် ကျွန်ုပ်တို့ အချင်းချင်းအကြား ညီနောင်ဝါဒကို ပိုမိုဖြန့်ကျက်ရန် လိုအပ်၏ ” ဟု ကြာသပတေးနေ့က အီရတ်ပါလီမန်မှ ပြောရေးဆိုခွင့်ရှိသူ အုစာမဟ် အလ်နုဂျိုင်ဖီ (Osama al Nujaifi) နှင့် နိုင်ငံ၏ ဥပဒေပြုများနှင့်အတူပြုလုပ်ခဲ့သော အစည်းအဝေးတွင် အဟ်မဒီ န်ီဂျဒ် က ပြောကြားခဲ့သည်။

    အစ္စရေး အပါအ၀င် အချို့သောရန်သူများသည် သူတို့၏အိမ်နီးချင်းနိုင်ငံများအား အမြဲတစေ ကသောင်းကနင်းဖြစ်နေသည်ကို မြင်ချင်နေကြသည်။ အဘယ်ကြောင့်ဆိုသော် သူတို့သည် အိမ်နီးချင်းနိုင်ငံများက သူတို့ထက်ပိုမို၍ အင်အားကြီးသွားမည်၊ တိုးတက်သွားမည်ကို မလိုလားသောကြောင့် ဖြစ်ကြောင်း သူက ဆက်လက်ပြောကြားခဲ့၏။

    အီဂျစ်၏ လက်တစ်လောဖြစ်ရပ်များကို ထောက်ပြလျက်  အီရန် စီမံခံခွဲရေးအရာရှိချုပ်က အာရဗ်နိုင်ငံများအတွင်း အကြမ်းဖက်မှုများ ဆက်လက်ဖြစ်ပေါ်နေပါက ထိုအရာသည် ဘာသာရေး မဏ္ဍိုင်ကြီး တစ်ရပ်ကို ထိခိုက်စေမှာဖြစ်ပြီး၊ ဘက်ပေါင်းစုံ၌ ထိခိုက်သူများ ဦးရေမြင့်တက်လာနိုင်သဖြင့်၊ ရန်သူကိုလည်း ၀မ်းသာအာရဖြစ်အောင် လုပ်ပေးနေသကဲ့သို့ ဖြစ်လိမ့်မည်ဟု ပြောဆိုလိုက်သည်။

    အီဂျစ်စစ်တပ်သည် သမ္မတ မုဟမ္မဒ် မူရ်စီ (President Mohamed Morsi) အား ရာထူးမှဖြုတ်ချခြင်း၊ ဖွဲ့စည်းပုံအခြေခံဥပဒေကို ဆိုင်းငံ့ထားခြင်း၊ ဇူလိုင်လ ၃ ရက်နေ့က ပါလီမန်ကိုဖျက်သိမ်းလိုက်ပြီး နောက်တစ်ရက်တွင် အီဂျစ်တရားရုံးချုပ်မှ တရားသူကြီးချုပ် အဒ်လီ မန်စူးရ်(Adly Mansour) အား ကြားဖြတ်သမ္မတအဖြစ် ခန့်အပ်ကြေငြာလိုက်ခြင်းတို့ကြောင့် အီဂျစ်၌ တင်းမာမှုများ ကြီးထွားလာခဲ့သည်။

    မူရ်စီကိုထောက်ခံသူများ၊ ဆန့်ကျင်သူများ နှင့် လုံခြုံရေးတပ်ဖွဲ့များကြားတွင် ဖြစ်ပေါ်ခဲ့သည့် ပြင်းထန်သောတိုက်ခိုက်မှုများတွင် လူပေါင်းများစွာ အသက်ဆုံးရှုံးခဲ့ရသည်။

    နှစ်ဦးနှစ်ဖက်ပြေလည်ရေးအား ချဉ်းကပ်သောအားဖြင့် အီရန်-အီရတ် ပူးပေါင်းဆောင်ရွက်မှုကဲ့သို့ အပြုသဘောဆောင် တိုးမြှင့်လိုက်ရန် အဟ်မဒီ နီဂျဒ်မှ ဆော်သြလိုက်သည်၊ ယနေ့ကာလတွင် ၄င်းနှစ်နိုင်ငံအကြား၌ မည်သို့သောခွဲခြားခြင်း မရှိတော့ပါ ဟုသူက ထည့်သွင်းပြောကြားခဲ့သည်။

    အမျိုးသားစည်းလုံးမှုအပြင် နိုင်ငံတကာ ဆက်ဆံရေးများကို ပိုမိုကောင်းမွန် ခိုင်မာလာအောင် ဆောင်ရွက်နေသော  အီရတ်ပါလီမန်၏ အခန်းကဏ္ဍကိုလည်း အလေးပေးပြောကြားသွားပြီး၊ အီရတ်နိုင်ငံသည် လုံခြုံ၍ အင်အားကြီးသော လမ်းကြောင်းပေါ်ရောက်နေပြီဖြစ်ကြောင်း ထည့်သွင်းပြောဆိုခဲ့သည်။

    ဒေသတွင်းနိုင်ငံများအကြားနားလည်မှုများ ရလာအောင် ဖန်တီးရာတွင် အီရန် နှင့် အီရတ်တို့သည် အရေးပါသော အခန်းကဏ္ဍတွင် ရှိနေသောကြောင့် အီရန်သည် ဒေသတွင်း ကြံ့ခိုင်မှု နှင့် စည်းလုံးခြင်းကို ဖော်ဆောင်တိုးမြှင့်ရန် အစွမ်းရှိသမျှ ကြိုးပမ်းသွားမည်ဖြစ်ကြောင်း ဆိုသည်။

    ကြာသပတေးနေ့က ပြုလုပ်သော သတင်းစာရှင်းလင်းပွဲတွင်လည်း တက်ရောက်လာသော အီရန်သမ္မတက အီရန် နှင့် အီရတ်တို့သည် ဒေသတွင်းလုံခြုံရေး နှင့် တိုးတက်ရေးဖြစ်ထွန်းရန်အတွက် ထင်ရှားသော အခန်းကဏ္ဍ၌ ပါဝင်နေလျက်ရှိသည်ဟု သတင်းထောက်များအား ပြောကြားခဲ့သည်။

    အဟ်မဒီ နီဂျဒ် ၏အဆိုအရ Tehran-Baghdad ချစ်ကြည်ရေးကို တိုးမြှင့်လိုက်ပါက မရေတွက်နိုင်သည့်ကောင်းကျိုးများဖြစ်ထွန်းလာမည်ဖြစ်ကြောင်း၊ နိုင်ငံနှစ်ခုစလုံးသည် ပူးပေါင်းဆောင်ရွက်မှု နှင့် ဆက်ဆံရေးတိုးမြှင့်မှုအတွက် အစွမ်းရှိသမျှ ဖော်ဆောင်ဖို့ သံဓိဌာန်ချထားကြကြောင်း သိရသည်။

    အီရန်သမ္မတသည် အီရတ်နိုင်ငံသို့ နိုင်ငံကိုယ်စားပြုအနေဖြင့် ကြာသပတေးနေ့က ရောက်ရှိလာခဲ့ပြီး၊ သူ၏ နှစ်ရက်ကြာခရီးစဉ်ကို အိမ်နီးချင်းနှစ်နိုင်ငံကြား အပြန်အလှန်ဆက်ဆံရေး တိုးမြင့်လာစေရန်အတွက် ရည်ရွယ်ကြောင်းသိရသည်။

    သူ့ခရီးစဉ်၏ပထမနေ့တွင် သူသည် အီရတ် ၀န်ကြီးချုပ် နူရီ အလ်မာလီကီ (Nuri al-Maliki) နှင့် ဒုတိယ၀န်ကြီးချုပ် ခုဒိုင်းရ် အလ်ခုဇာအီ (Khudayr al-Khuzai) တို့နှင့်လည်း တွေ့ဆုံခဲ့သည်။

    AR/NN/HMV