မတ် ၁၉၊ ၂၀၁၈
M-Media
– သူ့ရဲ့ တိုင်းပြည်အပေါ် အုပ်စိုးမှုကို သေခြင်းတရားကသာ ရပ်တန့်နိုင်လိမ့်မယ်လို့ ဆော်ဒီအိမ်ရှေ့မင်းသား မိုဟာမက် ဘင် ဆလ်မန်က CBS သတင်းဌာနနဲ့ အင်တာဗျူးမှာ ပြောကြားခဲ့ပြီး ဒီအင်တာဗျူးအပြည့်အစုံကို မင်းသားရဲ့ အမေရိကန်ခရီးစဉ်အကြို ဒီကနေ့မှာ ထုတ်လွှင့်ခဲ့ပါတယ်။
“လူတစ်ယောက် အသက်ဘယ်လောက် ရှည်မလဲဆိုတာ ဘုရားသခင်သာ သိပါတယ်။ အသက် ၅၀ လောက် နေရမလားဆိုတာ မသိပါဘူး။ ပုံမှန်အတိုင်း သွားမယ်ဆိုရင်တော့ ဒီလောက် နေရမယ်လို့ မျှော်လင့်လို့ ရပါတယ်”
CBS သတင်းဌာနက အင်တာဗျူးသူ နိုရာ အိုဒိုနယ်က သူ့ရဲ့ အုပ်စိုးမှုကို တစ်ခုခုက တားဆီးနိုင်မလားဆိုပြီး မေးတဲ့အခါမှာ မင်းသားက ‘သေခြင်းတရား’ ဖြစ်တယ်လို့ ပြန်လည်ဖြေကြားခဲ့ပါတယ်။
ဒီအင်တာဗျူးဟာ မိုဟာမက် ဘင် ဆလ်မန်တစ်ယောက် အိမ်ရှေ့အရာအပ်နှင်းခံရကာ အာဏာရပြီးတဲ့နောက် အမေရိကန်ရုပ်သံနဲ့ ပထမဆုံး အင်တာဗျူးမှုဖြစ်ပြီး မင်းသားကို ပြုပြင်ပြောင်းလဲရေးသမားအဖြစ် ဖော်ပြထားပါတယ်။
မိုဟာမက် ဘင် ဆလ်မန်ဟာ ဆော်ဒီနိုင်ငံအတွင်းမှာ လူမှုရေးနဲ့ စီးပွားရေး ပြုပြင်ပြောင်းလဲမှုတွေကို ဦးဆောင်ပြုလုပ်နေပြီး၊ သူခေါင်းဆောင်တဲ့ ခြစားမှုတိုက်ဖျက်ရေးအဖွဲ့ဟာ ဆော်ဒီတော်ဝင်မင်းသားတွေအပါအ၀င် စီးပွားရေးလုပ်ငန်းရှင်တော်တော်များများကို ခေတ္တထိန်းသိမ်းကာ စစ်ဆေးမှုတွေ ပြုလုပ်ခဲ့ပါတယ်။
CBS နဲ့ အင်တာဗျူးမှာ မင်းသားက အဲဒီလို ထိန်းသိမ်းစစ်ဆေးမှုအတွင်း အမေရိကန်ဒေါ်လာ ဘီလီယံ ၁၀၀ လောက် ပြန်ရခဲ့တယ်လို့ ပြောကြားခဲ့ပြီး ဒီဖမ်းဆီးမှုဟာ အာဏာလုဖို့ဆိုတဲ့ စွပ်စွဲမှုတွေကို ‘နုံအရာကျတယ်’ လို့ ပြန်လည်တုန့်ပြန်ခဲ့ပါတယ်။
“ဆော်ဒီမှာ ကျွန်တော်တို့ လုပ်နေတာတွေဟာ လိုအပ်လို့ လုပ်နေတာတွေပါ။ လုပ်ဆောင်တဲ့အရာအားလုံးဟာ လက်ရှိတည်ဆဲဥပဒေနဲ့အညီ ဆောင်ရွက်တာဖြစ်ပါတယ်”
လူ့အခွင့်အရေးကိစ္စ
ဘင် ဆလ်မန်ဟာ တိုင်းပြည်ရဲ့ လူမှုရေးပြဿနာတွေ၊ တိုင်းပြည်ရဲ့ ရှေးရိုးစွဲဝါဒအကြောင်းတွေကိုလည်း အင်တာဗျူးမှာ ထည့်သွင်းပြောကြားခဲ့ပါတယ်။
“၁၉၇၉ ခုနှစ်က ကိစ္စတွေ မတိုင်မီအထိ ကျွန်တော်တို့ဟာ ကမ္ဘာပေါ်က အခြားနိုင်ငံတွေလို ဖွံ့ဖြိုးတိုးတက်ခဲ့တဲ့ ပြည်သူတွေပါ”
တိုင်းပြည်အတွင်း လူ့အခွင့်အရေးချိုးဖောက်မှုတွေနဲ့ပတ်သက်ပြီး မေးမြန်းရာမှာ မင်းသားက “လူ့အခွင့်အရေး ကြေငြာစာတမ်းက အချက်အလက် တော်တော်များများကို ယုံကြည်တယ်” လို့ ပြောကြားခဲ့ပါတယ်။
“တကယ်တော့ လူ့အခွင့်အရေးဆိုတဲ့ အယူအဆကို ကျွန်တေ်ာတို့ ယုံကြည်ပါတယ်။ ဒါပေမယ့် ဆော်ဒီရဲ့ စံနှုန်းဟာ အမေရိကန်ရဲ့ စံနှုန်းတွေနဲ့ မတူပါဘူး။ ကျွန်တော်တို့ဟာ ဒီကိစ္စမှာ ချို့ယွင်းချက် မဖြစ်ဘူးလို့ ကျွန်တော် မပြောချင်ဘူး။ ကျွန်တော်တို့မှာ တကယ်ရှိနေတယ်။ ဒါပေမယ့် ကျွန်တော်တို့ဟာ ဒီလို ချို့ယွင်းချက်တွေကို ပြင်ဆင်ဖို့ လုပ်ဆောင်နေပါတယ်”
တိုင်းပြည်အတွင်းမှာ အမျိုးသားနဲ့ အမျိုးသမီးတွေဟာ တန်းတူပဲလို့ မင်းသားက ဆိုပါတယ်။
“ကျွန်တော်တို့အားလုံးဟာ လူသားတွေဖြစ်ပြီး တစ်ယောက်နဲ့တစ်ယောက်အကြား ခြားနားမှု မရှိပါဘူး”
မိုဟာမက် ဘင် ဆလ်မန်ဟာ ဆော်ဒီမှာ အမျိုးသမီးတွေအပေါ် ပြုလုပ်ထားတဲ့ ကန့်သတ်ချက်တစ်ချို့ကို ဖြေလျော့ပေးရာမှာ အဓိကအခန်းကဏ္ဍကနေ ပါဝင်ခဲ့ပြီး ဒီအတွက်လည်း ဆော်ဒီ ထိပ်တန်း အမျိုးသမီး ပညာရှင်များအဖွဲ့က ချီးကျူးခဲ့ကြပါတယ်။
ယီမင်စစ်ပွဲ
ယီမင်ပြည်တွင်းစစ်မှာ ဆော်ဒီဦးဆောင်တဲ့အဖွဲ့က ပါဝင်တိုက်ခိုက်နေတာနဲ့ပတ်သက်ပြီး ဘင် ဆလ်မန်အပေါ် ဝေဖန်မှုတွေ ရှိနေကာ သူကတော့ ၂၀၁၅ ခုနှစ် ဆော်ဒီက ဗုံးစကြဲကတည်းက ဖြစ်ပေါ်နေတဲ့ လူသားချင်း စာနာထောက်ထားမှုဆိုင်ရာ အကြပ်းအတည်းတွေအတွက် ဟူသီသူပုန်တွေကို ပြစ်တင်ပြောဆိုခဲ့ပါတယ်။
ဆော်ဒီဦးဆောင်တဲ့ မဟာမိတ်အဖွဲ့ဟာ အရပ်သား၊ သူပုန် မခွဲခြားဘဲ့ တိုက်ခိုက်မှုတွေ ပြုလုပ်နေတာ၊ ဆေးရုံနဲ့ စာသင်ကျောင်းတွေလို အရေးပါတဲ့ အခြေခံအဆောက်အဦးတွေကို ဖျက်ဆီးတာတွေနဲ့ပတ်သက်ပြီး လူ့အခွင့်အရေးအဖွဲ့တွေက ဝေဖန်ပြောဆိုတာတွေ ရှိနေပါတယ်။
ယီမင်စစ်ပွဲမှာ သူတို့ရဲ့ပါဝင်မှုကို ဘင် ဆလ်မန်က အမေရိကန်နဲ့ နှိုင်းယှဉ်ပြီး ပြောကြားခဲ့ပါတယ်။
“တစ်နေ့ကျရင် မက္ကဆီကိုက ပြည်သူ့စစ်တွေဟာ ၀ါရှင်တန်ဒီစီ၊ နယူးယောက်နဲ့ လော့စ်အိန်ဂျလိစ်တို့ကို ဒုံးကျည်တွေနဲ့ တိုက်ခိုက်ပြီး အမေရိကန်ပြည်သူတွေက ဘာမှမလုပ်နိုင်ဘဲ ဒါကို လက်ပိုက်ကြည့်နေရမယ့်အဖြစ်မျိုး အမေရိကန်က လက်ခံမယ်လို့ ကျွန်တော် မထင်ပါဘူး”
အီရန်
အီရန်ဟာ ဆော်ဒီရဲ့ ပြိုင်ဘက်ဖြစ်တယ်ဆိုတဲ့ ပြောကြားမှုတွေကို အိမ်ရှေ့မင်းသားက ပယ်ချခဲ့ပါတယ်။
“အီရန်ဟာ ဆော်ဒီအာရေဗျနဲ့ ပြိုင်ဘက် မဟုတ်ပါဘူး။ အီရန်စစ်တပ်ဟာ မွတ်စလင်ကမ္ဘာက ထိပ်တန်း ၅ နိုင်ငံစာရင်းမှာ မ၀င်သလို၊ ဆော်ဒီစီးပွားရေးကလည်း အီရန်ထက် ပိုကြီးပါတယ်။ အီရန်ဟာ ဆော်ဒီကို မမှီနိုင်ပါဘူး”
ဘင် ဆလ်မန်ဟာ အရင်က ပြောကြားခဲ့သလို ဒီအင်တာဗျူးမှာလည်း အီရန်အဓိပတိ အယာတိုလာ ခါမေနီကို နာဇီဂျာမနီခေါင်းဆောင် အဒေ့ါဖ် ဟစ်တလာနဲ့ ခိုင်းနှိုင်းခဲ့ပါတယ်။
“သူ့ခေတ်သူ့အခါ နယ်ပယ်ချဲ့ထွင်ခဲ့တဲ့ ဟစ်တလာနဲ့ တော်တော်လေးကိုဆင်တဲ့ အနေအထားမျိုးကို သူ(ခါမေနီ)က အရှေ့အလယ်ပိုင်းမှာ ဖန်တီးချင်သူတစ်ယောက်ပါ။ ဆိုးဆိုးဝါးဝါး ဖြစ်ခဲ့တာတွေ မတိုင်ခင် ဥရောပနဲ့ ကမ္ဘာကြီးက ဟစ်တလာဟာ ဘယ်လောက် ကြောက်စရာကောင်းလဲဆိုတာ မသိခဲ့ကြပါဘူး။ အရှေ့အလယ်ပိုင်းမှာ ဒီလိုအနေအထားမျိုး ဖြစ်တာကို ကျွန်တော် မမြင်ချင်ပါဘူး”
ဆော်ဒီအနေနဲ့ နျူလက်နက်ကို ပိုင်ဆိုင်လိုတဲ့ဆန္ဒ မရှိပေမယ့် အီရန်က နျူလက်နက် ရှိလာမယ်ဆိုရင် သူတို့အနေနဲ့ အမြန်ဆုံး ရရှိအောင် ကြိုးစားသွားမယ်လို့လည်း မင်းသားက ထည့်သွင်းပြောဆိုခဲ့ပါတယ်။
ဒီမှတ်ချက်နဲ့ပတ်သက်ပြီး အီရန်က ဘင် ဆလ်မန်ဟာ “ထင်ရာမြင်ရာပြောတဲ့ လူအတစ်ယောက်” ဖြစ်တယ်လို့ ဒီအင်တာဗျူး မလွှင့်ခင်မှာ တုန့်ပြန်ပြောကြားခဲ့ပါတယ်။
“အမျှော်အမြင်နည်းတဲ့ ငါ့စကားနွားရ ပြောတာကလွဲရင် သူဟာ နိုင်ငံရေးအကြောင်း နကန်းတစ်လုံးမှ မသိသူပါ။ သူ့ရဲ့မှတ်ချက်တွေကဟာ တုန့်ပြန်ဖို့ မထိုက်တန်ပါဘူး” လို့ အီရန် နိုင်ငံခြားရေးဝန်ကြီးဌာနရဲ့ ပြောရေးဆိုခွင့်ရှိသူ ဘဟ်ရမ် ကာစီမီက ပြောကြားခဲ့ပါတယ်။
ပြီးခဲ့တဲ့ ၂ ပတ်ကျော်လောက်က ပြုလုပ်ခဲ့တဲ့ ဒီအင်တာဗျူးကို ဆော်ဒီ အိမ်ရှေ့မင်းသား မိုဟာမက် ဘင် ဆလ်မန် အမေရိကန်ကို ၂ ပတ်တာကြာမယ့် ခရီးစဉ် မစတင်ခင်မှာ CBS က ထုတ်လွှင့်ခဲ့တာ ဖြစ်ပါတယ်။
အမေရိကန်ခရီးစဉ်အတွင်း မင်းသားဟာ အမေရိကန်သမ္မတ ဒေါ်နယ်ထရမ့်၊ သူ့အစိုးရအဖွဲ့ဝင်တွေ၊ နယူးယောက် ဆီလီကွန်တောင်ကြားနဲ့ အခြားဒေသတွေက စီးပွားရေး၊ ဘဏ္ဍာရေးခေါင်းဆောင်တွေနဲ့ တွေ့ဆုံဖို့ ရှိနေပါတယ်။
Ref: Aljazeera
