မတ် ၇၊ ၂၀၁၈
M-Media
– ဥပုသ်စောင့်သလို အစားအသောက်တွေကို အချိန်အတိုင်းအတာ တစ်ခုအထိ မစားမသောက် နေထိုင်ခြင်းဟာ Huntington လို့ခေါ်တဲ့ ဦးနှောက် မူမမှန်တဲ့ရောဂါကို ကုသရာမှာ အထောက်အကူဖြစ်စေတယ်လို့ ကနေဒါက လေ့လာဆန်းစစ်မှုတစ်ခုမှာ တွေ့ခဲ့ရပါတယ်။
တစ်နေ့ကို ၁၀ နာရီကျော်ကျော်လောက် အစားအသောက်မစားဘဲ နေထိုင်ခြင်းဟာ ဒီရောဂါဖြစ်စေတဲ့ ပရိုတိန်းတွေကို လျော့ကျစေတာ ဖြစ်ပါတယ်။
မျိုးရိုးဗီဇကြောင့်ဖြစ်တတ်တဲ့ Huntington ရောဂါဟာ ဟာ အသက် ၃၀ ကျော်၊ ၄၀ အရွယ်တွေမှာ အဖြစ်များပြီး ရောဂါလက္ခဏာတွေကတော့ အပြုအမူတွေကို ထိန်းချုပ်လို့မရတာ၊ ခံစားလွယ်တာ၊ မှတ်ဉာဏ်ချို့ယွင်းတာတွေ ဖြစ်ပါတယ်။ လက်ရှိမှာ ဒီရောဂါအတွက် ဆေးမရှိသေးဘဲ ဒီအခြေအနေတွေကို ထိန်းချုပ်နိုင်ဖို့ စီမံပေးရတာမျိုးသာ လုပ်နိုင်ပါသေးတယ်။
အရင်က ဒီရောဂါကို ကုသဖို့နိုင်ဖို့အတွက် ပြုလုပ်တဲ့ လေ့လာဆန်းစစ်မှုတွေမှာ HTT လို့ခေါ်တဲ့ ရောဂါဖြစ်စေတဲ့ ပရိုတိန်းကို ဖျက်ဆီးဖို့ အဓိကထားခဲ့ပေမယ့် Bitish Columbia တက္ကသိုလ်က ပြုလုပ်တဲ့ အခုလေ့လာမှုမှာတော့ ဒီပရိုတိန်းကို လျှော့ချတာဟာ အခြား ရွေးချယ်စရာ နည်းလမ်းတစ်ခု ဖြစ်တယ်ဆိုတာ တွေ့ခဲ့ရပါတယ်။
ဥပုသ်စောင့်တာဟာ ခန္ဓာကိုယ်ရဲ့ အာရုံကြောပိုင်းဆိုင်ရာကို အကျိုးရှိစေတယ်လို့ အရင်လေ့လာမှုတွေမှာ တွေ့ခဲ့တာကြောင့် ဒီနည်းလမ်းက Huntngton ရောဂါကို ကုသရမှာ အထောက်အကူဖြစ်စေမလားဆိုတာကို လေ့လာခဲ့ပါတယ်။
Huntington ရောဂါဖြစ်နေတဲ့ ကြွက်တွေကို နေ့စဉ် ၆ နာရီအတွင်းမှာ အစာစားစေပြီး နောက်ထပ် ၁၈ နာရီလောက်ကို မစားမသောက်စေဘဲ စမ်းသပ်ရာမှာ အောင်မြင်မှုရခဲ့ပါတယ်။
သုတေသနအဖွဲ့က ဒီလို အစားအသောက် နာရီတော်တော်ကြာမစားဘဲ နေခြင်းဟာ ဆဲလ်တွင်းသန့်ရှင်းမှုလုပ်ငန်းစဉ် autophagy ကို ဖြစ်စေတယ်လို့ ဆိုပါတယ်။ autophagy လုပ်ငန်းစဉ်ဟာ ဆဲလ်အတွင်းက ပျက်ဆီးနေတဲ့၊ ဒါမှမဟုတ် မလိုအပ်တဲ့ အစိတ်အပိုင်းတွေကို ဖယ်ရှားပေးတာ ဖြစ်ပါတယ်။
အစားအသောက်ရှောင်တဲ့ဖြစ်စဉ်အတွင်း သစ်လွင်လာတဲ့ HTT ဆဲလ်တွေဟာ Hungtington ရောဂါလက္ခဏာတွေ မဖြစ်စေဘဲ autophagy နှုန်းကိုလည်း မြင့်တက်စေတယ်လို့ လေ့လာမှုမှာ တွေ့ရပါတယ်။
လေ့လာမှုမှာ ပါဝင်ခဲ့တဲ့ ဒေလ်းမာတင်က Huntington ရောဂါဟာ လက်ရှိမှာ ကုသလို့မရတဲ့ ဆိုးရွားတဲ့ရောဂါဖြစ်ကြောင်း၊ လက်ရှိတွေ့ရှိချက်အတွက် ဆက်လက်လေ့လာဖို့ လိုအပ်နေသေးပေမယ့် အစားအသောက်ကို အချိန်တော်တော်ကြာကြာရှောင်ကျဉ်တာဟာ ဒီရောဂါဖြစ်နေတဲ့ လူနာတွေအတွက် အကျိုးကျေးဇူးတစ်ချို့ ရရှိစေပြီး၊ စမ်းသပ်ကုသမှုတွေကို ပြည့်စုံစေမှာဖြစ်ကြောင်း ပြောကြားခဲ့ပါတယ်။
Ref: Medical News Today
