ဖေဖော်ဝါရီ ၂၈၊ ၂၀၁၈
M-Media
– အာဏာရှင်တစ်ယောက်ဖြစ်ရန် ဆောင်ရွက်နေသည်ဆိုသော ပြောကြားမှုများကို ဖိလစ်ပိုင်သမ္မတ ရော်ဒရီဂို ဒူတာတေးက ယနေ့တွင် ငြင်းဆိုခဲ့ပြီး ရာထူးမှ စောစီးစွာ အနားယူသွားမည်ဟု ပြောကြားလိုက်သည်။
ဒူတာတေးမှာ နိုင်ငံအား အမေရိကန်ကဲ့သို့ ဖက်ဒရယ်နိုင်ငံဖြစ်လာရေး ဖွဲ့စည်းပုံရေးဆွဲရန်အတွက် အငြိမ်းစားတရားသူကြီးချုပ် ဦးဆောင်သည့် ကျွမ်းကျင်သူ ၁၉ ဦးပါဝင်သော အဖွဲ့တစ်ခုကို လွန်ခဲ့သည့် တစ်လက ဖွဲ့စည်း ခဲ့သည်။
ဝေဖန်သူများက ထိုဆောင်ရွက်မှုမှာ ၆ နှစ် သမ္မတသက်တမ်းကုန်ဆုံးမည့် ၂၀၂၂ ခုနှစ်နောက်ပိုင်းတွင် ရာထူးဆက်ယူရေးအတွက် ဖွဲ့စည်းပုံအပြောင်းအလဲ လုပ်ရန် ဆောင်ရွက်ခြင်းဖြစ်သည်ဟု ယုံကြည်နေကြသည်။
သို့သော်လည်း ထိုအချက်ကို ဒူတာတေးက ငြင်းဆိုခဲ့ပြီး ၎င်း၏ ဆန္ဒမှာ ဖက်ဒရယ်နိုင်ငံဖြစ်လာရေးဖြစ်သည်ဟု ဆိုသည်။
“၂၀၂၂ ခုနှစ်အထိ ကျွန်တာ် မစောင့်ပါဘူး။ ၂၀၂၀ မှာ ရာထူးကဆင်းမှာပါ။ ကျွန်တော် အိုနေပြီ။ တစ်ခြား ရည်မှန်းချက်လည်း ကျွန်တော့်မှာ မရှိပါဘူး။ အနားယူချင်နေပါပြီ” ဟု ဒူတာတေးက ယနေ့ပြောကြားသည့်မိန့်ခွန်းတွင် ပြောဆိုခဲ့သည်။
အောက်လွှတ်တော်မှ ဒူတာတေး၏ မဟာမိတ်များမှာ ပြီးခဲ့သည့်လက လာမည့်နှစ်တွင် ပြုလုပ်မည့် ကြားဖြတ်ရွေးကောက်ပွဲအား ဖျက်သိမ်းရေး၊ ရွေးကောက်တင်မြှောက်ခံထားရသည့် တာဝန်ရှိသူများ၏ သက်တမ်းကို တိုးမြှင့်ရေးတို့အတွက် ဖွဲ့စည်းပုံ အခြေခံဥပဒေကို ပြင်ဆင်ရေး တိုင်းပြုပြည်ပြုလွှတ်တော် ခေါ်ယူရန် မဲခွဲဆုံးဖြတ်ခဲ့ကြသည်။
လူထုတော်လှန်ရေးကြောင့် အာဏာရှင် ဖာဒီနန် မားကို့စ် ပြုတ်ကျသွားခဲ့ပြီးနောက် ၁၉၈၇ ခုနှစ်တွင် လက်ရှိအသုံးပြုနေသည့် ဖိလစ်ပိုင် ဖွဲ့စည်းပုံ အခြေခံဥပဒေကို ရေးဆွဲခဲ့သည်။
အရပ်ဖက်နှင့် ဘာသာရေးအဖွဲ့အစည်းများက တိုင်းပြည်တွင် မားကို့စ်ကဲ့သို့ အာဏာရှင်မျိုး ထပ်ပေါ်လာရန် ဖန်တီးနေသည်ဟု ပြောကြားမှုများကြောင့် ယခင်က အခြေခံဥပဒေအား ပြင်ဆင်ရန်အတွက် ကြိုးပမ်းမှုများမှာ မအောင်မြင်ခဲ့ပေ။
ဒူတာတေးမှာ အာဏာရှင် မားကို့စ်အား အားကျသည်ဟု ယခင်က ပြောဆိုမှုများ ရှိခဲ့ပြီး ၎င်းအား လူကြိုက်များနေမှု၊ လွှတ်တော်တွင် ၎င်း၏ မဟာမိတ်များက အလွန်အမင် အသာရနေမှုကြောင့် ဖွဲ့စည်းပုံအား ပြင်ဆင်ကာ အာဏာရှင်အဖြစ် ရပ်တည်လာမည်ဆိုသည့် စိုးရိမ်မှုများလည်း ရှိနေသည်။
Ref: CNA
