ဖေဖော်ဝါရီ ၂၃၊ ၂၀၁၈
M-Media
– ကလေးငယ်တွေအပေါ် လိင်ပိုင်းဆိုင်ရာ စော်ကားမှု၊ ကလေးညစ်ညမ်းကား လက်ဝယ်ထားရှိမှု အပါအ၀င် စုစုပေါင်း စွဲချက် ၁၀၈ ခုအတွက် ခရစ်ယာန် ကက်သလစ် ဘုန်းတော်ကြီးဟောင်းတစ်ဦးကို ဂျာမနီက ထောင်ဒဏ် ၈ နှစ်ခွဲ ချမှတ်လိုက်ပါတယ်။
“ဖာသာသောမတ်စ်” လို့ လူသိများတဲ့ အသက် ၅၃ နှစ်အရွယ် အဲဒီ ဘုန်းကြီးလူထွက်ကို မနေ့က ဂျာမနီနိုင်ငံ အရှေ့တောင်ပိုင်း ဒီဂျန်ဒေ့ါဖ်မြို့ တရားရုံးက အခုလို ပြစ်ဒဏ်ချမှတ်ခဲ့တာဖြစ်ပြီး ထောင်ဒဏ် ကျခံခြင်းမပြုမီ စိတ်ရောဂါကုဆရာဝန်နဲ့ ကုသဖို့လည်း အမိန့်ပေးခဲ့ပါတယ်။
တရားသူကြီးက ဖာသာသောမတ်စ်ကို စိတ်ရောဂါကုသမှုဟာ နှစ်နဲ့ချီ ကြာမြင့်နိုင်ပြီး အောင်မြင်မလားဆိုတာ မသေချာကြောင်း၊ သူဟာ ကလေးငယ်တွေရဲ့ စိတ်ပိုင်းဆိုင်ရာကို ဖျက်ဆီးခဲ့ကြောင်း ပြောကြားခဲ့ပါတယ်။
ဖာသာသောမတ်စ်ဟာ ဘုန်းကြီးအဖြစ် ဆောင်ရွက်စဉ် ၁၉၉၇ ခုနှစ်ကနေ ၂၀၁၆ ခုနှစ်အထိ ဂျာမနီနဲ့ တစ်ခြားနိုင်ငံတွေမှာ ကျူးလွန်မှု ၁၀၈ ခုမှာ အသက် ၁၄ နှစ်အောက် ယောက်ျားလေး ၅ ဦးကို လိင်ပိုင်းဆိုင်ရာ စော်ကားမှုနဲ့ အပြစ်ရှိကြောင်း တွေ့ရှိခဲ့ရတာ ဖြစ်ပါတယ်။ သူကျူးလွန်ခဲ့တာတွေမှာ အသက် ၁၈ နှစ်အရွယ် မိန်းကလေးငယ်တစ်ဦးကို အဓမ္မကျင့်ဖို့ ကြိုးစားမှုတစ်ခုလည်း ပါဝင်ပါတယ်။
အဓိကကျူးလွန်တဲ့ နေရာတွေဟာ ဂျာမနီက မိန့်ဇ်မြို့နဲ့ ဒီဂျန်ဖေါ့ဒ်မြို့တွေ၊ ပိုလန်၊ အီတလီ၊ သြစတြီးယားနဲ့ ဆွစ်ဇာလန်တို့မှာ ဖြစ်ပါတယ်။
စာရွက်စာတမ်း အတုလုပ်မှု၊ လိမ်လည်မှု၊ ကလေးညစ်ညမ်းရုပ်ရှင်များ ပိုင်ဆိုင်မှုတွေနဲ့လည်း ဖာသာသောမတ်စ်ကို ပြစ်ဒဏ်ချမှတ်ခဲ့ပါတယ်။
သူဟာ လိင်ပိုင်းဆိုင်ရာ ရာဇ၀တ်မှုတွေနဲ့ ၂၀၀၃ ခုနှစ်ကနေ ၂၀၀၉ ခုနှစ်အထိ ထောင်ဒဏ် ကျခံခဲ့ရဖူးပါတယ်။
ထောင်က ပြန်လွတ်လာတဲ့အချိန်မှာ သာသနာဆိုင်ရာ စာရွက်စာတမ်းအတုတွေနဲ့ ဘုန်းကြီးအဖြစ် ပြန်လည်ဆောင်ရွက်ခဲ့ပါတယ်။
Ref: RT
