ဇူလိုင် ၁၀၊ ၂၀၂၃
M-Media
– မိမိိတို့ရဲ့ လေပိုင်နက်ထဲကို အမေရိကန် ထောက်လှမ်းရေးလေယာဥ်တွေ ၀င်ရောက်လာလေ့ရှိပြီး ပဋိပက္ခမဖြစ်ရေး၀ါဒကို ကိုင်စွဲထားပေမယ့် ပစ်ချတာမျိုးလည်း ဖြစ်လာနိုင်တယ်လို့ မြောက်ကိုရီးယားက ခြိမ်းခြောက်လိုက်ပါတယ်။
မြောက်ကိုရီးယား ကာကွယ်ရေးဌာန ပြောရေးဆိုခွင့်ရှိသူတစ်ဦးက အမေရိကန်ရဲ့ ရန်လိုတဲ့ လုပ်ရပ်တွေနဲ့ပတ်သက်ပြီး မှတ်ချက်ပေးခဲ့တာကို နိုင်ငံပိုင် KCNA သတင်းဌာနက ဖော်ပြခဲ့တာပါ။
ကိုရီးယားကျွန်းဆွယ်မှာ နျူပဋိပက္ခဖြစ်အောင် အမေရိကန်က ဆောင်ရွက်နေပြီး၊ ထောက်လှမ်းရေးလေယာဥ်တွေ၊ ဒရုန်းတွေကိုလည်း မြောကိုရီးယား လေပိုင်နက်မှာ အသုံးပြုနေတယ်လို့ ဆိုပါတယ်။ ကျွန်းဆွယ်အနီး အမေရိကန်ရေငုပ်သင်္ဘော ချထားတာကိုလည်း ပြောရေးဆိုခွင့်ရှိသူက ထောက်ပြပါတယ်။
“အမေရိကန်လေတပ်ရဲ့ ဗျူဟာမြောက် ထောက်လှမ်းရေးလေယာဥ်ကို ပစ်ချလိုက်တယ်ဆိုတဲ့ ထူးထူးခြားခြား အဖြစ်အပျက်မျိုး ဖြစ်မလာဘူးလို့ ကျွန်တော်တို့ အာမမခံပါဘူး”
တောင်-မြောက် ကိုရီးယားနယ်စပ်နဲ့ ကျွန်းဆွယ်ပေါ်မှာ ကန်ထောက်လှမ်းရေးလေယာဥ်ကို ပစ်ခတ်တာ၊ တားဆီးဟန့်တားတာမျိုး အရင်က ရှိခဲ့ဖူးတယ်လို့လည်း KCNA ရဲ့ ဖော်ပြချက်မှာ ပါ၀င်ပါတယ်။
ကိုရီးယားကျွန်းဆွယ်မှာ အမေရိကန်ဟာ ဗျူဟာမြောက် နျူလက်နက်တွေ ထားရှိဖို့ စီစဥ်နေပြီး ဒါဟာ နျူအကြပ်ကိုင်တာမျိုး ဖြစ်တယ်လို့လည်း မြောက်ကိုရီးယားက ပြောဆိုထားပါတယ်။
Ref: CNA
