ဖေဖော်ဝါရီ ၂၊ ၂၀၁၈
M-Media
ဂူဒါပြင်ကျေးရွာအား ဂြိုဟ်တုမှ မြင်ရပုံ
– ရခိုင်ပြည်နယ်မှာ အစုလိုက်အပြုံလိုက် သတ်ဖြတ်မြှုပ်နှံထားတဲ့နေရာတွေ ထပ်တွေ့တယ်ဆိုတဲ့ သတင်းတွေကြောင့် မိမိတို့အနေနဲ့ ‘အလွန့်အလွန် စိုးရိမ်ရတယ်’ လို့ အမေရိကန်အစိုးရက ပြောကြားလိုက်ပါတယ်။
ပြည်နယ်မြောက်ပိုင်း ဂူဒါပြင်ကျေးရွာမှာ အရင်က သတင်းမထွက်ခဲ့တဲ့ အစုလိုက်အပြုံလိုက် သတ်ဖြတ်မြှုပ်နှံထားရာနေရာ အနည်းဆုံး ၅ ခုလောက် တွေ့တယ်လို့ အေပီသတင်းဌာနက အခုတစ်ပတ်မှာ ဖော်ပြခဲ့တာပါ။
“သတ်ဖြတ်မြှုပ်နှံထားတဲ့နေရာတွေ တွေ့တယ်ဆိုတဲ့ သတင်းတွေကြောင့် ကျွန်မတို့အနေနဲ့ အလွန့်အလွန်ကို စိုးရိမ်သောက ဖြစ်ရပါတယ်။ ဒီကိစ္စကို ကျွန်မတို့ အထူးဂရုစိုက် စောင့်ကြည့်နေပါတယ်။ လူ့အခွင့်အရေး ချိုဖောက်မှုတွေ၊ ကျူးလွန်မှုတွေအတွက် တာဝန်ရှိသူတွေကို အရေးယူနိုင်ရေး အာရုံစိုက် ကူညီပေးသွားမှာပါ” လို့ အမေရိကန်အစိုးရ ပြောရေးဆိုခွင့်ရှိသူ ဟီသာ နူအာ့တ်က မနေ့က ပုံမှန်ပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။
ရခိုင်ပြည်နယ်မြောက်ပိုင်းမှာ ရက်စက်ကြမ်းကြုတ်မှုတွေ ရှိတယ်ဆိုတဲ့သတင်းနဲ့ ပတ်သက်လို့ လွတ်လပ်ပြီး ယုံကြည်စိတ်ချရတဲ့ စုံစမ်းစစ်ဆေးမှုတစ်ခု လုပ်ဆောင်ရေး မြန်မာအာဏာပိုင်တွေက ပူးပေါင်း ဆောင်ရွက်ဖို့လည်း နူအာ့တ်က တိုက်တွန်းခဲ့ပါတယ်။
ကုလ ပြောရေးဆိုခွင့်ရှိသူ စတီဖိန်း ဒူဂျာရစ်က ဒီသတင်းတွေဟာ ‘အလွန်အမင်း စိုးရိမ်စရာကောင်းတယ်” လို့ ပြောကြားခဲ့ပြီး သတ်ဖြတ်မှုတွေဖြစ်ခဲ့တဲ့ နေရာတွေကို ၀င်ရောက်ခွင့်ပေးဖို့ မြန်မာအစိုရကို တိုက်တွန်းခဲ့ပါတယ်။
နောက်ပြီး ဒီလို အစုလိုက်အပြုံလိုက် သတ်ဖြတ်မြှုပ်နှံထားတဲ့နေရာတွေ ရှိတယ်ဆိုတဲ့ သတင်းတွေအတွက် အလွန်အမင်း စိုးရိမ်မိကြောင်း၊ ဒါဟာ ကုလက ရခိုင်ပြည်နယ်ကို ၀င်ရောက်ဖို့ လိုအပ်တယ်ဆိုတာကို မီးမောင်းထိုးပြနေကြောင်း ထည့်သွင်းပြောဆိုခဲ့ပါတယ်။
ပြီးခဲ့တဲ့နှစ် သြဂုတ်လက ရိုဟင်ဂျာလက်နက်ကိုင်တွေ ရဲကင်းစခန်းတွေကို တိုက်ခိုက်ခဲ့ပြီးတဲ့နောက်ပိုင်း စစ်တပ်ကပြုလုပ်တဲ့ နယ်မြေရှင်းလင်းရေးလုပ်ငန်းမှာ အပြစ်မဲ့ ရိုဟင်ဂျာတွေ အသတ်ခံရတာ၊ အမျိုးသမီးတွေ အဓမ္မကျင့်ခံရတာတွေ ရှိတယ်လို့ စွပ်စွဲချက်တွေ ထွက်ပေါ်ခဲ့တာပါ။
မြန်မာအစိုးရကတော့ ဂူဒါပြင်လို အစုလိုက်အပြုံလိုက် သတ်ဖြတ်မြှုပ်နှံထားတဲ့နေရာတွေ မရှိဘူးလို့ အရင်က ငြင်းထားပါတယ်။
ဒါပေမယ့် အင်းဒင်ရွာမှာ ရိုဟင်ဂျာ ၁၀ ဦးကို အစုလိုက်အပြုံလိုက် သတ်ဖြတ်မြှုပ်နှံထားတဲ့ နေရာတစ်ခုတွေ့ရှိကြောင်း သတင်းထွက်ပေါ်ခဲ့ပြီးတဲ့နောက် စစ်တပ်က ဒီသတ်ဖြတ်မှုမှာ စစ်သားတွေ ပါဝင်တယ်လို့ ၀န်ခံခဲ့ပါတယ်။ သေဆုံးသွားသူတွေဟာ အကြမ်းဖက်သမားတွေဖြစ်တယ်လို့လည်း ဆိုပါတယ်။
ဂူဒါပြင်က အစုလိုက်အပြုံလိုက် သတ်ဖြတ်မြှုပ်နှံထားတဲ့ အနည်းဆုံး နေရာ ၅ ခုမှာ လူ ၄၀၀ လောက်ရှိမယ်လို့ AP သတင်းဌာနက အသက်ရှင်သူတွေရဲ့ ပြောစကားတွေ၊ ဗီဒီယိုမှတ်တမ်းတွေကို ကိုးကားပြီးဖော်ပြခဲ့တာ ဖြစ်ပါတယ်။
Ref: The Guardian
