ဇန်န၀ါရီ ၁၅၊ ၂၀၁၈
M-Media
– ဂျေရုစလင်အား အစ္စရေးမြို့တော်အဖြစ် အမေရိကန်က အသိအမှတ်ပြုမှုကို ပါလက်စတိုင်းသမ္မတ မဟ်မူးဒ်အဘတ်စ်က ပြင်းပြင်းထန်ထန် ထပ်မံဝေဖန်ခဲ့ပြီး မိမိတို့အနေဖြင့် ထိုဆုံးဖြတ်ချက်ကို မည်သည့်အခါမှ လက်ခံမည်မဟုတ်ဟုလည်း ပြောကြားခဲ့သည်။
ပါလက်စတိုင်းလွတ်မြောက်ရေးအဖွဲ့ PLO က ရာမာလာတွင် ယမန်နေ့က စတင်ပြုလုပ်ပြီး ၂ ရက်တာကြာမြင့်မည့် ဗဟိုကောင်စီ အစည်းအဝေးတွင် အဘတ်စ်က ထိုကဲ့သို့ ပြောကြားခဲ့ခြင်းဖြစ်သည်။
“နိုင်ငံရေးအရဆိုရင် ဂျေရုစလင်ဟာ ကျွန်တော်တို့ရဲ့မြို့တော်၊ ဘာသာရေးအချက်အခြာ ဖြစ်ပါတယ်။ မြေမျက်နှာသွင်ပြင်အရလည်း ကျွန်တော်တို့မြို့တော် ဖြစ်ပါတယ်။ ဒါပမယ့် မစ္စတာထရမ့်ရဲ့ Twitter ရေးသားမှုကြောင့် မြေပုံကနေ ဖယ်ရှားခံခဲ့ရပါတယ်။ ထရမ့်လုပ်ရပ်ကို မကြိုက်ဘူး၊ ဒီအစီအစဉ်ကို လက်မခံဘူးဆိုတာ အခု ကျွန်တော်တို့ ပြောပါမယ်။ သူက ‘ရာစုနှစ်ရဲ့သဘောတူချက်’ လို့ပြောတဲ့ အဲဒါဟာ ကျွန်တော်တုိ့အတွက်တော့ ‘ရာစုနှစ်ရဲ့ စော်ကားမှုပါပဲ’ ”
ထို့ပြင် ယခုလုပ်ရပ်ကြောင့် ၁၉၉၀ ပြည့်နှစ်က အော်စလိုငြိမ်းချမ်းရေးသဘောတူညီချက်ကို အစ္စရေးက ဖောက်ဖျက်ခဲ့ခြင်းဖြစ်သည်ဟု ဆိုပြီး ကုလဆိုင်ရာ အမေရိကန်သံအမတ် နစ်ကီဟာလေးနှင့် အစ္စရေးသံအမတ် ဒေးဗစ် ဖရီဒ်မန်တို့ကိုလည်း ‘အမင်္ဂလာ’ အဖြစ် ပါလက်စတိုင်းသမ္မတက ကင်ပွန်းတပ်ခဲ့သည်။
ဂျေရုစလင်ကို အစ္စရေးမြို့တော်အဖြစ် ဒီဇင်ဘာ ၆ ရက်နေ့တွင် ဒေါ်နယ်ထရမ့်၏ ကြေငြာမှုကို ကမ္ဘာတစ်ဝှမ်းက ရှုတ်ချခဲ့ပြီး၊ ထို အသိအမှတ်ပြုမှုကို လက်မခံသည့် ဆုံးဖြတ်ချက်တစ်ခုကိုလည်း ကုလတွင် အတည်ပြုခဲ့သည်။
ရာမာလာတွင် ပြုလုပ်နေသည့် PLO ၏ ဗဟိုကောင်စီအစည်းအဝေးတွင် အမေရိကန်၏ ရပ်တည်ချက်အား တုန့်ပြန်ရန် မဟာဗျူဟာတစ်ရပ်ကို ချမှတ်ဖွယ် ရှိနေသည်။
Ref: Aljazeera
