News @ M-Media

Blog

  • ကမ္ဘာကြီး၏ မတည်ငြိမ်မှုများအတွက် ကုလအတွင်းရေးမှူးချုပ် သတိပေး

    ကမ္ဘာကြီး၏ မတည်ငြိမ်မှုများအတွက် ကုလအတွင်းရေးမှူးချုပ် သတိပေး

    ဇန်န၀ါရီ ၁၊ ၂၀၁၈
    M-Media
    – ခြားနားမှုများကို အတူတကွ ပူးပေါင်းဖြေရှင်းခြင်း မရှိပါက ကမ္ဘာကြီးမှာ မညီမျှမှု၊ အမျိုးသားရေးဝါဒ၊ နိုင်ငံခြားသားကြောက်ရောဂါများကြောင့် ၀ရုန်းသုန်းကား ဖြစ်ဖွယ်ရှိနေပြီး နျူစစ်ပွဲပင် ဖြစ်လာနိုင်သည်ဟု ကုလအတွင်းရေးမှူးချုပ် အန်တိုနီယို ဂူတာရက်စ်က သတိပေးလိုက်သည်။
    “လွန်ခဲ့တဲ့တစ်န်ှစ် ကျွန်တော် တာဝန်စထမ်းဆောင်စဉ်တုန်းက ၂၀၁၇ ခုနှစ်ဟာ ငြိမ်းချမ်းရေးနှစ်ဖြစ်ဖို့ မေတ္တာရပ်ခံခဲ့ပါတယ်။ ကံမကောင်းစွာနဲ့ လက်တွေ့အခြေအနေတွေအရ ကမ္ဘာကြီးဟာ ပြောင်းပြန်ဖြစ်နေပါတယ်။ ပဋိပက္ခတွေက နက်ရှိုင်းလာပြီး၊ အန္တရာယ်သစ်တွေလည်း ထွက်ပေါ်လာပါတယ်။ နျူလက်နက်နဲ့ပတ်သက်တဲ့ ကမ္ဘာကြီးရဲ့ စိုးရိမ်သောကရောက်မှုတွေဟာ စစ်အေးခေတ်နောက်ပိုင်းမှာ အမြင့်ဆုံးကို ရောက်လာပါတယ်”
    ထို့ပြင် သဘာဝပတ်ဝန်းကျင် ပြောင်းလဲမှုမှာ မိမိတို့ထက် ပိုမိုမြန်ဆန်နေကြောင်း၊ မညီမျှမှုများ မြင့်တက်လာပြီး  ဆိုးဆိုရွားရွား လူ့အခွင့်အရေးချိုးဖောက်မှုများကိုလည် မြင်လာရကြောင်း ဂူတာရက်စ်က ထည့်သွင်း ပြောကြားခဲ့သည်။
    နိုင်ငံတကာ အသိုင်းအ၀ိုင်းအနေဖြင့် အဆိုပါပဋိပက္ခများ ဖြေရှင်းခြင်း၊ မုန်းတီးမှုများကို ကျော်လွှာခြင်း၊ ဘုံတန်ဖိုးများကို ကာကွယ်ခြင်း စသည်တို့ကို လုပ်နိုင်မည်ဖြစ်သော်လည်း အတူတကွ ဆောင်ရွက်ရမည်ဟု အထွေထွေ အတွင်းရေးမှူးက ဆိုသည်။
    ထို့ပြင် ကွာဟချက်များကို ကျဉ်းမြောင်းစေရန်၊ မတူကွဲပြားမှုများအတွက် တံတားထိုးရန်၊ ဘုံရည်ရွယ်ချက်များအတွက် ပြည်သူများကို စုစည်းကာ ယုံကြည်ချက် ပြန်လည်တည်ဆောက်ရန် ကမ္ဘာ့ခေါင်းဆောင်များကို တိုက်တွန်းခဲ့သည်။
    Ref : Alarabiya
  • အိန္ဒိယ-ပါကစ္စတန် နျူဆိုင်ရာစာရင်းများ အပြန်အလှန် လဲလှယ်

    အိန္ဒိယ-ပါကစ္စတန် နျူဆိုင်ရာစာရင်းများ အပြန်အလှန် လဲလှယ်

    ဇန်န၀ါရီ ၁၊ ၂၀၁၈
    M-Media

    – နိုင်ငံအတွင်းရှိ နျူကလီးယားဆိုင်ရာ အဆောက်အဦးများ၊ တပ်ဆင်ထားမှု စာရင်းများကို အန္ဒိယနှင့် ပါကစ္စတန်တို့က ယနေ့တွင် အပြန်အလှန် လဲလှယ်ခဲ့ကြသည်ဟု သိရသည်။

    လွန်ခဲ့သည့် နှစ် ၃၀ က ချုပ်ဆိုခဲ့သည့် ‘နျူဆိုင်ရာနေရာများအား တိုက်ခိုက်မှု တားဆီးရေး’ သဘောတူညီချက်အရ လဲလှယ်ခဲ့ခြင်းဖြစ်သည်ဟု အိန္ဒိယ ပြည်ထဲရေးဝန်ကြီးဌာနက ယနေ့တွင် ထုတ်ပြန်ခဲ့သည်။
    ၁၉၈၈ ခုနှစ် ဒီဇင်ဘာ ၃၁ ရက်နေ့တွင် ချုပ်ဆိုခဲ့ပြီး ၁၉၉၁ ခုနှစ် ဇန်န၀ါရီ ၂၇ ရက်နေ့တွင် စတင် အသက်ဝင်ခဲ့သည့် အဆိုပါ သဘောတူညီချက်တွင် နှစ်စဉ် ဇန်န၀ါရီရောက်တိုင်း နိုင်ငံအတွင်းရှိ နျူဆိုင်ရာ အဆောက်အဦးများ စာရင်းကို အပြန်အလှန် လဲလှယ်ရမည်ဟု ဖော်ပြထားသည်။
    ၁၉၉၁ ခုနှစ်နှင့် ဇန်န၀ါရီ ၁ ရက်နေ့တွင် ပထမဆုံးအကြိမ်အဖြစ် စာရင်းများ လဲလှယ်ခဲ့ပြီး ယခုအကြိမ်မှာ ၂၇ ကြိမ်ဆက်တိုက် လဲလှယ်မှုဖြစ်သည်။
    Ref : Alarabiya
  • ပါလက်စတိုင်းပိုက်နက်အား လုံးဝသိမ်းဆည်းရေး အစ္စရေး၏ကြိုးပမ်းမှု ပါလက်စတိုင်းပါတီများ ရှုတ်ချ

    ပါလက်စတိုင်းပိုက်နက်အား လုံးဝသိမ်းဆည်းရေး အစ္စရေး၏ကြိုးပမ်းမှု ပါလက်စတိုင်းပါတီများ ရှုတ်ချ

    ဇန်န၀ါရီ ၁၊ ၂၀၁၈
    M-Media
    – ပါလက်စတိုင်းပိုင်နက်ဖြစ်သော အနောက်ဖက်ကမ်းအား အစ္စရေး၏ အချုပ်အခြာအာဏာ သွတ်သွင်းရေး တိုက်တွန်းသော အစ္စရေး အာဏာရပါတီ Lukid ၏ ဆုံးဖြတ်ချက်ကို ပါလက်စတိုင်း နိုင်ငံရေးအဖွဲ့များက ရှုတ်ချလိုက်သည်။
    ၀န်ကြီးချုပ် နေတန်ယာဟု၏ Lukid ပါတီမှ အဖွဲ့ဝင် ၁၅၀၀ မှာ အဆိုပါ ဆုံးဖြတ်ချက်အား ယနေ့တွင် တစ်ညီတစ်ညွတ်တည်း သဘောတူခဲ့သည်။ ထို့ပြင် အနောက်ဖက်ကမ်းတွင် ကျူကျော်အိမ်ယာများ အကန့်အသတ်မရှိ တည်ဆောက်ရေးအတွက်လည်း တိုက်တွန်းခဲ့သည်။
    ပါလက်စတိုင်း နိုင်ငံရေးအဖွဲ့များဖြစ်သော ဖာတာနှင့် ဟားမက်စ်တို့မှာ Lukid ပါတီ၏ ထိုဆုံးဖြတ်ချက်ကို ရှုတ်ချခဲ့ပြီး ငြိမ်းချမ်းရေးလုပ်ငန်းစဉ် အဆုံးသတ်ကာ ပါလက်စတိုင်းတို့၏ တော်လှန်မှုကို ပိုမိုမြင့်တက်လာစေလိမ့်မည်ဟုလည်း ပြောကြားခဲ့သည်။
    “ဒီဆုံးဖြတ်ချက်ဟာ အရင်က ချုပ်ဆိုခဲ့တဲ့ သဘောတူစာချုပ် အားလုံးကို အလကားဖြစ်စေခဲ့ပြီး အနောက်ဖက်ကမ်းနဲ့ အရှေ့ဂျေရုစလင်ဟာ ကျူးကျော်သိမ်းပိုက်ခံထားရတဲ့ ပါလက်စတိုင်းပိုင်နက်တွေ ဖြစ်တယ်ဆိုတဲ့ ဆုံးဖြတ်ချက် ၂၃၃၄ အပါအ၀င် ကုလရဲ့ ဆုံးဖြတ်ချက်တွေကို ခွင့်မလွှတ်နိုင်စရာ ချိုးဖောက်မှုလည်း ဖြစ်ပါတယ်” ဟု ပါလက်စတိုင်းသမ္မ တ မဟ်မူးဒ်အဘတ်စ်၏ ဖာတာအဖွဲ့မှ ထုတ်ပြန်သော ကြေငြာချက်တွင် ဖော်ပြခဲ့သည်။
    ဟားမက်စ်အဖွဲ့ကလည်း Lukid ပါတီ၏ ထိုလုပ်ရပ်ကို ရှုတ်ချခဲ့ပြီး အမေရိကန်၏ ဂျေရုစလင် ရပ်တည်ချက်ကို အခွင့်ကောင်းယူကာ ပါလက်စတိုင်းပြည်သူများအပေါ် ကျူးကျော်မှု ပေါ်လစီဟု ပြောကြားခဲ့သည်။
    အနောက်ဖက်ကမ်းနှင့် ဂါဇာကမ်းမြှောင်တို့မှာ အနာဂတ် ပါလက်စတိုင်းနိုင်ငံ၏ နယ်နမိတ်များအဖြစ် နိုင်ငံတကာ အသိုင်းအ၀ိုင်းက သတ်မှတ်ထားပြီး အစ္စရေး၏ ကျူးကျော်သိမ်းပိုက်မှုများ၊ တရားမ၀င် အခြေချအိမ်ယာများ ဆောက်လုပ်မှုများကို ရှုတ်ချထားသည်။
    Ref : Aljazeera
  • မိမိ၏စားပွဲပေါ်တွင် နျူခလုပ် အမြဲတမ်းရှိသည်ဟု ကင်ဂျုံအန်က ကန်ကို  သတိပေး

    မိမိ၏စားပွဲပေါ်တွင် နျူခလုပ် အမြဲတမ်းရှိသည်ဟု ကင်ဂျုံအန်က ကန်ကို  သတိပေး

    ဇန်န၀ါရီ ၁၊ ၂၀၁၈
    M-Media
    – နျူကလီးယားခလုပ်မှာ မိမိ၏ စားပွဲပေါ်တွင် အမြဲတမ်းရှိနေသည်ဟု မြောက်ကိုရီးယားခေါင်းဆောင် ကင်ဂျုံအန်က ပြောကြားလိုက်ပြီး မည်သည့်အခါမှ စစ်ပွဲစတင်ရေး စိတ်မကူးရန်လည်း အမေရိကန်ကို သတိပေးခဲ့သည်။
    ရုပ်သံမှပြောကြားသော နှစ်သစ်ကူးမိန့်ခွန်းတွင် ကင်ဂျုံအန်က မြောက်ကိုရီးယား၏ နျူလက်နက်များမှာ အမေရိကန်နိုင်ငံတစ်ခုလုံးသို့ ပစ်ခတ်နိုင်ကာ ခြိမ်းခြောက်နေခြင်းမဟုတ်ဘဲ အမှန်တကယ်လုပ်နိုင်စွမ်းရှိသည်ဟုလည်း ထည့်သွင်းပြောကြားခဲ့သည်။
    သို့သော် မိမိအနေဖြင့် တောင်ကိုရီးယားနှင့် ညှိနှိုင်းဆွေးနွေးမှုများ ပြုလုပ်ရန် လမ်းဖွင့်ထားပြီး ဆိုးလ်မြို့တွင် ပြုလုပ်မည့် ဆောင်းရာသီ အိုလံပစ်ပြိုင်ပွဲတွင် မြောက်ကိုရီးယားက အဖွဲ့တစ်ခု စေလွှတ်သွားနိုင်သည်ဟုလည်း ဆိုသည်။
    မြောက်ကိုရီးယား၏ ထိုခြိမ်းခြောက်မှုနှင့်ပတ်သက်၍ ဖလော်ရီဒါရှိ Mar-a-Lago အပန်းဖြေစခန်းသို့ ရောက်ရှိနေသည့် အမေရိကန်သမ္မတ ဒေါ်နယ်ထရမ့်အား သတင်းထောက်များကမေးမြန်းရာ ထရမ့်က ‘ကြည့်တာပေါ့။ ကြည့်တာပေါ့’ ဟု ပြန်လည်ဖြေကြားခဲ့သည်။

    ပြီးခဲ့သည့်နှစ်အတွင်း ပြုလုပ်ခဲ့သည့် ဒုံးကျည်စမ်းသပ်မှု၊ နျူစမ်းသပ်မှုများကြောင့် မြောက်ကိုရီးယားမှာ ကမ္ဘာ့နိုင်ငံများ၏ ဝေဖန်မှုများကို ပြင်းပြင်းထန်ထန် ခံစားခဲ့ရပြီး ကုလနှင့် အမေရိကန်တို့က ပိတ်ဆို့မှုများကို တိုးမြှင့်လုပ်ဆောင်ခဲ့သည်။

    Ref : BBC
  • အစ္စလာမ်မုန်းတီးရေးရောဂါ နိုင်ငံအတွင်း အ၀င်မခံဟု စင်ကာပူပြည်ထဲရေးဝန်ကြီး ပြော

    အစ္စလာမ်မုန်းတီးရေးရောဂါ နိုင်ငံအတွင်း အ၀င်မခံဟု စင်ကာပူပြည်ထဲရေးဝန်ကြီး ပြော

    ဒီဇင်ဘာ ၃၁၊ ၂၀၁၇
    M-Media

    – ကမ္ဘာတစ်ဝှမ်းမှာ အစ္စလာမ်မုန်းတီးရေးရာဂါဟာ ပိုမိုမြင့်တက်လာပြီး ဒါဟာ လက်ခံနိုင်စရာမဟုတ်ဘဲ အကြမ်းဖက်အန္တရာယ် ပိုရှိလာစေတယ်လို့ စင်ကာပူပြည်ထဲရေးဝန်ကြီး ကေ ရှန်မူဂမ်က ပြောကြားလိုက်ပါတယ်။

    “အစ္စလာမ်မုန်းတီးရေးရောဂါဆိုတာ မကောင်းတဲ့ကိစ္စတစ်ခုပါ။ လက်မခံနိုင်စရာ ဖြစ်ပြီး၊ ဒါဟာ အစ္စလာမ်နာမည်ခံ လူသတ်နေတဲ့ အကြမ်းဖက်သမားတွေဆီကသာမက မွတ်စလင်တွေကို တိုက်ခိုက်ချင်တဲ့သူတွေထံကပါ အကြမ်းဖက်မှုတွေ မြင့်တက်လာစေမှာ ဖြစ်ပါတယ်” လို့ Canberra Drive မှာ ပြုလုပ်တဲ့ အခမ်းအနားတစ်ခုမှာ ၀န်ကြီးက သတင်းထောက်တွေကို ပြောကြားခဲ့ပါတယ်။

    အစ္စလာမ်မုန်းတီးရေးရောဂါဟာ အစ္စလာမ်ရဲ့ စစ်မှန်တဲ့ သင်ကြားမှုတွေကို နားမလည်မှုရဲ့ ရလဒ်ဖြစ်ကြောင်း၊ အစ္စလာမ့်မစ် အစွန်းရောက်သမားတွေရဲ့ တိုက်ခိုက်မှုတွေဟာ ကမ္ဘာတစ်ဝှမ်းမှာ အစ္စလာမ်အပေါ် နားလည်မှုလွဲတာတွေ အလွန်အမင်း မြင့်တက်လာစေကြောင်းလည်း ရှန်မူဂန်က ထည့်သွင်းပြောဆိုခဲ့ပါတယ်။

    “အစွန်းရောက်တဲ့မွတ်စလင်တွေ ရှိတယ်ဆိုတာ မှန်ပါတယ်။ သူတို့တွေဟာ သည်းခံနိုင်စွမ်းမရှိဘူး၊ ကျွေးကြော်သံတွေအော်တယ်၊ အကြမ်းဖက်ဖို့တိုက်တွန်းတယ်၊ ရူးကြောင်ကြောင်တွေလုပ်တယ်၊ မွတ်စလင်မဟုတ်သူတွေ၊ အမျိုးသမီးတွေ၊ တစ်ခြားသူတွေအပေါ်မှာ ရူးနှမ်းတဲ့ ပြောကြားမှုတွေ လုပ်ပါတယ်။ ဒါပမယ့် တကယ်တော့ သူတို့တွေဟာ လူနည်းနည်းလေးသာဖြစ်ပြီး မဖြစ်စလောက်လေးပါ။ ရိုးရိုးသားသားပြောရရင် ဘာသာတိုင်းမှာ ဒီလိုလူတွေ ရှိပါတယ်။ အကြမ်းဖက်သမားတွေရဲ့ သားကောင်ဖြစ်နေရသူ အများစုဟာ မွတ်စလင်တွေ ဖြစ်တယ်ဆိုတဲ့အချက်ကို ကျွန်တော်တို့ သိထားသင့်ပါတယ်”

    စင်ကာပူအနေနဲ့ အစ္စလာမ်မုန်းတီးရေးရောဂါ တိုင်းပြည်အတွင်းမှာ မရှိစေဖို့၊ ဘာသာပေါင်းစုံညီညွတ်ရေးကို မြှင့်တင်ဖို့ အကောင်းဆုံး ကြိုးစားမှာဖြစ်ကြောင်း ရှန်မူဂန်က ထပ်လောင်းပြောကြားခဲ့ပါတယ်။

    “လက်ရှိ ဒီမှာ ကျွန်တော်တို့ဟာ အခြေအနေတွေကို အခြားနေရာနဲ့မတူတဲ့ပုံစံနဲ့ စောင့်ကြည့်လို့ရနေတယ်လို့ ထင်ပြီး၊ ကောင်းကောင်းလုပ်နိုင်တယ်လို့ ပြောလို့ရပါတယ်။ ဒါပေမယ့် ကျေနပ်လောက်စရာတော့ မဟုတ်ပါဘူး”

    ဂျေရုစလင်ကို အစ္စရေးမြို့တော်အဖြစ် အမေရိကန်က အသိအမှတ်ပြုမှုနဲ့ပတ်သက်လို့ မေးမြန်းရာမှာ ရှန်မူဂန်က ဒီအတွက် မှတ်ချက်မပေးချင်ကြောင်း၊ ကုလမှာ အမေရိကန်ရဲ့လုပ်ရပ်ကို ဆန့်ကျင်တဲ့ ဆုံးဖြတ်ချက်ကို ထောက်ခံမဲပေးခဲ့ပြီး စင်ကာပူဟာ သူ့ရဲ့ရပ်တည်ချက်ကို ရှင်းရှင်းလင်းလင်း ပြသခဲ့ပြီးဖြစ်ကြောင်း ဖြေကြားခဲ့ပါတယ်။

    Ref: CNA