ဒီဇင်ဘာ ၁၄၊ ၂၀၁၇
M-Media
– အရှေ့ဂျေရုစလင်အား ပါလက်စတိုင်းနိုင်ငံ၏ မြို့တော်အဖြစ် အသိအမှတ်ပြုကြောင်း အစ္စလာမ့်မစ်နိုင်ငံများ ပူးပေါင်းဆောင်ရွက်ရေးအဖွဲ့ OIC က ကြေငြာလိုက်ပြီး နိုင်ငံတကာအသိုင်းအ၀ိုင်းအနေဖြင့် ၎င်းတို့ကဲ့သို့ အသိအမှတ်ပြုရန်လည်း တိုက်တွန်းလိုက်သည်။
ပြီးခဲ့သည့်တစ်ပတ် အမေရိကန်သမ္မတ ဒေါ်နယ်ထရမ့်က ကုလ၏ ဆုံးဖြတ်ချက်နှင့် ဆန့်ကျင်ကာ ဂျေရုစလင်အား အစ္စရေးမြို့တော်အဖြစ် ကြေငြာပြီးနောက် ဗုဒ္ဓဟူးနေ့တွင် OIC အဖွဲ့ဝင်နိုင်ငံများက တူရကီ၌ အရေးပေါ်အစည်းအဝေး ကျင်းပခဲ့သည်။
အစည်းအဝေးပြီး ထုတ်ပြန်သော ကြေငြာချက်တွင် မိမိတို့ အဖွဲ့ဝင်နိုင်ငံများအနေဖြင့် ၂ နိုင်ငံတည်ရှိရေးကို အခြေခံသည့် ပြည့်ဝသော ငြိမ်းချမ်းရေးဆွးနွေးမှုကို ဆက်လက်ထောက်ခံသွားမည်ဖြစ်ကြောင်း ဖော်ပြခဲ့ကာ ပါလက်စတိုင်းအား လွတ်လပ်သော နိုင်ငံအဖြစ်၊ အစ္စရေးက ကျူးကျော်သိမ်းပိုက်ထားသည့် အရှေ့ဂျေရုစ
လင်ကို ပါလက်စတိုင်း၏ မြို့တော်အဖြစ် အသိအမှတ်ပြုရန်လည်း နိုင်ငံတကာအသိုင်းအ၀ိုင်းကို တိုက်တွန်းခဲ့သည်။
ပါလက်စတိုင်းပိုက်နက်များအား အစ္စရေးက ကျူးကျော်သိမ်းပိုက်နေမှုများကို ရပ်တန့်ရေး ဆောင်ရွက်ရန် ကုလကို OIC က တိုက်တွန်းခဲ့ပြီး ‘တရားမ၀င်ဆုံးဖြတ်ချက်ကို ပြန်လည်မရုပ်သိမ်းပါက ဖြစ်လာမည့် နောက်ဆက်တွဲရလဒ်များအားလုံး’ မှာ ထရမ့်အစိုးရ၏ တာဝန်သာဖြစ်ကြောင်း ကြေငြာခဲ့သည်။
OIC ၏ အထွေထွေအတွင်းရေးမှူး ယူဆက်ဖ် အလ်-အိုသိုင်မင်က အဖွဲ့အနေဖြင့် သမ္မတထရမ့်၏ ကြေငြာမှုကို လက်မခံဘဲ ရှုတ်ချကြောင်း ယမန်နေ့ အစည်းအဝေးအဖွင့်မိန့်ခွန်းတွင် ပြောကြားခဲ့ပြီး မွတ်စလင်ခေါင်းဆောင်များအနေဖြင့် စည်းသည်းလုံးလုံး တုန့်ပြန်သွားရန်လည်း တိုက်တွန်းခဲ့သည်။
Ref: Aljazeera
