ဒီဇင်ဘာ ၁၃၊ ၂၀၁၇
M-Media
– နိုင်ငံ၏ မြို့တော်အား ဂျကာတာမှ အခြားနေရာသို့ ပြောင်းရွှေ့ရန် အစိုးရ၏ လေ့လာမှုများမှာ ပြီးဆုံးတော့မည်ဟု အင်ဒိုနီးရှား အမျိုးသား ဖွံ့ဖြိုးတိုးတက်ရေးနှင့် စီမံကိန်း ၀န်ကြီး ဘမ်ဘန် ဘရိုဂျို နီဂိုရိုက ယမန်နေ့တွင် ပြောကြားခဲ့သည်။
အင်ဒိုနီးရှားမှာ မြို့တော်ကို ဂျကာတာမြို့ တည်ရှိသည့် ဂျာဗားကျွန်းအပြင်ဘက်တွင် ထားရှိရန် စီစဉ်နေသည်ဟု ယခင်က ကြေငြာဖူးပြီး ဘမ်ဘန်က နေရာအချက်အခြာကျမှု၊ ဘဏ္ဍာရေးလုပ်ငန်းစဉ်များ လွယ်ကူမှုနှင့် အခြား အကြောင်းအရင်းများဖြင့် မြို့တော်သစ်ကို ဆုံးဖြတ်သွားမည်ဟု ဆိုသည်။
လက်ရှိတွင် အဆိုပါ အစီအစဉ်ကို ဒီဇင်ဘာအကုန်၌ သမ္မတ ၀ီဒိုဒိုထံ တင်သွင်းရန် စီစဉ်ထားသည်။
ဘောနီယိုကျွန်းရှိ ဗဟိုကလီမန်တန်၊ အရှေ့ကလီမန်တန်နှင့် တောင်ကလီမန်တန် ပြည်နယ်တို့တွင် ယာဉ်အသွားအလာအခြေအနေကို လေ့လာမှုများ ပြုလုပ်ရန် ယာဉ်ထိန်းရဲတပ်ဖွဲ့အား အစိုးရက တာဝန်ပေးပြီးနောက် မြို့တော်သစ်မှာ ထိုပြည်နယ်များရှိ မြို့တစ်ခုခုဖြစ်မည်ဟု သတင်းများ ထွက်ပေါ်နေသည်။
ဘမ်ဘန်ကမူ လျာထားသည့် မြို့များစာရင်းကို သမ္မတထံ တင်သွင်းပြီးမှ လူထုအား ချပြမည်ဟု ပြောကြားခဲ့သည်။
Ref : CNA
