ဒီဇငဘာ ၁၁၊ ၂၀၁၇
M-Media
– ဆီးရီးယားနိုင်ငံသို့ ရောက်ရှိနေသည့် ရုရှားသမ္မတ ပူတင်မှာ နိုင်ငံအတွင်း ရှိနေသည့် ရုရှားတပ်များ ပြည်တော်ပြန်ရန် အမိန့်ပေးလိုက်သည်ဟု သိရသည်။
ပူတင်မှာ ဆီးရီးယား အရှေ့တောင်ပိုင်း လက်တာကီယာရှိ ခါမီမင် လေတပ်အခြေစိုက်စခန်းသို့ ကြိုတင်ကြေငြာခြင်းမရှိဘဲ ယနေ့မနက်ပိုင်းတွင် ရောက်ရှိလာခြင်းဖြစ်သည်။
ရုရှားစစ်သားများနှင့် တွေ့ဆုံစဉ် ပူတင်က ဆီးရီးယားတွင် မိမိတို့၏အလုပ်မှာ အကြမ်းဖက်သမားများကို လုံးဝ ဖယ်ရှားနိုင်မှုနှင့်အတူ ပြီးဆုံးသွားပြီဟု ပြောကြားခဲ့ကြောင်း ရုရှားနိုင်ငံပိုင်သတင်းဌာန Novostic က ဖော်ပြခဲ့သည်။
အာဆတ်အစိုးရ၏ မေတ္တာရပ်ခံမှုကြောင့် အဓိကမဟာမိတ်ဖြစ်သော ရုရှားမှာ ၂၀၁၅ ခုနှစ်တွင် ဆီးရီးယားစစ်ပွဲ၌ ပါဝင်လာခဲ့ခြင်းဖြစ်ပြီး IS အကြမ်းဖက်အဖွဲ့အပါအ၀င် ဆီးရီးယားအစိုးရကို ဆန့်ကျင်သည့် သူပုန်များကို လေကြောင်းမှ တိုက်ခိုက်မှုများ ပြုလုပ်ခဲ့သည်။
ထို့ပြင် ရုရှားမှ စစ်ရေးအကြံပေးများ၊ အထူးတပ်ဖွဲ့ဝင်များကိုလည်း ဆီးရီးယားသို့ စေလွှတ်ခဲ့သည်။ ထိုအရင်က ရုရှားမှာ ဆီးရီးယားစစ်တပ်အား ထောက်ပံ့မှုဖြင့်သာ စစ်ပွဲတွင် ပါဝင်ခဲ့ခြင်းဖြစ်သည်။
ဆီးရီးယားအစိုးရက အကူအညီပေးမှုအတွက် သမ္မတအာဆတ်က ပူတင်အား နိုဝင်ဘာလတွင် ကျေးဇူးတင်ကြောင်း ပြောကြားခဲ့သည်။
ပူတင်မှာ ဆီးရီးယားမှတစ်ဆင့် ယနေ့နှောင်းပိုင်းတွင် အီဂျစ်သို့သွားရောက်ကာ သမ္မတ အလ်-စီစီနှင့် တွေ့ဆုံမည်ဖြစ်သည်။
Ref: Aljazeera
