နိုဝင်ဘာ ၃၀၊ ၂၀၁၇
M-Media
– ယူကေက ထင်ရှားတဲ့ လက်ယာစွန်းရောက်သမားရဲ့ Twitter မှာ တင်ထားတဲ့ မွတ်စလင်ဆန့်ကျင်ရေး ဗီဒီယိုတွေကို ပြန်လည်မျှဝေမှုအတွက် အမေရိကန်သမ္မတ ဒေါ်နယ်ထရမ့်ဟာ ပြင်းပြင်းထန်ထန် ဝေဖန်ခံနေရပါတယ်။
Britain First ဆိုတဲ့ လက်ယာစွန်းရောက်အဖွဲ့က ဒုတိယအကြီးအကဲ ဂျေဒါ ဖရန်ဆန်ဟာ မွတ်စလင်တွေ အုပ်စုဖွဲ့ ရိုက်နှက်ဖျက်ဆီးမှု ဗီဒီယို ၃ ခုကို လွှင့်တင်ခဲ့တာ ဖြစ်ပါတယ်။
ထရမ့်က သူ့ရဲ့ Twitter အကောင့်မှာ မနေ့က ပြန်လည်မျှဝေထားတဲ့ ဒီ ဗီဒီယိုတွေထဲက တစ်ခုဟာ ပြီးခဲ့တဲ့ မေလအတွင်း နယ်သာလန်နိုင်ငံမှာ ဖြစ်ပွားခဲ့တဲ့ လူငယ်ချင်း ရန်ဖြစ်မှုတစ်ခု ဖြစ်ပါတယ်။
ပြောင်းရွှေ့အခြေချလာတဲ့ မွတ်စလင်လူငယ်တစ်ယောက်ဟာ ဌာနေ ဒက်ခ်ျလူငယ်တစ်ယောက်ကို ရိုက်နှက်တယ်ဆိုတဲ့ အဲဒီဗီဒီယိုကို မွတ်စလင်ဆန့်ကျင်ရေးသမားတွေက မုန်းတီးရေးမှတ်ချက်တွေနဲ့ အွန်လိုင်းမှာ ကျယ်ကျယ်ပြန့်ပြန့် ဖြန့်ဝေခဲ့ပြီးနောက်ပိုင်း ဒက်ခ်ျရဲတပ်ဖွဲ့က အဲဒီ လူငယ် ၂ ဦးကို ဖမ်းဆီးခဲ့ပါတယ်။
ဒါပေမယ့် အွန်လိုင်းမှာ ပြန့်နှံ့ခဲ့သလို အဲဒီထဲက တစ်ယောက်ဟာ မွတ်စလင် ဒါမှမဟုတ် ပြောင်းရွှေ့အခြေချသူလားဆိုတာကို ထုတ်ပြန်ခဲ့ခြင်း မရှိဘူး။
ထရမ့်ရဲ့ ဒီလိုမျှဝေမှုကို နိုင်ငံရေးသမားတွေ၊ လူ့အခွင့်အရေးသမားတွေက ရှုတ်ချခဲ့ပါတယ်။
ဗြိတိန်မွတ်စလင်ကောင်စီက တိုင်းပြည်အာဏာပိုင်တွေအနေနဲ့ ထရမ့်၊ သူ့ရဲ့မှတ်ချက်တွေနဲ့ ဝေးဝေးနေဖုိ့ တိုက်တွန်းခဲ့ပါတယ်။
“အမေရိကန်သမ္မတ ဒေါ်နယ်ထရမ့်ရဲ့ လက်ယာစွန်းရောက်ဝါဒနဲ့ မွတ်စလင်ဆန်ကျင်ရေး ၀ါဒဖြန့်မှုတွေကို နှစ်သက်လက်ခံတယ်ဆိုတာ ဒီထက်ရှင်းတဲ့ကိစ္စ မရှိတော့ပါဘူး။ ဒီလိုအယူသည်းတာမျိုးကို ကျွန်တော်တို့ အလွတ်ပေးလို့ မရပါဘူး။ ၀န်ကြီးချုပ်၊ ပြည်ထဲရေးဝန်ကြီးတွေဟာ ယူကေကို ထရမ့်နဲ့ သူ့ရဲ့မှတ်ချက်တွေကနေ ဝေးကွာအောင် နေစေမယ်၊ အစွန်းရောက်ဝါဒ ပုံစံအားလုံးကို လက်မခံဘူးဆိုတဲ့ အစိုးရရဲ့ သဘောထားကို ထပ်လောင်းပြောဆိုလိမ့်မယ်လို့ ကျွန်တော်တို့ မျှော်လင့်ပါတယ်” လို့ ကောင်စီကထုတ်ပြန်တဲ့ ကြေငြာချက်မှာ ဖော်ပြထားပါတယ်။
ဗြိတိန်ဝန်ကြီးချုပ် ထရီဇာမေရဲ့ ပြောရေးဆိုခွင့်ရှိသူက ထရမ့်ရဲ့ ဒီလုပ်ရပ်ဟာ မှားယွင်းတယ်လို့ ဝေဖန်ခဲ့ပါတယ်။
“Britain First အဖွဲ့ဟာ မုသားအအခြေပြု အမုန်းစကားတွေနဲ့ လူ့အဖွဲ့အစည်းတွေကို သွေးကွဲအောင်၊ တင်းမာမှုတွေဖြစ်လာအောင် လုပ်နေတဲ့အဖွဲ့ပါ။ သူတို့တွေဟာ ဥပဒေလိုက်နာတဲ့ ပြည်သူတွေကို စိတ်သောကရောက်အောင် လုပ်နေတာဖြစ်ပါတယ်။ တိုင်းပြည်က ကိုယ်စားပြုတဲ့ တန်ဖိုးတွေ၊ သင့်မြတ်မှု၊ သည်းခံမှု၊
အပြန်အလှန်လေးစားမှု စတာတွေနဲ့ ဖီလာဆန့်ကျင်တဲ့ လက်ယာစွန်းရောက်တွေရဲ့ ထင်ရာမြင်ရာစကားတွေကို ဗြိတိန်ပြည်သူအများစုက လက်မခံကြပါဘူး။ သမ္မတတစ်ယောက်က ဒီလိုမျိုးလုပ်တာဟာ မှားယွင်းပါတယ်” လို့ ပြောရေးဆိုခွင့်ရှိသူရဲ့ ထုတ်ပြန်ချက်ကို ဗြိတိန်မီဒီယာတွေက ဖော်ပြခဲ့ကြပါတယ်။
ခေါင်းဆောင်းပုဝါ၀တ်ထားတဲ့ မွတ်စလင်အမျိုးသမီးတစ်ဦးကို အရှက်ရစေမှုနဲ့ ၂၀၁၆ ခုနှစ်မှာ ဖရန်ဆန်ဟာ အပြစ်ရှိကြောင်း အမိန့်ချမှတ်ခံထားရသူဖြစ်ပြီး၊ ယူကေက ဗလီဝတ်ကျောင်းတော်တွေကို ၀င်ရောက်ခွင့်လည်း တရားရုံးက ပိတ်ပင်ခဲ့ပါတယ်။
ဖရန်ဆန်နဲ့ လက်ယာစွန်းရောက်တစ်ချို့ဟာ ဗလီဝတ်ကျောင်းတော်တွေကို ၀င်ရောက်ပြီး စော်ကားမှုတွေကို ပုံမှန်လိုလို လုပ်ခဲ့တာပါ။
လေဘာပါတီက ဗြိတိန်လွှတ်တော်အမတ် ဂျိုကော့စ်ကို သတ်ဖြတ်ခဲ့သူ သောမတ်စ်မီယာဟာလည်း ဓားနဲ့ထိုးပြီးနောက်ပိုင်းမှာ Britain First အဖွဲ့ရဲ့ အမည်ကို ဟစ်အော်ခဲ့ပါတယ်။
အမေရိကန်က နိုင်ငံသားလွတ်လပ်ရေးသမဂ္ဂကလည်း ထရမ့်အနေနဲ့ ဖရန်ဆန်ရဲ့ ဗီဒီယိုတွေကို ပြန်လည်မျှဝေမှုနဲ့ပတ်သက်ပြီး ဝေဖန်ရှုတ်ချခဲ့ပါတယ်။
ဗြိတိန်ရဲ့ ဒုတိယအကြီးဆုံး နိုင်ငံရေးပါတီဖြစ်တဲ့ လေဘာပါတီခေါင်းဆောင် ဂျယ်ရမီ ကောရ်ဘန်က ထရမ့်ရဲ့ ဒီလုပ်ရပ်ဟာ ‘စက်ဆုပ်စရာကောင်းပြီး လူ့အဖွဲ့အစည်းအတွက် အန္တရာယ်ရှိတဲ့ ငြိမ်းခြောက်မှုတစ်ခု ဖြစ်တယ်’ လို့ ပြောကြားခဲ့ပါတယ်။
ဗြိတိန်က အခြား ထင်ရှားတဲ့ နိုင်ငံရေးသမားတွေ၊ လူ့အခွင့်အရေးလှုပ်ရှားသူတွေနဲ့ ပညာရှင်တွေကလည်း ထရမ့်ရဲ့လုပ်ရပ်ကို ရှုတ်ချခဲ့ပါတယ်။
ထရမ့်ဟာ လူမျိုးရေး၊ ဘာသာရေး ခွဲခြားစော်ကားတဲ့ မှတ်ချက်တွေကို ပြောကြားတာ၊ မျှဝေတာဟာ ဒါ ပထမဆုံအကြိမ် မဟုတ်ပါဘူး။
တနင်္လာနေ့က ဌာနေအမေရိကန် စစ်သားဟောင်းတွေနဲ့ တွေ့ဆုံမှုမှာလည်း ဌာနေအမေရိကန်တွေကို ခွဲခြားတဲ့ မှတ်ချက်မျိုး ထည့်သွင်းပြောကြားခဲ့ပါတယ်။
Ref: Aljazeera
