နိုဝင်ဘာ ၂၉၊ ၂၀၁၇
M-Media
– ဘော့စနီးယားစစ်ပွဲတွင် ကျူးလွန်ခဲ့သည့် ရာဇ၀တ်မှုများအတွက် တရားရင်ဆိုင်နေရသည့် ဘော့စနီးယား ခရိုအက် စစ်ခေါင်းဆောင်ဟောင်း စလိုဘိုဒန် ပရာလ်ဂျက်မှာ တရားခွင်တွင် အဆိပ်သောက်ခဲ့သည်ဟု သိရသည်။
စစ်ရာဇ၀တ်မှုများဖြင့် နိုင်ငံတကာ ခုံသမာဓိရုံး အတင်ခံရသည့် ဘော့စနီးယား ခရိုအက် နိုင်ငံရေးနှင့် စစ်ခေါင်းဆောင် ၆ ဦးတွင် ပါဝင်သော ပရာလ်ဂျက်မှာ ၁၉၉၀ ပြည့်နှစ်များတွင် ဖြစ်ပွားသော ပြည်တွင်းစစ်အတွင်း မိုစတာမြို့တွင် ကျူးလွန်ခဲ့သည့် ရာဇ၀တ်မှုများအတွက် ၂၀၁၃ ခုနှစ်တွင် ထောင်ဒဏ် နှစ် ၂၀ ချမှတ်ခံထားရသူဖြစ်သည်။
၎င်းတို့၏ အယူခံကို ယနေ့မနက်တွင် နယ်သာလန်နိုင်ငံ သည်ဟေ့ဂ်ရှိ ခုံသမာဓိရုံးတွင် စစ်ဆေးကြားနာခဲ့ပြီး တရားသူကြီးများက အယူခံကို ပယ်ချခဲ့သည်။
ကြားနာမှုအတွင်း ပရာလ်ဂျက်မှာ တစ်စုံတစ်ခုကို သောက်သုံးခဲ့ကာ ထိုအရာမှာ အဆိပ်ဖြစ်သည်ဟု တရားသူကြီးများကို ပြောကြားခဲ့သည်။
ထို့ကြောင့် တရားသူကြီးများက ကြားနာမှုကို ချက်ခြင်းပင် ရပ်နားခဲ့ပြီး ၎င်းသောက်သုံးခဲ့သည့်ပုလင်း မပျောက်စေရန် အမိန့်ပေးခဲ့သည်။
နောက်ပိုင်းတွင် လူနာတင်ယာဉ်များ၊ ကယ်ဆယ်ရေးလုပ်သားများ တရားရုံးသို့ ရောက်ရှိလာခဲ့သည်။ ပရာလ်ဂျက်၏ အခြေအနေကို ရှင်းရှင်းလင်းလင်း မသိရသေးပေ။
ပရာလ်ဂျက်မှာ ဘော့စနီးယားစစ်ပွဲအတွင်း ဘော့စနီးယားခရိုအပ်က ကာကွယ်ရေးတပ်ဖွဲ့ (HVO) ၏ တပ်မှူးအဖြစ် တာဝန်ယူခဲ့ပြီး ပရိုဇာမြို့တွင် မွတ်စလင်များအား ၎င်း၏ တပ်ဖွဲ့များက သတ်ဖြတ်မှုကို တားဆီးခြင်းမရှိသည့်အတွက် စစ်ရာဇ၀တ်မှုဖြင့် အပြစ်ရှိကြောင်း ကုလ စစ်ရာဇ၀တ်မှုခုံရုံးက ဆုံးဖြတ်ခဲ့သည်။
ထို့ပြင် အရှေ့မိုစတာမြို့တွင် ခရိုအက်စစ်တပ်မှာ အရပ်သားများအား သတ်ဖြတ်မှု၊ ဗလီဝတ်ကျောင်းတော်များနှင့် နေအိမ်များအား ဖျက်ဆီးမှုများ ပြုလုပ်မည်ဆိုသည့် သတင်းများအား ရရှိသော်လည်း တာဆီးခဲ့ခြင်းမရှိပေ။
Ref: BBC
