နိုဝင်ဘာ ၂၆၊ ၂၀၁၇
M-Media
– အိန္ဒိယနိုင်ငံမှာ အမျိုးသမီးတွေအပေါ် အက်စစ်နဲ့ တိုက်ခိုက်မှုကို ဆန့်ကျင်ဖို့နဲ့ ထိခိုက်ခံစားရသူတွေကို အားပေးဖို့အတွက် အက်စစ်နဲ့ တိုက်ခိုက်ခံရသူ အမျိုးသမီး ၉ ဦးဟာ မနေ့က ပထမဆုံးအကြိမ် တန်ဖိုးကြီး ဖက်ရှင်ပြပွဲ ပြုလုပ်ခဲ့ပါတယ်။
အဲဒီ ဖက်ရှင်လျှောက်သူ အားလုံးနီးပါဟာ ခင်ပွန်းတွေ၊ ဒါမှမဟုတ် ဆွေမျိုးနီးစပ်တွေရဲ့ အက်စစ်နဲ့ တိုက်ခိုက်မှုကို ခံခဲ့ရတာဖြစ်ပါတယ်။
သူတို့အတွက် ဖက်ရှင်ရှိုးဝတ်စုံတွေကို အိန္ဒိယရဲ့ ထိပ်တန်းဒီဇိုင်နာတွေက ဖန်တီးပေးခဲ့တာပါ။
“ကျွန်မ တော်တော်လေး စိတ်လှုပ်ရှားမိပါတယ်။ ကျွန်မအပြင်ထွက်ရင် လူတွေက ရှောင်သွားကြတယ်။ ကျွန်က ဒီလမ်းကလာရင် သူတို့က ဟိုလမ်းကသွားကြတယ်။ ကျွန်မဟာ ပြဿနာတွေ တော်တော်များများကို ရင်ဆိုင်ခဲ့ရတာပါ” လို့ ခင်ပွန်းဟောင်းရဲ့ အက်စစ်နဲ့တိုက်ခိုက်မှုကို ခံစားခဲ့ရတဲ့ မီနာ ခါတွန်က ပြောကြားခဲ့ပါတယ်။
ဒါပေမယ့် ကိုယ့်ဘ၀ကို ပြန်တည်ဆောက်ရမယ်၊ သားလေးကို ပညာသင်ရမယ်၊ ထောက်ပံ့ရမယ်ဆိုတဲ့ စိတ်ဓာတ်တွေက သူ့ကို့ တွန်းအားပေးခဲ့ကြောင်းလည်း သူမက ဖွင့်ဟခဲ့ပါတယ်။ ခါတွန်ဟာ လက်ရှိမှာ ကိုယ်ပိုင် ဖုန်းပြင်ဆိုင်လေး တစ်ခု ဖွင့်နိုင်နေပါပြီ။
အက်စစ်နဲ့ အပက်ခံရသူတွေကို ပြန်လည်ထူထောင်ရေး လုပ်ငန်းတွေ လုပ်ပေးနေတဲ့ Make Love Not Scars အဖွဲ့က မီနာခါတွန်ကို ကူညီပေးခဲ့ပါတယ်။
အက်စစ်နဲ့ တိုက်ခိုက်ခံရသူ အသက် ၂၀ အရွယ် ရက်ရ်ှမာ ဘာနို ကိုရိုက်ရှီဟာလည်း ပြီးခဲ့တဲ့နှစ်မှာ လုပ်ခဲ့တဲ့ နယူးယောက်ဖက်ရှင်ရှိုးမှာ ပါဝင်ခဲ့ပြီး အခုအချိန်မှာ စာအုပ်ရေးနေကာ လာမယ့်နှစ်မှာ ထွက်မှာ ဖြစ်ပါတယ်။
ကိုရိုက်ရှီဟာ လွန်ခဲ့တဲ့ ၃ နှစ် သူမမတ်က ဇနီးဖြစ်သူနဲ့မှားပြီး အက်စစ်နဲ့တိုက်ခိုက်မှုကို ခံခဲ့ရပြီးတဲ့နောက် အပြင်ထွက်ဖို့ကို ကြောက်ရွံ့ခဲ့သူပါ။
“နောက်ထပ် ထပ်ဖြစ်မှာကို ကျွန်မ ကြောက်ရွံ့နေခဲ့ပါတယ်။ လမ်းပေါ်မှာ လူတွေက ကျွန်မအပေါ် နှာခေါင်းရှုံ့တာကို ကျွန်မ ခံစားခဲ့ရပါတယ်။ လူတွေက ကျွန်မကို ရှောင်သွားကြတာပါ။ နင်ဘာဖြစ်သွားတာလဲ။ နင့်ကို ဘယ်သူမှ လက်ထပ်မှာမဟုတ်ဘူး။ သရဲမျက်နှာလို့ သူတို့က ပြောလိမ့်မယ်။ နင်မလှတော့ဘူး.. စသဖြင့် ပြောကြတယ်။ ဒါပေမယ့် ကျွန်မရဲ့ဖြစ်တည်မှုအပေါ် ကျွန်မ ဂုဏ်ယူတယ်၊ ယုံကြည်မှုရှိတယ်။ မျက်နှာက ကိုယ့်ကိုယ်လှအောင်လုပ်တာမဟုတ်ဘူး။ နှလုံးသားက လူတစ်ယောက်ကို လှစေတယ်ဆိုတာကို လူတွေ သိစေချင်ပါတယ်” လို့ သူမက ဖွင့်ဟခဲ့ပါတယ်။
အရင် ရခဲ့တဲ့ ပျော်ရွှင်မှုမျိုးကို အခုရှိုးပွဲမှာ ပြန်လည်ရရှိခဲ့တဲ့အတွက် ပီတိဖြစ်ရကြောင်းလည်း သူမက ပြောကြားခဲ့ပါတယ်။
တိုက်ခိုက်မှု မြင့်မား
အိန္ဒိယနိုင်ငံမှာ တစ်နှစ်ကို ရာနဲ့ချီတဲ့ အမျိုးသမီးတွေဟာ အက်စစ်နဲ့ တိုက်ခိုက်ခံနေရပြီး Make Love Not Scars အဖွဲ့ရဲ့ ဒုတိယဥက္ကဌ တာနီယာဆင်းက တကယ့်အရေအတွက်ဟာ ထောင်ပေါင်းများစွာရှိနေတယ်လို့ ယုံကြည်နေပါတယ်။
ဒေသတွင်း အစိုးရတွေဟာ ဖြစ်ပွားမှုအားလုံးကို မထုတ်ပြန်ကြောင်း၊ တစ်ချို့အမျိုးသမီးတွေဟာ ရာဇ၀တ်မှုအဖြစ် စုံစမ်းစစ်ဆေးမှု မလုပ်ခင် သေဆုံးသွားကြောင်း၊ တစ်ချို့တွေက မိသားစုတွေကို မလှန်နိုင်တာကြောင့် အမှုမဖွင့်ကြကြောင်း တာနီယာက ဆိုပါတယ်။
ဖက်ရှင်ရှိုး ကျင်းပခဲ့တဲ့ လာလစ်ဟိုတယ်က လွန်ခဲ့တဲ့ ၂ နှစ်ပတ်အတွင်း အက်စစ်နဲ့ တိုက်ခိုက်ခံခဲ့ရတဲ့ အမျိုးသမီးတစ်ဦးကို အခန်းတစ်ခန်းပေးထားကာ၊ အကူအညီကို ပေးရေးအဖွဲ့တွေအတွက် စောင့်ဆိုင်းနေပါတယ်။
ဆင်းကတော့ ဒီဖက်ရှင်ရှိုးဟာ အသက်ဘေးက လွတ်မြောက်လာသူတွေအတွက် ယုံကြည်မှု မြှင့်တင်ပေးဖို့ အရေးပါပြီး၊ သူတို့ဟာ အရင်ကရခဲ့တဲ့ ပျော်ရွှင်စရာအချိန်တွေကို ပြန်ရရှိနေတယ်လို့ ဆိုပါတယ်။
အမျိုးသမီးတွေတော်တော်များများဟာ ပထမတော့ ဒီရှိုးပွဲမှာ ပါဝင်ဖို့ ငြင်းဆန်ခဲ့ကြပါတယ်။
“ကျွန်မတို့ ဒါမျိုး မလုပ်နိုင်ဘူး၊ တော်တော်လေး ရုပ်ပျက်နေပြီလို့ သူတို့ပြောကြတယ်။ ကျွန်မတို့က ‘မဟုတ်ဘူး။ ရှင်တို့ ရုပ်ဆိုးတာမဟုတ်ဘူး။ ပတ်ဝန်းကျင်က ရုပ်ဆိုးနေကြတာ’ လို့ ပြန်ပြောခဲ့ပါတယ်” လို့ ဆင်းက ဆိုပါတယ်။
အဲဒီ ဖက်ရှင်ရှိုးဟာ သူတို့အနေနဲ့ လူ့အဖွဲ့အစည်းက လက်ခံမှု၊ ချစ်ခင်မှု၊ ၀င်ဆံမှုတွေနဲ့ ထိုက်တန်တယ်ဆိုတာကို သိရှိနိုင်မယ့် အခွင့်အလမ်းဖြစ်ပါတယ်။ အခုအချိန်မှာ သူတို့ဟာ လူရှေ့ကို ထွက်ရဲလာခဲ့ပြီး သူတို့ရဲ့ မျက်နှာတွေ၊ အမာရွတ်တွေကြောင့် ပုန်းနေစရာ မလိုတော့ဘူးဆိုတာ ကမ္ဘာကြီးကို ပြောပြနိုင်ပါပြီ။ ကမ္ဘြာ
ကီးအနေနဲ့ အတွေးအခေါ်ကို ပြောင်းလဲဖို့ အချိန်ရောက်ပါပြီ။
Ref: CNA
