News @ M-Media

Blog

  • သားကိုသတ်သူကို ခွင့်လွှတ်ကျေအေးပေးတဲ့ ကန်တာတီက မွတ်စလင်ဖခင် (မြန်မာစာတမ်းထိုး)

    သားကိုသတ်သူကို ခွင့်လွှတ်ကျေအေးပေးတဲ့ ကန်တာတီက မွတ်စလင်ဖခင် (မြန်မာစာတမ်းထိုး)

    နိုဝင်ဘာ ၉၊ ၂၀၁၇
    M-Media

    – အမေရိကန်ပြည်ထောင်စု ကန်တာကီမြို့က မွတ်စလင်ဖခင်တစ်ဦးဟာ သူ့ရဲ့သားကို သတ်ဖြတ်ခဲ့တဲ့ တရားခံကို ခွင့်လွှတ်ကျေအေးကြောင်း တရားရုံးမှာ ပြောကြားခဲ့ပါတယ်။

    ၂၀၁၅ ခုနှစ်မှာ အသက် ၂၂ နှစ်အရွယ် တက္ကဆီယာဉ်မောင်း ဆလာဟွဒ်ဒင် ဂျစ်တ်မူဒ် သတ်ဖြတ်ခံရမှုနဲ့ပတ်သက်ပြီး အသက် ၂၄ နှစ်အရွယ် ထရေး အလက်ဇန်းဒါး ရဲလ်ဖို့ဒ်က ကျူးလွန်ကြောင်း ပြီးခဲ့တဲ့လမှာ ၀န်ခံခဲ့ပြီးတဲ့နောက် တရားရုံးက အခုတစ်ပတ်မှာ ထောင်ဒဏ် ၃၁ နှစ် ချမှတ်ခဲ့ပါတယ်။

    တရားလိုကြေငြာချက်ထုတ်ပြန်တဲ့အခါမှာ ဆလာဟွဒ်ဒင်ရဲ့ ဖခင် အဘ်ဒူလ်-မုအ်မင်က သားဖြစ်သူကို သတ်ဖြတ်ခဲ့တဲ့ ထရေးကို ခွင့်လွှတ်ကြောင်း၊ ဒီလိုဖြစ်အောင် တွန်းအားပေးခဲ့တဲ့ စိတ်ရိုင်းကိုသာ အပြစ်တင်ကြောင်း ပြောကြားခဲ့ပါတယ်။

    “ခွင့်လွှတ်ကြေအေးပေးတယ်ဆိုတာ အကြီးမားဆုံးလက်ဆောင်ဖြစ်ပြီး။ ဒါဟာ ဒါနပြုမှုတစ်ခုဖြစ်တယ်လို့ အစ္စလာမ်က သွန်သင်ပါတယ်” လို့ အဘ်ဒူလ်-မုအ်မင်က ဆိုပါတယ်။

    သူ့ရဲ့ ဒီလိုတုန့်ပြန်မှုကို တရားရုံးတစ်ခုလုံးက အံ့သြမှင်သက်ခဲ့ကြပြီး ကြေငြာချက်အဆုံးမှာတော့ အားလုံးက ငိုကြွေးခဲ့ကြပါတယ်။

    အလ်ဒူလ်-မုအ်မင်ဟာ အစ္စလာမ့်ဓမ္မသင်တန်းကျောင်းတစ်ခုရဲ့ ကျောင်းအုပ်ကြီးလည်း ဖြစ်ပါတယ်။

    Ref : ilmfeed

  • မိုးပျံတက္ကဆီ စီမံကိန်းအတွက် Uber နှင့် နာဆာ စာချုပ်ချုပ်

    မိုးပျံတက္ကဆီ စီမံကိန်းအတွက် Uber နှင့် နာဆာ စာချုပ်ချုပ်

    နိုဝင်ဘာ ၈၊ ၂၀၁၇
    M-Media

    – ကမ္ဘာကျော် အငှားကားကုမ္ပဏီ Uber ရဲ့ အနာဂတ် မိုးပျံတက္ကဆီစီမံကိန်းအတွက် လိုအပ်တဲ့ဆော့ဖ်ဝဲတွေ ရေးဆွဲပေးရေး နာဆာနဲ့ သဘောတူညီချက် ရရှိသွားပြီလို့ Uber က ယမန်နေ့မှာ ကြေငြာလိုက်ပါတယ်။

    ကမ္ဘာ့လေထုအနိမ့်ပိုင်းမှာ လမ်းကြောင်းတွေ ဖော်ထုတ်ပေးဖို့အတွက် နာဆာက ဆော့ဖ်ဝဲရေးပေးရမှာဖြစ်ပြီး ၂၀၂၀ ခုနှစ်ရောက်ရင် မိမိတို့အနေနဲ့ တစ်နာရီကို မိုင် ၂၀၀ လောက်သွားနိုင်မယ့် လူ ၄ ဦးထိုင် တက္ကဆီပျံကို လော့စ်အိန်ဂျလိစ်မြို့မှာ စမ်းသပ်မှာဖြစ်တယ်လို့ Uber ရဲ့ အကြီးအကဲတစ်ဦးဖြစ်တဲ့ ဂျက်ဖက် ဟိုလ်ဒန်က ပြောကြားခဲ့ပါတယ်။

    ဒီတစ်ပတ်အတွင်း ပေါ်တူဂီနိုင်ငံ လစ္စဘွန်းမြို့မှာ ပြုလုပ်မယ့် အင်တာနက်ညီလာခံ Wbe Summit မှာ Uber က သူတို့ရဲ့ ဒီစီမံကိန်းကို ရှင်းလင်းပြသမှာ ဖြစ်ပါတယ်။

    Uber ဟာ ပြီးခဲ့တဲ့ ၁၀ စုနှစ်တစ်ခုအတွင်းမှာ ride-hailing ၀န်ဆောင်မှုကို စတင်ခဲ့ပြီး နိုင်ငံတော်တော်များများမှာ ဥပဒေကြောင်းအရ ဆန့်ကျင်မှုတွေနဲ့ ကြုံတွေ့ခဲ့ရပါတယ်။ မကြာသေးခင်ကပဲ လန်ဒန်က ဘေးအန္တရာယ်ကင်းရှင်းရေး စိုးရိမ်ရတဲ့အတွက် Uber ကို လိုင်စင်ရုပ်သိမ်းလိုက်ပါတယ်။

    လက်ရှိမှာတော့ ဒီကုမ္ပဏီဟာ မိုးပျံတက္ကဆီ ဆောင်ရွက်ဖို့အတွက် အားထုတ်ကြိုးပမ်းနေပြီး ကားတက္ကဆီလိုပဲ မိုဘိုင်းဖုန်းကနေတစ်ဆင့် မှာယူအသုံးပြုနိုင်မယ့် အဲဒီ မိုးပျံတက္ကဆီဝန်ဆောင်မှုကို ၂၀၂၃ ခုနှစ်မှာ စတင်သွားဖို့ ရည်ရွယ်ထားပါတယ်။

    စည်းမျဉ်းစည်းကမ်းပိုင်းဆိုင်ရာ လက်ခံနိုင်ဖို့အတွက်လည်း Uber ဟာ အမေရိကန်ရဲ့ ဥရောပတို့က တာဝန်ရှိသူတွေနဲ့ ဆွေးနွေးမှုတွေ ပြုလုပ်နေပါတယ်။

    Ref: Indian Express

  • အလုပ်ခန့်ရာ၌ လူမျိုးဘာသာခွဲခြားပါက အပြစ်ပေးခံရမည်ဟု ဒူဘိုင်းသတိပေး

    အလုပ်ခန့်ရာ၌ လူမျိုးဘာသာခွဲခြားပါက အပြစ်ပေးခံရမည်ဟု ဒူဘိုင်းသတိပေး

    နိုဝင်ဘာ ၈၊ ၂၀၁၇
    M-Media

    – အာရပ်စော်ဘွားများပြည်ထောင်စု (ယူအေအီး)တွင် အလုပ်ခန့်အပ်ရာ၌ ခွဲခြားဆက်ဆံမှုများ တွေ့ရှိပါက အလုပ်ရှင်များမှာ ဒီရ်ဟမ် ၂ သန်း အထိ ဒဏ်ငွေရိုက်ခံရမည်ဟု ဒူဘိုင်းရှေ့နေတစ်ဦးက သတိပေးလိုက်သည်။

    ဒူဘိုင်းရှိ အရောင်းမြှင့်တင်ရေးလုပ်ငန်းများတွင် အချိန်ပိုင်းအလုပ် ရှာဖွေသူများကို ခွဲခြားဆက်ဆံမှု ရှိသည်ဟု သတင်းများ ထွက်လာပြီးနောက်ပိုင်း Stephenson Harwood Middle East မှ အကြီးတန်းရှေ့နေ ရှာရစ်ဖ် စီသီက ယခုကဲ့သို့ သတိပေးလိုက်ခြင်းဖြစ်သည်။

    ၂၀၁၅ ခုနှစ်တွင် ပြဌာန်းခဲ့သော ယူအေအီးနိုင်ငံ၏ ခွဲခြားဆက်ဆံမှု ဆန့်ကျင်တိုက်ဖျက်ရေးဥပဒေအရ ချိုးဖောက်သူကို ထောင်ဒဏ် အနည်းဆုံး ၆ လမှ အများဆုံး ၁၀ နှစ်အထိ၊ ဒဏ်ငွေ ဒီရ်ဟမ် ငါးသောင်းမှ ၂ သန်းအထိ ချမှတ်နိုင်သည်ကို ၎င်းက ထောက်ပြခဲ့သည်။

    အလုပ်လျှောက်ထားသူများက ၎င်းတို့၏ ဇာတိနိုင်ငံကြောင့် သို့မဟုတ် ဟီဂျဘ် ခေါင်းဆောင်းပုဝါ ၀တ်ဆင်ထားခြင်းကြောင့် ခွဲခြားဆက်ဆံခြင်းခံရသည်ဟု ခံစားရကြောင်း ပြောကြားခဲ့သည်။

    အချို့ မားကတ်တင်းလုပ်ငန်းများက ဆိုရှယ်မီဒီယာတွင် အလုပ်သမားခေါ်ယူရာ၌ အချို့နိုင်ငံသားများသာ လျှောက်ထားရမည် သို့မဟုတ် ထိုအလုပ်အတွက်ကိုပင် လူမျိုးကိုလိုက်၍ လုပ်ခလျှော့ပေးမည်ဆိုသည့် ကြော်ငြာများကို ပြောင်ပြောင်တင်တင်း ဖော်ပြထားသည်ဟုလည်း ၎င်းတို့က ထောက်ပြခဲ့ကြသည်။

    ဒူဘိုင်းတွင် အရောင်းမြှင့်တင်ရေးလုပ်ငန်းများမှာ အမြဲတမ်းနေထိုင်ခွင့် ရထားသည့် နိုင်ငံခြားကျောင်းသားများအကြားတွင် ရေပန်းစားသည့် အလုပ်မျိုးဖြစ်ပြီး အလုပ်ရှင်တစ်ဦးက ၎င်းတို့၏ ရွေးချယ်မှုမှာ လူမျိုးကို ကြည့်ခြင်းမဟုတ်ဘဲ ရုပ်ရည်ကိုကြည့်ခြင်းဖြစ်ကြောင်း၊ လုပ်ခလစာကို မည်သူမဆို တူညီစွာ ရရှိကြောင်း ပြော
    ကြားခဲ့သည်။

    အခြား အရှောင်းမြှင်တင်ရေးသမားတစ်ဦးကမူ မြေပြင်တွင် လာရောက်သည့်နိုင်ငံ မတူညီသောကြောင့် လုပ်ခလစာ ကွဲပြားမှုများ အမှန်တကယ်ရှိနေကြောင်း ၀န်ခံပြောကြားခဲ့သည်။

    Ref : Khaleejtimes

  • ဘေဂျင်းသို့ရောက်လာသည့် ထရမ့်ကို ခမ်းခမ်းနားနားဧည့်ခံရန် တရုတ်စီစဉ်ထား

    ဘေဂျင်းသို့ရောက်လာသည့် ထရမ့်ကို ခမ်းခမ်းနားနားဧည့်ခံရန် တရုတ်စီစဉ်ထား

    နိုဝင်ဘာ ၈၊ ၂၀၁၇
    M-Media

    – အာရှသို့ ၁၂ ရက်ကြာခရီးစဉ်အဖြစ် ရောက်ရှိနေသည့် အမေရိကန်သမ္မတ ဒေါ်နယ်ထရမ့်မှာ ယနေ့တွင် တရုတ်နိုင်ငံ ဘေကျင်းမြို့သို့ ရောက်ရှိလာခဲ့ပြီး ကုန်သွယ်ရေးနှင့် မြောက်ကိုရီးယားအရေး အဓိကထား ဆွေးနွေးသွားဖွယ် ရှိနေသည်။

    ဘေဂျင်းတို့ ရောက်ရှိလာသည့် ထရမ့်နှင့် ဇနီးကို တရုတ်သမ္မတ ရှီကျင့်ဖျင်နှင့် ဇနီးတို့က တရုတ်ဧကရာဇ် နန်းတော်ဟောင်းတွင် လက်ဖက်ရည်ဖြင့် ဧည့်ခံခဲ့သည်။

    မနက်ဖြန်တွင် ခေါင်းဆောင်နှစ်ဦးမှာ တစ်နေ့လုံး ဆွေးနွေးမှုများ ပြုလုပ်ကာ တရုတ်၏ မဟာမိတ်ဖြစ်သော မြောက်ကိုရီးယားအကြောင်းကို အဓိကထားဖွယ် ရှိနေသည်။

    ကုန်သွယ်ရေးတွင် တရုတ်ကို ၉၀ ရာခိုင်နှုန်း မှီခိုနေရသည့် မြောက်ကိုရီးယားကို တရုတ်က ချုပ်ကိုင်နိုင်သည်ဟု ထရမ့်အစိုးရက ရှုမြင်နေသည်။

    ထရမ့်မှာ တရုတ်ကွန်မြူနစ်ပါတီအကြီးအကဲဖြစ် ရှီ ပြန်လည်အရွေးခံရမှုကို Twitter စာမျက်နှာမှတစ်ဆင့် ချီးကျူးခဲ့ပြီး နိုင်ငံရေးကျွမ်းကျင်သူများက တရုတ်နှင့် မြောက်ကိုရီးယားကိစ္စ၊ ကုန်သွယ်ရေးကိစ္စများကို အခြေအတင် ပြောဆိုရန်ရှိနေသဖြင့် လေချိုသွေးခြင်းဖြစ်ည်ဟု သုံးသပ်ခဲ့သည်။

    တရုတ်အစိုးရက ထရမ့်၏ လည်ပတ်မှုအတွင်း အော်ပရာ၊ စားပွဲကြီးများနှင့် အခြားအစီအစဉ်များဖြင့် ကြီးကြီးကျယ်ကျယ် ခမ်းခမ်းနားနား ဧည့်ခံရန် ပြင်ဆင်ထားသည်။

    Ref: CNA

  • ရုရှားနှင့် အဆက်အသွယ်ရှိခဲ့သည်ဟု ထရမ့် မဲဆွယ်ရေးအကြံပေး ၀န်ခံ

    ရုရှားနှင့် အဆက်အသွယ်ရှိခဲ့သည်ဟု ထရမ့် မဲဆွယ်ရေးအကြံပေး ၀န်ခံ

    နိုဝင်ဘာ ၈၊ ၂၀၁၇
    M-Media

    – ဒေါ်နယ်ထရမ့်၏ သမ္မတလောင်းမဲဆွယ်ရေးအစီအစဉ်၏ နိုင်ငံခြားရေးမူဝါဒဆိုင်ရာ ဒုတိယအကြံပေးက ယမန်နှစ်က ရွေးကောက်ပွဲအတွင်း ရုရှားအရာရှိများနှင့် အဆက်အသွယ်ပြုလုပ်ခဲ့ပြီး မဲဆွယ်ကာလအတွင်း ရုရှားသို့ ထရမ့်သွားရန် အကြံပြုခဲ့ကြောင်း ၀န်ခံပြောကြားလိုက်သည်။

    ဘဏ်လုပ်ငန်းရှင်းဟောင်းတစ်ဦးဖြစ်ပြီး ရုရှားကျွမ်းကျင်သူ Carter Page က ၎င်းအနေနှင့် ၂၀၁၆ ခုနှစ် ဇူလိုင်လက မော်စကိုသို့သွားစဉ် ရုရှားဒုဝန်ကြီးချုပ် Arkady Dvorkovick နှင့် အကျမ်းဖျဉ်း တွေ့ဆုံခဲ့ကြောင်း အမေရိကန်အောက်လွှတ်တော် ထောက်လှမ်းရေးကော်မတီသို့ ပြောပြခဲ့သည်ဟု တနင်္လာနေ့က ထုတ်ပြန်သည့် ၎င်း၏ သက်သေခံချက်များတွင် တွေ့ရှိရသည်။

    ဒေါ်နယ်ထရမ့် ရုရှားသို့သွား၍ တာဝန်ရှိသူများနှင့် တွေ့ဆုံမိန့်ခွန်းပြောရန်ကိစ္စကို ၂၀၁၆ ခုနှစ် မေလတွင် စီစဉ်ခဲ့သည်ဟုလည်း ၎င်းက ဆိုသည်။ ထိုအချိန်မှာ ထရမ့်၏ အခြား နိုင်ငံခြားရေးအကြံပေး George Papadopoulos က ထရမ့်အား မော်စကိုသို့ သွားရောက်ရန် အကြံပြုခဲ့သည်ဟု ပြီးခဲ့သည့်တစ်ပတ် တရားရုံးတွင် ထွက်ဆိုခဲ့သည့် လနှင့်လည်း တူညီနေသည်။

    ထရမ့်အဖွဲ့က ၂၀၁၆ ခုနှစ် ယင်းမဲဆွယ်စည်းရုံးပွဲ၌ ဟီလာရီကလင်တန်ကို အနိုင်ယူရန် ရုရှား၏ အကူအညီဖြင့် ပူးပေါင်းကြံစည်ခဲ့ခြင်း ရှိ၊ မရှိကို အောက်လွှတ်တော်နှင့် အထက်လွှတ်တော် ထောက်လှမ်းရေးကော်မတီများမှာ တရားရေးဌာနနှင့် ပူးပေါင်းကာ စုံစမ်းစစ်ဆေးလျက်ရှိနေသည်။

    ပြီးခဲ့သည့် ကြာသပတေးနေ့က တံခါးပိတ်ကြားနာမှုတစ်ခုတွင် Page က ၎င်းသည် ထရမ့်၏ နိုင်ငံခြားရေးမူဝါဒဆိုင်ရာအကြံပေးအဖွဲ့၌ စေတနာ့ဝန်ထမ်းအဖြစ် ထမ်းဆောင်ခဲ့ပြီး ထရမ့်နှင့် တိုက်ရိုက်၊ တွေ့ဆုံစကားပြောဆိုခဲ့ခြင်းမရှိခဲ့ကြောင်း ရုရှားနှင့် မလျော်ကန်သော ဆက်သွယ်မှု မလုပ်ခဲ့ကြောင်း ပြောကြားခဲ့သည်။

    သို့သော် ဇူလိုင်လနှင့် ဒီဇင်ဘာလ ရုရှားသို့သွားရောက်စဉ်က ဒုဝန်ကြီးချုပ်နှင့် အခြားအရာရှိကြီးများ၊ စီးပွားရေးသမားများ၊ ပညာရှင်အကြီးအကဲများနှင့် အဆက်အသွယ်ပြုလုပ်ခဲ့ကြောင်း ၀န်ခံခဲ့သည်။

    ထရမ့်၏ မဲဆွယ်ရေးအကြီးအကဲဟောင်း ပေါလ် မာနာဖို့မှာ ယခုကိစ္စအတွက် စုံစမ်းစစ်ဆေးမှုအတွင်း ငွေကြေးခ၀ါချမှု၌ ပူးပေါင်းကြံစည်ခဲ့သည်ဆိုသည့် စွဲချက်ဖြင့် နေအိမ်အကျယ်ချုပ် ချခံထားရသည်။

    Ref : Arab News