အောက်တိုဘာ ၁၆၊ ၂၀၁၇
M-Media
ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်
– ရခိုင်ပြည်နယ်မှာ လုံခြုံရေးတပ်ဖွဲ့တွေက အရပ်သားတွေအပေါ် လူ့အခွင့်အရေးချိုးဖောက်မှုကို တုန့်ပြန်တဲ့အနေနဲ့ မြန်မာစစ်တပ် ကာကွယ်ရေးဦးစီးချုပ်နဲ့ အကြီးတန်း စစ်ခေါင်းဆောင်တွေကို ဖိတ်ခေါ်တာကို ရပ်ဆိုင်းလိုက်တယ်လို့ ဥရောပ နိုင်ငံခြားရေးဝန်ကြီးတွေက ဒီနေ့မှာ ကြေငြာချက် ထုတ်ပြန်လိုက်ပါတယ်။
ဥရောပသမဂ္ဂအဖွဲ့ဝင်နိုင်ငံတွေဟာ ရခိုင်ပြည်နယ်က ကိစ္စနဲ့ပတ်သက်ပြီး ဆွေးနွေးခဲ့ပြီးတဲ့နောက် အချက် ၈ ချက်ပါဝင်တဲ့ ကြေငြာချက် ထုတ်ပြန်လိုက်တာဖြစ်ပြီး မြန်မာနိုင်ငံနဲ့ ကာကွယ်ရေးဆိုင်ရာ လက်တွေ့ပူးပေါင်းဆောင်ရွက်မှု အားလုံးကို သုံးသပ်မယ်လို့လည်း ဆိုပါတယ်။
ကလေးတွေကို ရက်ရက်စက်စက် တိုက်ခိုက်မှုအပါအ၀င် ဆိုးဆိုးဝါးဝါး လူ့အခွင့်အရေးချိုးဖောက်မှုတွေ၊ ကျူးလွန်မှုတွေရှိတယ်ဆိုတဲ့ ခိုင်လုံတဲ့သတင်းတွေကို စုံစမ်းစစ်ဆေးကာ ရိုဟင်ဂျာတွေအပေါ် ရာဇ၀တ်မှု ကျူးလွန်သူတွေကို တရားဥပဒေရှေ့မှောက်ကို ခေါ်ဆောင်လာဖို့လည်း ကြေငြာချက်မှာ တိုက်တွန်းခဲ့ပါတယ်။
ရခိုင်ပြည်နယ်အတွင်းမှာ ပြုလုပ်နေတဲ့ စစ်ဆင်ရေး၊ ဆက်လက်ဖြစ်ပွားနေတဲ့ မီးရှို့မှုတွေ၊ အကြမ်းဖက်မှုတွေ၊ လက်နက်ကိုင်၊ အရပ်သားမခွဲဘဲ ပစ်ခတ်မှုတွေ၊ မြေမြှုပ်မိုင်းထောင်မှုတွ၊ လိင်ပိုင်းဆိုင်ရာ စော်ကားမှုတွေကို ရပ်တန့်ဖို့လည်း နိုင်ငံခြားရေးဝန်ကြီးတွေက ဆော်သြခဲ့ပါတယ်။
ကိုဖီအာနန် ကော်မရှင်က တင်ပြခဲ့တဲ့ အကြံပြုချက်ကို အကောင်အထည်ဖော်ဖို့အတွက် ၀န်ကြီးအဆင့် ကော်မတီကို မြန်မာအစိုးရက ဖွဲ့စည်းမှု၊ ကျူးလွန်သူတွေကို အရေးယူမယ်ဆိုတဲ့ နိုင်ငံတော်အတိုင်ပင်ခံပုဂ္ဂိုလ်ရဲ့ ပြောကြားမှုတွေကို ကြိုဆိုကြောင်း ကြေငြာချက်မှာ ဖော်ပြထားပြီး၊ ကုလလုံခြုံရေးကောင်စီရဲ့ အချက်အလက်ရှာဖွေရေးအဖွဲ့နဲ့ ပူးပေါင်းဆောင်ရွက်ဖို့ မြန်မာအစိုးရကို တိုက်တွန်းခဲ့ပါတယ်။
မြန်မာနိုင်ငံရဲ့ ဒီမိုကရေစီ အသွင်ကူးပြောင်းမှု၊ ငြိမ်းချမ်းရေး၊ အမျိုးသားရင်ကြားစေ့ရေး၊ လူမှုစီးပွား ဖွံ့ဖြိုးတိုးတက်ရေးတွေကို ဆက်လက်ထောက်ခံသွားမှာဖြစ်တဲ့အပြင် ရခိုင်ပြည်နယ်မှာ ထိခိုက်ခံစားရသူတွေ၊ ဘင်္ဂလားဒေ့ရ်ှဖက်ကို ထွက်ပြေးသွားသူတွေကို လူသားချင်း စာနာထောက်ထားမှုဆိုင်ရာ ကူညီထောက်ပံ့မှုတွေြ
ပုလုပ်မယ်လို့လည်း ကြေငြာချက်မှာ ဖော်ပြထားပါတယ်။
သြဂုတ်လနှောင်းပိုင်းမှာ ရိုဟင်ဂျာလက်နက်ကိုင်အဖွဲ့က ရခိုင်ပြည်နယ်မြောက်ပိုင်းမှာရှိတဲ့ ရဲကင်းစခန်းတွေကို တိုက်ခိုက်ခဲ့ပြီးနောက်ပိုင်း စစ်တပ်ကပြုလုပ်တဲ့ နယ်မြေရှင်းလင်းမှုမှာ ရိုဟင်ဂျာအရပ်သားတွေအပေါ် ကျူးလွန်မှုတွေရှိတယ်ဆိုတဲ့ သတင်းတွေ ထွက်ပေါ်လာခဲ့ပြီး စစ်တပ်နဲ့ မြန်မာအစိုးရကတော့ စွပ်စွဲချက်တွေကို ငြင်းဆိုထားပါတယ်။
ဥရောပနိုင်ငံခြားရေးဝန်ကြီးတွေက ရခိုင်ပြည်နယ်အတွင်းမှာရှိတဲ့ လူ့အဖွဲ့အစည်းတွေအတွင်းမှာ တင်းမာမှုတွေလျော့ကျရေး၊ ပဋိပက္ခဖြစ်ပွားရာဒေသတွေကို ကုလ၊ ICRC နဲ့ အခြား NGO တွေ ၀င်ရောက်ခွင့်ပေးရေး၊ အိုးအိမ်စွန့်ခွာထွက်ပြေးရသူတွေကို အန္တရာယ်ကင်းကင်းနဲ့ သူတို့ ယခင်နေထိုင်ရာနေရာကို ပြန်လာနိုင်ရေး ဆောင်ရွက်ပေးဖို့လည်း မြန်မာအစိုးရကို တိုက်တွန်းခဲ့ပါတယ်။
Ref: AP
