အောက်တိုဘာ ၁၁၊ ၂၀၁၇
M-Media
ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်
– ရခိုင်ပြည်နယ်က ပြဿနာတွေကြောင့် မြန်မာစစ်တပ်အပေါ် ပိတ်ဆို့မှုတွေ တိုးမြှင့်ပြုလုပ်ရေး ပထမအဆင့်အနေနဲ့ ဥရောပသမဂ္ဂဟာ ထိပ်တန်း မြန်မာဗိုလ်ချုပ်တွေနဲ့ အဆက်အသွယ်ဖြတ်ဖို့ ရှိနေတယ်လို့ သိရပါတယ်။
ဥရောပ ၂၈ နိုင်ငံရဲ့ နိုင်ငံခြားရေးဝန်ကြီးတွေ အောက်တိုဘာ ၁၆ ရက်နေ့မှာ ပြုလုပ်မယ့် ဆွေးနွေးပွဲမှာ ပါဝင်မယ့် အကြောင်းအရာမူကြမ်းကို Reuters သတင်းဌာနက ရရှိခဲ့ပြီး အဲဒီအထဲမှာ ‘မြန်မာစစ်တပ်ရဲ့ ကာကွယ်ရေးဦးစီးချုပ်နဲ့ အခြား အကြီးတန်းအရာရှိတွေကို ဖိတ်ခေါ်မှုကို ရပ်ဆိုင်းမယ်’ လို့ ဖော်ပြထားပါတယ်။
‘ပြည်တွင်းမှာ ဖိနှိပ်ဖို့ အသုံးပြုနိုင်တယ်’ ဆိုတဲ့ အကြောင်းအရင်းနဲ့ မြန်မာစစ်တပ်အပေါ် လက်နက်ခဲယမ်းတွေ ရောင်းချတင်ပို့မှု အီးယူက ပိတ်ပင်ထားတာကို ထောက်ခံတယ်လို့လည်း မူကြမ်းမှာ အတည်ပြုထားပါတယ်။
ဒီမူကြမ်းမှာပါဝင်တဲ့ အကြောင်းအရာတွေအပြင် လတ်တလော မြန်မာနိုင်ငံအတွင်းက ကောင်းမွန်တဲ့ ပြောင်းလဲတိုးတက်မှုတွေနဲ့ပတ်သက်ပြီး တုန့်ပြန်သွားဖို့အတွက် ဥရောပသမဂ္ဂအဖွဲ့ဝင်တွေက ဆွေးနွေးဖို့ ရှိနေပါတယ်။
ရခိုင်ပြည်နယ်က မတည်ငြိမ်မှုတွေကြောင့် ဘင်္ဂလားဒေ့ရ်ှဖက်ကို ထွက်ပြေးသွားရတဲ့ ဒုက္ခသည်တွေကို ပြန်လည်လက်ခံရေးအတွက် မြန်မာနိုင်ငံကို တိုက်တွန်းထားပြီး ဘင်္ဂလားဒေ့ရ်ှရဲ့ ဆောင်ရွက်မှုတွေအတွက်တော့ ချီးကျူးခဲ့ပါတယ်။
သြဂုတ်လ ၂၅ ရက်နေ့မှာ ရိုဟင်ဂျာလက်နက်ကိုင်တွေက ရခိုင်ပြည်နယ်မြောက်ပိုင်းမှာရှိတဲ့ ရဲကင်းတွေကို တိုက်ခိုက်ပြီးတဲ့နောက်ပိုင်း မြန်မာစစ်တပ်က ပြုလုပ်တဲ့ စစ်ဆင်ရေးတွေအတွင်းမှာ စစ်သားတွေနဲ့ ရခိုင်ဗုဒ္ဓဘာသာဝင်တွေဟာ ရိုဟင်ဂျာအရပ်သားတွေကို သတ်ဖြတ်တာ၊ နေအိမ်တွေကိုမီးရှို့ကာ မနေနိုင်အော
င်လုပ်တာတွေ ရှိတယ်လို့ လူ့အခွင့်အရေးအဖွဲ့တွေနဲ့ ထွက်ပြေးလွတ်မြောက်သွားသူတွေက ပြောကြားထားပါတယ်။
မြန်မာအစိုးရနဲ့ စစ်တပ်ကတော့ ဒီသတင်းတွေကို ငြင်းဆိုထားပါတယ်။
အီးယူရဲ့ အခုမူကြမ်းမှာ ရခိုင်ပြည်နယ်ပြဿနာဟာ ‘အလွန့်အလွန် ဆိုးရွားတဲ့ကိစ္စ’ ဖြစ်ပြီး၊ ကချင်ပြည်နယ်နဲ့ ရှမ်းပြည်နယ်တွေက အခြေအနေတွေကလည်း အလွန်စိုးရိမ်စရာကောင်းတယ်လို့လည်း ဖော်ပြထားပါတယ်။
ရခိုင်ပြည်နယ်ကိစ္စမှာ ပါဝင်တဲ့ အဖွဲ့တွေအနေနဲ့ အကြမ်းဖက်မှုတွေကို ရပ်တန့်ဖို့၊ စစ်တပ်အနေနဲ့ သူတို့ရဲ့ စစ်ဆင်ရေးကို ရပ်တန့်ကာ အရပ်သားအားလုံးကို ကာကွယ်ပေးဖို့၊ ထိခိုက်ခံစားရတဲ့ ဒေသတွေမှာ လူသားချင်း စာနာထောက်ထားမှုဆိုင်ရာ အကူအညီတွေ ၀င်ခွင့်ပြုဖို့ မူကြမ်းမှာ တိုက်တွန်းထားပါတယ်။
NLD အစိုးရအဖွဲ့ခေါင်းဆောင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနနဲ့ စစ်တပ်အပေါ်မှာ သြဇာမရှိဘူးဆိုတာကို အီးယူခေါင်းဆောင်တွေကလက်ခံထားပြီး၊ အခုလုပ်ရပ်ဟာ စစ်ခေါင်းဆောင်တွေအပေါ် ဖိအားပေးဖို့ အနောက်နိုင်ငံတွေရဲ့ ကြိုးပမ်းမှုတစ်ခု ဖြစ်ပါတယ်။
ရခိုင်ကိစ္စကြောင့် ယူကေဟာ ပြီးခဲ့တဲ့လအတွင်းမှာ မြန်မာစစ်တပ် အရာရှိတစ်ချို့ကို သင်တန်းပေးနေမှု ရပ်ဆိုင်းခဲ့ပါတယ်။
Ref: Reuters
