စက်တင်ဘာ ၂၇၊ ၂၀၁၇
M-Media
– သြဂုတ်လနှောင်းပိုင်းက စတင်ခဲ့တဲ့ ရခိုင်ပြည်နယ်မြောက်ပိုင်း မငြိမ်မသက်မှုအတွင်းမှာ မီးလောင်းသွားခဲ့တဲ့ ရွာတွေက မြေကို အစိုးရက သိမ်းယူပြီး ပြန်လည်ဖွံ့ဖြိုးလုပ်ငန်းတွေ လုပ်ဆောင်သွားမယ်လို့ မြန်မာအစိုးရ တာဝန်ရှိသူတစ်ဦးရဲ့ ပြောကြားမှုကို ကိုးကားပြီး CNA သတင်းဌာနက ဒီကနေ့မှာ ဖော်ပြထားပါတယ်။
ဒီအဖြစ်အပျက်အတွင်းမှာ ရိုဟင်ဂျာတွေနေထိုင်တဲ့ ရွာတော်တော်များများ မီးရှို့ဖျက်ဆီးခံရပြီး လူပေါင်း ၄၈၀၀၀၀ လောက်ဟာလည်း ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။
အစိုးရကတော့ သြဂုတ်လ ၂၅ ရက်နေ့က ရဲကင်းစခန်းတွေကို တိုက်ခိုက်ခဲ့တဲ့ ရိုဟင်ဂျာလက်နက်ကိုင်အဖွဲ့က ရွာတွေကို မီးရှို့ခဲ့တာဖြစ်တယ်လို့ ပြောဆိုထားပါတယ်။
“ဥပဒေအရတော့ မီးလောင်ပြင်တွေဟာ အစိုးရက စီမံရတဲ့ မြေတွေဖြစ်သွားပါတယ်” လို့ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီး ဦးဝင်းမြတ်အေးက ပြောကြားကြောင်း ဒီကနေ့ထုတ် Global New Light of Myanmar သတင်းစာမှာ ဖော်ပြထားပါတယ်။
ဝန်ကြီးဟာ ကိုဖီအန်နန်ဦးဆောင်တဲ့ ရခိုင်အကြံပေးကော်မရှင်က တင်ပြထားတဲ့ အကြံပြုချက်တွေကို ဖော်ဆောင်ရေး ကော်မတီကို ဦးဆောင်သူလည်းဖြစ်ပါတယ်။
အင်္ဂါနေ့ အာဏာပိုင်တွေနဲ့ တွေ့ဆုံမှုအတွင်း သဘာဝဘေး စီမံခန့်ခွဲရေးဥပဒေကို ထောက်ပြပြီး ၀န်ကြီးက ပြန်လည်ဖွံ့ဖြိုးရေးလုပ်ငန်းဟာ တော်တော်လေး အကျိုးသက်ရောက်မှုရှိမယ်လို့ ပြောကြားခဲ့ပါတယ်။
အဲဒီဥပဒေအရ ပဋိပက္ခအပါအ၀င် သဘာဝဘေးကြောင့် ပျက်ဆီးသွားတဲ့ ဒေသတွေ ပြန်လည်တည်ဆောက်ရေးကို အစိုးရက ကြီးကြပ်ရမှာဖြစ်ပါတယ်။
ဘင်္ဂလားဒေ့ရ်ှကနေ ပြန်လာတဲ့ ရိုဟင်ဂျာတွေအတွက် ဘယ်လို အစီအစဉ်တွေရှိလဲ၊ သူတို့ နေထိုင်ခဲ့တဲ့ရွာတွေမှာ ပြန်လည်နေထိုင်ခွင့်ရမလားဆိုတဲ့အချက်ကိုတေတာ့ Global New Light of Myanmar သတင်းဖော်ပြချက်မှာ မပါဝင်ပါဘူး။
ဒီကိစ္စအတွက် လူကယ်ပြန်ဝန်ကြီးထံကနေ လတ်တလော မှတ်ချက်ယူလို့ မရသေးဘူးလို့ CNA သတင်းဌာနက ထည့်သွင်းဖော်ပြပါတယ်။
လတ်တလော မတည်ငြိမ်မှုအတွင်း ရိုဟင်ဂျာရွာပေါင်း ၄၀၀ လောက် မီးရှို့ဖျက်ဆီးခံရတယ်လို့ ဂြိုဟ်တုဓာတ်ပုံတွေကို ကိုးကားပြီး လူ့အခွင့်အရေးအဖွဲ့တွေက ပြောကြားထားပါတယ်။
Ref: CNA
