စက်တင်ဘာ ၂၅၊ ၂၀၁၇
M-Media
– ယမန်နေ့က ကျင်းပခဲ့သည့် ဂျာမနီနိုင်ငံ၏ အထွေထွေရွေးကောက်ပွဲတွင် လက်ရှိ ၀န်ကြီးချုပ် အိန်ဂျလာမာကဲလ်မှာ ၄ ကြိမ်မြောက် ပြန်လည်အရွေးခံခဲ့ရပြီး ၎င်း၏ပြိုင်ဘက် အမျိုးသားရေးဝါဒီများ ရွေးကောက်ခံရမှုမှာလည်း မြင့်တက်လာခဲ့သည်။
မာကဲလ်၏ ခရစ်ယာန် ဒီမိုကရက်တစ်သမဂ္ဂပါတီမှာ မဲအရေအတွက် စုစုပေါင်း ၃၃ ရာခိုင်နှုန်းဝန်းကျင် ရရှိခဲ့ပြီး ၂၀၁၃ ခုနှစ် ရွေးကောက်ပွဲနှင့် နှိုင်းယှဉ်ပါက ၉ ရာခိုင်နှုန်း ကျဆင်းခဲ့ကာ နှစ်ပေါင်း ၇၀ နီးပါးအတွင်း အဆိုးဝါးဆုံး ရလဒ်ဖြစ်သည်။
လက်ရှိ မဟာမိတ်ဖြစ်ပြီး အဓိက ပြိုင်ဘက်ဖြစ်သည့် ဆိုရှယ်ဒီမိုကရက်များက မဲအရေအတွက် ၂၁ ရာခိုင်နှုန်း ရရှိခဲ့ပြီး ၎င်းတို့မှာလည်း ကမ္ဘာစစ်အပြီး ဂျာမနီတွင် အဆိုးဝါးဆုံး ရလဒ်နှင့် ရင်ဆိုင်ခဲ့ရခြင်းဖြစ်သည်။
လက်ယာစွန်းယောက် AfD ပါတီကမူ ၁၃.၂ ရာခိုင်နှုန်းအထိ ရရှိခဲ့ပြီး နိုင်ငံ၏ တတိယအကြီးဆုံး နိုင်ငံရေးအင်အားစု ဖြစ်လာခဲ့ကာ ဂျာမနီနိုင်ငံရေး ရေစီးကြောင်းတွင် အကြီးမားဆုံး ပြောင်းလဲမှုကြီးလည်းဖြစ်သည်။
မာကဲလ်ကမူ မိမိအနေဖြင့် ပိုမိုကောင်းမွန်သော ရလဒ်ကို မျှော်လင့်ခဲ့သည်ဟု ရလဒ်ထွက်ပေါ်ပြီးနောက်ပိုင်း ထောက်ခံသူများကို ပြောကြားခဲ့ပြီး လက်ရှိတွင် မဟာမိတ်များကို ရှာဖွေသွားမည်ဟု ဆိုသည်။
လက်ယာစွန်းရောက် ပြောင်းရွှေ့အခြေချသူ ဆန့်ကျင်ရေး၊ ယူရိုဆန့်ကျင်ရေး AfD မှာ လွန်ခဲ့သည့် ၄ နှစ်ကမှ ဖွဲ့စည်းခဲ့ခြင်းဖြစ်ကာ မာကဲလ်၏ ဒုက္ခသည်လက်ခံရေး အစီအစဉ်ကို ပြင်းပြင်းထန်ထန် ဆန့်ကျင်ခဲ့သည့် ပါတီလည်းဖြစ်သည်။
Ref: Aljazeera
