စက်တင်ဘာ ၂၅၊ ၂၀၁၇
M-Media
– ရိုဟင်ဂျာမွတ်စလင်တွေကို ရည်ရွယ်တဲ့ ကာတွန်းတွေဟာ ဗုဒ္ဓဘာသာဝင်အများစုရှိတဲ့ မြန်မာနိုင်ငံက ဆိုရှယ်မီဒီယာတွေမှာ အလျင်အမြန်ကို ပြန့်နှံ့နေပါတယ်။ ဒီပြဿနာအတွက် မြန်မာပြည်သူတွေရဲ့ သဘောထားဟာ နိုင်ငံတကာက ဝေဖန်မှုတွေနဲ့ တိုက်ရိုက်ကို ဆန့်ကျင်နေတာပါ။
မြန်မာနိုင်ငံက အရပ်ဖက်ခေါင်းဆောင်တွေ၊ စစ်ခေါင်းဆောင်တွေရဲ့ အားပေးအားမြှောက်ပြုမှုနဲ့အတူ သတင်းအချက်အလက်စစ်ပွဲဟာ ပြင်းထန်လာခဲ့ပြီး ပြောင်လှောင်သရော်ချင်သူတွေ၊ တစ်ရာဖိုး ၃ ပုဒ်သမားတွေနဲ့ အင်တာနက်မှာ တစ်လွဲဝါဒဖြန့်တဲ့ အုပ်စုတွေဟာလည်း ဒီစစ်ပွဲမှာ အလုအယက် ပါဝင်လာကြပါတယ်။
စစ်အာဏာရှင်ဟောင်းတွေကို ဝေဖန်ပြီး ပြည်သူတွေရဲ့ လေးစားမှုကို ရခဲ့တဲ့ ပြည်တွင်းက ကာတွန်းဆရာ တော်တော်များများဟာ လက်ရှိအချိန်မှာတော့ ရိုဟင်ဂျာတွေကို ပစ်မှတ်ထားလာပါတယ်။
ဆိုရှယ်မီဒီယာမှာ ကျယ်ကျယ်ပြန့်ပြန် မျှဝေကြတဲ့ ကာတွန်းတစ်ကွက်မှာ မိကျောင်းတစ်အုပ်ဟာ သွေးသံရဲရဲနဲ့ ကိုက်ဖြတ်ခံထားရတဲ့ သတ္တ၀ါတွေရှိတဲ့ ကမ်းကနေ စိတ်အားထက်သန်နေတဲ့ အနောက်တိုင်းမီဒီယာတွေဆီ ကူးလာနေတာကို ဖော်ပြထားပါတယ်။
“အီး.. ဟီး.. ဟီး ဇာတိမြေကို စွန့်ခွာပြေးခဲ့ရတာပါ” လို့ မိကျောင်းတစ်ကောင်က မိုက်ခရိုဖုန်းမှာ ငိုယိုပြောကြားနေပြီး မြန်မာစစ်တပ်ရဲ့ ရက်စက်ကြမ်းကြုတ်မှုတွေကြောင့် ဘင်္ဂလားဒေ့ရ်ှကို ထွက်ပြေးလာကြရတဲ့ ရိုဟင်ဂျာတွေရဲ့ ပြောကြားမှုကို ပြောင်လှောင်သရော်ထားတာဖြစ်ပါတယ်။
“(ရိုဟင်ဂျာတွေ) ပြောဆိုတာတွေမှာ မမှန်တာတွေ ရှိပါတယ်” လို့ မြန်မာနိုင်ငံက ထင်ရှားတဲ့ ကာတွန်းဆရာ ဦးဝင်းနိုင်က ပြောပါတယ်။
အသက် ၅၈ နှစ်အရွယ်ရှိပြီး ကလောင်နာမည် အော်ပီကျယ်လို့မှည့်ထားတဲ့ သူက အကြီးအကျယ် အာရုံစိုက်ခံနေရတဲ့ ကိစ္စကို ပြန်လည် တုန့်ပြန်ချင်နေတယ်လို့ ဆိုပါတယ်။
“တိုင်းပြည်ချစ်စိတ်နဲ့ ကျွန်တော်တို့ ကာတွန်းတွေ ဆွဲနေတာပါ”
အရာရာကို သံသယမျက်စိနဲ့ကြည့်တဲ့ အာဏာရှင်ဟောင်းတွေဟာ ပြည်သူတွေကို ဆယ်စုနှစ်ချီ နည်းပညာ၊ ကမ္ဘာ့အတွေးအမြင်၊ သဘောထားတွေနဲ့ ဝေးကွာအောင် လုပ်ခဲ့ပါတယ်။
ဒါပေမယ့် လွန်ခဲ့တဲ့နှစ်အနည်းငယ်အတွင်း ဖွင့်ပေးလိုက်ကတည်းက မြန်မာပြည်သူလူထုဟာ Facebook နဲ့ Twitter တို့လို ဆိုရှယ်မီဒီယာတွေကို အရူးအမူး သုံးစွဲလာကြပါတယ်။
အခုအချိန်မှာတော့ ရိုဟင်ဂျာဆန့်ကျင်ရေး ကဲရဲ့ပြစ်တင်စကားတွေဟာ like တွေ၊ share တွေ ပလူပျံနေပြီး လူနည်းစုတွေအပေါ် အမြင်တွယ်နေတဲ့ ဘာသာရေးမုန်းတီးမှုကို ပိုပြီး အားကောင်းလာစေပါတယ်။
ပြီးခဲ့တဲ့ သြဂုတ်လကတည်းက ရိုဟင်ဂျာမွတ်စလင် ၄၃၀၀၀၀ လောက်ဟာ စစ်တပ်ရဲ့နှိမ်နှင်းမှုကြောင့် ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး ကုလကတော့ ဒါကို ‘လူမျိုးစုလိုက် သုတ်သင်မှု’ လို့ ခေါ်ဝေါ် သုံးစွဲနေပါတယ်။
ကမ္ဘာတစ်ဝှမ်းက ပြစ်တင်ရှုတ်ချမှုတွေဟာ ရိုဟင်ဂျာကို နိုင်ငံသားတွေအဖြစ် မသတ်မှတ်ဘဲ ကျယ်ကျယ်ပြန့်ပြန့် ပုတ်ခတ်၊ ကဲ့ရဲ့ကြတဲ့ မြန်မာနိုင်ငံမှာ တုန့်ပြန်ရေးသဘောထားတစ်ခုကို ဖြစ်စေခဲ့ပါတယ်။
ရိုင်းစိုင်းတဲ့ ပျက်ရယ်ပြုမှု၊ အင်တာနက်မှာ နာမည်ကျော်လိုမှု၊ ပြည်သူတွေရဲ့ သဘောထားအပေါ် လှေကြုံစီးမှုတွေနဲ့အတူ ကာတွန်းဆရာတွေဟာ ပြန်လည်တုန့်ပြန်မှုတွေ ပြုလုပ်လာခဲ့ကြပါတယ်။
ရိုဟင်ဂျာတွေနဲ့ပတ်သက်ပြီး နှုတ်ဆိတ်နေမှုအတွက် ဒေါ်အောင်ဆန်းစုကြည်ကို မာလာလာ ယူစွဖ်ဇိုင်က ရှုတ်ချတဲ့အခါ ကာတွန်းဆရာတစ်ယောက်က မာလာရဲ့ ဦးခေါင်းထဲမှာ ဦးနှောက်အစား မစင်ရှိနေတဲ့ ကာတွန်းတစ်ကွက်ကို ရေးစွဲခဲ့ပြီး တာလီဘန်တွေက မာလာလာရဲ့ ဦးခေါင်းကို သေနတ်နဲ့ ပစ်ခတ်ခဲ့ပြီးတဲ့နောက် ပြုလုပ်ခဲ့ရတဲ့ ခွဲစိပ်ကုသမှုကို ခနဲ့ခဲ့တာ ဖြစ်ပါတယ်။
Facebook စာမျက်နှာမှာ like ၁ သောင်းနီးပါး ရရှိခဲ့တဲ့ ဥက္ကာကြည်ဝင်းရဲ့ ကာတွန်းတစ်ကွက်မှာတော့ ကုလရဲ့ လိုဂိုကို အရှေ့အလယ်ပိုင်းက ခေါင်းပေါင်းဆောင်းထားတဲ့ ပုံဖော်ထားပြီး ကုလဟာ အာရပ်ကမ္ဘာနဲ့ ကြံရာပါဖြစ်တယ်ဆိုတဲ့ သဘောမျိုးကို ဖော်ပြချင်တာ ဖြစ်ပါတယ်။
ရည်ရွယ်ချက်ဟာ ပြက်ရယ်ပြုဖို့ ဖြစ်ပေမယ့် ဒီကာတွန်းတွေဟာ ကမ္ဘာတစ်ဝှမ်းမှာ ပြန့်နေတဲ့ ရိုဟင်ဂျာထောက်ခံသူအုပ်စုတွေနဲ့ ရန်ဖြစ်နေကြတဲ့ ကီးဘုတ်သူရဲကောင်းတွေရှိရာ မြန်မာနိုင်ငံမှာ သူတို့အပေါ် အားလုံးက ရန်လိုနေတယ်လို့ ထင်နေတဲ့ ပြည်သူလူထုရဲ့ စိတ်ဓာတ်ကို မီးထိုးပေးနေတာ ဖြစ်ပါတယ်။
မြန်မာနိုင်ငံက ဗုဒ္ဓဘာသာလူများစုကြီး ကြားထဲမှာ ပြန့်နှံ့နေတဲ့အမြင်က နိုင်ငံခြားမီဒီယာတွေ၊ NGO တွေဟာ ရိုဟင်ဂျာတွေရဲ့ ဒုက္ခသုက္ခတွေကိုသာ အာရုံစိုက်ကြပြီး နိုင်ငံ့ခေါင်းဆောင် ဒေါ်အောင်ဆန်းစုကြည်ကို မတရားသဖြင့် ပုတ်ခတ်စော်ကားနေတယ် ဆိုတာပါ။
ဒေါ်အောင်ဆန်းစုကြည်က ဒီပြောကြားမှုကိုတွေကို ငြင်းဆိုခဲ့ပြီး ‘သတင်းအချက်အလက်အမှားရဲ့ ထိပ်ပိုင်းလေးသာဖြစ်တယ်’ လို့ ပြန်လည် တုန့်ပြန်ခဲ့ပါတယ်။
မြန်မာနိုင်ငံ ပြင်ပကသူတွေဟာ စာနာနားလည်းမှု မရှိသူတွေဖြစ်တယ်လို့ အထင်ခံရပြီး တစ်ခါတစ်ရံမှာ ဗုဒ္ဓဘာသာဝင်တွေက သူတို့ကို ပုတ်ခတ် ပြောဆိုမှုတွေလည်း ရှိနေပါတယ်။
ရခိုင်မှာ တပ်တွေ အကြီးအကျယ်ချထားတဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း Facebook ပို့စ်တွေမှာ ရိုဟင်ဂျာတွေကို ‘အစွန်းရောက် ဘင်္ဂါလီ အကြမ်းဖက်သမား’ လို့ ဆက်လက်သုံးစွဲနေပြီး ဒီအသုံးအနှုန်းဟာ ရိုဟင်ဂျာတွေကို တရားမ၀င် ခိုးဝင်သူတွေအဖြစ် ရှုတ်ချကာ နိုင်ငံတော် ကျောထောက်နောက်ခံပြု နှိမ့်ချခေါ်ဝေါ်တဲ့ အသုံးအနှုန်းလည်း ဖြစ်ပါတယ်။
သတင်းစာတွေ၊ ရုပ်သံဆွေးနွေးမှုတွေနဲ့ ဆိုရှယ်မီဒီယာတွေကလည်း ဒီအသုံးအနှုန်းကို သံယောင်လိုက် သုံးနှုန်းကြပြီး ထွက်ပြေးနေရတဲ့ ရိုဟင်ဂျာတွေကို ပြက်ရယ်ပြုကြတယ်လို့ မြန်မာဂျာနယ်လစ်ဇင်အင်စတီကျုက ဦးစိန်ဝင်းက ပြောပါတယ်။
အကျယ်ဆုံးအသံတွေဟာ စစ်အာဏာရှင်လက်အောက်မှာ ဖိနှိပ်ချုပ်မယ်မှုတွေကို တွန်းလှန်ခဲ့တဲ့ လူတွေဆီကနေ ထွက်လာနေတယ်လို့လည်း သူက ဆိုပါတယ်။
“မီဒီယာ၊ အရပ်ဖက်အဖွဲ့တွေနဲ့ နိုင်ငံရေးအကျဉ်းသားဟောင်းတွေရဲ့ တုန့်ပြန်မှုတွေအတွက် ကျွန်တော် စိတ်အနှောက်အယှက် ဖြစ်ရပါတယ်။ ကိုယ်နဲ့တူတဲ့သူတွေသာ မဟုတ်ဘဲ ထိခိုက်ခံစားရတဲ့ လူတွေအားလုံးအပေါ် ဂရုတစ်စိုက်ရှိဖို့ လိုပါတယ်”
သောကြာနေ့မှာ အမေရိကန် ဒုတိယနိုင်ငံခြားရေးဝန်ကြီး ပက်ထရစ် မာဖီကလလည်း မြန်မာပြည်သူတွေအနေနဲ့ ရိုဟင်ဂျာတွေကို ရှုထောင့်ပြောင်းကြည့်ကာ စာနာနားလည်ပေးကြဖို့ တိုက်တွန်းခဲ့ပါတယ်။
ဒေါပမယ့် မောင်မောင်ဖောင်တိန်တို့လို ကာတွန်းဆရာတွေကတော့ သူတို့ရဲ့ ကာတွန်းတွေဟာ ‘ဘယ်လူမျိုး ဘယ်ဘာသာကိုမှ မစော်ကားဘူးလို့ ဆိုပါတယ်’
သူ့ရဲ့ တစ်ကွက်ကာတွန်းတစ်ခုမှာ ရိုဟင်ဂျာမွတ်စလင်လို့ နာမည်တပ်ထားတဲ့ ကုလားအုတ်တစ်ကော်က မြန်မာအလံနဲ့ လုပ်ထားတဲ့ တဲတစ်ခုထဲကို ၀င်လာပြီး ‘လူ့အခွင့်အရေး’ လို့ ဟိန်းဟောက်မှုကြောင့် တဲထဲကလူဟာ ကြောက်လန့်ကာ ဖယ်ပေးလိုက်ရတဲ့ ပုံစံကို ဖော်ကျူးထားပါတယ်
“တစ်ချို့လူတွေဟာ အခွင့်အရေးနဲ့ ရပိုင်ခွင့်တွေကို ပိုပြီး လိုချင်နေတာကို ကျွန်တော် ရည်ညွှန်းတာပါ” လို့ သူ ပြောကြားခဲ့ပါတယ်။
Ref: South China Morning Post
(South China Morning Post တွင် ဖော်ပြထားသည့် Myanmar cartoonists lead the media in jeering Rohingya ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)
