သြဂုတ် ၁၉၊ ၂၀၁၇
M-Media
– မိမိတို့နိုင်ငံ ဖွံ့ဖြိုးတိုးတက်ခြင်းမှာ အပြောကိုလျှော့ကာ အလုပ်လုပ်ခြင်းကြောင့်ဖြစ်သည်ဟု အာရပ်စော်ဘွားများပြည်ထောင်စု ယူအေအီးနိုင်ငံ၏ ဒုတိယဥက္ကဌ ရှိခ် မိုဟာမက် ဘင် ရာရှစ် အလ် မခ်တွမ်က ယမန်နေ့တွင် ပြောကြားလိုက်သည်။
“ဒူဘိုင်းနဲ့ ယူအေအီးရဲ့ အောင်မြင်မှုသော့ချက်ကို လူတော်တော်များများက မေးကြတယ်ဗျ။ ကျွန်တော်က ဘာလျှို့ဝှက်ချက်မှမရှိဘူး။ အရင် လူတွေသိခဲ့တဲ့ အသိပညာတွေ၊ သိပ္ပံညာတွေထက် ပိုပြီး ကျွန်တော်တို့ သိထားတာလည်း မရှိဘူးလို့ ပြန်ပြောလိုက်တယ်။ ကျွန်တော်တို့လုပ်တာက အောင်မြင်မှုဟာ ကျွန်တော်တို့ရဲ့ ယဉ်ကျေးမှုဖြစ်အောင် အသိပညာတွေကို အလုပ်အဖြစ် ပြောင်းလိုက်တာပါ” ဟု အလ် မက်ခ်တွမ်က Twitter စာမျက်နှာတွင် ရေးသားခဲ့သည်။
၎င်းမှာ နိုင်ငံ၏ ၀န်ကြီးချုပ်ဖြစ်ပြီး ဒူဘိုင်း အုပ်ချုပ်ရေးမှူးလည်း ဖြစ်သည်။
ထို့ပြင် လေယာဉ်ကွင်း ကာယလုပ်သားများမှ ရုံးဝန်ထမ်း မန်နေဂျာများအထိ၊ စာသင်ခန်းရှိ ခုံများမှာ တိုင်းပြည်ကောင်စီများ၊ ၀န်ကြီးများအတထိ ကြိုးစားအားထုတ်လိုစိတ် မျိုးစေ့ကို စိုက်ပျိုးပေးခြင်းသာလျှင် မှန်ကန်သည့် အောင်မြင်မှုဖြစ်သည်ဟု ၎င်းက ဆိုသည်။
၁၉၇၁ ခုနှစ်က စတင်တည်ထောင်ခဲ့သည့် ယူအေအီးနိုင်ငံမှာ လက်ရှိတွင် ပင်လယ်ကွေ့၌ ဆော်ဒီပြီးနောက် ဒုတိယ စီးပွားရေးအကြီးမားဆုံး နိုင်ငံတစ်ခုဖြစ်နေပြီး ရေနံကို မမှီခိုသည့် စီးပွားရေးလမ်းကြောင်းများကို အောင်မြင်စွာ ဖော်ထုတ်ထားနိုင်သည်။
မက်ခ်တွမ်က မိမိတို့မှာ အပြောကိုလျှော့၍၊ အလုပ်ကိုတိုးလုပ်ကြောင်း၊ အသိပညာများနှင့် သိပ္ပံညာကို လက်တွေ့ အသုံးချကြောင်း ထည့်သွင်းပြောဆိုခဲ့သည်။
Ref : Alarabiya
