သြဂုတ် ၁၇၊ ၂၀၁၇
M-Media
– ပြီးခဲ့တဲ့ စနေနေ့က ဗာဂျီးနီးယားပြည်နယ် ချားလော့စ် ဗီလီမြို့မှာ ဖြစ်ပွားခဲ့တဲ့ ရုန်းရင်းဆန်ခတ်မှုနဲ့ပတ်သက်ပြီး လူဖြူအစွန်းရောက်တွေကို မျက်နှာသာပေးတဲ့ သမ္မတထရမ့်ရဲ့ မှတ်ချက်အတွက် ဝေဖန်မှုတွေ ပြင်းပြင်းထန်ထန် ခံနေသလို၊ လူဖြူအစွန်းရောက်ကလည်း ထရမ့်ကို ချီးမွမ်းခဲ့ကြပါတယ်။
လူဖြူအစွန်းရောက်တွေရဲ့ ချီတက်ဆန္ဒပြမှုမှာ သူတို့ကိုဆန့်ကျင်တဲ့ တန်ပြန်ဆန္ဒပြမှုနဲ့ ကြုံတွေ့ခဲ့ရပြီး ရုန်းရင်းဆန်ခတ်တွေ ဖြစ်ခဲ့ပါတယ်။ နောက်ပိုင်းမှာ လူမျိုးရေးခွဲခြားမှု၊ အစွန်းရောက်မှုတွေကို ဆန့်ကျင်တဲ့ လူအုပ်ထဲကို အစွန်းရောက်တွေရဲ့ ကားတစ်စီးက အရှိန်နဲ့ ၀င်တိုက်ခဲ့လို့ အမျိုးသမီးတစ်ဦး သေဆုံးပြီး တော်တော်များများ ဒဏ်ရာရရှိခဲ့ပါတယ်။
မွတ်စလင်အစွန်းရောက်တွေ တိုက်ခိုက်မှုပြုလုပ်ရင် ချက်ခြင်းဆိုသလို တုန့်ပြန်တတ်တဲ့ ထရမ့်အနေနဲ့ အခု လူဖြူ ခရစ်ယာန်အစွန်းရောက်တွေရဲ့ ပြဿနာမှာ နှုတ်ဆိတ်နေတဲ့အတွက် ဝေဖန်မှုတွေနဲ့ ကြုံတွေ့ခဲ့ရပါတယ်။
စောစောပိုင်းမှာ အားလုံးကို သိမ်းကြုံး အပြစ်တင်ခဲ့ပေမယ့် ဝေဖန်မှုတွေကြောင့် တနင်္လာနေ့မှာ လူဖြူအစွန်းရောက်ဝါဒကို ထရမ့်က လူသိရှင်ကြား ဝေဖန်ရှုတ်ချခဲ့ပါတယ်။ ဒါပေမယ့် ဒီရှုတ်ချမှုဟာ သိပ်မကြာလိုက်ပါဘူး။
အင်္ဂါနေ့မှာ ဒီအကြောင်းကို ထပ်ပြောခဲ့ပြီး ဒီအချိန်မှာတော့ နှစ်ဖက်စလုံကို အပြစ်တင်ခဲ့ကာ လူမျိုးရေးခွဲခြားမှု ဆန့်ကျင်သူတွေကို ‘လက်ဝဲစွန်းရောက်’ လို့ အမည်တပ်ခဲ့ပါတယ်။ ဒါဟာ လက်ယာစွန်းသမားတွေက သူတို့ကို ဆန့်ကျင်တဲ့သူတွေအပေါ် သုံးနှုန်းတဲ့ စကားလုံးဖြစ်ပါတယ်။
အစွန်းရောက်များကြိုဆို
“ကျက်သရေတုန်းတဲ့ ဂျူးမီဒီယာကို ထရမ့်က ကစ်ထည့်လိုက်တာပါ။ ဘာပဲဖြစ်ဖြစ် ထရမ့်ဟာ နောက်ဆုံးမှာ ဒီလိုလုပ်မယ်ဆိုတာ ငါသိနေတယ်။ ဂျူးတွေရဲ့ အန္တရာယ်အောက်ကနေ ငါတို့ကို ထရမ့်က ဆွဲထုတ်တယ်။ ငါကလည်း သူ့ကို မပစ်ပယ်ပါဘူး” လို့ နာဇီလိုလားတဲ့ Dily Stormer ဘလော့ဂ်ကို ကိုင်တွယ်နေတဲ့ လူဖြူအစွန်းရောက် အန်ဒရူး အဂ်လင်က Twitter မှာ ရေးသားခဲ့ပါတယ်။
Twitter က နာဇီလက်သစ်တွေနဲ့ လူဖြူအစွန်းရောက်ဖိုရမ် 4Chan က ထရမ့်ရဲ့ ဒီမှတ်ချက်တွေကို ထောက်ခံချီးကျူးခဲ့သလို၊ လက်ယာစွန်းခေါင်းဆောင် ရစ်ချက် စပင်ဆာ၊ လူဖြူ ခရစ်ယာန်အစွန်းရောက် ဂိုဏ်း KKK ခေါင်းဆောင် ဒေးဗစ်လူကေးတို့ကလည်း ထရမ့်ကို သြဘာပေးခဲ့ပါတယ်။
“ချားလော့စ်ဗီလီနဲ့ပတ်သက်ပြီး ခင်ဗျားရဲ့ ရိုးသားမှု၊ အမှန်တရားကို ပြောရဲမှု၊ BLM/Antifa က လက်ဝဲစွန်း အကြမ်းဖက်သမားတွေကို ရှုတ်ချမှုအတွက် သမ္မတထရမ့်ကို ကျေးဇူးတင်ပါတယ်” လို့ ဒူကေးက ဆိုရှယ်မီဒီယာမှာ ရေးသားခဲ့ပါတယ်။
Black Lives Matter (BLM) အဖွဲ့ဟာ နိုင်ငံအတွင်း အာဖရိကန် အမေရိကန်တွေအတွက် တန်းတူညီမျှ အခွင့်အရေး၊ ရဲတပ်ဖွဲ့ရဲ့ ရက်စက်ကြမ်းကြုတ်မှုတွေ အဆုံးသတ်ရေး လှုပ်ရှားနေတဲ့ အရပ်ဖက်အဖွဲ့အစည်း ဖြစ်ပါတယ်။
ရှုတ်ချမှုတွေလည်း ပလူပျံ
လူဖြူအစွန်းရောက်တွေကို ကာကွယ်ပေးတဲ့ ထရမ့်ရဲ့ အဲဒီမှတ်ချက်တွေအတွက် ဝေဖန်မှုတွေဟာ ပိုမိုကျယ်လောင်လာခဲ့ပြီး သူ့ရဲ့ ရီပက်ဘလစ်ကန်ပါတီက အကြီးအကဲတွေ၊ နိုင်ငံရေးအသိုင်းအ၀ိုင်းက ထင်ရှားတဲ့ ပုဂ္ဂိုတွေကပါ သူ့ကို အပြစ်တင်ခဲ့ပါတယ်။
တက်ကြွလှုပ်ရှားသူနဲ့ စာရေးဆရာတစ်ဦးဖြစ်သူ ရှောင်ကင်းက ထရမ့်ရဲ့ အင်္ဂါနေ့ပြောကြားမှုဟာ လူဖြူအစွန်းရောက်ဝါဒကို ပွင့်ပွင့်လင်းလင်း မြှောက်ပေးလိုက်တာဖြစ်တယ်လို့ ဆိုပါတယ်။
“ဒေါ်နယ်ထရမ့်ရဲ့ ဒီလို လက်လွတ်ခွက်ချွတ် ပြောကြားမှုကို ထင်တဲ့အတိုင်းပဲ လူဖြူအစွန်းရောက်တွေက သဘောကျကြပါတယ်။ သဘောတွေ့ မနောခွေ့ကြတာပေါ့လေ”
ဒီမိုကရက်တစ်ပါတီက အကြီးတန်း တာဝန်ရှိသူဖြစ်ပြီး အထက်လွှတ်တော်က လူနည်းစုခေါင်းဆောင်ဖြစ်တဲ့ ချက်ရှူမာကလည်း ထရမ့်အနေနဲ့ ဒီကိစ္စမှာ ကြားနေဖို့ ရည်ရွယ်တာဟာ အစွန်းရောက်တွေကို စာနာကြောင်း ပြလိုက်တာဖြစ်တယ်လို့ ဆိုပါတယ်။
“ဒီလိုပြောလိုက်တာဟာ ထရမ့်အနေနဲ့ ဘယ်ဖက်မှမရပ်တည်ဘူးဆိုတာ ရှင်းရှင်းလင်းလင်း ပြလိုက်တာပါပဲ။ ဒေးဗစ်လူကေးနဲ့ လူဖြူအစွန်းရောက်တွေ ဒါကို ချီးကျူးလိုက်ချိန်မှာတော့ ဒါဟာ မှားယွင်းတဲ့ ရပ်တည်ချက်မျိုးဖြစ်သွားပါတယ်”
နောက်ထပ် ဒီမိုကရက်တစ် အထက်လွှတ်တော်မတ်ဖြစ်ပြီး ဂျူးလူမျိုးတစ်ဦးလည်းဖြစ်တဲ့ အလ် ဖရန့်ကင်ကလည်း ထရမ့်ကို ဝေဖန်ခဲ့ပါတယ်။
ပြီးခဲ့တဲ့နှစ် ထရမ့်ရဲ့ မဲဆွယ်မှုအတွင်းမှာ လူဖြူအစွန်းရောက်တွေ ခေါင်းထောင်ခဲ့ပြီး ထရမ့်အစိုးရမှာလည်း လက်ယာစွန်းတွေ၊ နာဇီလက်သစ်အုပ်စုတွေနဲ့ ဆက်စပ်တဲ့သူတွေ တော်တော်များများ ပါဝင်ပါတယ်။
မဲဆွယ်မှုအတွင်းမှာ ထရမ့်ဟာ လက်တင်အမေရိကက ပြောင်းရွှေ့ဝင်ရောက်လာသူတွေ၊ ဒုက္ခသည်တွေ၊ မွတ်စလင်တွေလို လူနည်းစုတွေကို ပစ်မှတ်ထား စော်ကားဝေဖန်တာမျိုးတွေ လုပ်ခဲ့ပါတယ်။
Ref: Aljazeera
