သြဂုတ် ၇၊ ၂၀၁၇
M-Media
– အမေရိကန်ပြည်ထောင်စု မင်နီဆိုတာပြည်နယ် ဘလွန်မင်တန်မြို့ရှိ ဗလီဝတ်ကျောင်းတော်တစ်လုံးမှာ စနေနေ့မနက်ပိုင်းက ဗုံးဖြင့် တိုက်ခိုက်ခံခဲ့ရပြီး ထိုအဖြစ်အပျက်နှင့်ပတ်သက်၍ သမ္မတထရမ့်က မည်သည့်တုန့်ပြန်မှုမှ မပြုလုပ်သည့်အတွက် ဝေဖန်မှုများလည်း မြင့်တက်လာခဲ့သည်။
ဒါရွလ် ဖာရွက် ဗလီဝတ်ကျောင်းတော်တွင် အရုဏ်တက်ဝတ်ပြုမှုအတွက် စီစဉ်နေစဉ် ဒေသစံတော်ချိန် မနက် ၅ နာရီခန့်က ဖြစ်ပွားခဲ့ခြင်းဖြစ်သည်။ အခင်းဖြစ်ပွားချိန်တွင် ဗလီဝတ်ကျောင်းတော်၌ လူ ၂၀ ခန့်ရှိနေပြီး ၀တ်ကျောင်းတော် ထိခိုက်ပျက်ဆီးမှု ရှိခဲ့သော်လည်း သေဆုံး ဒဏ်ရာရမှု မရှိခဲ့ချေ။
FBI ကမူ ထိုကိစ္စအတွက် စုံစမ်းစစ်ဆေးမှုပြုလုပ်နေပြီး လက်လုပ်ဗုံးဖြင့် တိုက်ခိုက်ခံရခြင်း ဖြစ်သည်ဟု ပြောကြားခဲ့သည်။ အမေရိကန်ရှိ အခြားသော ဗလီဝတ်ကျောင်းတော်များ ခြိမ်းခြောက်ခံခဲ့ရသကဲ့သို့ အဆိုပါ ဗလီဝတ်ကျောင်းတော်မှာလည်း ခြိမ်းခြောက်ခံခဲ့ရပြီးနောက် ယခုကဲ့သို့ တိုက်ခိုက်ခံခဲ့ရသည်။
မွတ်စလင်အစွန်းရောက်များ၏ တိုက်ခိုက်မှုများကို လျင်လျင်မြန်မြန် ဝေဖန်ပြစ်တင်တတ်သည့် သမ္မတ ဒေါ်နယ်ထရမ့်က ယခုအဖြစ်အပျက်အပါအ၀င် လူဖြူအစွန်းရောက်များ၏ တိုက်ခိုက်မှုအတွက် နှုတ်ဆိတ်နေလေ့ ရှိသည်။
Mother Jones မဂ္ဂဇင်း၏ အယ်ဒီတာဖြစ်သူ မာ့ခ် ဖိုလ်မန်က ထရမ့်အနေဖြင့် ယခုကဲ့သို့ နှုတ်ဆိတ်နေခြင်းမှာ တိုက်ခိုက်ခံရသည့်နေရာကြောင့် ဖြစ်သည်ဟု Twitter စာမျက်နှာတွင် ရေးသားခဲ့သည်။
“လက်လုပ်ဗုံးနဲ့ ၀တ်ပြုရာနေရာတစ်ခုကို ဗုံးခွဲမှုကို အမေရိကန်သမ္မတကြီးက ၀န်ခံပြောကြားမှုမရှိတာဟာ ထုံးစံလို ဖြစ်နေပါပြီ” ဟု ထရမ့်က တုန့်ပြန်မှုမရှိခဲ့သည့် လူဖြူလက်ယာစွန်းရောက်များ ယခင်က တိုက်ခိုက်ခဲ့သော နေရာများစာရင်းကို လွှင့်တင်ပြီးနောက် ရေးသားခဲ့သည်။
မာတီ ပါရစ်ရ်ှဆိုသူက “ဒီဗုံးခွဲမှုဒဏ် ခံရသူတွေ၊ ဗလီတာဝန်ရှိသူတွေအတွက် ထရမ့်က ထုတ်ပြန်တဲ့ ကြေငြာချက်လေးများ တွေ့မိကြသေးလား။ သူ ဒါကို သိရောသိရဲ့လား” ဟု ဆိုရှယ်မီဒီယာတွင် ရေးသားခဲ့သည်။
ဗလီဝတ်ကျောင်းတော် ဗုံးခွဲခံရမှုကို မီဒီယာများက အလေးထားဖော်ပြခြင်းမရှိသည့်အတွက်လည်း ဝေဖန်မှုများ ရှိနေသည်။ အမေရိကန်မှ သတင်းဌာန တစ်ချို့မှာ ထိုသတင်းကို ဖော်ပြခဲ့ခြင်း မရှိပေ။
ဘရောင်း ဆာရာဆိုသည့် Twitter သုံးစွဲသူ အမျိုးသမီးက “မကြာခင်ကပဲ မင်နီဆိုတာက ဗလီကို တစ်ယောက်ယောက်က ဗုံးခွဲခဲ့တယ်။ မီဒီယာနယ်ပယ်က မွတ်စလင်တွေကို ပုံဖျက်ဖို့သာ စိတ်ဝင်စားတာကြောင့် ဒီသတင်းကို ရှင်တို့ ကြားတောင်ကြားမှာ မဟုတ်ပါဘူး” ဟု ရေးသားခဲ့သည်။
တက်ကြွလှုပ် အစ်မရမ်း ဂျိတ်ဆင်း ဆိုသူကလည်း မီဒီယာများအနေဖြင့် အဆိုပါတိုက်ခိုက်မှုအတွက် ‘အကြမ်းဖက်ဝါဒ’ စကားလုံး မသုံးမှုကို ဝေဖန်ခဲ့သည်။
“ဒီသတင်းခေါင်းစဉ်က နောက်နေတာလား။ မွတ်စလင်တွေ ပစ်မှတ်ထားခံရလို့ အကြမ်းဖက်ဝါဒလို့ မသုံးတာလား။ ဘာ့ကြောင့် စံနှစ်ခု ဖြစ်နေတာလဲ” ဟု နယူးယောက်တိုင်းမ်စ်မှ ဖော်ပြသည့် သတင်းကို ပြန်လည်မျှဝေကာ ရေးသားခဲ့သည်။
ဒါရွလ် ဖာရွက် ဗလီဝတ်ကျောင်းတော် တိုက်ခိုက်ခံရပြီးနောက်ပိုင်း ပျက်ဆီးသွားသည်များကို ပြန်လည် ပြုပြင်ရန်အတွက် အမေရိကန်ပြည်သူများက လှူဒါန်းမှု ပြုလုပ်ခဲ့ပြီး ကန်ဒေါ်လာ ၁၂၀၀၀ အထိ ရရှိနေပြီဖြစ်သည်။
၂၀၁၆ ခုနှစ် ရွေးကောက်ပွဲ မဲဆွယ်မှုကာလမှစ၍ အမေရိကန်တွင် မွတ်စလင်ဆန့်ကျင်ရေး တိုက်ခိုက်မှုများ မြင့်တက်လာခဲ့ပြီး၊ ထရမ့်အနိုင်ရရှိပြီးနောက်တွင် ပိုမိုဆိုးရွားလာခဲ့သည်ဟု အမေရိကန်-အစ္စလာမ် ဆက်ဆံရေးကောင်စီ (CAIR) က ပြောကြားခဲ့သည်။
Ref: Aljazeera
