ဇန်န၀ါရီ ၃၁၊ ၂၀၂၃
M-Media
-အစ္စရေးနဲ့ ပါလက်စတိုင်း ပြဿနာမှာ အရင်ကတည်းက ရှိခဲ့တဲ့ မူ၀ါဒအတိုင်း နှစ်နိုင်ငံယှဥ်တွဲတည်ရှိရေး အဖြေကိုသာ အမေရိကန်က လက်ခံမှာဖြစ်ကြောင်း အမေရိကန်နိုင်ငံခြားရေး၀န်ကြီး အန်တိုနီ ဘလင်ကန်က ပြောကြားလိုက်ပါတယ်။
အစ္စရေးမှာ ပါလက်စတိုင်းတည်ရှိရေးကို မလိုလားတဲ့ လက်ယာစွန်းရောက်တွေ ပိုမိုခေါင်းထောင်လာပြီး၊ အစ္စရေးအစိုးရကလည်း ပါလက်စတိုင်းပိုင်နက်အတွင်း ဂျူးအခြေချအိမ်ယာတွေ ပိုမိုဆောက်လုပ်လာတာကြောင့် တင်းမာမှုတွေ မြင့်တက်နေတာ ဖြစ်ပါတယ်။
အစ္စရေးရဲ့ သတ်ဖြတ်မှုကြောင့် အခုနှစ်ဇန်န၀ါရီအတွင်းမှာ အနည်းဆုံး ပါလက်စတိုင်း ၃၅ ဦး သေဆုံးခဲ့ပြီး ပါလက်စတိုင်းတွေဖက်ကလည်း လက်တုန့်ပြန်မှုတွေ ပြုလုပ်လာပါတယ်။
သောကြာနေ့ အရှေ့ဂျေရုစလင်က တရားမ၀င်အခြေချအိမ်ယာမှာ နေထိုင်သူတွေကို ပါလက်စတိုင်းသေနတ်သမားတစ်ယောက်က ပစ်ခတ်မှုအတွင်း ၇ ဦး သေဆုံးခဲ့ပါတယ်။
အစ္စရေးကိုရောက်နေတဲ့ ဘလင်ကန်က တင်းမာမှုတွေရပ်တန့်ဖို့ နှစ်ဖက်စလုံးကို တိုက်တွန်းခဲ့ပြီး၊ နှစ်နိုင်ငံ ငြိမ်းချမ်းစွာ ယှဥ်တွဲတည်ရှိရေး အဖြေကိုသာ အမေရိကန်က လက်ခံမယ်လို့ မနေ့က အစ္စရေး၀န်ကြီးချုပ် နေတန်ယာဟုနဲ့ တွေ့ဆုံမှုအပြီးမှာ သတင်းထောက်တွေကို ပြောကြားခဲ့ပါတယ်။
ဘလင်ကန်ဟာ ပါလက်စတိုင်းသမ္မတ မဟ်မူးဒ်အဘတ်စ်နဲ့ အင်္ဂါနေ့မှာ တွေ့ဆုံမှာဖြစ်ပါတယ်။
Ref: Arab News
