M-Media
၂၄ နာရီအတွင်း အနည်းဆုံး လူ ၃၀ နီးပါး အသတ်ခံရ
————-
ဂါဇာကမ်းမြှောင်က နူစီရတ်ဒုက္ခသည်စခန်းအပါအ၀င် စစ်ရှောင်စခန်းတွေကို အစ္စရေးက လေယာဥ်တွေ၊ လက်နက်ကြီးတွေနဲ့ တိုက်ခိုက်နေတာကြောင့် ၂၄ နာရီအတွင်း ကလေးငယ်တွေအပါအ၀င် အနည်းဆုံး ၂၈ ဦး သေဆုံးခဲ့ပါတယ်။ တစ်နှစ်နီးပါး ရှိလာပြီဖြစ်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲအတွင်း အသတ်ခံရသူရေအတွက်ဟာ ၄၂၀၀၀ နီးပါး ရှိလာပါပြီ။
အနောက်ဖက်ကမ်းတွင်လည်း သတ်ဖြတ်မှုများ ဆက်ဖြစ်
—————-
အနောက်ဖက်ကမ်း ကွာဘာတီယာမြို့မှာ စက်တင်ဘာ ၁၉ ရက်နေ့ တစ်နေ့လုံး အစ္စရေးတပ်ဖွဲ့တွေက တိုက်ခိုက်သတ်ဖြတ်မှုတွေ လုပ်ဆောင်ခဲ့ပြီး ၇ ဦးထက်မနည်း သေဆုံးခဲ့ပါတယ်။ အစ္စရေးစစ်သားတွေဟာ သူတို့ သတ်ဖြတ်ထားတဲ့ ပါလက်စတိုင်းတွေရဲ့ အလောင်းကို နေအိမ်ခေါင်မိုးတွေပေါ် တင်ဆောင်ကာ ပြသခဲ့ကြပါတယ်။ ပါလက်စတိုင်း အာဏာပိုင်တွေက ရှုတ်ချခဲ့ပြီး အစ္စရေးစစ်သားတွေ လူမဆန်ဘူးဆိုတာ ဒီလုပ်ရပ် ပြသနေတယ်လို့ ၀ေဖန် ပြောကြားခဲ့ပါတဘ်။
အမေရိကန် လွှတ်တော်မှတ်ထမ်းထဲ ရောက်လာတဲ့ သေဆုံးသူစာရင်း
———-
အစ္စရေးရဲ့ လက်ရှိ ဂါဇာလူသတ်ပွဲမှာ အသတ်ခံရတဲ့ ပါလက်စတိုင်းကလေးငယ်တွေရဲ့ အမည်စာရင်းကို အမေရိကန်အောက်လွှတ်တော်အမတ် ရာရှီဒါ တာလစ်ဘ်က အမေရိကန် အောက်လွှတ်တော်ရဲ့ မှတ်တမ်းထဲ ထည့်သွင်းလိုက်ပါတယ်။ ၆၄၉ မျက်နှာပါ၀င်တဲ့ အဲဒီစာရင်းမှာ ပထမ ၁၄ မျက်နှာက အစ္စရေးရဲ့ သတ်ဖြတ်မှုကို ခံခဲ့ရတဲ့ တစ်နှစ်အောက်ကလေးငယ် ၇၁၀ ဦးရဲ့ စာရင်းဖြစ်ပါတယ်။ ဂါဇာမှာ တစ်နှစ်အတွင်း ကလေးငယ် အနည်းဆုံး ၁၅၀၀၀ ကျော် အစ္စရေးရဲ့ သတ်ဖြတ်မှုကို ခံခဲ့ရပါတယ်။
Ref: Aljazeera
(ဓာတ်ပုံ – ပါလက်စတိုင်းအလောင်းများကို နေအိမ်ခေါင်မိုးပေါ်တင် ပြသနေကြသည့် အစ္စရေးစစ်သားများ)
