ဇန်န၀ါရီ ၁၆၊ ၂၀၁၇
M-Media
– ခရစ်ယာန်ကက်သလစ်အသင်းတော်၏ ဌာနချုပ်ဖြစ်သော ဗာတီကန်စီးတီးတွင် ပါလက်စတိုင်းသံရုံး ဖွင့်လှစ်လိုက်သည်ဟု သိရသည်။
စနေနေ့က ဖွင့်လှစ်လိုက်ခြင်းဖြစ်ပြီး ပါလက်စတိုင်းသမ္မတ မဟ်မူဒ် အဘတ်စ်ကမူ ယခုကဲ့သို့ မိမိတို့ကို အသိအမှတ်ပြုမှုက ငြိမ်းချမ်းရေးလုပ်ငန်းစဉ်ဆီသို့ ပိုမိုနီးကပ်စေမည်ဟု ဆိုသည်။
“ဒီသံရုံးက ကျွန်တော်တို့အတွက် ဂုဏ်ယူစရာနေရာပါ။ အခြားသော တိုင်းပြည်တွေကလည်း ပါလက်စတိုင်းကို ဒီလိုပဲ အသိအမှတ်ပြုလာမယ်လို့ မျှော်လင့်ပါတယ်။ ဘာ့ကြောင့်လည်းဆိုတော့ ဒီအသိအမှတ်ပြုမှုက ကျွန်တော်တို့ကို ငြိမ်းချမ်းရေးလုပ်ငန်းစဉ်နဲ့ ပိုမိုနီးကပ်စေမှာပါ” ဟု အဘတ်စ်က ပြောကြားခဲ့သည်။
အဘတ်စ်မှာ သံရုံးဖွင့်ပွဲသို့ မတက်ရောက်ခင် ပုပ်ရဟန်းမင်းကြီး ဖရန်စစ်နှင့်လည်း တွေ့ဆုံခဲ့သည်။
နိုင်ငံတကာက ပါလက်စတိုင်းပိုင်နက်ဖြစ်ရမည်ဟု သတ်မှတ်ထားသည့် အရှေ့ဂျေရုလင်သို့ သံရုံးရွှေ့ပြောင်းမည်ဟု အမေရိကန်သမ္မတသစ် ဒေါ်နယ်ထရမ့်က ပြောဆိုထားပြီး ထိုလုပ်ရပ်က ငြိမ်းချမ်းရေးလုပ်ငန်းစဉ်ကို အနှောက်အယှက်ဖြစ်စေမည်ဟု အဘတ်စ်က သတိပေးခဲ့သည်။
“ဒါမျိုးဖြစ်လာမလားဆိုတာ ကျွန်တော်တို့ စောင့်ကြည့်နေပါတယ်။ ဒါမျိုးဖြစ်လာရင်တော့ ငြိမ်းချမ်းရေးအတွက် အထောက်အကူဖြစ်မှာ မဟုတ်ပါဘူး။ ဒါမျိုးမဖြစ်ဖို့ပဲ မျှော်လင့်ပါတယ်”
Ref: Aljazeera
