နို၀င်ဘာ ၁၅၊ ၂၀၂၂
M-Media
-အတိဒုက္ခရောက်နေတဲ့ မြန်မာပြည်သူတွေကို ပိုမိုကူညီနိုင်ရေး အလှူရှင်တွေကို NGO အဖွဲ့အစည်းအတွေနဲ့ ချိတ်ဆက်ပေးနိုင်မယ့် ဖိုရမ်တစ်ခု ကျင်းပဖို့ မလေးရှားက စီစဥ်နေပါတယ်။
ဖိုရမ်ကျင်းပဖို့ NUG က အဆိုပြုတာ ဖြစ်ပါတယ်။ မလေးရှား နိုင်ငံခြားရေး၀န်ကြီး ဆိုက်ဖူဒင် အဘ်ဒူလာက မြန်မာနယ်စပ်တစ်လျှောက် NGO အဖွဲ့တွေက ကူညီနေတာမျိုး ရှိတဲ့အတွက် ဒီလိုဖိုရမ်မျိုး လိုအပ်တယ်လို့ ပြောပါတယ်။
ဖိုရမ်ကျင်းပမှုမှာ ကုလသမဂ္ဂ ပါ၀င်လာရေး မလေးရှားက တောင်းဆိုထားပါတယ်။
“NGO တွေက စစ်ကောင်စီနဲ့ မပူးပေါင်းချင်သလို နိုင်ငံတကာ အလှူရှင်တွေကလည်း စစ်ကောင်စီကို ပိုက်ဆံမပေးချင်ကြဘူး။ ဒါ့ကြောင့် NGO တွေ ကောင်းကောင်း အလုပ်လုပ်နိုင်ရေး၊ ထောက်ပံ့ငွေတွေကို ပွင့်လင်းမြင်သာမှုရှိရှိ ပေးနိုင်ရေး ဖိုရမ်တစ်ခုလုပ်ဖို့ NUG က အဆိုပြုတာပါ” လို့ ကုလအတွင်ရေးမှူးချုပ် ဂူတာရက်စ်နဲ့ မနေ့ကဖုန်းပြောအပြီး ပြုလုပ်တဲ့ သတင်းစာရှင်းလင်းပွဲမှာ ဆိုက်ဖူဒင်က ပြောပါတယ်။
ဖိုရမ်မှာ ကုလအတွင်းရေးမှူးနဲ့ အာဆီယံ အထူးကိုယ်စားလှယ်တို့ ပါ၀င်လာရေး လှုံ့ဆော်ပေးမယ််လို့လည်း သူက ဆိုပါ။
မြန်မာအာဏာသိမ်းစစ်ကောင်စီက အာဆီယံ ဘုံသဘောတူညီချက် ၅ ချက်ကို အကောင်အထည်မဖော်တဲ့အတွက် စိတ်ပျက်ကြောင်း၊ မလေးရှားရဲ့ ရည်ရွယ်ချက်ဟာ သက်ဆိုင်သူတွေအားလုံး ပါ၀င်တဲ့ အသွင်ပြောင်းလှုပ်ရှားမှုတစ်ရပ် ပေါ်ပေါက်ကာ နောက်ဆုံးမှာ ဒီမိုကရေစီ လမ်းကြောင်းပေါ် ပြန်လည်လျှောက်လှမ်းနိုင်ရေးဖြစ်ကြောင်း ဆိုက်ဖူဒင်က ထည့်သွင်းပြောဆိုခဲ့ပါတယ်။
Ref: The Star
