ဇန်န၀ါရီ ၃၊ ၂၀၁၇
M-Media
– ဘရာဇီးလ်နိုင်ငံ အနောက်မြောက်ပုိုင်း အမေဇိုနက်စ်ပြည်နယ်ရှိ အကျဉ်းထောင်တစ်ခုအတွင်း ဆူပူမှုဖြစ်ပွားခဲ့ခြင်းကြောင့် အနည်းဆုံး ၅၆ ဦး သေဆုံးခဲ့ပြီး အလောင်းများကို မီးရှို့ခြင်း၊ တစ်စစီဖြတ်တောက်ခြင်းတို့ ဖြစ်ခဲ့သည်ဟု သိရသည်။
ပြည်နယ်မြို့တော် မာနော့စ်ရှိ Anisio Jobim Penitentiary Complex အကျဉ်းထောင်အတွင်း တနင်္ဂနွေနေ့ နေ့လည်ပိုင်းက ဖြစ်ပွားခဲ့ခြင်းဖြစ်ပြီး အဆိုပါ ရုန်းရင်းဆန်ခန်မှုမှာ ၁၇ နာရီခန့် ကြာမြင့်ခဲ့သည်။
ဆူပူသောင်းကျန်းသူများမှာ အစောင့် ၁၂ ဦးကို ဓားစာခံအဖြစ် ဖမ်းဆီးထားပြီး လွတ်မြောက်သွားသည့် အကျဉ်းသားအရေအတွက်ကို သိရှိရခြင်း မရှိသေးပေ။ အဆိုပါဆူပူမှုမှာ ဒေသတွင်း ရာဇ၀တ်ဂိုဏ်းနှစ်ခုအကြား ပြဿနာဖြစ်ပွားရာမှ စတင်ခဲ့ခြင်းဖြစ်သည်။
အမေဇိုနက်စ်ပြည်နယ် ပြည်သူ့လုံခြုံရေးဌာနကမူ သေဆုံးသူအရေအတွက်မှာ ၆၀ ခန့်ရှိသည်ဟု စောစောပိုင်းတွင် ပြောကြားခဲ့သော်လည်း နောက်ပိုင်းတွင် ၅၆ ဦးဟု ထုတ်ပြန်ခဲ့သည်။ ဌာနအကြီးအကဲကမူ အဆိုပါဖြစ်ရပ်မှာ ပြည်နယ် အကျဉ်းသားထိန်းသိမ်းရေးသမိုင်းတွင် အဆိုးဝါးဆုံးဖြစ်ကာ မူးယစ်မှောင်ခိုလုပ်ငန်းကို တိုက်ဖျက်ရေးနှင့် အကျဉ်းထောင် လုံခြုံရေး ပိုမိုအားကောင်းစေရေး ဗဟိုအစိုးရက ကူညီရန် တောင်းဆိုခဲ့သည်။
အကျဉ်းသားများနှင့် လုံခြုံရေးတပ်ဖွဲ့ဝင်များအကြား အပြန်အလှန်ပစ်ခတ်မှုများလည်း ဖြစ်ပွားခဲ့ပြီး ခေါင်းဖြတ်သတ်ဖြတ်မှုများ၊ ခန္ဓာကိုယ်အစိတ်အပိုင်းများအား ဖြတ်တောက်မှုများ၊ မီးရှို့မှုများလည်း ဖြစ်ပွားခဲ့သည်။
Ref: Aljazeera
