News @ M-Media

Blog

  • အာဖဂန်တွင် အမျိုးသမီး လေဆိပ်ဝန်ထမ်း ၅ ဦး အသတ်ခံရ

    အာဖဂန်တွင် အမျိုးသမီး လေဆိပ်ဝန်ထမ်း ၅ ဦး အသတ်ခံရ

    ဒီဇင်ဘာ ၁၇၊ ၂၀၁၆
    M-Media

    kandahar-2

    – အာဖဂန်နိုင်ငံတောင်ပိုင်း ကန်ဒါဟာပြည်နယ်တွင် သေနတ်သမားများက လေဆိပ် အမျိုးသမီးဝန်ထမ်းများကို သေနတ်ဖြင့် ပစ်ခတ်ခဲ့သောကြောင့် အနည်းဆုံး ၅ ဦး သေဆုံးခဲ့သည်ဟု သိရသည်။

    ယနေ့မနက်ပိုင်းက ဖြစ်ပွားခဲ့ခြင်းဖြစ်ပြီး အဆိုပါ လေဆိပ်ဝန်ထမ်းများမှာ ကားဖြင့် လေယာဉ်ကွင်းသို့ လာရောက်စဉ် အနည်းဆုံး သေနတ်သမား ၃ ဦးက ဆိုင်ကယ်များဖြင့် ၎င်းတို့ကားအား ၀န်းရံ ပစ်ခတ်ခဲ့ခြင်းဖြစ်သည်ဟု ပြည်နယ်အစိုးရ၏ ပြောရေးဆိုခွင့်ရှိသူ ဆာမင် ချက်ပါလ်ဝက်က ပြောကြားခဲ့သည်။

    တိုက်ခိုက်မှုအတွင်း ကစားမောင်းသူလည်း သေဆုံးခဲ့သည်။

    ကန်ဒါဟာ နိုင်ငံတကာလေဆိပ်မှ ဒါရိုက်တာ အဟ်မဒ်ဒွလ္လာ ဖိုင်ဇီက အဆိုပါ အမျိုးသမီးများမှာ ပုဂ္ဂလိက ကုမ္ပဏီတစ်ခု၏ ၀န်ထမ်းများဖြစ်ပြီး အမျိုးသမီး ခရီးသွားများ၏ ကိုယ်ခန္ဓာနှင့် အိတ်များကို ရှာဖွေသည့်တာဝန်ကို ထမ်းဆောင်ရကာ၊ ၎င်းတို့မှာ လုံခြုံရေးအတွက် စိုးရိမ်နေရသည်ဟု ပြောကြားခဲ့သည်။

    တိုက်ခိုက်မှုအတွက် မည်သည့်အဖွဲ့ကမှ တာဝန်ယူခြင်း မရှိသေးပေ။

    ကန်ဒါဟာတွင် အိမ်အပြင်ထွက်၍ အလုပ်လုပ်သော အမျိုးသမီးများမှာ တာလီဘန်နှင့် အခြားသော လက်နက်ကိုင်အဖွဲ့များ၏ ပစ်မှတ်ထားတိုက်ခိုက်မှု အန္တရာယ်ကို ဆိုးရွားစွာ ခံစားနေရသည်။

    ၂၀၀၁ ခုနှစ်တွင် တာလီဘန်အစိုးရ ပြုတ်ကျသွားပြီးနောက်ပိုင်း အာဖဂန်အမျိုးသမီးများမှာ ၎င်းတို့၏ စွမ်းဆောင်ရည်များကို ပြသခွင့် ရလာသော်လည်း အကြမ်းဖက်မှု၊ ဖိနှိပ်မှုနှင့် အနိုင်ကျင့်မှုတို့ကို သိသိသာသာ ခံစားနေရဆဲဖြစ်သည်။

    အာဖဂန်ရှေ့နေချုပ်ရုံးက ၂၀၁၆ ခုနှစ်၏ ပထမ ၈ လအတွင်း အမျိုးသမီးများအပေါ် အကြမ်းဖက်မှုမှာ ၃၇၀၀ ကျော် ရှိခဲ့ပြီး ၂၀၁၅ ခုနှစ် တစ်နှစ်လုံတွင်း ၅၀၀၀ ခန့်ရှိခဲ့သည်ဟု ပြောကြားခဲ့သည်။

    ပြီးခဲ့သည့်နှစ် ဒီဇင်ဘာကလည်း တာလီဘန်အဖွဲ့မှာ ကန်ဒါဟာ နိုင်ငံတကာ လေယာဉ်ကွင်းကို တိုက်ခိုက်မှု ပြုလုပ်ခဲ့သောကြောင့် အနည်းဆုံး လူ ၇၀ သေဆုံးခဲ့သည်။

    Ref: Aljazeera

  • နိုက်ဂျီးရီးယား မွတ်စလင်အမျိုးသမီး ကုလ၏ ထိပ်တန်းရာထူးတစ်ခု ရရှိ

    နိုက်ဂျီးရီးယား မွတ်စလင်အမျိုးသမီး ကုလ၏ ထိပ်တန်းရာထူးတစ်ခု ရရှိ

    ဒီဇင်ဘာ ၁၇၊ ၂၀၁၆
    M-Media

    amina
    ကုလသမဂ္ဂ အထွေထွေအတွင်းရေးမှူးချုပ်၏ လက်ထောက်အဖြစ် ခန့်အပ်ခံခဲ့ရသသည့် နိုက်ဂျီးရီးယားမွတ်စလင်အမျိုးသမီး အမီနာ မိုဟာမက်

    – ကုလသမဂ္ဂ အထွေထွေအတွင်းရေးမှူးချုပ်သစ် အန်တိုနီယို ဂူတီယာရက်စ်က ၎င်း၏ လက်ထောက်အဖြစ် နိုက်ဂျီးရီးယား သဘာဝပတ်ဝန်းကျင်ဆိုင်ရာဝန်ကြီး အမီနာ မိုဟာမက်ကို ခန့်အပ်လိုက်သည်ဟု ကြာသာပတေးနေ့တွင် ကြေငြာခဲ့သည်။

    အတွင်းရေးမှူး၏ ပြောရေးဆိုခွင့်ရှိသူ စတီဖစ် ဒူဂျာရစ်မှတစ်ဆင့် ယခုကဲ့သို့ ကြေငြာလိုက်ခြင်းဖြစ်ပြီး ဘရာဇီးလ်မှ မာရီယာ ဗီအိုတီနှင့် တောင်ကိုရီးယားမှ ကျွန်ဝါကန်တို့ကိုလည်း ကုလ၏ အကြီးတန်း ရာထူးများ၌ ခန့်အပ်ခဲ့သည်။

    လက်ရှိ နိုက်ဂျီးရီးယား သဘာဝပတ်ဝန်းကျင်ဝန်ကြီးအဖြစ် တာဝန်ထမ်းဆောင်နေသည့် အမီနာမိုဟာမက်မှာ ကုလ၏ ဒုတိယ အထွေထွေအတွင်းရေးမှူးချုပ်အဖြစ်လည်းလည်းကောင်း၊ ရာထူးမှ မကြာခင် အနားယူတော့မည့် အတွင်းရေးမှူး ဘန်ကီမွန်လက်အောက် ‘၂၀၁၅ အလွန် ဖွံ့ဖြိုးရေးစီမံကိန်း’ အတွက် အထူးအကြံပေးအဖြစ်လည်းကောင်း ဆောင်ရွက်ခဲ့ဖူးသည်။

    ကုလ၏ ဖွံ့ဖြိုးတိုးတက်ရေးဆိုင်ရာ ရည်မှန်းချက်နှင့် စီမံကိန်းများဖြစ်သော 2030 Agenda for Sustainable Development နှင့် Sustainable Development Goals တို့တွင်လည်း အမီနာမှာ အဓိကအခန်းကဏ္ဍမှ ပါဝင်ခဲ့သည်။

    ကုလ၏ ‘ထောင်စုနှစ် ရည်မှန်းချက်’ ဆိုင်ရာ အထူးအကြံပေးအဖြစ် ဆောင်ရွက်ခဲ့သည့် အမီနာမိုဟာမက်မှာ ကုလတွင် ၀င်ရောက်အမှူမထမ်းခင် နိုက်ဂျီးရီးယား အစိုးရ ၃ ဆက်တွင် ပါဝင်ခဲ့ပြီး ဆင်းရဲမွဲတေမှု၊ ပြည်သူရေးရာကဏ္ဍ ပြုပြင်ပြောင်းလဲမှု၊ ရေရှည် ဖွံ့ဖြိုးရေးလုပ်ငန်း၊ ဆင်းရဲမွဲတေမှု လျှော့ချရေးဆိုင်ရာ ပူးပေါင်းဆောင်ရွက်မှုများအပါအ၀င် ကဏ္ဍများစွာအတွက် အကြံပေးအဖြစ် တာဝန်ယူခဲ့သည်။

    အမီနာ မိုဟာမက်မှာ အမေရိကန်ပြည်ထောင်စု ကိုလံဘီယာတက္ကသိုလ်မှ ဖွံ့ဖြိုးတိုးတက်ရေး လက်တွေ့အကောင်အထည်ဖော်မှုဆိုင်ရာ လက်ထောက်ပါမောက္ခလည်း ဖြစ်ပြီး နိုင်ငံတကာ အကြံပေးဘုတ်အဖွဲ့များနှင့် အသင်းအဖွဲ့ များစွာတွင် ပါဝင်ဆောင်ရွက်ခဲ့သည်။

    နိုက်ဂျီးရီးယားသမ္မတ မူဟာမာဒူ ဘူဟာရီကမူ ၎င်း၏ ကက်ဘိနတ်ဝန်ကြီးတစ်ယောက် ထိုကဲ့သို့ အဆင့်အမြင့်ရာထူးတစ်ခုကို ရရှိခဲ့သည့်အတွက် ယမန်နေ့တွင် ချီးကျူးပြောဆိုခဲ့သည်။

    Ref: All Africa

  • အာရှစွဲဆောင်မှုအရှိဆုံး အမျိုးသားစာရင်းမှာ ပါဝင်လာတဲ့ ပါကစ္စတန်က အဖျော်ဆရာ

    အာရှစွဲဆောင်မှုအရှိဆုံး အမျိုးသားစာရင်းမှာ ပါဝင်လာတဲ့ ပါကစ္စတန်က အဖျော်ဆရာ

    ဒီဇင်ဘာ ၁၇၊ ၂၀၁၆
    M-Media

    khan-3

    – ပြာလဲတဲ့မျက်လုံး ခန့်ထည်တဲ့ ရုပ်ဆင်းသွင်ပြင်ကြောင့် လက်ဖက်ရည်ဖျော်သမား ဘ၀ကနေ အင်တာနက်မင်းသား ဖြစ်လာပြီး လှပြိုဖြူတွေရဲ့ အသည်းစွဲဖြစ်ခဲ့တဲ့ ပါကစ္စတန်က အာရ်ရှဒ်ခန်းတစ်ယောက် အခုအချိန်မှာတော့ ၂၀၁၆ ခုနှစ် အာရှရဲ့ ဆွဲဆောင်မှုအရှိဆုံး အမျိုးသား (Sexiest Asian Men of 2016) အယောက် ၅၀ စာရင်းမှာ ပါဝင်လာခဲ့ပါတယ်။

    ဒီအဖျော်ဆရာလေးရဲ့ ဘ၀အလှည့်အပြောင်းဟာ ပါကစ္စတန် ဓာတ်ပုံဆရာ ဂျီအာဟ် အလီက လက်ဖက်ရည်ဆိုင်မှာ လက်ဖက်ရည်ဖျော်နေတဲ့ သူ့ရဲ့ ဓာတ်ပုံကို အခုနှစ်အတွင်း ရိုက်ကူးကာ အင်တာနက်စာမျက်နှာမှာ လွှင့်တင်ပြီးနောက်ပိုင်း ပေါ်ပေါက်လာတာ ဖြစ်ပါတယ်။

    အခုအချိန်မှာတော့ ခန်းဟာ ဘောလီးဝုဒ်က နာမည်ကျော်မင်းသားတွေနဲ့အတူ အာရှရဲ့ စွဲဆောင်မှုအရှိဆုံး အမျိုးသား ၅၀ စာရင်းမှာ ပါဝင်နိုင်ခဲ့ပြီ ဖြစ်ပါတယ်။

    khan-1
    လက်ဖက်ရည်အဖျော်ဆရာဘ၀ အင်တာနက်တွင် ပေါက်ခဲ့သည့် အာရ်ရှဒ်ခန်း၏ပုံ

    ခန်းက အဆင့် ၃၁ စွဲခဲ့တဲ့ အဲဒီစာရင်းကို One Direction အဖွဲ့ဝင်ဟောင်း ပါကစ္စတန်နွယ်ဖွား ဇေယန်မာလစ်က ဦးဆောင်နေပါတယ်။ ဘောလီးဝုဒ်မင်းသားတွေဖြစ်တဲ့ ဟရီသစ် ရိုရှန်းနဲ့ ဖါဝဒ် အဖ်ဇဲလ်ခန်း တို့ကတော့ ဒုတိယနဲ့ တတိယနေရာမှာ အသီးသီး ရှိနေကြပါတယ်။

    ဒါပေမယ့် ဒီစာရင်းမှာ အပေါက်ဆုံးလူက အဖျော်ဆရာတစ်ဖြစ်လဲ မော်ဒယ် အာရ်ှရှဒ် ခန်း ဖြစ်နေပါတယ်။ အဲဒီစာရင်းကို ဗြိတိန်အခြေစိုက် Eastern Eye အပတ်စဉ်သတင်းစာက ထုတ်ပြန်ခဲ့တာဖြစ်ပြီး အယ်ဒီအဖွဲ့ရဲ့ ဦးစားပေးကလည်း အာရ်ှရှဒ်ခန်း ပါပဲ။

    Ref : Khaleej Times

  • ပါလက်စတိုင်းကျူးကျော်ရေး စိတ်ဓာတ်ရှိသူကို အစ္စရေးသံအမတ်အဖြစ် ထရမ့် အဆိုပြု

    ပါလက်စတိုင်းကျူးကျော်ရေး စိတ်ဓာတ်ရှိသူကို အစ္စရေးသံအမတ်အဖြစ် ထရမ့် အဆိုပြု

    ဒီဇင်ဘာ ၁၇၊ ၂၀၁၆
    M-Media

    david
    အစ္စရေးသံအမတ်အဖြစ် ထရမ့်က အဆိုပြုထားသည့် ဒေးဗစ်ဖရိဒ်မန်း

    – ပါလက်စတိုင်းပိုင်နက်များတွင် တရားမ၀င် ကျူးကျော်အိမ်ယာများ ဆောက်လုပ်ကာ နယ်မြေ ကျူးကျော်သိမ်းပိုက်နေသော အစ္စရေး၏လုပ်ရပ်ကို ထောက်ခံသည့် လက်ယာနိုင်ငံရေးသမားတစ်ဦးကို အစ္စရေးဆိုင်ရာ အမရိကန်သံအမတ်အဖြစ် ဒေါ်နယ်ထရမ့်က အဆိုပြုလိုက်သည်ဟု သိရသည်။

    ဒေးဗစ် ဖရိဒ်မန်းဆိုသူဖြစ်ပြီး သံတမန်အတွေ့အကြုံ လုံးဝမရှိဘဲ ပါလက်စတိုင်းပိုင် အနောက်ဖက်ကမ်းနှင့် အရှေ့ဂျေရုစလင်တို့တွင် အစ္စရေးက ဂျူးအခြေချအိမ်ယာများ ဆောက်လုပ်မှုကို ထောက်ခံသူလည်းဖြစ်သည်။ အဆိုပါအိမ်ယာများမှာ နိုင်ငံတကာဥပဒေအရ တရားမ၀င်သောကြောင့် နိုင်ငံတကာအသိုင်းအ၀ိုင်းက ကန့်ကွက်မှုများ ပြုလုပ်ထားသည်။

    အနောက်ဖက်ကမ်းရှိ အစ္စရေး၏ အဆိုပါ တရားမ၀င်အိမ်ယာများတွင် နေထိုင်သူအရေအတွက်မှာ လက်ရှိတွင် ၅ သိန်း ၃ သောင်းကျော် ရှိနေသည်။

    ကြာသာပတေးနေ့တွင် ထရမ့်၏ ထိုကြေငြာချက် ထွက်လာပြီးနောက်ပိုင်း ဖရိဒ်မန်းမှာ ၁၉၆၇ ခုနှစ်ကတည်းက နိုင်ငံတကာအသိုင်းအ၀ိုင်းက ပါလက်စတိုင်းပိုင်နက်အဖြစ် သတ်မှတ်ပေးထားသော အရှေ့ဂျေရုစလင်တွင် အစ္စရေးဆိုင်ရာ အမေရိကန်သံရုံ ပြောင်းရွှေ့အခြေစိုက်ရန် ဆောင်ရွက်သွားမည်ဟု ပြောကြားခဲ့သောကြောင့် နိုင်ငံတကာက စိုးရိမ်မှုများ မြင့်တက်လာသည်။

    လက်ရှိတွင် အမေရိကန်သံရုံးမှာ တဲလ်အဗီးတွင် ရှိနေသည်။

    ရာမာလာအခြေစိုက် ပါလက်စတိုင်းအာဏာပိုင်အဖွဲ့မှာ ၎င်းတို့၏ အနာဂတ် ပါလက်စတိုင်းနိုင်ငံတော်ကို အရှေ့ဂျေရုစလင်အပါအ၀င် အနောက်ဖက်ကမ်းတွင် တည်ထောင်ရန် မျှော်လင့်ထားပြီး၊ အစ္စရေးက အရှေ့ဂျေရုစလင်အား ပိုင်ဆိုင်ရန် ကြိုးပမ်းမှုကို ဥရောပနှင့် အာရပ်နိုင်ငံအများစုက ကန့်ကွက်ထားသည်။

    ထရမ့်ကမူ ဖရိဒ်မန်းမှာ အမေရိကန်နှင့် အစ္စရေးအကြား ‘ထူးခြားသော ဆက်ဆံရေးကို ထိန်းသိမ်းထားမည်’ ဟု ပြောကြားခဲ့သည်။ ထရမ့်၏ ထိုအဆိုပြုမှုကို လွှတ်တော်က မဲခွဲဆုံးဖြတ်မည်ဖြစ်သည်။

    Ref : Aljazeera

  • “အခက်တွေ အချက်တွေ”

    “အခက်တွေ အချက်တွေ”

    ဒီဇင်ဘာ ၁၇ ၊ ၂၀၁၆
    ဆောင်းပါးရှင်- ကောင်းလွန်း
    15590628_1376857632364613_7897217800730958695_n
    ၂၀၁၆ ရဲ့ 4th quarter မှာ မြန်မာ လုပ်ငန်းရှင်တွေ အခက်ကြုံကြရတယ်..။ ထိပ်တန်းချမ်းသာတဲ့ လက်တစ်ဆုပ်စာ လူချမ်းသာတစ်စုကလွဲရင် အားလုံးလိုလိုပါပဲ..။ တချိန်တုန်းကတော့ “စီးပွားရေးပိတ်ဆို့တာ ဒို့မမှုပါ” ဆိုပြီး သီချင်းတောင် နေ့တိုင်းကြားရသေး..။ အဲဒီတုန်းကတော့ မြန်မာနိုင်ငံနဲ့ ကူးသန်းရောင်းဝယ်တာ မလုပ်ကြနဲ့.. ဆိုတဲ့ ပိတ်ဆို့ အရေးယူမှု ရှိခဲ့တာကိုး.. အခုတော့ ဘယ်သူကမှလဲ စီးပွားရေးမပိတ်ဆို့တော့ပါပဲနဲ့ ကြပ် သွားကြတယ်လေ..။ အကြောင်းရင်းတော့ ရှိရမှာပေါ့..။ ရှိပါတယ်..။ နေ့စဉ်နဲ့ အမျှ ဆိုရှယ်မီဒီယာမှာ ကြပ် သွားရခြင်း အကြောင်းရင်း အမျိုးမျိုး ဖတ်ရပါတယ်..။ Issue တွေပေါ့..။ တစ်နေ့ထက် တစ်နေ့ Issue တွေသာ များလာတယ်.. Solution မတွေ့ဘူး..။ မတွေ့လေ ဈေးတက်လေနဲ့ တက်ရင်းတက်ရင်း တော်တော်တောင် ရောက်လာပြီ..။
    ဒီ “အကြပ်” ကို “အခွင့်အလမ်း” တစ်ခုဖြစ်အောင် ဦးမလှည့်နိုင် မဖန်တီးနိုင်သရွေ့ တက်နေဦးမှာပါပဲ..။ ပြည်တွင်းမှာ ဒေါ်လာ ဝယ်လိုအား မြင့်တက်ရခြင်း အကြောင်းရင်းတွေကို မှန်မှန်ကန်ကန် သုံးသပ်ဖို့ လိုပါတယ်..။

    တကယ်တော့ အလုအယက်ဝယ်နေကြတဲ့ ဒေါ်လာတွေဟာ ပြည်တွင်းသုံးဖို့ တစ်ဒေါ်လာမှ မပါပါဘူး..။ ပြည်ပ ကနေ ပစ္စည်း တင်သွင်းဖို့ ဝယ်နေကြတာပါ..။ ပြည်ပကနေ တင်သွင်းထားတဲ့ ကုန်စည်ဖိုးတွေ ပေးချေဖို့ ဝယ်နေကြတာပါ..။

    ပြည်တွင်းမှာ လာပြီး ရင်းနှီးမြှုပ်နှံထားကြတဲ့ ကုမ္ပဏီကြီး ငယ် တွေကလဲ သူတို့ အကျိုးအမြတ်အတွက် လာတယ် ဆိုတာ စွဲစွဲမြဲမြဲ သိထားရမှာဖြစ်ပါတယ်..။ ဘယ်သူကမှ အလှူလာပေးတာ မဟုတ်သလို သူတို့ ရဲ့ ပစ္စည်းတွေ ဝန်ဆောင်မှုတွေကို အခမဲ့ မပေးကြပါဘူး..။ သူတို့က ပြည်တွင်းမှာ သူတို့ရဲ့ ထုတ်ကုန်တွေကို ကျပ်ငွေနဲ့ ရောင်းပေမယ့် အဲဒီ ကျပ်ငွေတွေဟာ မြန်မာပြည် အပြင်ဖက် ခြေတစ်လှမ်း ထွက်လိုက်တာနဲ့ တန်ဖိုးမဲ့ သွားပြီ ဆိုတာ အားလုံးသိကြပါတယ်…။ ဒီတော့ သူတို့ နိုင်ငံကို သူတို့ ပြန်သယ် သွားကြမယ့် အကျိုးအမြတ်တွေဟာ ဒေါ်လာပဲ ဖြစ်ရမှာလေ..။ ဒါကြောင့် ဒေါ်လာ ဝယ်လိုအား မြင့်လာတာပါ..။

    ဆက်သွယ်ရေးကွန်ယက်တွေ သိပ်ကောင်းလာပြီ.. လူတကိုယ် ဖုံး နှစ်လုံး သုံးလုံး ကိုင်နိုင်လာပြီ..။ Package တွေ အမျိုးမျိုးဖန်တီးပြီး နဂိုကမှ စကားများများ ပြောတတ်ကြတဲ့ လူမျိုး တွေကို ပြောသထက်ပြောအောင် ဖန်တီးပေးပြီး ဈေးရောင်းကြတယ်..။ ဝယ်သူတွေက
    ကျပ်ငွေနဲ့ ပေးချေကြတယ်..။ သူတို့က အဲဒီ ကျပ်ငွေတွေကို ပြည်ပကို ပြန်သယ်တဲ့ အခါ ဒေါ်လာနဲ့ လဲလှယ်ပြီးမှ သယ်သွားကြတယ်..။ ဒါဟာ Issue ပါပဲ..။

    ပြည်ပ ရင်းနှီးမြှုပ်နှံသူတွေ များလာလေလေ..။ ဒီကိစ္စဟာ မလွဲမသွေ ကြုံရလေလေ ဖြစ်မှာပါပဲ..။

    ဒါဆိုရင် Solution က ဘာဖြစ်မလဲ..။

    လုပ်ရမှာကတော့ “ကြပ် နေတဲ့ ငွေ” ချောင်သွားအောင် “ကျပ်ငွေ” ကို ခိုင်မာအောင် လုပ်ဖို့ပါပဲ..။ ငွေကြေးတစ်ရပ် ရဲ့ ဂုဏ်သိက္ခာဟာ သက်ဆိုင်ရာ နိုင်ငံရဲ့ နိုင်ငံရေး တည်ငြိမ်မှုအပေါ်မှာ အများကြီး တည်မှီပါတယ်..။ နိုင်ငံရေး ဂုဏ်သိက္ခာ ခိုင်မာလာရင် ဒေသတွင်းနိုင်ငံတွေက ကြည်ညို လာပါလိမ့်မယ်..။ သူတို့ နဲ့ တန်းတူ ဆက်ဆံလာပါလိမ့်မယ်..။ အခုအချိန်ထိကတော့ ရှေ့တစ်မျိုး ကွယ်ရာတစ်မျိုး ဆက်ဆံနေတုန်းပါပဲ..။ တစုံတယောက် ရဲ့ အရှိန်အဝါကို လေးစားတာ မှန်ပေမယ့်.. အဲဒါဟာ ပုဂ္ဂိုလ်ကြည်ညိုမှု သာ ဖြစ်နေပါသေးတယ်..။ နိုင်ငံကြည်ညိုမှု အဆင့်ကို မရောက်သေးပါဘူး..။

    နိုင်ငံကြည်ညိုမှု အဆင့်ကိုရောက်ချင်ရင် တစ်နိုင်ငံလုံး အမှန်တကယ် အလုပ်လုပ်မှ ဖြစ်ပါလိမ့်မယ်..။ အခုအချိန်ထိ ကတော့ လှော်နေတဲ့ တက်တွေလဲ ကြီးတာကြီး သေးတာသေး နဲ့ အရွယ်မညီသေးသလို လှော်နေတဲ့ လက်တွေလဲ အားကြိုးမာန်တက် လှော်သူလှော်သလို ရေသာခို အချောင်လိုက်နေတဲ့ လှော်သား တွေလဲ များနေသေးတဲ့ အတွက် “တက်ညီလက်ညီ” ဆိုတာ ဖြစ်မလာသေးတာပါ..။

    တိုင်းပြည်ကို တာဝန်ယူထားပြီး “သြဇာ” ဆိုတဲ့ Influence တစ်ခု ထဲနဲ့ မောင်းနှင်နေတာကို အားလုံး သိကြပါတယ်..။ “ သြဇာ” ရဲ့ တွဲဖက်စကားလုံး ဖြစ်တဲ့ “အာဏာ” ဆိုတဲ့ Power ကတော့ လုံလုံလောက်လောက် မရှိသေးပါဘူး..။ တနည်းပြောရရင် Power Balance မဖြစ်တာပါ..။ အဲဒီအတွက် နေ့စဉ်နဲ့ အမျှ ညှိနှိုင်းမှုတွေ အပေးအယူတွေ လုပ်နေရတယ် ဆိုတာသေချာပါတယ်..။

    စနစ်တစ်ခုထဲကို နှစ်ပေါင်းကြာရှည်ကျင်လည် ကျင့်သုံး ခဲ့တဲ့ နိုင်ငံတစ်ခုဟာ ပွင့်ပွင့်လင်းလင်း ဖြစ်ပြီ ဆိုတာနဲ့ “မျက်စိသူငယ် နားသူငယ်” ဖြစ်တတ်ပါတယ်..။ အမိဝမ်းထဲမှာ ၉လလောက်နေထိုင်ခဲ့ရတဲ့ မွေးကင်းစကလေးငယ်ဟာ အလင်းရောင်ကို ကောင်းကောင်း မကြည့်နိုင်.. ပြင်ပလောက က အသံတွေကို ကောင်းကောင်းမယဉ်ပါးသေးတော့ ကြောက်လန့်.. အဲဒါကို “မျက်စိသူငယ် ..နားသူငယ်” လို့ ပြောတာပါ..။ ကလေးငယ်တွေဟာ အိပ်နေတုန်း ထိတ်ကနဲ လန့်တတ်တာဟာ လဲ “မျက်စိသူငယ် နားသူငယ်” ရဲ့ အကြောင်းခံကြောင့်ပါပဲ..။

    နိုင်ငံရဲ့စနစ်သစ်တစ်ခု ကူးပြောင်းရာမှာလဲ (ပြောင်းတော့မယ်ဆိုတာသိပေမယ့်) သေသေချာချာ ကြိုတင် ပြင်ဆင်ထားခြင်းမရှိပဲ အစိုးရအဖွဲ့ကို နေ့ချင်းညချင်း ဖွဲ့.. တိုင်းပြည်တာဝန်ကို ချက်ချင်း လွှဲပြောင်းထမ်းဆောင် ဆိုတဲ့ အခါမျိုးမှာ ချွတ်ချော်တိမ်းစောင်းမှုတွေ အများကြီး ကြုံရတော့တာပါပဲ..။ ပြောင်း…. ပြောင်း… ဆိုလို့သာ ပြောင်းလိုက်ရတယ်..။ ပြောင်းလဲ တာဝန်ယူသူအများစုက နိုင်ငံတကာ နဲ့ ဘယ်လိုဆက်ဆံ ရမယ် ဆိုတာထက် လက်ရှိအစိုးရကို ဘယ်လိုတော်လှန်ရမယ် ဆိုတာ ကို တစိုက်မတ်မတ် အာရုံစိုက်လာသူတွေ ဖြစ်နေကြတာကို တွေ့ရပါတယ်..။ ကဲ.. အခုတော့ ကိုယ်အစိုးရဖြစ်ပြီလေ..။ နိုင်ငံတကာ နဲ့ ဆက်ဆံရပြီ..။ မူဝါဒတွေ ပြောင်းလဲ ကြရပြီ..။ သံခင်းတမန်ခင်းတွေ သုံးကြရပြီ..။ အကူအညီတွေ လိုလာကြပြီ..။

    ရောက်လာပါတယ်.. ကူညီမယ့်သူတွေ ..။ ဒါပေမယ့် ကူညီသူတချို့ရဲ့ လက်ထဲမှာ ထိုးဝါးတွေနဲ့..။ တချို့ကတော့ တကယ် ကူညီကြမှာ..။ ဒါပေမယ့် ကိုယ့်ဖက်က ခံယူချက်တွေက မပြောင်းနိုင် မပြင်နိုင်သေးဘူး..။ သူများပြောတာ နားထောင်ဖို့ သင်ယူဖို့ လက်ခံဖို့ အသင့်မဖြစ်သေးဘူး..။ ခေါင်းမာတဲ့ အကျင့်ကစွဲနေတာ ကြာပြီလေ..။ ဒါကလဲ အပြစ်တော့ မဆိုသာပေဘူး.. အာဆီယံ အဖွဲ့ဝင်ဖြစ်တာပဲ နှစ်ပေါင်း နှစ်ဆယ်ပြည့်တော့မယ်.. One vision, One identity, One community အစား “ပြည်ပအားကိုး ပုဆိန်ရိုး” က စွဲနေတုန်း.. ။

    အကူအညီတော့ တောင်းတတ်ခဲ့ပါတယ်..။ တောင်းတာမှ တော်တော်ကို တောင်းတတ်တာ..။ “ဘာရမလဲ”.. ဆိုတာပဲ တောင်းတတ်ခဲ့ပြီး “ဘာပြန်ပေးရမလဲ” ဆိုတာကို မေးဖို့ မေ့ထားခဲ့ကြတယ်.. အဲဒီလိုနဲ့ပဲ အချိန်တွေ ကြာလာခဲ့ပြီး ဖွံ့ဖြိုးတဲ့ ဆီ တိုးတက်တဲ့ ဆီ မရောက်တော့ပဲ.. တစ်ကိုယ်ချင်းသာ ချမ်းသာလာခဲ့ကြတာ အများအမြင်ပါပဲ..။

    ကောင်းပါပြီ Solution ကို စဉ်းစားကြည့်ရအောင်..။ ဒီနေ့ “ကြပ်” နေပါတယ်လို့ အသံမြည်နေသူတွေ ဟာ “ချမ်းသာ” သူတွေ ချည်းပဲဖြစ်တယ် ဆိုတာ တွေ့ရပါမယ်..။ ဒါကလဲ အမှန်ပါပဲ..။ သူတို့ရဲ့ ချမ်းသာကြွယ်ဝခြင်းတွေကို ထပ်တိုးမလာချင်နေ မလျော့စေချင်တာက လူ့သဘာဝပါ..။ အခုအချိန်မှာ ကိုယ့်လက်ထဲ ရှိပြီးသားကို ကျစ်ကျစ်ပါအောင် ဆုပ်ထားဖို့ပဲ စဉ်းစားမိကြမှာပါ..။ “ဆုပ်မိ..မလွှတ်နဲ့” လို့ ဆုံးမစကားက ရှိထားနှင့်သကိုး..။ ဒီထက်ပိုကြာလာရင် လှောင်ကန်ထဲက ရေလို မစီးဆင်းနိုင်တော့ပဲ အခက်တွေ့နိုင်ပါတယ်..။ ရေဆိုတာ စီးနေမှ သန့်တာပါ..။ လှောင်ကန်ထဲက ရေကို ရေသန့်စက်နဲ့ သန့်အောင် လုပ်လို့ရနိုင်ပါတယ်..။ ဒါပေမယ့် လွတ်လွတ်လပ်လပ် စီးမျောရတဲ့ အထိ အသိ ကို မရနိုင်ပါဘူး..။

    အာဖရိက က ဇင်ဘာဘွေ နိုင်ငံဟာ စိန်အကောင်းစားတွေ အများကြီးထွက် တဲ့ နိုင်ငံပါ.. ဒါပေမယ့် သူ့မှာ ငွေကြေး အမြဲတန်း “ကြပ်” နေပါတယ်..။ “ကြပ်” လေလေ ငွေစက္ကူတွေ ရိုက်ထုတ်လေလေ လုပ်ရင်းနဲ့ သူ့ငွေ တန်ဖိုးက နိမ့်သထက်နိမ့်လာပြီး နောက်ဆုံးမှာ ထရီလီယံဒေါ်လာ (သန်းပေါင်းသောင်းချီ) ပိုက်ဆံတွေအထိ ရိုက်ထုတ် လာရပါတယ်..။ အခြေခံစားကုန်တွေကို မီလီယံဒေါ်လာကနေ ဘီလီယံဒေါ်လာအထိ ပေးပြီး ဝယ်ရပါတယ်..။ သူ့ရဲ့ ဒေါ်လာတစ်သန်းဟာ အမေရိကန် တစ်ဒေါ်လာနဲ့ ညီပါတော့တယ်..။

    ဒါဟာ နိုင်ငံတကာနဲ့ မဆက်ဆံ.. ကိုယ်ကကျူး ကိုယ့်ဒူးတောင် မယုံတဲ့ Stereotype ဖြစ်စဉ်ကြောင့်ပါ..။ ကိုယ်ကလွဲပြီး သူများကို မယုံတာ အထိအောင်က ကိစ္စမရှိသေးပါဘူး..။ ကိုယ်သာအသိဆုံး ကိုယ်သာ အတတ်ဆုံး ဆိုပြီး တလွဲဆံပင် ကောင်းနေတာကျတော့ ကိစ္စ ရှိလာပါပြီ..။ နောက်ဆုံးတော့ ကိုယ်ပဲ ထီးထီးကျန်ခဲ့တာပါ…။

    ဒါကြောင့် ဒီနေ့ နိုင်ငံတကာနဲ့ ဆက်ဆံရေးကို မြန်မြန်ထက်ထက် တိုးမြှင့်ဖို့ လိုပါတယ်..။ တကမ္ဘာလုံးရဲ့ စီးပွားရေး အခြေအနေဟာ အနုတ်လက္ခဏာ အသွင်ဆောင်နေပါတယ်..။ ဘယ်သူကမှ ကိုယ့်တစ်ယောက်ထဲကို ကူညီနိုင်မှာ မဟုတ်ပါဘူး..။ ဒါကြောင့် ကိုယ့်ကို ကူညီနိုင်မယ့် လူ..ပညာ..ပစ္စည်း .. အရင်းအနှီး.. နည်းပညာ.. စိတ်ဓါတ် စတာတွေ အားလုံးကို ရှာဖွေချဉ်းကပ် လက်ခံရမှာပါ..။ ကမ္ဘာပေါ်မှာ ကိုယ့်တစ်နိုင်ငံတည်း.. ကိုယ့်လူမျိုးတစ်မျိုးတည်း ရှိနေတာမဟုတ်ပါဘူး..။ အိမ်နီးချင်း ဘယ်သူမှ မရှိတဲ့ လွင်တီးခေါင် ကန္တာရမှာ နေသူများလဲ မဟုတ်ကြပါဘူး..။ အာဆီယံ ဆိုတဲ့ အသိုင်းအဝိုင်း ကြီး တစ်ခုထဲမှာ အများနဲ့ အတူနေထိုင်ကြတာပါ..။ အာဆီယံနဲ့ တနည်းတဖုံဆက်စပ်နေတဲ့ နိုင်ငံပေါင်း သုံးဆယ်ကျော် ရှိပါသေးတယ်..။ အဲဒါတွေကလဲ မိတ်ဆွေတွေပါပဲ..။ အဲဒီ မိတ်ဆွေ တွေကို ပိုပြီးရင်းနှီးလာအောင် ဆက်ဆံ ရမှာပါ..။ သူတို့နဲ့ ရင်းနှီးတဲ့ အတွက် ကိုယ့်အတွက် ခွန်အားဖြစ်စေမှာပါ..။

    “ဘယ်သူ့အခက်.. ဘယ်သူ့အချက်” ဆိုပြီး လက်သီးလက်မောင်းတန်းပြီး ကြွေးကြော်နေရမယ့် အချိန်မဟုတ်တော့ပါဘူး..။ တစ်ဦးချင်း တစ်ယောက်ချင်းလဲ လုပ်လို့ ရနိုင်တာမျိုး မဟုတ်ပါဘူး.။ အစိုးရနဲ့ လူချမ်းသာတွေ ပူးပေါင်းရမယ်.. အားလုံးနဲ့ ရင်းရင်းနှီးနှီး ဖေါ်ဖေါ်ရွေရွေ ဆက်ဆံပြီး ကိုယ့်အခက်အခဲကို ရိုးရိုးသားသား ပွင့်ပွင့်လင်းလင်း ပြောပြ အကူအညီတောင်းတာဟာ solution ဖြစ်လိမ့်မယ်လို့ ယုံကြည်ပါတယ်..။

    ချစ်ခင်စွာဖြင့်
    ကောင်းလွန်း (၁၇.၁၂.၂၀၁၆)

    ** စာရေးသူ၏ ခွင့်ပြုချက်ဖြင့် ဖော်ပြပါသည်။