Blog

ဒီဇင်ဘာ ၉၊ ၂၀၁၆
M-Media

– အင်ဒိုနီးရှားသမ္မတ ဂျိုကိုဝီဒိုဒိုမှာ ယမန်နေ့က ကုလအတွင်းရေးမှူးချုပ်ဟောင်း ကိုဖီ အန်နန်နှင့် ဘာလီ၌ တွေ့ဆုံခဲ့ပြီး ရခိုင်ပြည်နယ်ရှိ မွတ်စလင်များအတွက် လူသားချင်း စာနာထောက်ထားမှုဆိုင်ရာ အကူအညီများ ပေးအပ်ရန် ဆွေးနွေးခဲ့ကြသည်ဟု သိရသည်။

၉ ကြိမ်မြောက် ဘာလီ ဒီမိုကရေစီဖိုရမ် တရားဝင် မကျင်းပခင် ၎င်းတို့နှစ်ဦးမှာ နာရီဝက်ကြာ တွေ့ဆုံဆွေးနွေးခဲ့ခြင်းဖြစ်သည်။

ရခိုင်ပြည်နယ်အကြံပေးအဖွဲ့၏ အကြီးအကဲဖြစ်သူ အန်နန်မှာ ထိုတွေ့ဆုံမှုအတွင်း ရခိုင်ပြည်နယ်ရှိ ပဋိပက္ခဖြစ်ပွားရာ ဒေသသို့ ၎င်းသွားရောက်ခဲ့သည့် ခရီးစဉ်မှ တွေ့ရှိခဲ့မှုများကို ရှင်းပြခဲ့ပြီး လူသားချင်း စာနာထောက်ထားမှုဆိုင်ရာ အကြပ်အတည်းများကို ခံစားနေရသူများအား ကူညီရေး အလျင်အမြန်ဆောင်ရွက်ရန် နိုင်ငံများကို အကြံပြုခဲ့သည်။

“အင်ဒိုနီးရှားဟာ ရိုဟင်ဂျာပြည်သူတွေအတွက် လူသားချင်း စာနာထောက်ထားမှုဆိုင်ရာ အကူအညီတွေကို မကြာခင် ပေးပို့သွားမှာပါ။ အထူးသဖြင့် အစားအသောက်နဲ့ အိမ်ယာတွေလို ပစ္စည်းတွေအတွက် လိုအပ်တာတွေ ပြင်ဆင်ဖို့ သက်ဆိုင်ရာ ၀န်ကြီးတွေကို ကျွန်တော် ညွှန်ကြားထားပါတယ်” ဟု အင်ဒိုသမ္မတက တွေ့ဆုံမှုအပြီးတွင် ပြောကြားခဲ့သည်။

အင်္ဂါနေ့က မြန်မာနိုင်ငံသို့ လာရောက်ကာ ရခိုင်ပြည်နယ်အရေး ဆွေးနွေးခဲ့သည့် အင်ဒိုနိုင်ငံခြားရေးဝန်ကြီး ရက်တနို မာဆူဒီက အင်ဒိုအစိုးရအနေဖြင့် ရခိုင်ပြည်နယ်ရှိ ထိခိုက်ခံစားရသူများအား လူသားချင်းစာနာထောက်ထားမှုဆိုင်ရာ အကူအညီများ ပေးပို့ရန်အတွက် အလျင်အမြန် ဆောင်ရွက်မှုကို ကျေးဇူးတင်ကြောင်း ကိုဖီအန်နန်က ပြောကြားခဲ့သည်ဟု ဆိုသည်။

“ကောင်းမွန်တဲ့ အုပ်ချုပ်ရေး၊ ဒီမိုကရေစီနဲ့ လူ့အခွင့်အရေး နယ်ပယ်တွေမှာ စွမ်းအားမြှင့်တင်မှု ဆောင်ရွက်ပေးခြင်းအားဖြင့် ကျွန်မတို့ဟာ မြန်မာနိုင်ငံကို ရေရှည်ကူညီသွားမှာပါ။ ဒီအစီအစဉ်တွေကို ကျွန်မတို့ စတင်နေပြီး ဒါက သိပ်အရေးကြီးတာကြောင့် ဆက်လက်ဆောင်ရွက်သွားမှာ ဖြစ်ပါတယ်” ဟု နိုင်ငံခြားရေးဝန်ကြီးက ပြောကြားခဲ့သည်။

၂ ရက်တာ ကျင်းပပြုလုပ်မည့် ဘာလီ ဒီမိုကရေစီဖိုရမ်သို့ နိုင်ငံပေါင်း ၉၄ နိုင်ငံမှ ကိုယ်စားလှယ်အဖွဲ့များ၊ အဖွဲ့အစည်းများအပြားမှ လေ့လာသူများ တက်ရောက်မည်ဖြစ်ပြီး ဒီမိုကရေစီ၊ ဘာသာရေးသည်းခံမှု၊ ဗဟုဝါဒနှင့် ကမ္ဘာလုံးဆိုင်ရာ ပူးပေါင်းဆောင်ရွက်မှု အားကောင်းရေး စသည်တို့ကို ဆွေးနွေးသွားမည်ဖြစ်သည်။

Ref: The Jakarta Post

ဒီဇင်ဘာ ၈၊ ၂၀၁၆
M-Media

– ရခိုင်ပြည်နယ်တွင် ဖြစ်ပွားနေသည့် ပြဿနာများအတွက် မိမိတို့နိုင်ငံက စိုးရိမ်မှုများကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား အသိပေးခဲ့ကြောင်း အင်ဒိုနီးရှားနိုင်ငံခြားရေးဝန်ကြီး ရက်တနို အလ်ပီ မာဆူဒီက ပြောကြားလိုက်သည်။

ရခိုင်ပြည်နယ်ကိစ္စနှင့်ပတ်သက် ပွင့်ပွင့်လင်းလင်းဆွေးနွေးရန်အတွက် မြန်မာအစိုးရက အင်ဒိုနီးရှားကို ဖိတ်ခေါ်ခဲ့ပြီးနောက် နိုင်ငံခြားရေးဝန်ကြီး မာဆူဒီမှာ အင်္ဂါနေ့တွင် မြန်မာနိုင်ငံသို့ လာရောက်ခဲ့ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံခဲ့သည်။

“ရခိုင်ပြည်နယ်က အခြေအနေနဲ့ပတ်သက်ပြီး အင်ဒိုနီးရှားက စိုးရိမ်မှုတွေ ရှိနေတယ်ဆိုတာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ထပ်မံပြောကြားခဲ့ပါတယ်” ဟု နိုင်ငံခြားရေးဝန်ကြီးက ပြောကြားခဲ့သည်။

အောက်တိုဘာ ၉ ရက်နေ့က ရခိုင်ပြည်နယ်မြောက်ပိုင်းတွင် နယ်ခြားစောင့်စခန်းများ တိုက်ခိုက်ခံရပြီးနောက်ပိုင်း မြန်မာစစ်တပ်မှ ထိုဒေသတွင် ပြုလုပ်သော စစ်ဆင်ရေး၌ ဒေသခံမွတ်စလင်များအပေါ် ကျူးလွန်မှုများ ရှိသည်ဟု သတင်းများ ထွက်ပေါ်ခဲ့ပြီး စစ်တပ်ကမူ ငြင်းဆိုခဲ့သည်။

အာဆီယံအသိုင်းအ၀ိုင်းက ထိုကိစ္စနှင့်ပတ်သက်၍ နှုတ်ဆိတ်နေသော်လည်း သံတမန်ရင်းမြစ်တစ်ခုက အာဆီယံနိုင်ငံများမှ ကိုယ်စားလှယ်အဖွဲ့များမှာ ဒေသတွင်း ငြိမ်းချမ်းရေး၊ လုံခြုံရေး၊ တည်ငြိမ်အေးချမ်းရေးအတွက် ဆွေးနွေးမှုပြုလုပ်ရန် ရှိနေသည်ဟု ပြောကြားခဲ့သည်။

အင်ဒိုနီးရှားနိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ အာရ်မာနာသာ နာဆီရ်ကမူ ၎င်းတို့ဝန်ကြီးနှင့် ဒေါ်အောင်ဆန်းစုကြည်တို့မှာ ရခိုင်ကိစ္စအတွက် ပွင့်ပွင့်လင်းလင်း ဆွေးနွေးခဲ့သည်ဟု ဆိုသည်။

“အင်ဒိုနိုင်ငံခြားရေးဝန်ကြီးက ရခိုင်ပြည်နယ်မှာ အလုံးစုံဖွံ့ဖြိုးတိုးတက်ရေး ဆက်လက်ဆောင်ရွက်နိုင်ဖို့အတွက် လုံခြုံရေး၊ တည်ငြိမ်အေးချမ်းရေးကို လျင်လျင်မြန်မြန်ဆောင်ရွက်ဖို့ ဘယ်လောက်အရေးကြီးတယ်ဆိုတာ အလေးထား ပြောကြားခဲ့ပါတယ်”

ထို့ပြင် မွတ်စလင်လူနည်းစုများ အပါအ၀င် ရခိုင်ပြည်နယ်ရှိ ပြည်သူအားလုံးအတွက် လူ့အခွင့်ရေးကို ဆက်လက် အလေးထားသွားမည်ဟု မျှော်လင့်ကြောင်းလည်း အင်ဒိုနိုင်ငံခြားရေးဝန်ကြီးက ပြောကြားခဲ့သည်။ နာဆီရ်ကမူ ဒေါ်အောင်ဆန်းစုကြည်ကလည်း မာဆူဒီ၏ မှတ်ချက်ကို အပြုသဘောဆောင်ကာ တုန့်ပြန်ခဲ့သည်ဟု ထည့်သွင်း ပြောဆိုခဲ့သည်။

ကူညီမည်

အင်ဒိုနီးရှား၏ ဒုတိယသမ္မတ ဂျူဆုဖ် ကာလာက ရခိုင်ပြည်နယ်အတွင်းရှိ မွတ်စလင်များ ထိခိုက်ခံစားနေရသည့် ပြဿနာကို ဖြေရှင်းရန်အတွက် ကူညီသွားမည်ဟု အင်္ဂါနေ့တွင် ပြောကြားခဲ့သည်။

“မြန်မာနိုင်ငံရဲ့ ပြည်တွင်းရေးကိစ္စဖြစ်ပေမယ့် အင်ဒိုနီးရှားက ကောင်းမွန်တဲ့အဖြေတစ်ခုကို ရှာဖွေစေချင်တာကတော့ အမှန်ပါပဲ။ (ပြည်သူတွေ) ကောင်းဖို့အတွက် အင်ဒိုနီးရှားက ကာယ၊ ဉာဏအကူအညီတွေ ပေးချင်သလို၊ အဖြေတစ်ခု ရှာဖို့အတွက်လည်း မြန်မာနိုင်ငံကို ကူညီချင်ပါတယ်”

ထို့ပြင် ဒုတိသမ္မတက နိုင်ငံခြားရေးဝန်ကြီးဌာနက သံတမန်ပိုင်းဆိုင်ရာ ချဉ်းကပ်မှုကိုလည်း ချီးကျူးခဲ့ကာ အင်ဒိုနီးရှားအနေဖြင့် ဒုက္ခသည်များအတွက် လူသားချင်းစာနာထောက်ထားမှုဆိုင်ရာ အကူအညီများ ပေးပို့သွားမည်ဟုလည်း ထည့်သွင်းပြောကြားခဲ့သည်။

“သူတို့တွေ စိုးရိမ်နေတဲ့ကိစ္စမျိုး ဖြစ်မလာအောင် အင်ဒိုနီးရှားက ကူညီသွားမှာပါ”

Ref: Antar News, Jakarta Post