ဒီဇင်ဘာ ၈၊ ၂၀၁၆
M-Media
အာဖဂန်နစ္စတန်၏ ဒုတိယမြောက် အမျိုးသမီးလေယာဉ်မှူး ဗိုလ်ကြီး ဆာဖီယာ ဖေရိုဇီ
– ကလေးငယ်ဘ၀ကို ဒုက္ခသည်အဖြစ် ဖြတ်သန်းခဲ့ရသည့် ဗိုလ်ကြီး ဆာဖီယာ ဖေရိုဇီတစ်ယောက် ယခုတွင်တော့ နိုင်ငံ၏ ဒုတိယမြောက် အမျိုးသမီး လေယာဉ်မှုးအဖြစ် အာဖဂန်လေတပ်၏ သယ်ယူပို့ဆောင်ရေးလေယာဉ်ကို ကိုင်တွယ်မောင်းနှင်နေရသည်။ ထိုအချင်းအရာက အာဖဂန် အမျိုးသမီးများ စစ်တပ်သို့ ပိုမိုဝင်ရောက်လာစေရေး ကြိုးပမ်းမှု၏ လက္ခဏာတစ်ရပ်လည်း ဖြစ်လေသည်။
အသက် ၂၆ နှစ်အရွယ်ရှိ ဖေရိုဇီ၏ ဘ၀လက်တွဲဖော်က တပ်ဖွဲ့တစ်ခုတည်းမှ လေယာဉ်မှူးဖြစ်ပြီး၊ ၎င်းတို့မှာ တာလီဘန်များ၏ သူပုန်ထမှုကို တွန်းလှန်ရာတွင် ပိုမိုကြီးမားသည့် အခန်းကဏ္ဍမှ ပါဝင်ရန် ကြိုစားနေသော အာဖဂန်လေတပ်၏ အစိတ်အပိုင်းလည်း ဖြစ်သည်။
“စစ်ယူနီဖောင်းကို ၀တ်လိုက်တဲ့အခါမှာ အမျိုးသမီးတစ်ယောက်အနေနဲ့ ကျွန်မ အရမ်းအရမ်းကို ဂုဏ်ယူမိပါတယ်” ဟု မြို့တော်ကဘူးလ်ရှိ လေတပ်အခြေစိုက်စခန်းတွင် လောဉ်မောင်းနှင်ရန် ပြင်ဆင်နေသည့် ဖေရိုဇီက ပြောကြားခဲ့သည်။ သူမ မောင်းနှင်သည့် လေယာဉ်က စစ်တပ်အတွက် သယ်ယူပို့ဆောင်ရေးတွင် အသုံးပြုသည့် C-208 လေယာဉ် ဖြစ်သည်။
၂၀၀၁ ခုနှစ်က အမေရိကန်ဦးဆောင်သည့် ကျူးကျော်တိုက်ခိုက်မှုကြောင့် တာလီဘန်စစ်သွေးကြွအစိုးရ ပြုတ်ကျပြီး ၁၆ နှစ်နီးပါး ကြာညောင်းလာသည့်အချိန်တွင် အာဖဂန်အမျိုးသမီးများမှာ လွှတ်တော်၊ အစိုးရအဖွဲ့နှင့် စစ်တပ်တို့အပါအ၀င် လူ့အဖွဲ့အစည်းတွင် ပိုမိုပါဝင်ဆောင်ရွက်နိုင်ရန် စိုင်းပြင်းနေကြသည်။ သို့သော် အမျိုးသမီးများမှာ အိမ်တွင်းပုန်းရမည်ဟု အများစုက ယူဆနေပြီး၊ အမျိုးသမီးများအပေါ် အကြမ်းဖက်မှု ကျယ်ကျယ်ပြန့်ပြန့် ဖြစ်ပွားနေသည့် အာဖဂန် ရှေးရိုးစွဲလူ့အဖွဲ့အစည်းတွင် ၎င်းတို့မှာ စိန်ခေါ်မှုများနှင့် ရင်ဆိုင်ရလျက်ပင် ရှိနေသေးသည်။
၁၉၉၀ ပြည့်နှစ်များက အာဖဂန် စစ်ဘုရင်များအကြား ပြည်တွင်းစစ်ဖြစ်စဉ် ဖေရိုဇီမှာ ကလေးသာ ရှိသေးပြီး ၎င်း၏မိသားစုမှာ ကဘူးလ်ရှိနေအိမ်မှ ထွက်ပြေးကာ ပါကစ္စတန်တွင် ခိုလှုံခဲ့ရသည်။ ထို့နောက် တာလီဘန်အစိုးရ ပြုတ်ကျပြီးနောက်ပိုင်း အာဖဂန်သို့ ပြန်လာခဲ့သည်။
တာလီဘန်အလွန် အာဖဂန်တွင် အထက်တန်းကျောင်းတက်ခဲ့သည့် ဖေရိုဇီမှာ အမျိုးသမီးများ စစ်တပ်ထဲသို့ဝင်ရန် တိုက်တွန်းသည့် တီဗီကြော်ငြာတစ်ခုကို တွေ့ရှိခဲ့သည်။ ထို့ကြောင့် ဘွဲ့ရပြီးနောက်ပိုင်းတွင် သူမမှာ စစ်တက္ကသိုလ်သို့ တက်ရောက်ရန် စာရင်းပေးခဲ့ပြီး ဆက်သွယ်ရေးအရာအရှိတစ်ဦးအဖြစ် လေ့လာသင်ယူခဲ့သည်။ ထို့နောက် လေတပ်တွင် အမျိုးသမီး လေယာဉ်မှူးများ အလိုရှိနေသည်ဟု စစ်တက္ကသိုလ်တွင် ကြေငြာမှုနှင့် ကြုံတွေ့ရပြန်သည်။
သူမနှင့် အခြား အမျိုးသမီး ၁၂ ဦးမှာ ထိုနေရာအတွက် လျှောက်ထားခဲ့ကြပြီး သင်တန်းတက်ရောက်ရန် စမ်းသပ်မှုကိုတော့ ဖေရိုဇီတစ်ယောက်တည်းသာ အောင်မြင်ခဲ့သည်။
နိုင်ငံအနောက်ပိုင်း ဟီရတ်ပြည်နယ်ရှိ လေတပ်စခန်းတွင် သင်တန်းတက်နေစဉ် ဖေရိုဇီမှာ ဗိုလ်ကြီး မိုဟာမက် ဂျာဝဒ် နာဂျာဖီနှင့် တွေ့ဆုံခဲ့ပြီး နောက်ပိုင်းတွင် သူမ၏ခင်ပွန်း ဖြစ်လာခဲ့သည်။ ၎င်းတို့နှစ်ဦးမှာ လွန်ခဲ့သည့် ၂ နှစ်က အိမ်ထောင်ကျခဲ့ခြင်းဖြစ်ပြီး၊ နာဂျာဖီက ဇနီးသည်၏ ရည်ရွယ်ချက်အတွက် အပြည့်အ၀ ထောက်ခံအားပေးခဲ့သည်။
၂၀၁၅ ခုနှစ် သင်တန်းအောင်မြင်ခဲ့ပြီးနောက် ဖေရိုဇီမှာ နာဂစ်ဟုခေါ်သည့် သမီးငယ်လေးတစ်ဦးကို မွေးဖွားခဲ့သည်။ သမီးငယ်လေးမှာ ယခုအတွင် အသက် ၈ လ ရှိပြီဖြစ်ပြီး ဖေရိုဇီမှာလည်း လေယာဉ်မှူးအဖြစ် အလုပ်ပြန်ဝင်နေလေပြီ။ အာဖဂန်စစ်တပ်တွင် ဖေရိုဇီမှာ ဒုတိယမြောက် အမျိုးသမီးလေယာဉ်မှူးဖြစ်ပြီး လက်ရှိတွင် အခြားအမျိုးသမီး ၅ ဦးမှာလည်း လေယာဉ်မှူးသင်တန်း တက်ရောက်နေ၏။
၂၀၁၃ ခုနှစ်က ဗိုလ်ကြီး နီလိုဖာရ် ရဟ်မာနီမှာ နှစ်ပေါင်း ၃၀ အတွင်း အာဖဂန်၏ ပထမဆုံး အမျိုးသမီးလေယာဉ်မှူး ဖြစ်လာခဲ့သည်။ သူမမှာ နိုင်ငံတွင် ဂျက်လေယာဉ်မောင်းရသည့် ပထမဆုံး အမျိုးသမီးလေယာဉ်မှူးလည်း ဖြစ်သည်။ ၁၉၈၀ ပြည့်နှစ်များက ဆိုဗီယက်မှ ကျောထောက်နောက်ခံပြုထားသည့် အစိုးရလက်ထက်တွင် အာဖဂန်၌ ရဟတ်ယာဉ်မောင်းနှင်သော အမျိုးသမီး လေယာဉ်မှူးများ ရှိခဲ့သည်။ ရဟ်မာနီမှာ လက်ရှိတွင် ပိုကြီးမားသော C-130 သယ်ယူပို့ဆောင်ရေးလေယာဉ် မောင်းနှင်နိုင်ရန်အတွက် အမေရိကန်တွင် သွားရောက် သင်တန်းတက်နေသည်။
ဖေရိုဇီကတော့ အခြားအမျိုးသမီးများအနေဖြင့် သူမကိုကြည့်၍ အားကျစေချင်သည်ဟု ပြောကြားခဲ့သည်။
“အမျိုးသမီးတစ်ယောက်အနေနဲ့ စိန်ခေါ်မှုတွေ တော်တော်များများကို ရင်ဆိုင်ရလေ့ရှိပါတယ်။ ဒါပေမယ့် ဒီပြဿနာတွေကို တစ်နည်းနည်းနဲ့တော့ ရင်ဆိုင်ဖြေရှင်းရတာပါပဲ”
အာဖဂန်၏ ၁၉၅၀၀၀ သော စစ်အင်အားတွင် အမျိုးသမီးစစ်သည်မှာ ၁၈၀၀ ၀န်းကျင်ရှိသည်ဟု ကာကွယ်ရေးဝန်ကြီးဌာနမှ ပြောရေးဆိုခွင့်ရှိသူ ဗိုလ်ချုပ်ကြီး မိုဟာမက် ရဒ်မာနစ်ရ်ှက ဆိုပြီး၊ အမေရိကန်နှင့် နေထိုးအဖွဲ့တို့က ကျောထောက်နောက်ခံပြုထားသည့် အာဖဂန်စစ်တပ်မှာ လာမည့် ၇ နှစ်အတွင်း လက်ရှိ အရေအတွက်၏ ၁၀ ရာခိုင်နှုန်းအထိ တိုးလာရေး ဆောင်ရွက်နေသည်ဟုလည်း ဆိုသည်။
အာဖဂန်၏ လေတပ်မှာ လေယာဉ် အစီး ၁၀၀ ကျော်သာရှိသည့် တပ်ငယ်လေးဖြစ်ပြီး နှစ်ပေါင်းများစွာကြာ လစ်လျူရှုခြင်း ခံခဲ့ရသည်။ သို့သော်လည်း ၂၀၁၅ ခုနှစ်တွင် နေတိုးအဖွဲ့နှင့် အမေရိကန်တို့က သင်တန်းများပေးခြင်း၊ လက်နက်ကိရိယာများ တပ်ဆင်ပေးခြင်းဖြင့် အင်အားကြီးမားလာစေရန် အာရုံစိုက် ဆောင်ရွက်ခဲ့သည်။ အာဖဂန်လေတပ်ရှိ တိုက်ခိုက်ရေး ရဟတ်ယာဉ်များ၊ အပေါ့စား တိုက်လေယာဉ်များမှာ ယခုနှစ်အတွင်း စစ်ဆင်ရေးများတွင် ပါဝင်နေသော်လည်း သူပုန်များအား အဓိကတိုက်ခိုက်မှုကို နေတိုးအဖွဲ့ကသာ ပြုလုပ်နေခြင်းဖြစ်သည်။
အာဖဂန်လေတပ်၏ အဓိကအခန်းကဏ္ဍမှာ အရေးပေါ် လူသားချင်း စာနာထောက်ထားမှုဆိုင်ရာ လုပ်ငန်းများ လုပ်ဆောင်ခြင်းဖြစ်ပြီး ရေကြီးရေလျှံခြင်း၊ ရေခဲတောင်များ ပျော်ဆင်းခြင်း၊ မြေပြိုခြင်းနှင့် အခြားသော ဘေးအန္တရာယ်များကြောင့် ထိခိုက်ခံစားရသူများကို ကူညီပေးလျက် ရှိနေသည်။
Ref: AP
