နိုဝင်ဘာ ၂၆၊ ၂၀၁၆
M-Media
– ပါကစ္စတန်နိုင်ငံ ဆင်းပြည်နယ်တွင် မွတ်စလင်များက လူမှုရေးထုံးတမ်းစဉ်လာအရ ဖိအားပေး ဘာသာပြောင်းခိုင်းမှုကို ပိတ်ပင်သည့် ဥပဒေတစ်ခုကို ပြည်နယ်အစိုးရက ပြည်ဌာန်းလိုက်ပြီး အစိုးရက လူနည်းစုများအပေါ် ကာကွယ်မှုနှင့်ပတ်သက်၍ ဝေဖန်မှုများကို တုန့်ပြန်လိုက်ခြင်းလည်းဖြစ်သည်။
ကြာသာပတေးနေ့က ပြဌာန်းလိုက်သည့် အဆိုပါ ဥပဒေတွင် အရွယ်ရောက်ပြီးသူများအနေဖြင့် ဘာသာကူးပြောင်းရေး ဆုံးဖြတ်ချက်အတွက် ၂၁ ရက်အတွင်း စဉ်းစားရန် ပြဌာန်းထားပြီး၊ အရွယ်မရောက်သေးသူများအနေဖြင့် ၎င်းတို့၏ ကိုယ်ပိုင်ဆန္ဒဖြင့်ပင် ဘာသာပြောင်းသော်လည်း အကျုံးမ၀င်ဟု သတ်မှတ်ထားသည်။
“ဖိအားပေး ဘာသာပြောင်းခိုင်းခြင်းဟာ စက်ဆုပ်ကြမ်းတမ်းတဲ့ ပြစ်မှုဖြစ်ပါတယ်။ ဆင်းပြည်နယ်တစ်ခုလုံးမှာ ပြန့်နှံ့နေတဲ့ ဒီပြဿနာကို သည်းခံမှုရဲ့ အရေးပါမှု၊ ငြိမ်းချမ်းရေး၊ ဘာသာအယူဝါဒအားလုံးနဲ့ လူမျိုးအားလုံးအပေါ်မှာ လေးစားမှု စတာတွေကို အသိအမှတ်ပြုခြင်းအားဖြင့် ဖယ်ရှားရမှာ ဖြစ်ပါတယ်” ဟု အဆိုပါဥပဒေတွင် ရေးသားထားသည်။
ထို့ပြင် ထိုကဲ့သို့ ဖိအားပေး ဘာသာပြောင်းမှုကို ရာဇ၀တ်မှုအဖြစ် သတ်မှတ်ရန်၊ ထိုကိစ္စ၏ သားကောင်ဖြစ်ရသူများကို ကာကွယ်မှုပေးရန်အတွက်လည်း ဥပဒေတွင် ပြဌာန်းထားသည်။ ပြစ်မှုကျူးလွန်သူကို အနိမ့်ဆုံး ထောင်ဒဏ် ၅ နှစ်မှ အမြင့်ဆုံး ထောင်ဒဏ် တစ်သက်တစ်ကျွန်းအထိ ပြစ်ဒဏ် ချမှတ်နိုင်မည်ဖြစ်သည်။
အဆိုပါ ဆင်းရာဇ၀တ်မှုဥပဒေ (လူနည်းစုများ ကာကွယ်ရေး) ဥပဒေကြမ်းကို ပြီးခဲ့သည့်တစ်နှစ်က ပါကစ္စတန်မွတ်စလင်လိဂ်မှ အမတ်တစ်ဦးဖြစ်သူ ဟိန္ဒူဘာသာဝင် နန်ဒ် ကူမာရ် ဂေါ့က်လာနီက တင်သွင်းခဲ့ခြင်းဖြစ်ပြီး ဆင်းပြည်နယ်မှာလည်း ပါကစ္စတန်တွင် ထိုကဲ့သို့ ဥပဒေမျိုး ပြဌာန်းသည့် ပထမဆုံးပြည်နယ် ဖြစ်သည်။
“လူတိုင်းဟာ သူတို့ရဲ့ ဘာသာတရား၊ အယူဝါဒကို လိုက်နာကျင့်သုံးခွင့် ရှိပါတယ်။ ရုပ်ပိုင်းဆိုင်ရာ ဒါမှမဟုတ် စိတ်ပိုင်းဆိုင်ရာနဲ့ ဖိအားပေး ဘာသာပြောင်းခိုင်းတာမျိုး မဖြစ်အောင် ဆောင်ရွက်ရပါမယ်။ ဒီလို လုပ်ရပ်မျိုးကို တားဆီးဖို့အတွက် အခု ကျွန်တော်တို့မှာ ဥပဒေတစ်ခု ရှိပါပြီ။ ဒါဟာ သမိုင်ဝင်ဆောင်ရွက်ချက်ပါပဲ” ဟု ဂေါ့က်လာနီက ပြောကြားခဲ့သည်။
လူဦးရေ သန်း ၂၀၀ ရှိပြီး မွတ်စလင်အများစုရှိရာ ပါကစ္စတန်တွင် ဖိအားပေးဘာသာပြောင်းသည့်ကိစ္စမှာ နာတာရှည်ပြဿနာတစ်ရပ် ဖြစ်နေပြီး၊ နိုင်ငံလူဦးရေ၏ ၂.၅ ရာခိုင်နှုန်းရှိကာ ဆင်းပြည်နယ်တွင် ၉၀ ရာခိုင်နှုန်း နေထိုင်သည့် ဟိန္ဒူများက ထိုဒဏ်ကို အဓိကခံစားနေရသည်။
ထိုကဲ့သို့ ဖိအားပးဘာသာပြောင်းခိုင်းမှုနှင့် ပတ်သက်၍ ကိန်းဂဏန်းအတိအကျ မရှိသော်လည်း အန်ဂျီအိုအဖွဲ့ဖြစ်သည့် Movement for Solidarity and Peace ကမူ နှစ်စဉ် မွတ်စလင်နှင့်လက်ထပ်သည့် အမျိုးသမီး အနည်းဆုံး ၁၀၀၀ ခန့်မှာ ဖိအားပေး ဘာသာပြောင်းခြင်း ခံနေရသည်ဟု ဆိုသည်။
ယခုဥပဒေအရ ထိုကဲ့သို့ ဖိအားပေး ဘာသာပြောင်းခံရသူအနေဖြင့် တရားရုံးသို့ တိုက်ရိုက် တိုင်ကြားနိုင်မည်ဖြစ်ပြီး၊ တရားရုံးကလည်း ပထမဆုံး ကြားနာမှုကို ၇ ရက်အတွင်း ပြုလုပ်ရမည်ဖြစ်သည်။
Ref: Aljazeera
