နိုဝင်ဘာ ၁၇၊ ၂၀၁၆
M-Media
– လူဖြူအမျိုးသားရေးဝါဒကျင့်သုံးပြီး အမေရိကန်သမ္မတ ဒေါ်နယ်ထရမ့်အား ထောက်ခံကြောင်း ဖော်ပြသည့် လက်ယာစွန်းရောက် လှုပ်ရှားမှုတစ်ခုဖြစ်သော alt-right movement နှင့်ပတ်သက်သူများ၏ အကောင့်များစွာကို Twitter က ပိတ်ပစ်ခဲ့သည်ဟု သိရသည်။
အမေရိကန်ရှိ အာဖရိကန်-အမေရိကန်များ၊ အာရှသားများ၊ စပိန်နွယ်ဖွားများ၊ ဂျူးနှင့် မွတ်စလင်များကို မောင်းထုတ်ရန် ၀ါဒဖြန့်နေသည့် လူဖြူအမျိုးသားရေးအစွန်းရောက်အဖွဲ့ National Policy Institute ၏ ခေါင်းဆောင်ဖြစ်သူ ရစ်ချက် စပန်ဆာက ၎င်း၏ Twitter အကောင့်၊ အဖွဲ့အကောင့်နှင့် မဂ္ဂဇင်းအကောင့်တို့မှာ ယခုသီတင်းပတ်အတွင်း မည်သည့် အသိပေးမှုမှ မရှိဘဲ ပိတ်သွားခဲ့သည်ဟု ပြောကြားခဲ့သည်။
alt-right ဟူသော အသုံးအနှုန်းကို တီထွင်ခဲ့သည့် စပန်ဆာက ထိုကဲ့သို့ အကောင့်များအား ပိတ်ပင်လိုက်ခြင်းမှာ ခြားနားသည့် အမြင်ရှိသူများအပေါ် ရည်ရွယ်ပြုလုပ်သည့် တိုက်ခိုက်မှုဖြစ်သည်ဟု သမုတ်ခဲ့သည်။
“အခုအချိန်က သက္ကရာဇ် ၂၀၁၆ ပါ။ ကျွန်တော်တို့ဟာ ဒစ်ဂျစ်တယ်ကမ္ဘာကြီးထဲမှာ နေထိုင်နေတာပါ။ Twitter ကို သမ္မတတွေက သတင်းစာရှင်းလင်းပွဲလိုမျိုး ထုတ်ပြန်ရာမှာ သုံးသလို၊ မိန်းကလေးတွေကလည်း ဂျက်စတင်ဘီဘာအကြောင်း ပြောတဲ့အခါတွေမှာ သုံးကြပါတယ်။ Twitter က တစ်ချို့ဝဘ်ဆိုက်တွေလိုမျိုး မဟုတ်ပါဘူး။ အများပြည်သူအသုံးပြုတဲ့ နေရာတစ်ခုဖြစ်ပြီး ကျွန်တော်တို့လည်း ဒီလိုနည်းလမ်းနဲ့ သုံးရမှာပါ” ဟု စပန်ဆာ၏ ပြောကြားမှုကို AP သတင်းဌာနက ဖော်ပြခဲ့သည်။
Twitter ပေါ်တွင် စော်ကားသည့်မှတ်ချက်များ ရေးသားခဲ့မှုကြောင့် ၂၀၁၃ ခုနှစ်တွင် Business Insider ၀ဘ်ဆိုက်၏ နည်းပညာအရာရှိအဖြစ်မှ ထုတ်ပယ်ခံလိုက်ရသည့် ပက် ဒစ်ကင်ဆန်က ၎င်း၏အကောင့်မှာလည်း ပိတ်ခံလိုက်ရပြီး Twitter က မည်သည့် အကြောင်းကြားမှုမှ မပြုလုပ်ခဲ့ကြောင်း၊ မိမိက မေးခွန်းပြန်ထုတ်ထားသော်လည်း ပြန်လည်ဖြေကြားခြင်း မရှိသေးကြောင်း ပြောကြားခဲ့သည်။
သို့သော်လည်း ၀ဘ်ဆိုက်ဒါရိုက်တာ ဂျို့စ်ဝှီဒန်ကို လိင်တူချစ်သူ စော်ကားသည့် စာတစ်ခု ပိုခဲ့မိသည့်အတွက် ယခုကဲ့သို့ အပိတ်ခံရခြင်းဖြစ်နိုင်သည်ဟု ဆိုသည်။
လူဖြူအစွန်းရောက်ဝါဒတွင် နာမည်ကြီးများဖြစ်သော ပေါလ်တောင်း၊ ရစ်ကီ ဗူဂန်နှင့် ဂျွန်ရစ်ဗားတို့၏ အကောင့်များမှာလည်း ယမန်နေ့က အပိတ်ခံခဲ့ရသည်။
Twitter ကမူ ထိုကိစ္စအတွက် မှတ်ချက်ပေးရန် ငြင်းဆိုခဲ့ပြီး မိမိတို့၏ ပေါ်လစီတွင် အကြမ်းဖက်ခြိမ်းခြောက်မှု၊ အမုန်းစကားပြောကြားမှု၊ စော်ကားမှုတို့ကို တားမြစ်ထားပြီး ချိုးဖောက်သူများကို အရေးယူသွားမည်ဟု ကတိပြု ပြောကြားခဲ့သည်။
Ref: Aljazeera
