နိုဝင်ဘာ ၆၊ ၂၀၁၆
M-Media
– ပြီးခဲ့သည့်သီတင်းပတ်အတွင်း ဘင်္ဂလားဒေ့ရ်ှနိုင်ငံ၌ လူနည်းစုဟိန္ဒူများ တိုက်ခိုက်ခံရမှုနှင့်ပတ်သက်၍ လူပေါင်းများစွာကို ရဲတပ်ဖွဲ့က ဖမ်းဆီးထားပြီး ဘင်္ဂလားဒေ့ရှ် အမျိုးသား လူ့အခွင့်အရေးကော်မရှင်က စုံစမ်းစစ်ဆေးမှု ပြုလုပ်နေသည်ဟု သိရသည်။
နိုင်ငံရှေ့ပိုင်းတွင် ဖြစ်ပွားခဲ့သည့် အဆိုပါအဖြစ်အပျက်မှာ ဟိန္ဒူအမျိုးသားတစ်ဦးက မွတ်စလင်တို့ အထွဋ်အမြတ်ထားရာ မက္ကာဟ်ရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်ကို စော်ကားသည့် ဓာတ်ပုံကို ဆိုရှယ်မီဒီယာတွင် မျှဝေခဲ့သည်ဆိုသည့် သတင်းများကြောင့် စတင်ခဲ့ခြင်းဖြစ်သည်။
မွတ်စလင်လူအုပ်ကြီးမှာ ဓာတ်ပုံမျှဝေသူအား ဖမ်းဆီးရန် ဆန္ဒပြတောင်းဆိုရာမှ ဟိန္ဒူဘုရားကျောင်းနှင့် ဟိန္ဒူလူမျိုးများ၏ နေအိမ်ပေါင်းများစွာကို လုယက် ဖျက်ဆီးခဲ့ကြသည်။ အဆိုပါဟိန္ဒူလူငယ်ကမူ ထိုကိစ္စကို မိမိပြုလုပ်ခြင်းမဟုတ်ဟု ပြောဆိုခဲ့ပြီး ရဲတပ်ဖွဲ့က ၎င်းအား ဘာသာရေးဆိုင်ရာ စိတ်နာကျည်းစေမှုဖြင့် ဖမ်းဆီးခဲ့သည်။
အခင်းဖြစ်ပွားရာခရိုင်မှ ရဲတပ်ဖွဲ့ဝင် အဘူ ဇာဖာရ်က ထိုတိုက်ခိုက်မှုအတွက် စုစုပါင်း ၅၃ ဦးကို ဖမ်းဆီးထားသည်ဟု ပြောကြားခဲ့သည်။
ဘင်္ဂလားဒေ့ရှ် အမျိုးသားလူ့အခွင့်အရေးကော်မရှင် NHRC ကလည်း ထိုတိုက်ခိုက်မှုအတွက် စုံစမ်းစစ်ဆေးမှု ပြုလုပ်နေသည်။ အချက်အလက်ရှာဖွေရေးကော်မတီမှ အကြီးအကဲဖြစ်သူ အီနာမူလ် ဟိုကီ ချောင်ဒရီကမူ ထိုတိုက်ခိုက်မှုမှာ ကြိုတင်ပူးပေါင်းကြံစည်မှု ရလဒ်ဖြစ်ပြီး ဆန္ဒပြမှုကို ခွင့်ပြုပေးခဲ့သည့် ဒေသဆိုင်ရာ အာဏာပိုင်များကိုလည်း ပြစ်တင်ပြောကြားခဲ့သည်။
“ရဲတပ်ဖွဲ့အပါအ၀င် အုပ်ချုပ်ရေးပိုင်းက ဒီလို အထိမခံတဲ့ ကိစ္စတစ်ခုကို ကိုင်တွယ်ရာမှာ ပေါ့လျော့ပြီး၊ ကြမ်းကြုတ်ခဲ့ပါတယ်” ဟု ချောင်ဒရီက ဆိုသည်။
မွတ်စလင်များစုနေထိုင်ရာ ဘင်္ဂလားဒေ့ရ်ှနိုင်ငံတွင် ဟိန္ဒူများမှာ နိုင်ငံလူဦးရေ၏ ၈ ရာခိုင်နှုန်းရှိပြီး အကြီးဆုံး လူနည်းစုလူ့အဖွဲ့အစည်းဖြစ်သည်။
ဘင်္ဂလားဒေ့ရ်ှနိုင်ငံတွင် မကြာသေးမီကာလအတွင်း စစ်သွေးကြွမှုနှင့် IS အကြမ်းဖက်အဖွဲ့၏ သြဇာသက်ရောက်မှုများ မြင့်တက်လာခဲ့ပြီး အကြမ်းဖက်တိုက်ခိုက်မှုများ ခပ်စိပ်စိတ် ဖြစ်လာခဲ့သည်။
Ref: Aljazeera
