Blog

သမ္မတနှင့်ရင်းနှီးမှုကို အသုံးချခဲ့သည့် တောင်ကိုရီးယားအမျိုးသမီး ပြည်သူကို ပြန်တောင်းပန်

အောက်တိုဘာ ၃၁၊ ၂၀၁၆
M-Media

– တောင်ကိုရီးယားသမ္မတ ပတ်ဂျုံဟေးနှင့် ပုဂ္ဂိုလ်ရေးအရ ရင်းနှီးမှုကို အခွင့်ကောင်းယူကာ ကိုယ်ကျိုးအတွက် အသုံးချခဲ့သည့် အမျိုးသမီးက ၎င်း၏ လုပ်ရပ်အတွက် ယနေ့တွင် ပြည်သူလူထုအား တောင်းပန်ခဲ့သည်ဟု သိရသည်။

ချိုဆွန်ဆီလ်ဆိုသူဖြစ်ပြီး ဆိုးလ်မြို့ရှိ တရားရုံးသို့ လာရောက်စဉ် ၎င်းအား ဆန္ဒပြနေသော လူအုပ်စုကြီးကို တောင်းပန်ခဲ့ခြင်းဖြစ်သည်။

“ကျွန်မ သေဖို့ထိုက်တန်တဲ့ ရာဇ၀တ်မှုမျိုးကို ကျူးလွန်ခဲ့တာပါ။ ကျွန်မကို ခွင့်လွှတ်ပေးပါ” ဟု ချိုဆွန်ဆီလ်က သတင်းထောက်များကို ပြောကြားခဲ့သည်။

ဂျာမနီတွင်နေထိုင်သူ ချိုမှာ ယမန်နေ့တွင် တောင်ကိုရီးယားသို့ ပြန်လာခဲ့ပြီး တရားသူကြီးများ၏ မေးမြန်းမှုကို ဖြေရှင်းရန် အသင့်ဖြစ်နေသည်ဟု သူမ၏ ရှေ့နေဖြစ်သူက စောစောပိုင်းတွင် ပြောကြားထားသည်။

ချိဆွန်ဆီလ်မှာ သမ္မတနှင့် ရင်းနှီးမှုကို အသုံးချ၍ ၎င်းတည်ထောင်ထားသည့် အကျိုးအမြတ်မယူသော အဖွဲ့အစည်း ၂ ခုသို့ ငွေကြေးအမြောက်အများထည့်ဝင်ရန်အတွက် ဆမ်ဆောင်းအပါအ၀င် ကုမ္ပဏီကြီးများကို အတင်းအဓမ္မ တောင်းဆိုခဲ့ပြီး ပတ်ဂျုံဟေးလ်ကလည်း ထိုသို့ အသုံးချမှုကို ခွင့်ပြုခဲ့သည်ဟု သတင်းများထွက်ပေါ်ခဲ့သည်။

ထိုသတင်းထွက်လာပြီးနောက် တောင်ကိုရီးယားပြည်သူများမှာ လမ်းပေါ်သို့ထွက်ကာ ဆန္ဒပြခဲ့ကြပြီး ပတ်ဂျုံဟေးနှုတ်ထွက်ရန် တောင်းဆိုခဲ့သည်။

သမ္မတ၏ ထိပ်တန်းအကြံပေးများမှာလည်း ထိုပြဿနာကြောင့် နှုတ်ထွက်စာတင်ခဲ့ပြီး ယမန်နေ့တွင် ပတ်ဂျုံဟေးက လက်ခံခဲ့သည်။

Ref: Channelnewasia

October 31, 2016
လက်ဘနွန် သမ္မတသစ်အဖြစ် စစ်တပ် အကြီးအကဲဟောင်းကို ရွေးချယ်

အောက်တိုဘာ ၃၁၊ ၂၀၁၆
M-Media

– လက်ဘနွန်နိုင်ငံ၏ စစ်တပ်အကြီးအကဲဟောင်း မီချဲလ် အိုအန်မှာ နိုင်ငံ၏ သမ္မတအဖြစ် ရွေးချယ်ခံခဲ့ရပြီး ၂ နှစ်ကျော်လကြာ လစ်လပ်နေသည့် သမ္မတနေရာအတွက် လိပ်ခဲတည်းလည်း ဖြစ်နေမှုမှာ အဆုံးသတ်သွားပြီဖြစ်သည်။

အသက် ၈၁ နှစ်အရွယ်ရှိ အိုအန်ကို လွှတ်တော်က ယနေ့တွင် မဲပေးရွေးချယ်ခဲ့ခြင်းဖြစ်ပြီး အနည်းဆုံးလိုအပ်သည့် မဲအရေအတွက် ၆၅ ရာခိုင်နှုန်းကို ကျော်လွန်ကာ မဲရရှိခဲ့သည်။ အဆိုပါ မဲပေးရွေးချယ်မှုကို ရုပ်သံမှ တိုက်ရိုက် ထုတ်လွှင့် ပြသခဲ့သည်။

လွှတ်တော်အမတ်လည်းဖြစ်သူ အိုအန်အား သမ္မတအဖြစ် ရွေးချယ်ခဲ့ပြီးနောက် မြို့တော်ဘေရွတ်တွင် မီးရှူးမီးပန်းများ ပစ်ဖောက်ကာ ဂုဏ်ပြုခဲ့ကြသည်။

အစ္စလာမ်ဘာသာဝင်အများစုရှိရာ လက်ဘနွန်နိုင်ငံ၏ ဖွဲ့စည်းပုံအခြေခံဥပဒေအရ သမ္မတရာထူးကို လူနည်းစု ခရစ်ယာန်မျိုးနွယ်ဖြစ်သော မာရိုနိုက်မျိုးနွယ်မှ ရွေးချယ်ခန့်အပ်ရခြင်းဖြစ်ပြီး နိုင်ငံအတွင်း အာဏာခွဲဝေမှု ပြယုဂ်လည်းဖြစ်သည်။

သမ္မတဟောင်း မီချဲလ် ဆူလေမန် ၂၀၁၄ ခုနှစ် မေလ သမ္မတသက်တမ်းကုန်ဆုံးချိန်ကတည်းကစ၍ လက်ဘနွန်တွင် သမ္မတနေရာ လစ်လပ်ခဲ့ခြင်းဖြစ်ပြီး ၂၉ လ ကြာမြင့်ခဲ့ပြီးနောက်မှ ခန့်အပ်နိုင်ခဲ့သည်။ သမ္မတရာထူးအား ခန့်အပ်ရန်အတွက် လွှတ်တော်တွင် ၄၅ ကြိမ်တိုင်တိုင် ဆွေးနွေးမှုပြုလုပ်ခဲ့သော်လည်း သဘောတူညီချက် မရခဲ့ပေ။

Ref: Aljazeera

October 31, 2016
အမေရိကတိုက်ကို ကိုလံဘတ်အရင် တရုတ်မွတ်စလင်စစ်သူကြီးက တွေ့ခဲ့တာလား

အောက်တိုဘာ ၃၁၊ ၂၀၁၆
M-Media

– သက္ကရာဇ် ၁၄၀၅ ခုနှစ်မှာ တရုတ်မွတ်စလင်စစ်သူကြီး ကျန်းဟီဟာ တရုတ်နိုင်ငံကနေ အနောက်ဖက် အိန္ဒိယသမုဒ္ဒရာကိုဖြတ်ပြီး ရေကြောင်းခရီးစဉ် ၇ ခု သွားခဲ့ပါတယ်။ အဲဒီအချိန်ကနေ နောက်ထပ် နှစ် ၃၀ အတွင်းမှာ ‘မင်’ မင်းဆက်ရဲ့ ထောက်ပံ့မှုနဲ့အတူ ကမ္ဘာ့အကြီးဆုံး ရေယာဉ်အုပ်ကို ကွပ်ကဲကာ ကျန်းဟီဟာ အာဖရိက အရှေ့ဖက်ကမ်းရိုးတမ်းကနေ ပါရှန်ပင်လယ်ကွေ့အတွင်းပိုင်းအထိ ရွက်လွှင့်ခဲ့ပါတယ်။

ဒါပေမယ့် တစ်ချို့လူတွေကတော့ စစ်သူကြီးကျန်းဟီဟာ ဒီထက်ပိုပြီးတောင် ရောက်ခဲ့တယ်လို့ ယုံကြည်ထားကြပြီး အကြောင်းကတော့ ယခုဆောင်းပါးမှာ ဖော်ပြထားတဲ့ မြေပုံကြောင့်ပဲဖြစ်ပါတယ်။ General chart of the integrated world လို့အမည်ပေးထားတဲ့ ဒီမြေပုံကို ၁၄၁၈ ခုနှစ်မှာ ရေးဆွဲခဲ့တာဖြစ်ပြီး အခုလက်ရှိ ဖော်ပြထားတာကတော့ ၁၈ ရာစုက မိတ္တူမှန်ဖြစ်ပါတယ်။ အဲဒီမြေပုံထဲမှာ ကျန်းဟီတွေ့ရှိခဲ့တဲ့ ကမ္ဘာကြီးကို ရေးဆွဲထားတာပါ။ ဒီထဲကအတိုင်း သူတွေ့ခဲ့တာ အမှန်ဖြစ်မယ်ဆိုရင်တော့ သမိုင်းကို အသစ်ပြန်ရေးတော့မှာဖြစ်ပါတယ်။

ဘာ့ကြောင်လဲဆိုတော့ ရေကြောင်းခရီးနဲ့ ကမ္ဘာပတ်ခဲ့တဲ့ ကျန်းဟီဟာ အမေရိကတိုက်ကို ကိုလံဘတ်စ်မတိုင်ခင် နှစ်ပေါင်း ၇၀ ကျော်အရင်ကတည်းက တွေ့ရှိခဲ့တာကြောင့်ဖြစ်ပါတယ်။

အဲဒီမြေပုံကို ၂၀၀၁ ခုနှစ်က ရှန်ဟိုင်းရှေ့နေတစ်ယောက်ဖြစ်တဲ့ လျိုဂန်းက ဖော်ထုတ်ခဲ့တာဖြစ်ပြီး နိုင်ငံအတွင်း ဆိုင်တစ်ခုကနေ ကန်ဒေါ်လာ ၅၀၀ နဲ့ ၀ယ်ယူခဲ့တာ ဖြစ်တယ်လို့ ဆိုပါတယ်။ အဲဒီမြေပုံက ကျန်းဟီဟာ ၀င်ရိုးစွန်းနှစ်ခုက သမုဒ္ဒရာတွေ၊ အမေရိက၊ မြေထဲပင်လယ်နဲ့ သြစတေးလျ စတာတွေကို ရောက်ခဲ့တယ်ဆိုတဲ့ သက်သေဖြစ်တယ်လို့ သူက ယုံကြည်နေပါတယ်။ ၂၀၀၃ ခုနှစ်တုန်းက ဗြိတိန်စာရေးဆရာတစ်ဦးဖြစ်တဲ့ ဂါဗင်မန်ဇီဟာ 1421: the year China discovered the world (၁၄၂၁ – တရုတ်က ကမ္ဘာကြီးကိုတွေ့ရှိသောခုနှစ်) ဆိုတဲ့ စာအုပ်အတွက် ဒီမြေပုံကို အထောက်အထားအဖြစ် အသုံးပြုခဲ့ပါတယ်။

ဒီမြေပုံပေါ်က တိုက်ကြီးတွေကို ထင်ထင်ရှားရှား ခွဲခြမ်းစိတ်ဖြာ ပြထားပါတယ်။ မြေပုံမှာပါဝင်တဲ့ အချို့သော ပုံပန်းသွင်ပြင်တွေက တရုတ်ဆန်ပြီး၊ ပန်ကာပုံစံ အပြာရောင်လှိုင်းတွန့်လေးတွေကို သင်္ကေတတွေကတော့ တရုတ်ရဲ့ မြေပုံရေးဆွဲရာမှာ အစဉ်အဆက် အသုံးပြုလေ့ရှိတဲ့ ပုံသဏ္ဍာန်ဖြစ်ပါတယ်။ နောက်ပြီး နေရာဒေသတွေအတွက်လည်း စာနဲ့ ရေးသားဖော်ပြထားပါတယ်။ ဒီမြေပုံရဲ့ အသေးစိတ်ကျမှုက တော်တော်လေး အံ့သြစရာကောင်းပါတယ်။ စာရွက်ပေါ်မှာ ကမ္ဘာကြီး လုံးဝန်းမှုကို ဖော်ပြဖို့အတွက် ကမ္ဘာလုံးပုံစံ အ၀ိုင်းနှစ်ခုကို အသုံးပြုထားတယ်။ တောင်နဲ့ မြောက်အမေရိကရဲ့ နယ်နမိတ်မျဉ်းတွေ၊ မြစ်တွေက ကုန်းမြေထဲ စီးဝင်နေတာတွေကိုလည်း ရှင်းရှင်းလင်းလင်း ဖော်ပြထားပါတယ်။ အဲဒီမြေပုံမှာ အာတိတ်ဒေသကိုလည်း မြင်နိုင်ပြီး ကျန်းဟီမွေးဖွားရာ ဟိမ၀န္တာတောင်တန်းကိုလည်း ကမ္ဘာပေါ်မှာ အမြင့်ဆုံး တောင်တန်းအဖြစ် မှတ်သားဖော်ပြထားပါတယ်။

တရုတ်မွတ်စလင်စစ်သူကြီး ကျန်းဟီ

ဒီလိုအသေးစိတ်ဖော်ပြထားတာက လျှို့ဝှက်ချက်တစ်ခုကို ဖော်ထုတ်လိုက်တာလည်း ဖြစ်ပါတယ်။ ဥရောပသားတွေကသာ ကမ္ဘာကြီးကို ဒီလိုပုံစံနဲ့ဖော်ပြကြတာပါ။ ဥရောပက စူးစမ်းရှာဖွေသူတွေဟာ ဒီလို ခရီးမျိုးကို နှစ်ပေါင်းရာနဲ့ချီ ပြုလုပ်ခဲ့ပြီး နှစ်ပေါင်း ၃၀ သာ ပင်လယ်ခရီးသွားတဲ့တဲ့ ကျန်းဟီရဲ့ခရီးမှာ ဒီမြစ်ကြောင်းတွေကို သတ်သတ်မှတ်မှတ်ဖော်ပြနိုင်တာကိုက မယုံနိုင်လောက်စရာ ဖြစ်ခဲ့ပါတယ်။ အာတိတ်ဒေသဟာ ၁၅၉၃ ခုနှစ် ‘မင်’ မင်းဆက်လက်ထက် တရုတ်မြေပုံမှာမှ ပထမဆုံး ပါဝင်လာတာပါ။ ကမ္ဘာ့အကြီးကျယ်ဆုံး တောင်တန်းကိုလည်း ၁၉ ရာစုလောက်မှ သတ်မှတ်နိုင်ခဲ့တာ ဖြစ်ပါတယ်။

“ဒီမြေပုံက လုံးဝ မယုံကြည်နိုင်စရာပဲဗျ” လို့ British Columbia တက္ကသိုလ်က ပရော်ဖက်ဆာ တီမော်သီ ဘရုက်က ဆိုပါတယ်။ သူကတော့ ကျန်းဟီရဲ့ ဒီမြေပုံဟာ ၁၇ ရာစုက ဥရောပသားတွေရဲ့ မြေပုံကို ကူးရေးထားတာဖြစ်တယ်လို့ ယုံကြည်နေပါတယ်။ ဒါပေမယ့် ဒီမြေပုံမှာရှိနေတဲ့သမိုင်းကြောင်း၊ မကြာခင်က ကျန်းဟီ စန်းပွင့်လာခြင်းတွေက စိတ်ဝင်စားစရာတော့ ကောင်းနေတုန်းပါပဲ။ ကျန်းဟီဟာ ကြီးကျယ်တဲ့ ရေကြောင်းသွားလာသူတစ်ဦးဖြစ်ပေမယ့် ၁၉၉၀ ပြည့်နှစ်လောက်အထိ အမေ့ခံထားရသူပါ။ နောက်ပိုင်းမှာတော့ သူ့ရဲ့ ကြီးကျယ်တဲ့ သမိုင်းကြောင်းဟာ ပြန်လည်ပေါ်ထွက်လာခဲ့ပြီး အမျိုးသားသူရဲကောင်းအဖြစ် သတ်မှတ်ခံခဲ့ရပါတော့တယ်။ ဘရုက်ကတော့ ‘အနောက်တိုင်းမှာ ကိုလံဘတ်ရှိရင် တရုတ်ပြည်မှာလည်း တစ်ယောက်လိုတယ်’ လို့ ဆိုပါတယ်။

ဒီမြေပုံရဲ့ စစ်မှန်မှုနဲ့ပတ်သက်ပြီး ငြင်းခုန်မှုတွေကတော့ တရုတ်နိုင်ငံရဲ့ ကမ္ဘာ့စင်မြင့်ပေါ်က အခန်းကဏ္ဍနဲ့ပတ်သက်လို့ လက်ရှိ ငြင်းခုံမှုတွေကိုလည်း ကိုယ်စားပြုနေပါတယ်။ တရုတ်သမ္မတ ရှီကျင့်ဖျင်က ကျန်းဟီဟာ တရုတ်နိုင်ငံရဲ့ ကြီးကျယ်တဲ့ လမ်းသစ်ဖောက်သူတစ်ယောက်ဖြစ်ပြီး နိုင်ငံရဲ့ စောစောပိုင်းကတည်းကရှိခဲ့တဲ့ နိုင်ငံရပ်ခြားနဲ့ ငြိမ်းချမ်းစွာ ကူးလူးဆက်နွယ်မှု ပြယုဂ်လည်းဖြစ်တယ်လို့ ဆိုပါတယ်။ သမ္မတက ကျန်းဟီဟာ အမေရိကကိုတွေ့ရှိတယ်လို့ မပြောခဲ့ပေမယ့်လည်း သူ့ရဲ့ ရေကြောင်းခရီးတွေက တရုတ်နိုင်ငံရဲ့ ကုန်သွယ်မှုနဲ့ နိုင်ငံရပ်ခြား သြဇာလွှမ်းမိုးမှုကို တိုးမြှင့်ဖော်ဆောင်နေတဲ့ လက်ရှိရေကြောင်းပိုးလမ်းမကြီးအတွက် တွန်းအားတစ်ရပ်ဖြစ်တယ်လို့ ဆိုပါတယ်။

ကိုလံဘတ်စ်နဲ့ ကျန်းဟီတို့ ၂ ဦးစလုံးဟာ ရေကြောင်းခရီးစဉ်တွေကို သွားရောက်ခဲ့ကြမေယ့်လည်း သူတို့နှစ်ဦးရဲ့ ရည်ရွယ်ချက်ကတော့ တော်တော်လေး ခြားနားပါတယ်။ ကိုလံဘတ်စ်က ကုန်ရောင်းကုန်ဝယ်အတွက် သွားတာဖြစ်ပြီး ကျန်းဟီကတော့ သံခင်းတမန်ခင်းအတွက် သွားတာဖြစ်ပါတယ်။ ကျန်းဟီဟာ ယုံလီအင်ပါယာရှင်ကို သစ္စာစောင့်သိဖို့အတွက် အခြားတိုင်းပြည်တွေကနေ သံတမန်တွေ ခေါ်ဆောင်လာဖို့ ရည်ရွယ်ချက်နဲ့ ခရီးထွက်ခဲ့တာပါ။ ယုံလီဟာ ထီးနန်းကို တူဖြစ်သူဆီကနေ အတင်းအဓမ္မသိမ်းယူပြီးနောက်ပိုင်း သူ့ရဲ့ တရားဝင်မှုကို ခိုင်မာစေရေး နည်းလမ်းရှာဖို့ လိုအပ်လာတာကြောင့် ကျန်းဟီကို ဒီလို စေလွှတ်လိုက်တာ ဖြစ်ပါတယ်။

ကျန်းဟီသေဆုံးသွားမှုနဲ့အတူ တရုတ်နိုင်ငံရဲ့ ပင်လယ်ပြင်စူးစမ်းရှာဖွေမှုဟာလည်း အဆုံးသတ်သွားခဲ့ပါတယ်။ အဲဒီအချိန်က ငွေကြေးများစွာကုန်ကျမယ့် အဲဒီလိုခရီးစဉ်တွေကို ငွေကြေးထောက်ပံ့ဖို့ စိတ်အားထက်သန်မှုမရှိတဲ့ အင်ပါယာရှင်အုပ်စိုးတဲ့အချိန် ဖြစ်ပါတယ်။ နာက်ထပ် နှစ်ရာပေါင်းများစွာကြာသည့်တိုင်အောင် တရုတ်နိုင်ငံက ဒီကဏ္ဍမှာ လှုပ်ရှားမှု မရှိတော့ပါဘူး။ တကယ်လို့များ တရုတ်ရေယာဉ်တွေဟာ ဒီလို စူးစမ်းရှာဖွေမှုတွေ ဆက်လုပ်ခွင့်ရမယ်ဆိုရင် ဘာဖြစ်မလဲဆိုတာကတော့ သမိုင်းဆိုင်ရာ ဟာကွက်ကြီးတစ်ခု ဖြစ်လို့နေပါတယ်။ ဒါ့ကြောင့် ကိုလံဘတ်စ်ဟာ ဒီဟာကွက်ကိုဖြည့်ပြီး ကမ္ဘာသစ်ကို သွားရောက်နိုင်ခဲ့ပါတယ်။ ကျန်းဟီကတော့ ပင်လယ်ထဲ ဒါမှမဟုတ် အိမ်မှာပဲ လူမသိသူမသိ လောကကြီးကို နှုတ်ဆက်ထွက်ခွာသွားခဲ့ပါတယ်။ အခုတော့ တရုတ်နိုင်ငံအပြင်ဘက်က အနည်းငယ်သာ သူ့အကြောင်းကို သိကြပါတော့တယ်။

Ref : 1843magazine.com

October 31, 2016
IS က ဘောလုံးကွင်းဗုံးခွဲရန် ကြံစည်မှုကို ဆော်ဒီဖော်ထုတ်နိုင်ခဲ့

အောက်တိုဘာ ၃၁၊ ၂၀၁၆
M-Media

– ကမ္ဘာ့ဖလားခြေစစ်ပွဲကစားမည့် ဘောလုံးကွင်းတွင် ဗုံးခွဲရန်နှင့် ရဲတပ်ဖွဲ့ဝင်များအား သတ်ဖြတ်ရန် IS အကြမ်းဖက်အဖွဲ့၏ ကြံစည်မှုကို ဖော်ထုတ်နိုင်ခဲ့သည်ဟု ဆော်ဒီပြည်ထဲရေးဝန်ကြီးက ယမန်နေ့တွင် ကြေငြာခဲ့သည်။

ဂျစ်ဒါမြို့ရှိ ဘုရင်အဘ်ဒူလာဘောလုံးကွင်းတွင် အောက်တိုဘာ ၁၁ ရက်နေ့က ကစားခဲ့သည့် ယူအေအီးနှင့် ကမ္ဘာ့ဖလားခြေစစ်ပွဲ၌ ဗုံးခွဲရန် ကြံစည်ခဲ့ခြင်းဖြစ်ပြီး မကစားခင် ၁ ရက်အလို၌ လူ ၄ ဦးကို ဖမ်းဆီးနိုင်ခဲ့သည်။ အဆိုပါပွဲသို့ ပရိသတ်ပေါင်း ၆၀၀၀၀ ကျော် လာရောက်ကြည့်ရှုခဲ့ကြသည်။

“IS အဖွဲ့ဟာ ထိခိုက်သူ အမြင့်ဆုံးဖြစ်စေမယ့် ဗုံးခွဲမှုမျိုးကို လုပ်ချင်တာပါ” ဟု ပြည်ထဲရေးဝန်ကြီးဌာန ပြောရေးဆိုခွင့်ရှိသူ ဗိုလ်ချုပ်ကြီး မန်ဆူရ် အလ်-တူရ်ကီက ပြောကြားခဲ့သည်။

ပေါက်ကွဲစေတတ်သောပစ္စည်း ၄၀၀ ကီလိုဂရမ် တင်ဆောင်ထားသည့် ကားတစ်စီးကိုလည်း ရဲတပ်ဖွဲ့က ဘောလုံးကွင်းအနီးတွင် တွေ့ရှိခဲ့ရပြီး လုံခြုံရေးတာဝန်ရှိသူ ဗိုလ်ချုပ် ဘက်ဆမ် အတ္တီယာဟ်ကမူ ဘောလုံးကွင်း၏ ကားပါကင် သို့မဟုတ် ဘောလုံးပွဲကြည့်ရှုသူများကို ပစ်မှတ်ထားရန် စီစဉ်ခဲ့သည်ဟု ဆိုသည်။

၎င်းတို့ ကြံစည်ထားမှု အောင်မြင်ပါက ပေါက်ကွဲမှုဧရိယာမှာ မီတာ ၁၁၀၀ ၀န်းကျင်အထိ ရှိနိုင်ပြီး၊ စကွဲယားမီတာ ၈ သိန်း ကျယ်ပြန့်သော နေရာကို ထိခိုက်ပျက်ဆီးနိုင်သည်ဟု ၎င်းက ထည့်သွင်းပြောကြားခဲ့သည်။

တိုက်ခိုက်မှုနှင့်ပတ်သက်သည့် သတင်းအချက်အလက်များကို ရဲတပ်ဖွဲ့က ဖမ်းဆီးမှုမပြုလုပ်ခင် ၂ ရက်အလို၌ ရရှိခဲ့ခြင်းဖြစ်သည်။

ထို့ပြင် မြို့တော်ရီယာ့ဒ်၌ ရဲတပ်ဖွဲ့ဝင်များကို တိုခိုက်ရန် ကြံစည်မှုအတွက် IS အကြမ်းဖက်အဖွဲ့နှင့် ဆက်နွယ်သည့် လူ ၄ ဦးကိုလည်း ဖမ်းဆီးခဲ့သည်ဟု ပြည်ထဲရေးဝန်ကြီးဌာနက ထည့်သွင်းပြောကြားခဲ့သည်။

Ref: Press TV

October 31, 2016
မောင်တောမှ ကျေးရွာများ မီးလောင် ပျက်ဆီးမှု ဓါတ်ပုံများ ဂြိုလ်တုမှ တွေ့နေရကြောင်း Human Rights Watch အဖွဲ့ပြော

အောက်တိုဘာ ၃၁၊ ၂၀၁၆
M-Media

– ရခိုင်ပြည်နယ် မောင်တောခရိုင်တွင် အနည်းဆုံး ကျေးရွာ ၃ ရွာခန့် မီးရှို့ ဖျက်ဆီးခံရသည့် အခြေအနေများကို ဂြိုဟ်တု ဓာတ်ပုံများမှ တွေ့ရှိခဲ့ရပြီး ထိုဒေသတွင် လုံခြုံရေးတပ်ဖွဲ့များ ဥပေဒချိုးဖောက်မှု၏ တစ်စိတ်တစ်ပိုင်း ဖြစ်နိုင်သည်ဟု နိုင်ငံတကာ လူ့အခွင့်အရေး စောင့်ကြည့်အဖွဲ့ HRW က ယနေ့တွင် ၎င်းတို့၏ ၀ဘ်ဆိုက်၌ လွှင့်တင်ပြောကြားလိုက်သည်။

” ဂြိုဟ်တု ဓာတ်ပုံတွေအရ ရခိုင်ပြည်နယ်မှာ ဖျက်ဆီးမှု ရှိနေတယ်ဆိုတာကို တွေ့ရပြီး၊ မြန်မာအစိုးရက လုပ်နိုင်စွမ်းရှိတယ်ဆိုတာကို မတွေ့ရသေးတဲ့ ဆောင်ရွက်မှုဖြစ်တဲ့ ဘက်မလိုက်ဘဲ လွတ်လပ်စွာ စုံစမ်းစစ်ဆေးမှု ပြုလုပ်ဖို့ ဒီဓာတ်ပုံတွေက တောင်းဆိုလိုက်တာလည်း ဖြစ်ပါတယ်။ ကျူးလွန်မှုကို ဘူးခံငြင်းနေတာ၊ အကူအညီပေးရေး အဖွဲ့တွေကို ပိတ်ဆို့ထားတာတွေကို မြန်မာအစိုးရက အဆုံးသတ်သင့်ပြီး အဲဒီဒေသကို နိုင်ငံတကာက ဆက်လက်စောင့်ကြည့်နေတာနဲ့ပတ်သက်ပြီး ဆင်ခြေဆင်လတ်တွေပေးနတာကိုလည်း ရပ်တန်းက ရပ်သင့်ပါပြီ” ဟု HRW ၏ အာရှဆိုင်ရာ လက်ထောက်ညွှန်ကြားရေးမှူး ဖီလ် ရောဘတ်ဆန်က ပြောကြားခဲ့သည်။

HRW က အောက်တိုဘာ ၂၂ ရက်နေ့မနက်ပိုင်းတွင် အရည်အသွေးမြင့် ဂြိုဟ်တုဓာတ်ပုံများကို ကြည့်ရှုသုံးသပ်မှုများအရ မောင်တော ခရိုင်ရှိ ကြက်ရိုးပြင်ကျေးရွာ၊ ပြောင်းပစ်ကျေးရွာနှင့် ၀ါးပိတ်ကျေးရွာများတွင် အဆောက်အဦးများ ဖျက်ဆီးခံရသည်ဟု ဆိုနိုင်သော ဧရိယာအများအပြားကို တွေ့ခဲ့ရကာ ထိုဓာတ်ပုံတွင် မြင်ရသည့် ပျက်ဆီးမှု လက္ခဏာမှာကျယ်ကျယ်ပြန့်ပြန့် မီးလောင်မှုကြောင့် ဖြစ်ပေါ်သည့် အနေအထားများနှင့် ကိုက်ညီနေသည်ဟုလည်း ဆိုသည်။

ထို့ပြင် အောက်တိုဘာ ၉ ရက်နှင့် ၁၄ ရက်နေ့များတွင် ၀ါးပိတ်နှင့် ကြက်ရိုးပြင် ရွာများ၌ မီးအကြီးအကျယ်လောင်ကျွမ်းမှုကို သဘာဝပတ်ဝန်းကျင်ဆိုင်ရာ ဂြိုဟ်တုအာရုံခံစနစ်မှ ဖမ်းယူထားသည့် အပူ မူမမှန်မှု အချက်အလက်များကိုလည်း HRW က သုံးသပ်ခဲ့သည်။

အဆိုပါရွာများရှိ မီးလောင်နေမှု၊ မီးလောင်ထားသည့် အနေအထားများမှာ အောက်တိုဘာ ၉ ရက်နေ့က မောင်တောခရိုင်တွင် မီးရှို့မှုဖြစ်ပွားခဲ့သည်ဟု ထိုဒေသရှိ မွတ်စလင်အုပ်စုများ၊ လူ့အခွင့်အရးအဖွဲ့များက ပြောကြားမှု၊ မျက်မြင်သက်သေများကို ကိုးကား၍ မီဒီယာများ၏ ဖော်ပြမှုများနှင့် ကိုက်ညီနေသည်ဟုလည်း HRW က ဖော်ပြထားသည်။

ဂြိုဟ်တုဓာတ်ပုံမှ ရှင်းရှင်းလင်းလင်း မမြင်နိုင်ခြင်း၊ သစ်ပစ်များ ထူထပ်စွာ ဖုံးအုပ်ထားခြင်းတို့ကြောင့် မီးလောင်မှုကြောင့် ပျက်ဆီးဆုံးရှုံးမှုများကို အတိအကျမသိရကြောင်း၊ မောင်တောတွင် ပျက်ဆီးဆုံးရှုံးမှုမှာ သတင်းထွက်ပေါ်လာသည်ထက် ပိုများကြောင်း၊ မိမိတို့အနေဖြင့် အသေးစိတ်သည့် ဂြိုဟ်တုဓာတ်ပုံများကို ရရှိပါက သုံးသပ်မှု ပြုလုပ်သွားမည်ဖြစ်ကြောင်း HRW က ထပ်လောင်း ဖော်ပြခဲ့သည်။

အောက်တိုဘာ ၉ ရက်နေ့က မောင်တောမြို့ရှိ နယ်ခြားစောင့်စခန်းများကို လူအုပ်စုက ၀င်ရောက်တိုက်ခိုက်ခဲ့ခြင်းကြောင့် ရဲတပ်ဖွဲ့ဝင် ၉ ဦး ကျဆုံးခဲ့သည်။ တိုက်ခိုက်မှု ဖြစ်ပွားပြီးနောက် ချက်ခြင်းဆိုသလိုပင် မြန်မာအစိုးရမှာ မောင်တောမြို့နယ်ကို စစ်ဆင်ရေးဇုန် အဖြစ် ကြေငြာခဲ့ပြီး ပျောက်ဆုံးသွားသော လက်နက်များနှင့် တိုက်ခိုက်ရေးသမားများကို ရှာဖွေခဲ့သည်။

အဆိုပါတိုက်ခိုက်မှု ဖြစ်ပွားခဲ့ပြီးနောက် ဒေသတွင်းရှိ မွတ်စလင်လူ့အဖွဲ့အစည်းအပေါ် အစိုးရတပ်များက တရားလက်လွတ် သတ်ဖြတ်ခြင်း၊ အဓမ္မပြုကျင့်ခြင်း၊ ညှင်းပမ်းနှိပ်စက်ခြင်း၊ တရားလက်လွတ်ဖမ်းဆီးခြင်းနှင့် နေအိမ်များ မီးရှို့ခြင်းအပါအ၀င် လူ့အခွင့်အရေးချိုးဖောက်မှု မြောက်များစွာ ပြုလုပ်ခဲ့သည်ဟု မီဒီယာများနှင့် လူ့အခွင့်အရေးအဖွဲ့များက ပြောကြားခဲ့ကြသည်။

မြန်မာစစ်တပ်မှာ တရားလက်လွတ်ဖမ်းဆီးခြင်း၊ ရိုက်နှက်ခြင်း၊ ညှင်းပမ်းနှိပ်စက်ခြင်း၊ လိင်ပိုင်းဆိုင်ရာ စော်ကားခြင်း၊ အဓမ္မပြုကျင့်ခြင်း၊ တရားလက်လွတ်သတ်ဖြတ်ခြင်း၊ ပေါ်တာဆွဲခြင်းတို့အပါအ၀င် ကျူးလွန်မှုများကို လုပ်ဆောင်သည့် ရှည်လျားသော သမိုင်းကြောင်းလည်း ရှိခဲ့သည်။ စစ်ဆင်ရေးအတွင်း အရပ်သားများအပေါ် ဆိုးရွားသည့် ရာဇ၀တ်မှုများ ကျူးလွန်ခဲ့သော တပ်မှူးများ၊ စစ်သားများမှာလည်း အရေးယူခံရမှုမှ လွတ်မြောက်နေသည်။

HRW ကမူ အောက်တိုဘာ ၉ ရက်နေ့က နယ်ခြားစောင့်စခန်းများကို တိုက်ခိုက်မှုများ၊ တိုက်ခိုက်မှုအပြီး ထိုဒေသရှိ မွတ်စလင်လူ့အဖွဲ့အစည်းအပေါ် အစိုးရလုံခြုံရေးတပ်ဖွဲ့များက ကျူလွန်မှုများအတွက် ကုလသမဂ္ဂက ထောက်ပံ့ကူညီသည့် စုံစမ်းစစ်ဆေးမှုလိုအပ်ကြောင်း ပြောကြားခဲ့ပြီး အကူအညီများပေးရေး အဖွဲ့များကိုလည်း ၀င်ခွင့်ပေးရန် တောင်းဆိုခဲ့သည်။

“ရွာတွေ ဖျက်ဆီးခံရတယ်ဆိုတဲ့ ဂြိုဟ်တု ဓာတ်ပုံတွေက သတင်းထွက်ခဲ့တဲ့ ဆိုးရွားတဲ့ ကျူးလွန်မှုတွေရဲ့ အစအနလောက် သာ ဖြစ်နိုင်ပါတယ်။ မြန်အစိုးရအနေနဲ့ အောက်တိုဘာ ၉ ရက်နေ့က နိုင်ငံတော်တာဝန်ရှိသူတွေအပေါ် တိုက်ခိုက်မှုကို ကျူးလွန်သူတွေ၊ အဲဒီတိုက်ခိုက်ရေးသမားတွေကို ရှာဖွေရာမှာ အစိုးရလုံခြုံရေးတပ်ဖွဲ့တွေ ပြုလုပ်ခဲ့တဲ့၊ ပြုလုပ်နေဆဲဖြစ်တဲ့ ဆိုးရွားတဲ့ ကျူးလွန်မှု နောက်ကွယ်က လက်သည်ကို ဖော်ထုတ်အရေးယူဖို့ တာဝန်ရှိပါတယ်” ဟု ရောဘတ်ဆန်က ထည့်သွင်းပြောကြားခဲ့သည်။

ကုလ၏ အကူအညီပေးရေးအေဂျင်စီများ၊ နိုင်ငံခြား သံတမန်များမှာ အဆိုပါဒေသသို့ အောက်တိုဘာ ၃၁ ရက်နေ့တွင် အစိုးရ၏ အစောင့်အရှောင့်ဖြင့် သွားရောက်ရန်ရှိနေပြီး အောက်တိုဘာ ၉ ရက်နေ့နောက်ပိုင်း နိုင်ငံတကာ အကူအညီပေးရေး အေဂျင်ဆီများကို ပထမဆုံးအကြိမ်အဖြစ် ထိုဒေသသို့ ၀င်ရောက်ခွင့်ပေးခြင်းဖြစ်သည်။ သို့သော်လည်း ထိခိုက်ခံစားခဲ့ရသည့်ရွာများကို အပြည့်အ၀ ၀င်ရောက်ခွင့်ရမလားဆိုသည်ကို ရှင်းလင်းလင်း မသိရသေးဟုလည်း HRW က ထည့်သွင်းဖော်ပြခဲ့သည်။

Ref: HRW.org

October 31, 2016