အောက်တိုဘာ ၁၊ ၂၀၁၆
M-Media
– မြန်မာနိုင်ငံ၏ လေထုညစ်ညမ်းမှုမှာ အသက်ရှုရန် မသင့်တော်သည်သာမကဘဲ ကမ္ဘာ့ အဆိုးဝါးဆုံးထဲတွင် ပါဝင်နေသည်ဟု ကမ္ဘာ့ကျန်းမာရေးအဖွဲ့ WHO ၏ အချက်အလက်အသစ်အရ သိရသည်။
ကမ္ဘာ့နိုင်ငံများ၏ လေထုညစ်ညမ်းမှုနှင့်ပတ်သက်၍ တိုင်းတာမှုများ ပြလုပ်ပြီးနာက် Ambient air pollution: A global assessment of exposure and burden of disease အမည်ဖြင့် ထုတ်ပြန်ခဲ့သည့် အစီရင်ခံစာတွင် ထိုရလဒ်များကို ဖော်ပြထားခြင်းဖြစ်သည်။
လေထုထဲရှိ အမှုန်ပမာဏကို တိုင်းတာခြင်းဖြစ်ပြီး ၁၀ အောက်ရှိပါက လူသားများအတွက် အန္တရာယ်မရှိဟု သတ်မှတ်သည်။ ၇၀ နှင့်အထက်ဖြစ်ပါက အလွန်အမင်း အန္တရာယ်ရှိသည်ဟု မှတ်ယူပြီး၊ မြန်မာနိုင်ငံ၏ မြို့ပြနှင့် ကျေးလက်ဒေသများရှိ လေထုညစ်ညမ်းမှုပမာဏမှာ ပျမ်းမျှ အလတ်အလတ်ဖြစ်သော ၅၁ တွင် ရှိနေသော်လည်း ဒေသတစ်ခုချင်းစီ တွက်ချက်ပါက ၃၂ မှ ၈၀ အထိ ရှိနေသည်။
ထိုပမာဏမှာ လေထုညစ်ညမ်းမှုကြောင့် မကြာခဏ သတိပေးချက် ထုတ်ပြန်ရသည့် အိန္ဒိယနှင့် တရုတ်နိုင်ငံတို့နှင့် တန်းတူဖြစ်သည်။
WHO ၏ ထိုအစီရင်ခံစာအရ မြန်မာနိုင်ငံရှိ သေဆုံးမှု ၂၂၀၀၀ ခန့်မှာ လေထုညစ်ညမ်းမှုကြောင့် ဖြစ်နိုင်သည်ဟုလည်း ဖော်ပြထားသည်။ ထိုအချက်အလက်က အရှေ့တောင်အာရှတွင် လေထုညစ်ညမ်းမှုကြောင့် သေဆုံးမှု ပမာဏတွင် တတိယအများဆုံး ဖြစ်နေပြီး အိန္ဒိယနိုင်ငံက နံပါတ်တစ်နေရာတွင် ရှိနေသည်။
မြန်မာနိုင်ငံတွင် လေထုညစ်ညမ်းမှု၏ အဓိကရင်းမြစ်များမှာ သယ်ယူပို့ဆောင်ရေးကဏ္ဍ၊ အိမ်ထောင်စုများတွင် ချက်ပြုတ်ခြင်း၊ မီးထွန်းခြင်းနှင့် အပူပေးခြင်း၊ ကျောက်မီးသွေးသုံး ဓာတ်အားပေးစက်ရုံများ၊ စက်မှုလယ်ယာစိုက်ပျိုးရေးနှင့် စွန့်ပစ်ပစ္စည်းများ မီးရှို့ခြင်း စသည်တို့ဖြစ်သည်ဟု WHO မြန်မာနိုင်ငံရုံးမှ ပြောရေးဆိုခွင့်ရှိသူတစ်ဦးက ပြောကြားခဲ့သည်။
ထင်း၊ ကောက်ပဲသီးနှံ စွန့်ပစ်ပစ္စည်းများ၊ မီးသွေး၊ ကျောက်မီးသွေး၊ တိရစ္ဆာန်၏ စွန့်ပစ်အညစ်အကြေးများဖြင့် ချက်ပြုခြင်းမှား ကျေးလက်ဒေသတွင် ၉၅ ရာခိုင်နှုန်း၊ မြို့ပြတွင် ၈၁ ရာခိုင်နှုန်းရှိနေသည်ဟု သူမက ထပ်လောင်းပြောကြားခဲ့သည်။
“ဒါက အိမ်တွင်းမှာ အမှုန်တွကို အများအပြား ထွက်ပေါ်စေပြီး ပတ်ဝန်းကျင်လေထုမှာ လေထုညစ်ညမ်းမှု အခြေအနေကို မြင့်တက်စေပါတယ်”
WHO ၏ အဆိုပါ မှတ်တမ်းများအရ ကမ္ဘာ့လူဦးရေ၏ ၉၂ ရာခိုင်နှုန်းမှာ ကျန်းမာရေးနှင့် ညီညွတ်သော လေထုအရည်အသွေးထက် ကျော်လွန်သည့် နေရာများတွင် နေထိုင်နေရသည်ဟုလည်း သိရသည်။
Ref: mmtimes
