Blog

ပြည်သူတွေ သမ္မတရုံးသို့ အွန်လိုင်းမှ တဆင့် စာပို့ပြီး တိုင်နိုင်ပြီ

ပြည်သူလူထုအနေနဲ့ မိမိတို့ လိုလားချက်တွေကို သမ္မတရုံးသို့ အွန်လိုင်းမှ တဆင့် စာပို့ပြိးတင်ပြနိုင်ပြီလို့ နိုင်ငံတော်သမ္မတရုံးမှ သတင်းထုတ်ပြန်ထားပါတယ်။ လုပ်ဆောင်ချက်အဆင့်ဆင့်ကိုလည်း အောက်ပါအတိုင်းဖော်ပြထားပါတယ်။

နိုင်ငံတော်သမ္မတရုံးသို့ အွန်လိုင်းမှ တင်ပြစာ တင်ပြလိုလျှင်
လုပ်ဆောင်ရန် အဆင့်များ (ဖုန်းဖြင့် SMS Verification လုပ်ရန် လိုအပ်ပါသည်)

ပေးပို့ရမည့် နည်းလမ်းများမှာ အောက်ပါအတိုင်းဖြစ်ပါသည်-

အဆင့် (၁) www.president-office.gov.mm ကို ဖွင့်လိုက်ပါ။

(မိုဘိုင်းဖုန်းဖြင့် ဖြစ်စေ၊ အခြားကွန်ပျူတာဖြင့် ဖြစ်စေ ဖွင့်လှစ်ရန်)

အဆင့် (၂) နိုင်ငံတော်သမ္မတထံပေးစာ (စာအိတ်ပုံအမှတ်အသား) ကို နှိပ်လိုက်ပါ။

အဆင့် (၃) ပေးစာကဏ္ဍအတွက် ဖြည့်သွင်းရမည့် အချက်အလက်များ ဖြည့်သွင်းရန် Box ပေါ်လာပါမည်။

အမည်၊ အီးမေးလ်လိပ်စာ၊ တိုင်းဒေသကြီး/ပြည်နယ်၊ စာအမျိုးအစား၊ မှတ်ပုံတင်အမှတ်၊ လိပ်စာ၊ ဖုန်းနံပတ်၊ ခေါင်းစဉ်၊ အကြောင်းအရာ၊ စာတွဲ (တွဲရန်ရှိလျှင်) စသည့် အချက်အလက်များ ပြည့်စုံစွာ ဖြည့်စွက်ပါ။

(ဖုန်းနံပါတ် နေရာတွင် သင့်ဖုန်းထံသို့ SMS ပေးပို့မည်ဖြစ်ပါသဖြင့် သင် လက်ရှိအသုံးပြုနေသည့် မိုဘိုင်းဖုန်းကိုသာ ဖြည့်စွက်ရန်နှင့် MPT နှင့် Ooredoo တို့အသုံးပြုပါက ၀၉ မှစဖြည့်ရန်နှင့် Telonor အသုံးပြုပါက ၉ မှ စဖြည့်ရန်။)

အချက်အလက်များ ပြည့်စုံစွာ ထည့်သွင်းမှ နောက်တစ်ဆင့် ဆက်သွားနိုင်မည်။ အထူးသဖြင့် မိုဘိုင်းဖုန်းနံပတ် မှန်ကန်စွာ ဖြည့်သွင်းရန် လိုအပ်ပါသည်။

ယင်းနေရာတွင် ဖြည့်သွင်းသော မိုဘိုင်းဖုန်းသို့ SMS Code ပေးပို့မည် ဖြစ်သောကြောင့် ဖြစ်ပါသည်။ နောက်တစ်ဆင့်တွင် အဆိုပါ ပေးပို့လာသော Code နံပါတ် ဖြည့်သွင်းရမည် ဖြစ်ပါသည်။

အဆင့် (၄) သင့်မိုဘိုင်းဖုန်းသို့ Verification Code နံပါတ်ပါသော SMS ၀င်လာမည်။

(မိုဘိုင်းဖုန်းနံပတ် မှားယွင်း ဖြည့်သွင်းထားပါက ပေးပို့သော SMS Code ရရှိ်မည် မဟုတ်ပါ)

အဆင့် (၅) သင့်မိုဘိုင်းဖုန်းတွင် ဝင်ရောက်လာသော ကုဒ်နံပါတ် ကို ဖြည့်စွက်၍ ပြန်လည်ပေးပို့ပါ။

အဆင့် (၆) လုပ်ဆောင်ချက်များ အားလုံး မှန်ကန်ပါက တင်ပြစာ ပေးပို့မှု အဆင့်များ ပြီးစီးသွားပါပြီ။ နိုင်ငံတော်သမ္မတရုံးက ဆက်လက်၍ ဆောင်ရွက်ပေးမည် ဖြစ်ပါသည်။

ပြည်သူလူထု၏ တင်ပြချက်များကို အလေးထား၍ ဖြေရှင်းဆောင်ရွက်ပေးရန် နိုင်ငံတော်သမ္မတရုံး ဝက်ဘ်ဆိုက်သို့ ဆက်သွယ်နိုင်ပါပြီ။

September 28, 2016
ပဲရစ်တွင် ၀တ်လစ်စလစ် သွားလာနိုင်မည့်နေရာ ဖန်တီးမည်

စက်တင်ဘာ ၂၈၊ ၂၀၁၆
M-Media

– မွတ်စလင်အမျိးသမီးတွေရဲ့ ခန္ဓာကိုယ်လုံခြုံတဲ့ ရေကူးဝတ်စုံ Burkinis ၀တ်ဆင်မှုကို မြို့တွေတော်တော်များများမှာ ပိတ်ပင်ခဲ့တာကြောင့် ပြင်သစ်ဟာ နိုင်ငံတကာက ဝေဖန်ရှုတ်ချမှုတွေကို ပြီးခဲ့တဲ့လတွေမှာ တော်တော်လေး ခံခဲ့ရပါတယ်။

လုံလုံခြုံခြုံဝတ်စားပြီး သွားတာလာတာကို ပိတ်ပင်တယ်ဆိုရင် ၀တ်လစ်စလစ် သွားရမှာလား။ ဟုတ်ပါတယ်။ မကြာခင် ၀တ်လစ်စလစ်သွားတာဟာ ပြင်သစ်ရဲ့ မြို့တော်ကြီးဖြစ်တဲ့ ပဲရစ်မှာ ဘာပြဿနာမှ ရှိတော့မှာ မဟုတ်ပါဘူး။

ဘာ့ကြောင့်လည်းဆိုတော့ ပြင်သစ်က ၀တ်လစ်စလစ်သာသွားရမယ့် နေရာတစ်ခုကို သတ်မှတ်ဖန်တီးပေးဖို့ ရှိနေလို့ပါပဲ။ မြို့တော်ပဲရစ်မှာ နောက်နှစ် နွေရာသီ အစောဆုံးထားပြီး ၀တ်လစ်စလစ်လည်ပတ်ရမယ့် ပန်းခြုံလို နေရာကို သတ်မှတ်မှာဖြစ်ပြီး လက်ရှိ ကနဦးစမ်းသပ်မှုအတွက် မြို့တော်ကောင်စီက ခွင့်ပြုချက်ပေးလိုက်ပြီဖြစ်ပါတယ်။

ကောင်စီဝင်တစ်ဦးဖြစ်သူ ဒေဗစ် ဘီလီယာ့ဒ်ကတော့ ပြင်သစ်နိုင်ငံမှာ မိမွေးဖမွေးအတိုင်း နေချင်သူ (nudist) ၂ သန်းလောက်ရှိပြီး ခရီးသွားလာမှုများတဲ့ ပွင့်လင်းရာသီမှာ ၂ ဆလောက် မြင့်တက်လာတယ်လို့ ဆိုပါတယ်။

“သူတို့အတွက် ပဲရစ်ဟာ ကမ္ဘာ့ထိပ်တန်း လည်ပတ်ရာနေရာဖြစ်ပေ့မယ်၊ ၀တ်လစ်စလစ် သွားဖို့နေရာတော့ မရှိပါဘူး။ ဒီ nudist တွေ အ၀တ်တွေချွတ်ပြီး လွတ်လွတ်လပ်လပ် သွားလာလို့ရမယ့် အပန်းဖြေနေရာလေးတစ်ခုကို ကျွန်တော်တို့ ဖန်တီးပေးဖို့ ကြိုးစားနေပါတယ်” လို့ ဒေးဗစ်က ပြောကြားခဲ့ပါတယ်။

ပဲရစ်ရဲ့ ဒုတိယမြို့တော်န် ဘရူနို ဂျူးလီယာ့ဒ်ကလည်း သူနဲ့ မြို့တော်ဝန် အန်နီ ဟီဒါလ်ဂိုတို့ဟာ ဒီနေရာကို မြို့စွန်မှာထားမယ်ဆိုရင် လက်မခံစရာမရှိဘဲ၊ ရေကန်တစ်ကန်နားမှာ၊ ဒါမှမဟုတ် ပြည်သူလူထုကို စိတ်အနှောက်အယှက် မဖြစ်နိုင်တဲ့ သတ်မှတ်ဧရိယာမျိုး ဖြစ်ရမယ်လို့လည်း ဆိုပါတယ်။

Ref: foreingnpolicy

September 28, 2016
အစ္စရေးဝန်ကြီးချုပ်ဟောင်း ရှီမွန်ပဲရီစ် ကွယ်လွန်

စက်တင်ဘာ ၂၈၊ ၂၀၁၆
M-Media

– ပြီးခဲ့သည့် ၂ ပတ်က လေဖြတ်သွားခဲ့သည့် အစ္စရေး ၀န်ကြီးချုပ်ဟောင်း ရှိမွန်ပဲရီးစ်မှာ ယမန်နေ့တွင် ကွယ်လွန်သွားခဲ့ပြီဟု သိရသည်။

အသက် ၉၃ နှစ်အရွယ်ရှိ ပဲရီစ်မှာ ၀န်ကြီးချုပ်အဖြစ် ၂ ကြိမ်တိုင်တိုင် တာဝန်ထမ်းဆောင်ခဲ့ပြီး နောက်ပိုင်းတွင် နိုင်ငံ၏ ၉ယောက်မြောက်သမ္မတ ဖြစ်လာခဲ့သည်။ လေဖြတ်ပြီးနောက်ပိုင်း တလ်အဗီးရှိ ဆေးရုံတစ်ခုတွင် အသက်ရှုကိရိယာဖြင့် အသက်ဆက်နေရပြီးနောက် အခြေအနေမှာ အလွန်အမင်းဆိုးရွားလာကာ ကွယ်လွန်သွားခဲ့ခြင်းဖြစ်သည်။

အစ္စရေး၏ ပေါ်လစီရေးရာများ ချမှတ်ရာတွင် အဓိကအခန်းကဏ္ဍမှ ပါဝင်ခဲ့သူ ပဲရီစ်၏ ဆောင်ရွက်မှုများတွင် ထင်ရှားသည့် အောင်မြင်မှုမှာ ပါလက်စတိုင်း-အစ္စရေး ပြဿနာအတွက် အော်စလိုတွင် ချုပ်ဆိုခဲ့သည့် သဘောတူညီချက်ဖြစ်ပြီး ထိုစဉ်က အစ္စရေးဝန်ကြီးချုပ် ယစ်ဇက်ခ် ရာဘင်၊ ပါလက်စတိုင်းခေါင်းဆောင် ရာဇာအာရာဖတ်တို့နှင့်အတူ နိုဘယ် ငြိမ်းချမ်းရေးဆုကို ပူးတွဲ ရရှိခဲ့သည်။

၎င်း၏ သေဆုံးမှုကို သားဖြစ်သူ ချီမီက ယနေ့မနက်ပိုင်းတွင် ဆေးရုံ၌ သတင်းစာရှင်းလင်းပွဲပြုလုပ်ကာ အတည်ပြုခဲ့ခြင်းဖြစ်သည်။

အစ္စရေးမီဒီယာများ၏ ဖော်ပြချက်အရ ပဲရီစ်၏ ရုပ်အလောင်းကို ပါလီမန်တွင် ထားရှိမည်ဖြစ်ပြီး သောကြာနေ့တွင် ဈာပနာအခမ်းအနား ပြုလုပ်သွားမည်ဟု ဖော်ပြခဲ့ကြသည်။

Ref: The Guardian

September 28, 2016
ရခိုင်မှ ဗလီများ ဖျက်သိမ်းမည့် အစီအစဉ် ရပ်တန့်ဖို့ ကမ္ဘာလုံးဆိုင်ရာ ခရစ်ယာန် သွေးစည်း ညီညွတ်ရေးအဖွဲ့ တောင်းဆို

စက်တင်ဘာ ၂၈ ၊ ၂၀၁၆

ရခိုင်ပြည်နယ်မှ ဗလီတလုံး

စက်တင်ဘာ ၂၇ရက်နေ့စွဲဖြင့် ထုတ်ပြန်သော ကမ္ဘာလုံးဆိုင်ရာ ခရစ်ယာန်သွေးစည်းညီညွတ်ရေးအဖွဲ့ (CSW) ၏ ကြေ ညာချက်တွင် တရားမ၀င် ဆောက်လုပ်ထားသည်ဟု စွပ်စွဲခံထားရသည့် ရိုဟင်ဂျာလူမျိုးများ ၀တ်ပြုနေသော ဘာသာရေး ဆိုင်ရာ အဆောက်အအုံပေါင်းအပါအဝင် အဆောက်အအုံ သုံးထောင်ခန့်အား ဖျက်သိမ်းမည့် အစီစဉ်များကို ရပ်တန့်ရန် တိုက်တွန်းခဲ့ပါသည်။ ယင်း အစီစဉ်တွင် မွတ်စလင်အများစု နေထိုင်ရာ မောင်းတောနှင့် ဘူးသီးတောင်ခရိုင်များမှ ဗလီ ၁၂ လုံးနှင့် ဘာသာရေး စာသင်ကျောင်း ၃၅ ခု တို့လည်း အပါဝင်ဖြစ်သည်။

ယင်း ဖျက်သိမ်းမည့် အမိန့်ကို ရခိုင်ပြည်နယ် နယ်စပ်ရေးရာနှင့် လုံခြုံရေးဝန်ကြီး ဖြစ်သော ဗိုလ်မှူးကြီး ထိန်လင်းမှ စက်တင်ဘာလ ၁၈ ရက်နေ့တွင် ကြေညာခဲ့ခြင်းဖြစ်ပြီး မောင်းတော ခရိုင်အုပ်ချုပ်ရေးမှူး ဦးရဲထွဋ်မှ ထပ်မံအတည်ပြု ပြော ကြားခဲ့ပါသည်။ သို့သော် မြန်မာတိုင်းမှ သတင်းပေးပို့ရာ၌ စက်တင်ဘာ ၂၄ ရက်နေ့က ကျင်းပပြုလုပ်သည့် သတင်းစာ ရှင်းလင်းပွဲတွင်မူ ဗိုလ်မှူးကြီးထိန်လင်းက ရခိုင်ပြည်နယ်တွင် ပထမဦးဆုံးအကြိမ် အနေဖြင့် မောင်းတောတွင်ရှိနေသည့် ဘာသာရေး အဆောက်အုံများကိုသာ တရားဝင်ဆောက်ထားခြင်း ဟုတ်/မဟုတ်ကိုသာ စုံစမ်းစစ်ဆေးမှု့ ပြုလုပ်ရန်သာ အစီစဉ်ရှိပြီး ဖြိုချဖျက်ဆီးမှု့ကိုတော့ မစတင်ရသေးကြောင်း ပြန်လည် ဖြေရှင်းခဲ့ပါသည်။

ပြည်တွင်းပြည်ပရှိ ရိုဟင်ဂျာ မွတ်စလင်အုပ်စုများ၏ စက်တင်ဘာလ ၂၃ရက်နေ့က ထုတ်ပြန်သော ပူးတွဲကြေညာချက် တစ် စောင်တွင် အဆိုပါအစီစဉ်မှာ ” ရိုဟင်ဂျာအသိုင်းအ၀ိုင်း တစ်ခုလုံးအတွက် အံ့သြတုန်လှုပ်စရာ ဖြစ်ခဲ့ရသည်” ဟု ဖေါ်ပြ ထားပြီး ယင်းသို့ ဘာသာရေး အဆောက်အုံများအား ဖြိုချဖျက်ဆီးပစ်မည့် အစီစဉ်မှာ အကာကွယ်မဲ့နေသော ရိုဟင်ဂျာ လူမျိုးများကို အမြစ်ပြတ်ချေမှုန်းရန် နှင့် လူမျိုးတုန်းသန့်စင်ရန်အတွက်သာ စနစ်တကျရေးဆွဲထားသော သူတို့ (ရခိုင်အစိုး ရ၏) ရေရှည်စီမံကိန်းများထဲမှ တစ်ခုသာဖြစ်သည်ဟု ထပ်မံဖေါ်ပြထားပါသည်။

ဘာသာရေးဆိုင်ရာ ၀တ္တိက သာသနနယ်မြေရှိ အဆောက်အအုံများကို အကာကွယ်ပေးရန်နှင့် ဘာသာရေးလွတ်လပ်ခွင့် နှင့် လွတ်လပ်စွာယုံကြည်မှု့ကို မြှင်တင်ရန် အတွက် ဘာသာရေးအဆောက်အအုံများကို ဖြိုချဖျက်ဆီးပစ်မည့် အစီစဉ်များ ကို ရပ်တန့်ရန် အဆိုပါကြေညာချက်က တိုက်တွန်းထားသည်။ ဒေသတွင်း ပြောင်းရွေ့နေရာချခံထားရသော သူများ၏ နေအိမ်များကို နဂိုအတိုင်း ပြန်လည်နေရာချထားပေးရန်၊ သူတို့၏ သိမ်းဆည်းခံလိုက်ရသော ဥစ္စာပစ္စည်းများကို မူလပိုင် ရှင်ထံသို့ လက်ရောက်ပြန်လည်ပေးအပ်ရန်နှင့် အကူညီပေး၍မရအောင် ကန့်သတ်ပိတ်ပင်ထားမှု့များအား ဖယ်ရှားပစ်ခြင်း ဖြင့် ရခိုင်ပြည်နယ်ရှိ ရိုဟင်ဂျာမွတ်စလင် အသိုင်းဝိုင်း၏ အခြေခံရပိုင်ခွင့် အခွင့်ရေးများကို ပြန်လည်ပေးအပ်ရန် အခြားကျန်ရှိသည့် ကြေညာချက်တွင် အခုလိုဖေါ်ပြထားပါသည်။

မြန်မာပြည်မှ ရိုဟင်ဂျာများမှာ ၂၀၁၅-ခုနှစ်က ကျင်းပသည့် မြန်မာနိုင်ငံရွေးကောက်ပွဲတွင် သူတို့၏ မဲပေးသည့် အခွင့် ရေးများကို ဆုံးရှုံးခဲ့ရပြီး မကြာသေးခင်ကမှ ကောက်ယူခဲ့သော ပြည်လုံးကျွတ်သန်းခေါင်စာရင်းတွင်လည်း ချန်လှပ် ထားခြင်းကို ခံခဲ့ရသည့်အပြင်၊ နိုင်ငံသား ဖြစ်ခွင့်ကိုလည်း ဆက်လက် ငြင်းဆန်ခံရနေဆဲဖြစ်သည်။ မေလ ၂၀၁၆ ခုနှစ်တွင် ကုလသမဂ္ဂ လူ့အခွင့်ရေးကောင်စီသို့ ပေးပို့ခဲ့သော ကြေညာချက်၌ CSW က မြန်မာအစိုးရအား ၁၉၈၂ မြန်မာနိုင်ငံသား ဥပဒေကို ပြင်ဆင်ဖို့နှင့် ဘာသာရေးလွတ်လပ်ခွင့်နှင့် လွတ်လပ်စွာ ယုံကြည်မှု့ကို အားလုံးတို့အား အာမခံ ချက်ပေးဖို့ ဖေါ်ပြထားသည်။

မကြာသေးခင်နှစ်များအတွင်း ရိုဟင်ဂျာတို့အပေါ်တွင် လူ့အခွင့်ရေးဆိုင်ရာ ချိုးဖေါက်မှု့များ၊ အလွဲသုံးစားလုပ်မှု့များ၊ ဖိနှိပ် ချုပ်ချယ်မှု့များ၊ ခွဲခြားဆက်ဆံမှု့များနှင့် အကြမ်းဖက်မှု့များမှာ သိသိသာသာ တိုးမြှင့်လုပ်ဆောင်လာခဲ့ကြသည်။ ခန့်မှန်း ခြေ လူပေါင်း တစ်သိန်းခွဲခန့်မျှ ပြောင်းရွေ့နေရာချထားခြင်းကို ခံခဲ့ရပြီး ကမ္ဘာပေါ်တွင် အဆိုးဝါးဆုံး အခြေနေတစ်ချို့ ရှိနေ သည်ဟု ကုလသမ္မဂ္ဂအရာရှိငယ်တစ်ချို့က ပြောကြားထားသည့် ယာယီစခန်းအတွင်းမှာသာ သူတို့ နေကြရလေသည်။ ရိုဟင်ဂျာ လူဦးရေ၏ ဆယ်ရာခိုင်နှုန်းကျော်မျှရှိသော၊ လူပေါင်း တစ်သိန်းကျော်ခန့်မှာလည်း ဖိနှိပ်ချုပ်ခြယ်မှု့များနှင့် ရင် ဆိုင်ခံခဲ့ရခြင်းကြောင့် တိုင်းပြည်တွင်းမှ စွန့်ခွာထွက်ပြေးခဲ့ရပြီး သူတို့အနက်မှ ထောင်ပေါင်းများစွာမှာ လှေဖြင့် ထွက်ပြေး သွားစဉ်ကာလအတွင်း ပင်လယ်ထဲတွင် နစ်မြုပ်ခဲ့ကြရသည်။

” ရခိုင်ပြည်နယ်တွင်းက ဗလီတွေနဲ့ ဘာသာရေးစာသင်ကျောင်းတွေကို ဖျက်ဆီးပစ်မဲ့အကြံစည်တွေကို ကျွန်တော်တို့ အတော်လေးကို စိုးရိမ်ပူပန်မိပြီး မြန်မာအစိုးရကို ဒီလုပ်ရပ်တွေကနေ ရပ်တန်းကရပ်ပစ်ဖို့ ကျွန်တော်တို့ တိုက်တွန်းပြော ကြားလိုပါတယ်။ ယင်းအဆောက်အအုံတွေကို ဖြိုချဖျက်ဆီးလိုက်ခြင်းက တိုင်းပြည်အတွင်းမှာ နောက်ထပ် ဆူပူအုံကြွမှု့ တွေကိုသာ ဆွပေးရာရောက်စေပြီး ဆိုးဆိုးဝါးဝါး ပထုတ်ဖယ်ကြဉ်ခံထားရလို့ လူမဆန်အောင် နှိပ်ကွပ်ခံထားရတဲ့ လူတစ် စုကို လူမျိုးတုန်းသုတ်သင်ဖို့အတွက် လောင်စာပစ်ထည့်လိုက်ခြင်းသာ ဖြစ်ပါလိမ့်မယ်။ ကျွန်ုပ်တို့က ဘာသာရေးလွတ်လပ် ခွင့်(ဒါမှမဟုတ်) အားလုံးနှင့်ဆိုင်တဲ့ ဘာသာရေးဆိုင်ရာယုံကြည်ချက်ကို မြှင့်တင်ပေးရန်နဲ့ အကာကွယ်ပေးရန်အတွက် မြန်မာအစိုးရကို တိုက်တွန်းလိုပါတယ်။ ဒါ့ပြင် ရခိုင်ပြည်နယ်အပါအ၀င် ကချင်ပြည်နယ်နဲ့ ရှမ်းပြည်နယ်မြောက်ပိုင်းက ဒေသအချို့တို့မှာ လူသားချင်းစာနာတဲ့ အကူညီတွေ ပေးအပ်နေမှု့တို့ကို တားဆီးနေတာတွေကို ဖယ်ရှားပစ်ဖို့နဲ့ ပဋိပက္ခ ကြောင့် ပြောင်းရွေ့လာရတဲ့ အိုးမဲ့အိမ်မဲ့နေသူတွေကို သူတို့ အမှန်တကယ်အရေးတကြီး လိုအပ်နေတဲ့ လူသား ချင်း စာနာထောက်ထားတဲ့ အကူညီတွေကို လက်ခံလာနိုင်တဲ့အထိ စိတ်ချယုံကြည်မှု့ရှိအောင်လို့ ကျွန်ုပ်တို့က အစိုးရကို တိုက် တွန်းအပ်ပါတယ်။ ” ဟု CSW ၏ အလုပ်အမှု့ဆောင်ချုပ်အဖွဲ့ အကြီးအကဲဖြစ်သူ မာဗင် သောမတ်စ် (Mervyn Thomas ) က ပြောကြားခဲ့ပါသည်။

Mizzima English News တွင် ပါရှိသည့် Christian organisation calls for halt to plans to demolish mosques ကိုဆီလျော်အောင် ဘာသာပြန်ဆိုထားပါသည်။

ရဲသူရိန်

September 28, 2016
အခြေခံ ကျန်းမာရေး စင်တာများ ဆောက်လုပ်မှု အော်ရီဒူးက ငွေကြေးထောက်ပံ့မည်

စက်တင်ဘာ ၂၈၊ ၂၀၁၆
M-Media

– မြန်မာနိုင်ငံတစ်ဝှမ်းတွင် အခြေခံ ကျန်မာရေး စောင့်ရှောက်မှုစင်တာ ၁၄ ခုမှ ၁၈ ခုအထိ တည်ဆောက် ဖွင့်လှစ်နိုင်ရန်အတွက် မိုဘိုင်းဖုန်း အော်ပရေတာတစ်ခုဖြစ်သော Ooredoo Myanmar က ငွေကြေး ထောက်ပံ့ပေးသွားမည်ဟု သိရသည်။

UNOPS ၏ ကြီးကြပ်မှုဖြင့် ဆောက်လုပ်သွားမည့် အဆိုပါ စင်တာများမှာ ကိုယ်ဝန်ဆောင်မိခင်များ စောင့်ရှောက်ရေး၊ မွေးကင်းစနှင့် ကလေးများအတွက် ကျန်းမာရေးစောင့်ကြည်မှုတို့ကို အဓိကထားကာ လူ့အဖွဲ့အစည်းအတွက် မရှိမဖြစ်လိုအပ်သည့် ကျန်းမာရေး စောင့်ရှောက်မှုများကို ပေးအပ်သွားမည်ဟုဆိုသည်။

ထို့ပြင် တီဘီရောဂါနှင့် ငှက်ဖျားတို့ကဲ့သို့ ကူးစက်ရောဂါများအား တိုက်ဖျက်ရေးတွင်လည်း ထိုစင်တာများက ကူညီသွားမည်ဖြစ်သည်။

အော်ရီဒူးမှာ UNOPS ၏ ဖွံ့ဖြိုးရေးစီမံကိန်းအောက်၌ ဆောက်လုပ်ပြီးစီးခဲ့သည့် အဆောက်အဦးများတွင်လည်း မြန်နှုန်းမြင့် အင်တာနက်ဝန်ဆောင်မှုကို တပ်ဆင်ပေးသွားရန် ရှိနေပြီး ကျန်မာရေးဝန်ထန်များအနေဖြင့် လူနာများအား အကောင်းဆုံး ၀န်ဆောင်မှုများ ပေးနိုင်ရေးအတွက် အကူအညီဖြစ်စေမည် ဖြစ်သည်။

“မရှိမဖြစ် လိုအပ်နေတဲ့ အဆောက်အဦးတွေကို ဒီလို ဆောက်လုပ်ပေးတဲ့ ကျွန်တော်တို့ရဲ့ ထောက်ပံ့ကူညီမှုကနေတစ်ဆင့် မြန်မာပြည်သူတွေ အထူးသဖြင့် ချို့တဲ့နေသူတွေဟာ အရည်အသွင်းကောင်းမွန်တဲ့ ကျန်းမာရေး စောင့်ရှောက်မှုကို ခံစားရပါလိမ့်မယ်” ဟု Ooredoo Myanmar ၏ စီအီးအိုဖြစ်သူ မစ္စတာ ရီနီ မီဇာက ပြောကြားခဲ့သည်။

UNOPS Myanmar ၏ ယာယီညွှန်ကြားရေးမှူးဖြစ်သူ မစ္စတာ နီကိုလက်စ် ဂျော့ဂ်ျကလည်း မြန်မာနိုင်ငံအတွင်း ကျန်းမာရေးစောင့်ရှောက်မှု တိုးတက်စေရန် အော်ရီဒူး၏ နှစ်မြှုပ်ဆောင်ရွက်မှုများအတွက် ကျေးဇူးတင်ကြောင်း ပြောကြားခဲ့သည်။

“အရည်အသွေးမြင့်မားတဲ့ ကျန်းမာရေးစောင့်ရှောက်မှုကို ရရှိအောင် ဆောင်ရွက်ပေးခြင်းအားဖြင့် နိုင်ငံတစ်ဝှမ်းက အဆင်းရဲဆုံး၊ အချို့တဲ့ဆုံး ပြည်သူတွေထဲက တစ်ချို့ရဲ့ ဘ၀တွေကို ထူးခြားအောင် ဆောင်ရွက်နိုင်ပါလိမ့်မယ်”

Ref: unops.org

September 28, 2016